Alþýðublaðið - 01.12.1987, Blaðsíða 2

2
Þriðjudagur 1. desember 1987
MÞYÐUBIM9
Útgefandi:
Framkvæmdastjóri
Ritstjóri:
Ritstjórnarfulltrúi:
Umsjónarmaður
helgarblaðs:
Blaðamenn:
Dreifingarstjóri:
Setning og umbrot:
Prentun:
Blað hf.
Valdimar Jóhannesson
Ingólfur Margeirsson
Jón Daníelsson
Þorlákur Helgason
Haukur Hólm, Ingibjörg Árnadóttir, Kristján
Þorvaldsson og Sigríður Þrúóur Stefánsdóttir.
Þórdís Þórisdóttir
Filmur og prent, Ármúla 38.
Blaðaprent hf., Síðumúla 12.
Áskriftarsíminn er 681866.
Áskriftargjald 600 kr. á mánuði. í lausasölu 50 kr. eintakið virkadaga, 60
kr. um helgar.
FRUMVARP
STÖÐNUNAR
Vi ðbrögð Sjálfstæðisflokksins og Framsóknarflokks við
þeim athugasemdum sem þingflokkur Alþýðuflokksins
hefur gert við drög sjávarútvegsráðherra að frumvarpi um
stjórnun fiskveiða, eru harla undarleg. Sjálfstæðisflokk-
urinn hefur haft mjög óljósar hugmyndir um nýjafiskveiði-
stefnu og reyndar ekki undirstrikað nein atriði til breyt-
inga nema styttingu gildistíma. Framsóknarflokkurinn
hefur aftur á móti skýrar hugmyndir hvað varðar nýja fisk-
veiðistefnu, nefnilega að hin nýja fiskveiðistefna verði ná-
kvæmlegaeins og sú gamlaeða með öðrum orðum engar
breytingar.
r
I stjórnarsáttmála ríkjandi ríkisstjórnar er fjallað sérstak-
legaum skipun stjórnarnefndarsem endurskoði fiskveiði-
stefnuna. Sú nefnd var seint skipuð og hefur ekki lagt
fram neinar afgerandi breytingar. Á sama tíma hefur sjáv-
arútvegsráðherra dengt fram drögum að frumvarpi um
stjórnun fiskveiða sem er í meginatriðum það sama og
gamla frumvarpið. Við slík vinnubrögð Framsóknar og
sjávarútvegsráðherra getur Alþýðuflokkurinn ekki sætt
sig. Alþýðuflokkurinn vill gera grundvallarbreytingar á
frumvarpinu áður en það verður lagt fram sem stjórnar-
frumvarp á Alþingi.
Hvers vegna vill Alþýðuflokkurinn gera grundvallarbreyt-
ingar á frumvarpinu? Það er vegna þess að jafnaðarmenn
geta ekki sætt sig við lénsskipulag auðlindanna, þar sem
hafinu kringum ísland og þeim fengsælu veiðisvæðum
sem þar liggja, sé skipt með reglustikuákvörðun embætt-
ismanna og pólitikusa. Auðlindir hafsins tilheyra öllum
landsmönnum. Kvótakerfið var upphaflegasett átil vernd-
ar fiskistofna. í dag hefur kvótakerfið fengið allt annað
hlutverk. Það skiptir byggöalögum í forréttindasvæði og
ölmususvæði, skipstjórum í kvótakonunga og kvótakot-
unga, í kvótaflaggskip og kvótadalla. Alþýðuflokkurinn
lýsti því yfir í kosningabaráttunni að hann berðist fyrir
breyttri fiskveiðistefnu. Eitt aðaláhersluatriðið í nýrri
stefnu væri að skera milli kvóta og skips. Alþýðuflokkur-
inn villdragaúrog upprætaþáfirringu sem tekin eraðein-
kenna fiskveiðistefnu íslendinga.
