Alþýðublaðið - 28.11.1990, Qupperneq 3

Miðvikudagur 28. nóvember 1990
INNLENDAR FRETTIR
3
FRÉTTIR
Í HNOTSKURN
FASTEIGNIR SUÐURNESJAMANNA HÆKKA I
VERÐI \ Samkvæmt samanburði sem Fasteignamat ríkis-
ins hefur gert á verði fasteigna á þremur markaðssvæðum
seinni hluta ársins 1989, eru eignir Suðurnesjamanna á
uppleið(22,8%). Á sama tíma hefur verðlag á fasteigum á
Akureyri ekki haldið í við verðbólgu(14,2%). í Reykjavík
hefur átt sér stað umtalsverð verðhækkun á sama tíma,
eða 30,4%.
SAFNAÐARHEIMILIÁ 50 ÁRA AFMÆLIKIRKJ-
UNNAR: Á laugardaginn var voru 50 ár liðin frá vígslu
Akureyrarkirkju. í tilefni af afmælinu var nýtt og glæsilegt
safnaðarheimili vígt við hátíðlega athöfn, en daginn eftir
var hátíðarmessa í Akureyrarkirkju. Þar predikaði Pétur
Sigurgeirsson biskup en Sigurður Guðmundsson,
vígslubiskup og sóknarprestur Akureyrarkirkju, þjónaði
fyrir altari.
SH OPNAR JAPANS-ÚTIBÚ AÐ NÝJU: Fyrsta ís-
lenska fyrirtækið til að opna skrifstofu í Japan er Sölumið-
stöð hraðfrystihúsanna. SH stofnaði dótturfyrirtæki i
Japan og mun það annast markaðsöflun í Austurlöndum
fjær. SH var í raun brautryðjandi í viðskiptum við Japan,
þegar sala þangað hófst 1974 og var skrifstofa samtakanna
þá opin í 2 ár. Nú er opnað að nýju og áreiðanlega mun út-
haldið verða lengra, svo vel ganga viðskiptin. I fyrra fóru
t.d. 17% af útflutningi SH, í verðmætum talið 2,3 milljarðar
króna, til Asíulanda. í þeim heimshluta á eftir að verða
mikil sala á fiski segja SH-menn. Framkvæmdastjóri í Tok-
íó er Helgi Þórhallsson, viðskiptafræðingur, með mast-
erspróf frá Osaka-háskóla.
LANDSBANKINN OG FJÁRMÁL ELDRA FÓLKS:
„1 ljós hefur komið að þessi þjóðfélagshópur býr um margt
við sérstakar aðstæður, þarf einatt að taka þýðingarmiklar
ákvarðanir um fjármál og meðferð eigna en fólkið fær oft
ekki nægar upplýsingar eða fyrirgreiðslu um mál er varða
fjárhag þess, ýmis réttindi, eins og lífeyris- og bótaréttindi,
skattamál og leiðir til varðveislu og ávöxtunar fjármuna,"
segja bankastjórar Landsbankans. Bankinn býður nú nýja
þjónustu, heildarráðgjöf fyrir eldri borgara. Nýja þjónust-
an hefur sitt sérstak heiti, Varðan. Sérstakur hópur starfs-
manna hefur farið á námskeið til að vera vel undir það bú-
inn til að ráðleggja eldra fólkinu.
LYGIÞAGNARINNAR: Úrvalsbækur hafa sent frá sér
nóvemberbók sína, Lygi þagnarinnar, eftir Brian Mo-
ore. Bókin fjallar um hótelstjóra nokkurn á írlandi, sem
kemst í kast við hryðjuverkamenn IRA. Bókin er mjög
spennandi og vel skrifuð, auk þess sem þýðingin er hin
ágætasta. Þannig teljum við að góður reyfari eigi einmitt
að vera... Höfundurinn, Brian Moore, er prófessor við
Kaliforníuháskóla og hefur skrifað fjölmargar bækur, til að
byrja með undir dulnefni.
Góð þátttaka í prófkjöri Alþýðuflokksins í Nl. eystra:
Sigbjörn hlaut
fyrsta sætid
Sigbjörn Gunnarsson
hlaut mjög afgerandi
kosningu í fyrsta sæti í
prófkjöri Alþýðuflokks-
ins í Norðurlandskjör-
dæmi eystra um helgina.
Sigbjörn sagði við Al-
þýðublaðið að það hefði
komið sér þægilega á
óvart hversu afgerandi
kosingu hann hafi hlotið
í fyrsta sætið.
Sigbjörn hlaut 724 at-
kvæði í fyrsta sætið. Næst-
ur honum kom Hreinn Páls-
son sem hlaut 417 atkvæði
í fyrsta sætið en 836 sam-
tals í fyrsta og annað sætið.
Þeir hlutu bindandi kosn-
ingu í tvö efstu sætin.
Sigbjörn segir að sér lítist
mjög vel á komandi alþing-
iskosningar og telur mögu-
leika Alþýðuflokksins í
kjördæminu góða. Sér lítist
vel á að hafa Hrein Pálsson
í öðru sætinu enda hafi þeir
unnið lengi saman innan
flokksins. Hann telur að Al-
þýðuflokkurinn eigi að
berjast fyrir að fá tvo þing-
menn kjörna í komandi al-
þingiskosningum.
