Tíminn - 12.05.1968, Blaðsíða 9
SUNNUDAGUR 12. mai 1968. ______TIMINN 9
I—SlmÉni—|
Útgefandi: FRAMSÓKNARFLOKKURINN
Frairukvæmdastjóri: Kristján Benediktsson. Ritstjórar: Þórarinn
Þórarinsson (áb). Andrés Kristjánsson, Jón Helgason og IndriSi
G. Þorsteinsson. Fulltrúi ritstjómar: Tómas Karlsson, Aug-
lýsingastjóri: Steingrímur Gíslason Ritstj.skrifstofur 1 Eddu-
húsinu, simar 18300—18305. Skrifstofur: Bankastræti 7. Af-
greiSslusimi: 12323. Auglýsingasími: 19523. Aðrar skrifstofur,
simi 18300. Áskriftargjald kr. 120.00 á mán innanlands f
lausasölu kr. 7.00 eirnt. — Prentsmiðjna EDDA h. f.
Frí umferðartrygging
áskrifenda Tímans
Tíminn skýrði frá því í gær, að blaðið hefði keypt
umferðartryggingu hjá Samvinnutryggingum handa öll-
um föstum áskrifendum sínum, og öllum þeim, sem ger-
ast fastir áskrifendur að Tímanum. Gengur umferðar-
tryggingin í gildi kl. 6 að morgni H-dags, en gildistími
hennar er hinn sami og áskriftar, standi hún í styttri
tíma en til næstu áramóta.
Þótt það sé nýjung á íslandi, að blað gefi kaupendum
sínum umferðartryggingu, þá hafa blöð víða erlendis
haft þennan hátt á. Fyrirmyndin að umferðartryggingu
handa áskrifendum Tímans er sótt til Politiken í Kaup-
mannahöfn, sem Tíminn hefur haft margháttuð og
ánægjuleg samskipti við um langa tíð. Eru skilmálar
Politiken við Lloyds í London hafðir til hliðsjónar, og
einnig bótaupphæðirnar.
Ástæðan til þess að Tíminn kýs að hrinda þessari
umferðartryggingu af stokkunum núna, er raunar aug-
Ijós. Skipting yfir í hægri umferð er á næstu grösum
hér á landi. Ekki er ástæða til að óttast annað en hún
fari vel úr hendi. Hins vegar er því ekki að neita, að
vegfarendur eiga meira í óvissu, þegar þessi breyting
gengur í garð, heldur en ef umferðin væri með eðlileg-
um hætti áfram. Moð þetta í huga fannst Tímanum
ástæða til að taka upp fría umferðartryggingu handa
föstum kaupendum sínum.
Eins og fram kemur í skilmálum, þá eru þau slys
bótaskyld, sem áskrifendur Tímans verða fyrir af völdum
samgöngutækja á götum eða vegum úti. Tryggingin bætir
slys, hvort sem áskrifendur eru fótgangandi, á reiðhjóli,
vélhjóli, mótorhjóli, dráttarvél, í bifreið og á hestbaki.
Einnig eru bætt slys, sem vegfarandi verður fyrir og
stafa af hrapi flugvélar, svo og slys sem farþegi í venju-
legu farþegaflugi verður fyrir og farþegi með skipum
eða bátum milli hafna.
Tryggingarbætur eru þær, að örorkubætur nema allt
að 60 þús. kr., en dánarbætur 30 þús. kr. Bætur saman-
lagt vegna eins og sama slyss eða tjónsatburðar eru
takmarkaðar við eina milljón kr.
Eins og sést á framangreindum upphæðum, sem
sniðnar eru eftir umferðartryggingu Politiken, en eru
þó töluvert rýmri, er umferðartrygging Tímans fyrst og
fremst góð viðbót við aðrar tryggingar, sem í gildi eru,
eða menn hafa fengið sér.
