Alþýðublaðið - 18.09.1990, Blaðsíða 4

4
VIÐHORF
Þriðjudagur 18. sept. 1990
MPYMMMD
Ármúli 36 Simi 681866
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setning og umbrot: Leturval, Ármúla 36
Prentun: Oddi hf.
Áskriftarsíminn er 681866
Áskriftargjald 1000 kr. á mánuði innanlands.í lausasölu 75 kr. eintakiö
Þ J ÓÐA RS AMSTAÐA
UM ÁLVER
Félagsvísindastofnun Háskólans hefur gert þjóðmálakönnun
um afstöðu Islendinga til byggingar og staðsetningar nýs álvers.
Niðurstöðurnar eru sláandi: Nær einróma meirihluti vill nýtt álver
og flestir vilja að álverið rísi á Keilisnesi. Heildarúrtakið var eitt
þúsund manns á aldrinum 18—75 ára sem tekið var úr þjóðskrá.
Um 68% fólks eru hlynnt því að ráðist verði í byggingu nýs álvers
á íslandi. 18% eru andvíg og nærri 15% hlutlaus eða óráðin í af-
stöðu sinni. 41 % þeirra sem hlynntir eru álveri vill að það rísi á
Keilisnesi, 21 % velur Dysnes og 18% velja Reyðarfjörð. Um 21 %
gerir ekki upp á milli staða. Sé því tekið hlutfall þeirra sem taka
afstöðu, vill 51 % að álverið rísi á Keilisnesi.
Athyglisvert er, að stuðningur við álverið er almennur meðal
stuðningsmanna allra stjórnmálaflokkana. Mestur er stuðningur-
inn við nýtt álver meðal Alþýðuflokks, 87% og því næst Sjálf-
stæðisflokks, 83,3%. En stuðningurinn er einnig hár meðal
stuðningsmanna annarra flokka; 75,4% hjá framsóknarmönnum,
46,2% hjá alþýðubandalagsmönnum og 44,7% meðal kjósenda
Kvennalistans.
Pjóðmálakönnun Félagsvísindastofnunar gefur því skýra mynd
af vilja þjóðar: íslendingar vilja byggingu nýs álvers og að það rísi
á Keilisnesi. Þessi mikla þjóðarsamstaða um álverið er í fullu
samræmi við vilja hinna erlendu viðsemjenda og því ætti samn-
ingsgrunnurinn að vera góður á lokastigi málsins. Niðurstöður
þjóðmálakönnuninnar er ennfremur sterk stuðningsyfirlýsing ís-
lendinga við embættisstörf og afgreiðsiu Jóns Sigurðssonar iðn-
aðarráðherra í álmálinu.
RADDIR
Einar Birnir
Eigin f jaðrir
og annarra
Nýstofnað fyrirtæki, ísteka,
hefur sl. tvo mánuði haft iyfja-
verksmiðju, sem fyrrum til-
heyrði þrotabúi G. Ólafsson
hf., á leigu og er með skamm-
tímasamning aðeins um fram-
hald þeirrar ieigu. Engu að síð-
ur má skilja af grein á við-
skiptasíðu Mbi. 13. sept. sl. að
nú loksins væri framkominn
aðiii sem nokkur afrek gæti
unnið.
Fylprófið umtalaða er Ijómandi
gott framlag til lífefnaiðnaðarins
en það er bara ekki framlag ísteka
né hugmynd, einu sinni ekki hug-
mynd Harðar Kristjánssonar eins.
Fylprófið og tilurð þess er loka-
punktur prófana og tilrauna sem
hér á landi voru unnin í samvinnu
þriggja aðila, þ.e. Tilraunastöðvar
Háskólans að Keldum, G. Ólafsson
hf. og Lífefnafræðistofu lækna-
deildar Háskóla íslands.
Sannleikur málsins er sá að hið
fyrsta prófið í þessari lotu var al-
gerlega hannað og unnið af þeim
Eggert Gunnarssyni og Ólafi And-
réssyni, sérfræðingum á Keldum,
og í raun eru allar aðrar tilraunir
og endurbætur byggðar á þeim
grunni.
Reyndar má gjarnan koma hér
fram um leið þakklæti til þeirra
Guðmundar Péturssonar læknis,
forstöðumanns Tilraunast. Keld-
um, og Páls A. Pálssonar, þáver-
andi yfirdýralæknis, sem alla tíð
hafa sýnt þessum þróunarverkefn-
um sérstaka velvild.
