Alþýðublaðið - 16.11.1990, Page 3

Föstudagur 16. nóvember 1990
INNLENDAR FRÉTTIR
3
FRÉTTIR
Í HNOTSKURN
(gr
VANTAR FISKINN FYRIR NORÐAN: „Við þurfum
að leita allt til ársins 1970 til að finna samanburð. Já, þetta
er svart og dauðinn algjör“, segir Hákon Guðmundsson,
fyrsti stýrimaður á aflaskipinu Akureyrinni, í viðtali við
Dag á þriðjudaginn. Hákon segir að skip Útgerðarfélagsins
hafi verið að koma inn með þetta 60 tonn eftir.ll—12 daga
sem telst afar lélegt. Hákon lýsir ástandinu svo að það sé
dauði um allan sjó, flotinn siglandi fram og aftur og eyð-
andi olíunni. Öll skilyrði séu þó góð í sjónum, bæði hitinn
og ætið.
ÍSLENDINGAR AÐ VERÐA EIN MENNTAÐASTA
ÞJOÐ I HEIMI: Það kom fram á þingi Bandalags há-
skólamanna um síðustu helgi að íslendingar eru að verða
ein menntaðasta þjóð veraldar og sækja menn menntun
sína óvenju víða., ,Mynda þarf starfsskilyrði til nýsköpunar
til þess að hægt sé að nýta þá auðlind sem menntunin er,“
segir í fréttatilkynningu frá Bandalagi háskólamanna. Þar
kemur og fram að sjávarútvegurinn hefur lægsta hlutfall
menntamanna af öllum greinum. Grétar Ólafsson læknir
lét nú af störfum sem formaður bandalagsins, en við tók
Heimir Pálsson, cand. mag. Varaformaður var kjörin
Ragnheiður Haraldsdóttir hjúkrunarfræðingur, en aðr-
ir í stjórn eru Gunnar Sæmundsson tæknifræðingur,
Gunnlaugur Ástgeirsson framhaldsskólakennari,
Kristján Þorsteinsson viðskiptaf ræðingur, Stefán Bald-
ursson, framkvæmdastjóri rannsóknasviðs Háskóla fs-
lands, og Svanhvít Bjðrgvinadóttir sálfræðingur.
r~~ - —-
*>£Kwm
JEPPINN FIMMTÍU ÁRA: Merkilegt samgöngutæki á
50 ára afmæli um þessar mundir — ameríski jeppinn, sem
var á sínum tíma bylting í samgöngum hér í landi torfær-
anna. Hjálparsveitartíðindin segja frá þessu og kemur þar
fram að Bandaríkjamenn fluttu hingað nokkur hundruð
jeppa, sem flestir urðu hér eftir, þegar stríðinu lauk. Það
var Karl K. Probst, 57 ára verkfræðingur, sem hannaði
þennan fjórhjóladrifna dugnaðarfork, sem hann kallaði
General Purpose Vehicle, sem mætti þýða sem „fjölnota
farartæki." Af þessu nafni mun Jeep-nafnið komið, og það-
an jeppanafnið okkar. Á stríðsárunum voru framleiddir
658.375 jeppar — og eftir stríð hélt framleiðslan vitaskuld
áfram.
LEIKSMIÐJAN FRUMSÝNIR í BORGARLEIK-
HUSI: Leikverkið Afbrigði verður frumsýnt kl. 20 á
þriðjudagskvöldið í Borgarleikhúsinu. Verkið er sett upp af
Leiksmiðjunni, hópi ungra leikara, þeim Eddu Guð-
mundsdóttur, Guðnýju Helgadóttur, Helgu Brögu
Jónsdóttur, Ólafi Guðmundssyni, Kolbrúnu Péturs-
dóttur, Rósu G. Þórsdóttur og Stefáni Jónssyni undir
stjórn Ásu Hlínar Svavarsdóttur. Leiksmiðjan er fram-
tak leikara hjá Leikfélagi Reykjavíkur sem eru að kanna
möguleika og leiðir í leiklist, sjálfum sér til gagns og gam-
ans. „Þétta er skrítið og skemmtilegt spunaverk, tilbrigði
við hefðbundið leikhús," segja þau í leikhópnum. Myndin
er úr Afbrigði.
TALIÐ NIÐUR TIL
J0LA: Sá tími nálgast þeg-
ar börnin fara að telja dag-
ana til jóla. Sjónvarpið
leggur sitt af mörkum til að
stytta biðina og dreifir nú
jóladagatali í verslanir. Val-
in hefur verið sú leið að
hafa ekki sælgæti í daga-
talinu, en undir gluggunum
sem opnaðir eru, einn á
dag, eru myndir tengdar
nýrri þáttaröð, Á baðkari
til Betlehem eftir þá
Sveinbjörn I. Baldvins-
son og Sigurð Valgeirs-
son. Agóða af sölu daga-
talsins verður varið til styrktar dagskrárgerð Sjónvarpsins
fyrir yngsta fólkið. Listateiknarinn Brian Pilkington
teiknaði jóladagatalið.