í eldhúsdagsræðu sinni vakti Ólafur Jóhannesson, for-
maður Framsóknarflokksins, athygli á þeim glundroða,
sem hefur s'kapazt hjá núverandi ríkisstjórn varðandi
fjárlögin. Á síðari hluta nýlokins þings var stöðugt verið
að setja einskonar aukafjárlög eða viðbótarfjárlög. Með
þeim starfsháttum er afgreiðsla fjárlaga fyrir áramót í
raun og veru aðeins orðin sýndarmennska. Það getur
enginn verið öruggur um, að það standi, sem í fjárlögum
er samþykkt. Fjárveitingar, sem þar eru samþykktar
eru teknar aftur. Nýjar álögur eru samþykktar, sem
ráðstafað er utan fjárlaga. Þannig verða í reyndinni
tvenn eða þrenn eða jafnvel fleiri fjárlög í gildi.
ERLENT YFIRLIT
Adolf von Tadden - leiðtogi
nynazista í Vestur-Þýzkalandi
MARGIR telja Adolf von
Thadden, foringja þýzkra ný
nazista, arftaka Hitlers í þýzk-
um stiórnmálum. Svo mjög
sverja nýnazistar sig í ættina
við nazista á flestan hátt. Sjálf
ur harðneitar von Thadden
þessum áburði og heldur því
fram, að flokkur hans sé aðeins
íhaldssamur þjóðernissinnaður
lýðræðisflokkur, eins og nafn
hans bendi líka til, Þjóðlegi
lýðræðisflokkurinn. Thadden
harðneitar öllum fullyrðingum
um, að hann hafi verið skráður
meðlimur í nazistaflokknum
gamla, eins og samtök Gyðinga
telja sig nú hafa sannanir um.
Sér til enn frekari réttlæting
ar í þessum efnum, bendir
hann á, að hálfsystir hans,
Blísabet von Thadden, hafi
verið tekin af lífi af nazistum
á stríðsárunum fyrir andstöðu
við þá. Hún mun hafa tekið
þátt í samtökum þeirra. sem
beittu sér fyrir því, að Þjóð
verjar hættu styrjöldinni fyrr
en raun varð á, þar sem þeir
væru búnir að tapa og ósigur-
inn yrði aðeins meiri með þvi
að halda styrjöldinni áfram.
ÞÓTT von Thadden afneiti
þannig nazistum, trúa menn
honum illa. Öfgamenn til hægri
trúa því ekki heldur og skipa
sér því undir merki hans. Þeir
sætta sig við lýðræðisgrímuna,
sem höfð er á flokknum, því
ella á hann það á hættu að
vera dæmdur ólöglegur, því að
stjórnarskrá Vestur-Þýzkalands
bannar starfsemi einræðis-
fiokka.
Hvað, sem áðurgreindum yfir
lýsingum von Thadden líður,
stefnir allur áróður hans að
því að ala upp þjóðernisstefnu
í anda gamla nazismans. Eitt
helzta stefnumál flokks hans
er að vinna aftur þau lönd,
sem Þjóðverjar misstu í síðari
styrjöldinni, eða m.ö.o. að
Þýzkaland fái aftur sömu landa
mæri og 1937. Sjálfur vill von
Thadden halda því fpam, að
þessi stefna minni meira á
Bismark en Hitler.
Eftir nýunninn sigur flokks
ins í kosningunum í Baden-
Wuttemberg, greindi von
Thadden í þlaðaviðtali nokkur
þau atriði, sem flokkur hans
legði á megináherzlu. Þessi
atriði voru m. a.:
Ameríski herinn, sem nú
dvelur í Vestur-Þýzkalandi
verði fluttur þaðan. Vestur-
þýzki herinn fái sjálfstæða yfir-
stjórn, en hann hefur hana
ekki nú.
Vestur-Þýzkaland gangi úr
Atlantshafsbandalaginu, en í
staðinn komi sérstakt evrópískt
öryggiskerfi, líkt og Gaullistar
tala um.
Hafnir verði beinir samning-
ar við Sovétríkin um samein-
ingu Þýzkalands.
Hætt verði ölUim málsókn-
um gegn fyrrverandi nazistum,
þar sem öll önnur ríki en
Vestur-Þýzkaland hafi lagt
slíkt á hilluna.