Þetta próf var ómissandi þáttur
í skipulagi og hagræðingu fram-
kvæmda við söfnun til hormóna-
vinnslu G. Ólafsson hf. og eins og
að líkum lætur fundu eigendur
hryssna fljótt hversu þýðingarmik-
ið prófið var vegna þeirra eigin
rekstrar og því var með árunum æ
meiri ásókn, utan blóðsöfnunar-
innar, í prófið sem slíkt.
Það hefur því um alllangan tíma
verið á dagskrá að fá fram próf
sem sameinaði öryggi hins fyrra
og einföldun framkvæmdar og
helst styttan biðtíma einnig (hluti
einföldunar).
Það var vissan um allnokkurn
markað hérlendis og vonin um
verulegan markað erlendis, sem
var mestur hvati þess að samvinna
áðurnefndra þriggja aðila hélt
áfram einmitt um þetta sérstaka
þróunarverkefni.
Miðjumaður og samræmingar-
aðili flestra sameiginlegra verk-
efna þessa þrílita hóps hefur frá
upphafi verið Bergþóra Jónsdóttir,
framleiðslustjóri hjá G. Ólafsson
hf., og æði er langt síðan við þrjú,
undirritaður, Bergþóra og Hörður
Kristjánsson, fyrst ræddum um
áframhaldandi þróun fylprófsins
til þeirrar veru sem hið nýja próf
býr nú yfir.
Það verður að segjast eins og er
að mér er það mjög til efs að hefði
Hörður Kristjánsson ekki verið
starfsmaður G. Ólafsson hf. og tek-
ið þátt í framþróun margvíslegra
mála þar og í þróunarverkefnum
sem fyrirtækið átti með áður-
nefndum innlendum og reyndar
erlendum aðilum einnig, hefði
honum nokkru sinni dottið fylpróf
í hug hvað þá að vinna að þróun
þess.
Ég hefi aldrei dregið í efa hæfni
eða kunnáttu Harðar Kristjáns-
sonar og trúi því ennþá staðfast-
lega að hann sé sá dugandi vís-
indamaður sem við bundum í upp-
hafi vonir við, en því sorglegra er
að sjá hann brjóta, ég vona í gá-
leysi, þá sjálfsögðu skyldu hvers al-
vöruvísindamanns að geta hverju
sinni grundvallarverka sinna og
frumkvöðla, en þó umfram allt
samstarfs síns við aðra vísinda-
menn um framgang og þróun
verkefnis, sem um er rætt hvort
sem um áfangaskýrslu eða loka-
skýrslu er að ræða.
Það voru eðlilegir hlutir og í
samræmi við stöðu mála þá að hið
fyrra prófið var fullunnið á Keld-
um. Það var á sama hátt eðlilegt
að lokaþáttur nýja prófsins yrði
hjá Herði Kristjánssyni og nú vona
ég að hann geri sjálfum sér þann
greiöa að gera rétta grein fyrir
sameiginlegum afrekum sínum og
sinna samstarfsaðila.
íslenskum fyrirtækjum trúi ég
að sé almennt óskað velfarnaðar
hér á landi, einnig ísteka, nýju fyr-
irtæki, en hingað til hafa fáum ef
nokkrum fyrirtækjum dugað Iáns-
fjaðrir til flugsins og allra síst séu
þær tíndar af dauðum búki.
ísteka ætti að reyna fyrst sínar
eigin fjaðrir og sjá hvað þær duga.
Reynslu annarra gætu þeir nýtt sé
hún þeim tiltæk en skreyting með
lausum lánsfjöðrum er vita hald-
laus.
Ert þú hrœdd(ur) ad keyra þjódvegina?
Guðbjörg Hjartardóttir, 26 ára
málari:
Ég keyri ekki, en sem farþegi
óttast ég ekki að keyra þjóðveg-
ina.
Nei, ég geri það nú reyndar ekki.
Maður er auðvitað mismunandi
meðvitaður um þær hættur sem
því fylgir en ekki þannig að það
fæli mann frá því.
Ásgeir Pálsson, 22 ára nemi:
Nei, alls ekki. Það kemur ekki
fyrir.
Ég keyri lítið á þjóðvegunum
þar sem ég er úr Vestmannaeyj-
um, en ég verð að segja að ég ótt-
ast það ekki. Ég hef reyndar ekki
keyrt þjóðvegina lengi.
Helgi Hallgrímsson, aðstoðar-
vegamátastjóri:
Nei, ég get nú ekki sagt að ég sé
hræddur að keyra þjóðvegina.
Auðvitað kemur það fyrir að eitt-
hvað óvænt kemur upp á en al-
mennt séð er ég ekki hræddur.
/