Nœst samkomulag í GATT-viðrœdunum:
Togstreitcm
er þrikantur
segir Jón Baldvin Hannibalsson utanríkisráöherra
Það skýrist á næstu dög-
um hvort samkomulag
næst í GATT-viðræðunum í
Genf um viðskipti með
landbúnaðarvörur. Aðal-
framkvæmdastjóri GATT,
Arthur Dunkel, hefur gef-
ið aðildarþjóðunum frest
til næsta föstudags, 23,
nóvember til að ganga frá
samkomulagi. Það á síðan
að leggja fyrir lokafund
sem halda á í Brussel dag-
ana 3. til 7. desember næst
komandi. Það mun því
skýrast innan skamms
hvort við getum átt von á
unnum erlendum land-
búnaðarvörum í verslanir
hér á næstunni eða hvort á
því verður enn frekari bið.
Jón Baldvin Hannibalsson,
utanríkisráðherra sagði í
samtali við Alþýðublaðið, að
samningaþref væri engin ný
bóla innan GATT. Ef viðræð-
urnar sigldu í strand núna þá
yrði það slíkt áfall fyrir al-
þjóðaviðskiptakerfið að
menn mættu ekki til þess
hugsa.
„Einn þáttur þessa máls
skiptir miklu máli, en það er
samningsstaða okkar við
Evrópubandalagið. Þar erum
við að nálgast lokastigið í
samningum þar sem við
krefjumst tollfrjáls aðgangs
fyrir okkar matvælaútflutn-
ing sem er fiskur og erum þar
bæði að tala um ferskan og
unnin fisk. Evrópubandalag-
ið boðar að það muni á móti
koma með óskir um rýmkað-
ar innflutningsheimildir að
því er varðar landbúnaðar-
vörur. Ef við hefðum staðið
klossfastir með eitt stórt nei í
þeim viðræðum hefði samn-
ingsstaðan verið heldur
óbjörguleg. Með tilboði okk-
ar í GATT-viðræðunum um
rýmkun á heimildum til inn-
flutnings landbúnaðarafurða
höfum við stigið skref sem
styrkir okkur mjög í samn-
ingum við Evrópubandalag-
ið,“ sagði utanríkisráðherra.
Ráðherrann sagði enn ríkja
óvissu um samningsniður-
stöðu í GATT-viðræðunum.
Allar þjóðir sem tækju þátt í
viðræðunum hefðu lagt fram
greinargerðir um innan-
landsstuðning við landbúnað
sem væri grundvöllur samn-
ingaviðræðnanna. í annan
stað hefðu þjóðirnar gert til-
boð, mismundandi rausnar-
leg, um afnám útflutnings-
bóta, um að draga úr stuðn-
ingi innanlands og um að
heimila og greiða fyrir við-
skiptum milli landa með unn-
ar landbúnaðarvörur og hrá-
efni.
„Togstreitan er þríkantur.
Þeir sem ganga lengst í átt til
viðskiptafrelsis með landbún-
aðarafurðir eru Bandaríkin.
Þeir sem mest draga lappirn-
ar eru Evrópubandalagið. En
þeir sem sækja á með Banda-
ríkjunum, en eru að sumu
leyti með sérstöðu, eru út-
flutningslönd landbúnaðaraf-
urða og hráefnis sem einkum
er að finna í þriðja heimin-
um,“ sagði Jón Baldvin
Hannibalsson, utanríkisráð-
herra.
Endurskoðun á adalskipulagi Reykjavíkur:
Borgarbúar allt að
125 þús. úrið 2010
Gert er ráð fyrir að íbúar
Reykjavíkur verði á bilinu
115 tíl 125 þúsund árið
2010 sem þýðir að borgar-
búum muni fjölga um 15 til
25 þúsund manns á næstu
tuttugu árum. Næstu
íbúðahverfi Reykjavíkur
verða Borgarholtshverfin,
norðan Grafarvogshverfa,
og Geldinganes.
Þessar uppiýsingar eru frá
Borgarskipulagi Reykjavíkur
í tilefni þess að hafin er end-
urskoðun á aðalskipuiagi
borgarinnar 1984—2004.
Uppbygging borgarinnar var
nokkru hraðari seinustu fjög-
ur árin en aðalskipulagið
gerði ráð fyrir. Borgarbúum
hefur fjölgað hraðar en áætl-
að var, einkum vegna fólks-
flutninga af landbyggðinni.