Það er því ótrúlegt, að þegar þingflokkur Alþýðuflokks-
ins áskilur sér rétt til að yfirfara frumvarpsdrög sjávarút-
vegsráðherra og móta tillögur til breytinga á frumvarpi
hans, að viðbrögð Framsóknarflokksins skuli vera þau, að
nánast hóta stjórnarslitum. Framsókn þótti hins vegar
sjálfsagt að finna frumvarpi Jóhönnu Sigurðardóttur fé-
lagsmálaráðherra um húsnæðismálin allt til foráttu og
tefur það enn með vondum orðum og þungum. Það er
sjálfsagt mál. En ef þingmenn Alþýðuflokksins segjast
ekki geta sætt sig við að fiskveiðistefnan eigi enn einu
sinni aó byggjast á viðmiðun frá árunum 1981 til 1983, og
vilja breytingar í takt við nýja tíma, þá verður allt vitlaust
í þingflokki Framsóknarog Halldór Ásgrímsson sjávarút-
vegsráðherra ver stöðnunarfrumvarp sitt með óbeinni
hótun um stjórnarslit. Þessi framkomaerfyrirneðan allan
hellur en er þó upplýsandi fyrir þann yfirgang sem sjávar-
útvegsráðherra sýnir samstarfsflokki sínum og reyndar
sjómönnum og hagsmunaaðilum í sjávarútvegi um land
allt. Slík drambsemi og þumbaragangur gengur ekki í
stjórnarsamstarfi; hvorki í smáum málum eðastórum eins
og þessu þegar þjóðarhagsmunir eru í húfi.
ÖNNUR SJÓNARMIÐ
Uppkast Hauks Clausen aö „Statesman‘s“myndinni af Steingrimi.
HAUKUR Clausen tann-
læknir hefur vakiö athygli
sem listmálari góður i frí-
stundum. Hann hefur nú
opnað málverkasýningu, sína
aðra í röðinni og er hún í
vestursal Kjarvalsstaða.
Haukur hefur fengist mest
við landslagsmyndir en hefur
málað sína fyrstu portrett-
mynd sem er af Steingrími
Hermannssyni utanríkisráð-
herra. Andlitsmyndin er þó
aðeins undirbúningvinna, því
Haukur ætlar að eigin sögn
að mála virkilega „state-
man‘s“ mynd af Steingrími.
Það er að sjálfsögðu mál-
gagn utanríkisráðherra sem
flutti þessa frétt. Blaðið tók
viðtal við málarann af þessu
tilefni. Við skulum sjá hvað
Haukur hefur að segja um
„statesman“myndina af
Steingrími:
„Já, hér er aðeins eitt
portrett — fyrsta portrettið
sem ég geri og það er af
utanríkisráðherra. Við Stein-
grímur erum góðir kunningj-
ar, höfum þekkst frá þvi við
vorum sex ára og vorum
bekkjarbræður og það varð
að samkomulagi að ég mál-
aði af honum mynd. Portrett-
ið hér er þó bara undirbún-
ingsvinna — ég mun mála af
honum stóra mynd, virkilega
„statemans“ mynd, eins og
vera ber, og hún er sem sagt
í undirbúningi.“
Fylgist með „statesman“
myndinni — lesið Tímann á
næstunni.
ARTHUR Bogason, for-
maður Landssambands smá-
bátaeigenda, hefur náð
athygli fjölmiðla aö undan-
förnu ekki síst vegna þess að
hann hefur staðið uppi í hár-
inu á sjávarútvegsráðherra og
haft betur að flestra dómi.
Dagblaðið/Vísir hafði viðtal
við Arthur um helgina og þar
segir Arthur skoðun sína á
Halldóri Ásgrímssyni um-
búðalaust. Ekki er ófróðlegt
að lesa þau ummæli. Arthur
segir:
„Það hefur hins vegar vald-
ið mér miklum vonbrigðum
að núna eftir að þessar hug-
myndir komu frá ráðuneytinu
og óánægja braust út meðal
smábátaeigenda hefur Hall-
dór farið út i að gefa mér pill-
ur persónulega sem ég sé
ekki á nokkurn hátt hvaða til-
gangi eiga að þjóna.
Þetta hefur valdið mér von-
brigðum vegna þess að eg
hef algerlega látið Halldór í
friði og hef ekki hugsað mér
að svara í sömu mynt. Það er
óhætt aö leita aö því með
logandi Ijósi að hvergi finnst
það að ég hafi ráðist á hann
persónulega. Það þjónar
heldur engum tilgangi og er
aöeins merki um að menn
hafi lélegan málstað að verja.
