Alþýðublaðið - 18.11.1989, Qupperneq 7

Laugardagur 18. nóv. 1989
7
i
ísland og Evrópa
anna tveggja, Hatton-Rockall
svæðið og endurvinnslustöðina í
Dounreay í Skotlandi.
31. október — Jón heldur í opin-
bera heimsókn til Ungverjalands
og á þar fundi með helstu stjórn-
málamönnum þarlendum, utan-
ríkisráðherranum Gyula Horn,
forsætisráðherranum Miklos Ne-
meth og forseta landsins, Szuröz
heitir sá. Einnig ræddi hann við
Tamás Beck viðskiptaráðherra
Ungverjalands og samningar eru
undirritaðar um samstarf á sviði
jarðvarmanýtingar í samvinnu ís-
lenskra og Ungverskra fyrirtækja.
Hin opinbera heimsókn stóð yfir í
fjóra daga.
7. nóvember — Frakklandsfor-
seti, Francois Mitterrand kemur í
vinnuheimsókn til íslands og ræð-
ir við utanríkisráðherra og forsæt-
isráðherra um samskipti EB og
EFTA. Tekur jákvætt í sérstöðu ís-
Fundur með Franz Andriessen, framkvæmdastjóra EB, einnig eru á
myndinni Hannes Hafstein sendiherra og Georg Reich, framkvæmda
stjóri EFTA.
lendinga og segist munu staðfesta
þann skilning sinn bréfleiðis.
15. nóvember. Utanríkisráð-
herra flytur skýrslu um könnunar-
viðræður EFTA og EB á þingi Evr-
ópuráðsins í Strassborg. Að auki
eru haldnir fundir með utanríkis-
ráðherrum Ungverjalands, Pól-
lands og Júgóslavíu. Ungverjaland
leggur fram umsókn um aðild að
Evrópuráðinu, Pólland boðar
sömuleiðis að þeir muni líka
leggja fram umsókn að gengnum
ákveðnum aðlögunartíma.
Framundan;
30. nóvember — Sameiginlegur
fundur utanríkisviðskiptaráð-
herra Norðurlandanna í Osló.
/7.-72. desember — Ráðherra-
fundur EFTA-ríkjanna í Genf þar
sem afstaða þeirra til samninga-
viðræðna við EB verður endan-
lega mótuð.
19. desember — Sameiginlegur
ráðherrafundur EFTA og EB í Par-
ís Brussel. Þar er búist við því að
gefin verði út sameiginleg ályktun
um að bandalögin ákveði að hefj-
ast handa strax í byrjun næsta árs
um svokallaðar undirbúningsvið-
ræður (exploratory talks), sem
ekki eru sama og samningavið-
ræður en eru undirbúningur að
samningaviðræðum sem væntan-
lega hefjast næsta vor.
Blaöamannafundur með Mitterrand Frakklandsforseta.
Könnunarviðræður EFTA og EB 1989
Síðustu mánuði hafa staðið yfir
könnunarviðræður milli EB og
EFTA. Þessar viðræður má að
nokkru leyti rekja til ræðu sem
Jacques Delore, framkvæmda-
stjóri EB, hélt á þingi EB í mars á
þessu ári, þar sem hann kvatti til
aukins samstarf við EFTA og
þessu samstarfi yrði fundinn form-
legur vettvangur. Tilgangur þess-
ara könnunarviðræðna er að at-
huga möguleika á því hvort hægt
er að ná samstöðu milli EFTA og
EB um sköpun svokallaðs Evróps
Efnahagssvæðis, sem fæli í sér hið
fjórþætta frelsi, á sviði fjármagns-
flutninga, þjónustu, vöruviðskipta
og vinnuafls. Það er að algert frelsi
ríki í flutningum milli landanna á
þessum sviðum. Á hinn bóginn
hefur ekkert verið í þessum könn-
unarviðræðum rætt um hin stærri
mál EB, t.d. landbúnaðarmál,
gjaldeyrismál o.fl.
EFTA ríkin komu saman síðar í
sama mánuði í Osló, að frum-
kvæði Gro Harlem Bruntland,
fyrrum forsætisráðherra Noregs.
Þá hefst sá ferill sem kallaður er
Osló-Brússel ferillinn en hann er
heiti yfir þessar könnunarviðræð-
ur sem ákveðið var að hæfust. í
apríl var sett á laggirnar sameigin-
leg stjórnarnefnd háttsettra emb-
ættismanna sem hefur enska heit-
ið High Level Steering Group
(HLSG) og á vettvangi hennar hafa
þessar viðræður farið fram. í
stuttu máli má segja að þær hafi
snúist um það sem kallað var á
ensku „fact finding", eða stað-
reyndaleit. Afstaða EFTA og EB
sem heilda var könnuð til ýmissa
mála, sem og afstaða einstakra
landa og þannig verið að afmarka
stöðu hvers lands og ríkjabanda-
laganna sem heilda.
Fimm undirnefndir HLSG hafa
síðan fjallað um einstaka þætti
innan þessara viðræðna. Sú fyrsta
um frjáls vöruviðskipti, frjálst
flæði vöru milli landa EB og EFTA,
annar hópurinn hefur fjallað um
frjálst og óhindrað fjármagns-
flæði, sá þriðji um þjónustu og
fjórði hópurinn um jaðarmálefni,
en það eru mál eins og t.d.
menntamál og umhverfismál.
Fimmti hópurinn sem settur var á
laggirnar síðastur fjallaði um
stofnanaleg og lagaleg atriði, þ.e.
með hvaða hætti hið formlega
samstarf EFTA og EB ætti að vera.
Fjórir fyrstu hóparnir luku starfi
sínu um mitt sumar en þá hófst
starf fimmta hópsins og um sama
leyti tók Jón Baidvin við for-
mennsku í ráðherranefnd EFTA.
Þessu hiutverki fylgir að vera í for-
ystu fyrir EFTA-ríkin í þessum við-
ræðum við EE
HLSG nefndin og fimmti hópur-
inn (hópurinn un lagaleg og stofn-
analeg atriði) luku síðan starfi sínu
síðast í október.