ADOLF VON THADDEN
Þá ympraði von Thadden á
því, að Vestur-Þýzkaland kynni
að taka upp stjórnmálasam-
band við Kína, því að gjarnan
mætti gera Rússum ljóst, að
Þjóðverjar gætu tekið upp
nánari samvinnu við Kínverja,
ef illa gengi að semja mdlli
Rússa og Þjóðverja.
ÞÓTT margt í málflutningi
von Thaddens minni á Hitler,
minnir hann vissulega einnig
á þjóðernisstefnu Bismarks.
Adolf von Thadden er líka
sprottinn upp úr prússneskum
jarðvegi, kominn af prússneskri
aðalsætt eins og nafnið bendir
til. Hann er fæddur í Trieg-
loff, sem nú heyrir til Póllandi,
7. júlí 1921. Hann lagði stund
á búnaðarnám með það fyrir
augum að taka við stjórn á
hinum stóru búgörðum ættar-
innar. Áður en til þess kæmi,
hófst styrjöldin. Hann var
kvaddur í herinn og varð for-
ingi í skriðdrekaherdeild.
Hann gat sér þar gott orð.
Hann hélt heimleiðis eftir
stríðslokin til að sækja fjöl-
skyldu sína, en Pólverjar tóku
hann fastan og vann hann
fangavinnu hjá þeim um skeið.
Þeir slepptu honum þó fljót-
lega og fluttist hann þá með
fólki sínu til Vestur-Þýzka-
lands. Hann hóf þá nær strax
afskipti af stjórnmálum og
náði kosningu sem óháður
þingmaður í fyrstu þingkosn-
ingunum, sem fóru fram í Vest-
ur-Þý’zkalandi eftir styrjöldina.
Síðar gerðist hann forustumað
ur ýmissa þjóðernissinnaðra
flokksbrota, sem ekki náðu
verulegri fótfestu. Haustið 1964
sameinuðust þessi flokksbrot í
Þjóðlega iýðræðisflokkinn, en
svo nefnist flokkur nýnazista-
Von Thadden var kjörinn vara
formaður flokksins, en varð
strax hinn raunverulegri for-
ingi hans, sökum mælsku sinn
ar og fleiri hæfileika. Síðastl.
vor, lét hann víkja formanni
flokksins, Fritz Thielen, úr
sessi og tók sjálfur við for-
mennskunni. Hann er nú hinn
óumdeildi og dáði forustumað-
ur nýnazista.
Óneitanlega hefur von
Thadden sitthvað til brunns að
bera sem forustumaður í slík
um flokki. Hann kemur vel
fyrir og er öruggur í fram-
göngu. Hann er hár vexti, silf-
urhærður og hinn virðulegasti
í sjón. Mælskumaður er hann
í bezta Lagi. Hann er þægileg-
ur í viðtölum við blaðamenn
og er fús til að veita þeim
áheyrn. Hann er allvel ritfær
og skrifar mikið í blað flokks
ins.
Heimili hans er skammt frá
Hannover, þar sem hann býr
með konu sinni og dóttur. Hann
er á|gður reykingamaður mikill
og þykir bjórinn helzt til góð-
ur. Nýlega var hann tekinn
ölvaður við akstur, en slapp
við varðhald sökum þess, að
hann er fylkisþingmaður. Held
ur þykir þetta honum til áfell-
is, en ekki virtist það þó koma
að sök í kosningunum í Baden-
WUttemberg, en þær fóru
fram rétt á eftir. Þar unnu ný-
nazistar stærsta sigur sinn til
þessa.
Haldi nýnazistar sigurgöngu
sinni áfram, geta þeir haft
örlagaríkustu áhrff á stjórn-
mál Vestur-Þýzkalands og
raunar allrar Evrópu. Þess
vegna er Adolf von Thadden
nú sá vestur-þýzkur stjórnmála
maður. sem veitt er hvað mest
athygli.
Þ. Þ.