Allir vita að Halldór er ráö-
ríkur maður og að því leyti er
hann svolitið líkur mér. En ég
held að slík ráðsmennska,
eins og hann sýnir á köflum,
geti frekar verið til ills en
góðs. En ég ætla ekki fara að
kasta steinum að Halldóri
vegna þess að það þjónar
engum tilgangi.“
Sumir segja reyndar að
Halldór sé þrjóskur og jafn-
þrjóska menn sé helst að
finna í samtökum smábáta-
eigenda. Arthur vill ekki
kannast við að hann sé í for-
svari helstu þrákálfanna í
landinu.
„Eigum við ekki heldur að
orða það svo að þarna séu
samankomnir bestu sjó-
mennirnir," segir hann, „Ég
veit ekki betur en að þetta
þjóðfélag lifi á því sem úr
sjónum kemur. Það er alls
konar brambolt í kringum nýj-
ungar í atvinnu en það er
samt svo að hlutur sjávarút-
vegs eykst i þjóðarframleiðsl-
unni. Eg hef margbent á það
og stend við þaö að smábát-
arnir eru verkmenntaskólinn
fyrir sjómannastéttina. Ef við
höldum þessum útvegi frjáls-
um og óháðum annarlegum
takmörkunum eigum við í
framtíðinni nóg af góðum
sjómönnum.“
Vonandi hefur Halldór les-
ið þessi orð.
GUÐMUNDURÁgústs
son alþingismaður og
Borgaraflokksmaður setur þá
skoðun fram í Dagblaðinu/
Vísi í gær, að DV hafi ruglað
dómgreind almennings með
skrifum sínum. Þetta þarf
náttúrlega ekki að koma fólki
á óvart. En það sem þing-
maðurinn á nákvæmlega við,
eru skrif DV um kynferðis-
afbrot og dómsúrskurði um
þau mál. Gefum alþingis-
manninum orðið:
„Þegar verið er að gagn-
rýna dómara þykir mér ó-
maklega aö þeim vegiö, þá
sérstaklega af hálfu DV. DV
hefur ruglað dómgreind al-
mennings með skrifum sín-
um um þessi mál. Það er ver-
ið að ráðast á dómara en þeir
geta ekki borið hönd fyrir
höfuð sér. Dómarar eru að
dæma eftir lögum og eftir
þeirri réttarframkvæmd sem
verið hefur í þessum málum.
Blöðin gefa aðra mynd af
þessum málum en forsendur
dómanna segja,“ sagði Guð-
mundur Ágústsson alþingis-
maður.
Nýleg skoðanakönnun um
mat almennings á þyngd
refsingar í kynferðisafbrota-
málum, sem DV framkvæmdi,
sýndi ótvírætt að almenningi
í landinu þykir ekki nógu
hörð refsing fyrir kynferðis-
afbrot.
„Fólki fannst nýuppkveð-
inn dómur í kynferðisafbrota-
máli of vægur þegar maður
var dæmdur í átta mánaða
fangelsi og þar af sex skil-
orðsbundna. Þegar kannað er
af hverju dómarinn dæmir
ekki þyngri refsingu kemur
ýmislegt í Ijós. Meðal annars
kemur í Ijós að maðurinn á
sér ýmsar málsbætur. Sem
verður til þess að hluti af
dómnum er skilorðsbundinn.
Dómarinn veröur að taka mið
af því sem er sannað í mál-
inu. Oft á tíðum tekst ákæru-
valdinu ekki að sanna sökina.
Og það verður að líta á það
sem grundvallarreglu að
maður er saklaus þar til sekt
hans er sönnuð. Þetta er oft
ekki virt í huga almennings,"
sagði Guðmundur Ágústs-
son.
Þá er það spurningin hvort
DV hlustar á orð alþingis-
mannsins og breyti skrifum
sínum um þessi viðkvæmu
mál.
Arthur Bogason hefur ákveðnar
skoðanir á Halldóri Ásgrimssyni.
Guðmundur Ágústsson þingmað-
ur heldur því fram að DV rugli al-
menning.