Uppbygging atvinnuhúsnæð-
is, sérstaklega verslunar- og
skrifstofuhúsnæðis, var meiri
en markaður var fyrir. Upp-
bygging stofnbrautakerfis
Reykjavíkur hefur ekki fylgt
eftir aukinni bifreiðaeign.
Þrátt fyrir þetta hafa engar
verulegar breytingar orðið á
byggðaþróun frá áætlun aðal-
skipulagsins.
V
iundahafnarsvæðið og
land Háskóla íslands eru
stærstu byggingasvæði innan
núverandi byggðar. BÚR
svæðið og Skúlagötusvæðið
eru í örri uppbyggingu. Búast
má við töluverðum umbótum
og uppbyggingu í miðbænum
svo og á „Stjórnarráðstorf-
unni“ við Sölvhólsgötu.
Borgarholtshverfin verða
þrjú með 10—12 þúsund íbúa
alls þegar þau verða full-
byggð. I Geldinganesi er gert
ráð fyrir hafnaraðstöðu og al-
mennri atvinnustarfsemi við
Eiðsvík og íbúðabyggð fyrir
allt að fimm þúsund manns.
Á núverandi sorphaugum er
gert ráð fyrir golfvelli. í
Hamrahlíð undir Ulfarsfelli er
gert ráð fyrir íbúðahverfi fyr-
ir um fimm þúsund íbúa. í
Grafarholti og við Reynisvatn
allt austur að Langavatni er
gert ráð fyrir íbúða- og at-
hafnahverfum og mætti
koma þar fyrir sex til sjö þús-
und manna byggð.
Gert er ráð fyrir að Ósa-
braut verði næsti áfangi í
uppbyggingu stofnbrauta-
kerfis Reykjavíkur. Ósabraut
verður brúar- og vegatenging
yfir Elliðarósa milli Sæbraut-
ar (áður Elliðavogur) og
Höfðabakka við Gullinbrú.
Áætlað er að hún verði tekin
í notkun 1992. Á svipuðum
tíma verður Geirsgata, sem
verður gerð á nýjum hafnar-
bakka norðan Hafnarhúss,
væntanlega opnuð fyrir um-
ferð. Geirsgata mun leysa um-
ferðarhnút Tryggvagötu.
Áætlað er að breikka
Kringlumýrarbraut á næsta
ári, svo nokkuð sé nefnt.
Endurskoðun aðalskipu-
lags er í samræmi við þá
stefnumörkun að það verði
tekið til endurskoðunar í upp-
hafi hvers kjörtímabils. Borg-
arbúum er í fyrsta skipti gef-
inn kostur á að koma á fram-
færi skriflegum ábendingum
varðandi endurskoðun aðal-
skipulags.
Yarla hægt að tala
um atvinnuleysi
— á sjö stöðum á landinu var enginn atvinnuleysisdagur
skráður í síðasta mánuði
Samkvæmt þeim fram-
reikningum sem gerðir voru
vegna endurskoðunar aðal-
skipulags er áætlað að byggð-
ar verði 10 til 15 þúsund nýjar
íbúðir næstu 20 árin, þar af
um tvö þúsund íbúðir innan
núverandi byggðar. Ein til ein
og hálf milljón fermetra af at-
vinnuhúsnæði verða líklega
byggðar fram til ársins 2010,
þar af tæpur helmingur í at-
hafnahverfum innan núver-
andi byggðar.
Á sjö stöðum á landinu
var enginn atvinnuleysis-
dagur skráður í síðasta
mánuði. Þetta eru Grund-
arfjörður, Patreksfjörður,
Flateyri, Súðavík, Drangs-
nes, Hrísey og Djúpivogur.
Víða um land voru örfáir
atvinnuleysisdagar skráð-
ir og í raun má segja að at-
vinnuleysi sé ekki fyrir að
fara á íslandi i dag, gagn-
stætt því sem er í mörgum
nágrannalanda okkar.
Alls segir Vinnumálaskrif-
stofa Félagsmálaráðuneytis-
ins að skráðir hafi verið 32112
atvinnuleysisdagar í október,
þar af 12783 á höfuðborgar-
svæðinu. Á Vestfjörðum eru
þessir dagar aðeins 158 tals-
ins.
Heildarvinnuaflið í landinu
er reiknað rétt rúmlega 129
þúsund manns og atvinnu-
leysið á landsvísu tafið vera
1,1% samkvæmt útreikningi
Vinnumálaskrifstofunnar. Á
Norðurlandi eystra og á Vest-
urlandi var atvinnuleysishlut-
fallið hæst, 2,3%, lægst á
Vestfjörðum, 0,2% og á höf-
uðborgarsvæðinu, 0,8%.
„Atvinnuhorfur eru nokk-
uð óvissar á næstunni", segir
Vinnumálaskrifstofan og
bendir á boðað verkfall yfir-
manna á fiskiskipum og
dökkar horfur um síldarsölt-
un.