Sigurður Arnórsson varð
þriðji í prófkjörinu með 689
atkvæði en einungis var
kosið um tvö efstu sætin.
Fjórði varð Arnór Benónýs-
son með 538 atkvæði,
Pálmi Ólason fimmti með
286 atkvæði og Aðalsteinn
Hallson sjötti með 249 at-
Sigbjörn Gunnarsson,
kaupmaður.
kvæði.
Mjög góð þátttaka var í
prófkjörinu, eða 1.823
manns sem er um 10%
aukning frá síðasta próf-
kjöri. A Akureyri kusu um
1.240 manns sem þykir
mjög gott og eru það um %
af þátttakendum í prófkjör-
inu. Af öðrum stöðum þar
sem þátttaka var góð má
nefna að á Þórshöfn tóku
150 manns þátt í prófkjör-
inu og í Húsavík og ná-
grenni 250 manns. í síðustu
Alþingiskosningum hlaut
Alþýðuflokkurinn 2.229 at-
kvæði í Norðurlandskjör-
dæmi eystra og einn þing-
mann kjörinn.
Einir stétta þurfa leigubílstjórar ekki að nota bílbelti:
Beltin veita
þeim ekki öryggi
Leigubílstjórar þurfa
einir ökumanna ekki að
nota bílbelti og þykir
mörgum það skrítið. Að
sjálfsögðu lenda atvinnu-
bílstjórar í umferðaró-
höppum og slysum eins og
aðrir ökumenn og ættu
þar af leiðandi að vera sem
allra öruggastir við stýrið.
En svo er að sjá að beltin
sem flestir telja nú að veiti
öryggi við stýrið, — veiti
leigubílstjórum ekki ann-
að en öryggisleysi.
,,Ég hef viljað binda leigu-
bílstjóra eins og aðra öku-
menn", sagði Óli H. Þórðar-
son, framkvæmdastjóri Um-
ferðarráðs í gær. Hann sagði
hins vegar að leigubílstjórar
hér á landi sem og víðar um
lönd væru undanþegnir notk-
un beltanna þegar þeir eru í
atvinnuakstri. Aðrar undan-
'þágur frá notkun beltanna
eru til, t.d. lögreglumenn ef
þeir eru í hættulegum flutn-
ingi.
Ingólfur Ingólfsson, for-
maður Frama, félags leigubíl-
stjóra, sagði í gær að hvergi í
veröldinni væri leigubílstjór-
um gert að skyidu að nota bíl-
belti. Væri þetta gert með ör-
yggi bílstjórans í huga, —
vegna hugsanlegrar árásar af
hendi farþega hans. Sagði
Ingólfur leigubílstjóra hér á
landi lítt hultari fyrir slíku en
starfsbræður þeirra í öðrum
löndum.
Þá sagði Ingólfur að margir
leigubílstjórar notuðu beltin í
akstri, enda þótt þeim væri
það ekki skylt. Þá notuðu
leigubílstjórar að sjálfsögðu
beltin í einkaakstri sínum. í
Danmörku stæði nú til að
skylda leigubílstjóra til að
setja á sig beltin þegaf þeir
æku einir í bílum sínum.
Sagði Ingólfur að þar í landi
væru menn ekki mjög
ánægðir með þá skyldu.
„Annars hefur mér sýnst
að þingmennirnir okkar viti
ekki mikið um starf okkar
ieigubílstjóranna og ekki var
leitað til okkar með frum-
varpið um notkun belta í aft-
ursætum. Í þeim lögum er
gerð undanþága fyrir notkun
farþega okkar í aftursætun-
um. Við viljum auðvitað
gjarnan að þeir noti beltin,"
sagði Ingólfur. Farþegar í
framsætum leigubíla eiga
hins vegar að nota beltin.
Varðandi slys á bílstjórum
sagði Ingólfur að Frami hefði
allsherjar slysatryggingu á fé-
lögum sínum og hefði svo
verið nærfellt í tvö ár. Svo
undarlegt sem það virðist,
sagði Ingólfur að greinilegt
væri að þeir sem hefðu feng-
ið bætur hefðu yfirleitt ekki
ient í umferðarslysum, —
heldur ýmiskonar óhöppum í
nánd við bílinn, t.d. runnið á vegna mögulegrar hættu af árásargjörnum farþegum.
hálku og annað þvíumlíkt. A-mynd: E.ÓI.
HEIMSBRÉF: Charles Pinney, (til hægri) framkvæmdastjóri Barclays de Zoete Wedd, verð-
bréfafyrirtækis Barclaysbanka, hlær dátt með Tómasi Tómassyni og Jóhannesi Nordal
Seðlabankastjórum á Þingholti í gær. Landsbréf hf. buðu Pinney til landsins í tilefni af samn-
ingi sem Landsbréf hf. hafa gert við hið breska verðbréfafyrirtæki um sölu á erlendum verð-
bréfum til Íslendinga, eða svonefndum heimsbréfum. Sala þeirra hefst á fimmtudag. Pinney
hélt fyrirlestur í hádegisverðaboði Landsbréfa hf. í Þingholti fyrir troðfullum sal um mögu-
leika íslendinga á erlendum mökkuðum. A-mynd E.ÓI.