Alþýðublaðið - 14.12.1990, Blaðsíða 3

Föstudagur 14. desember 1990
3
FRÉTTIR
Í HNOTSKURN
MUNIÐ HJÁLPARSTOFNUNINA: íslendingar eru
sagðir nískir á fé til uppbyggingarmála í þróunarlöndun-
um. Það er helst að einstaklingar hafa tekið vel við sér og
safnað drjúgu fé þegar kallað hefur verið eftir hjálpinni.
Um þessi jól er Hjálparstofnun kirkjunnar með sam-
skotakassa sína og hafa þeir verið sendir á öll heimili og
í fyrirtæki. Hjálparstofnhnin vinnur að mörgum verkefn-
um, bæði erlendum og innlendum. Styðjum nú Hjálpar-
stofnun kirkjunnar hraustlega, — söfnum sem mestu til
hrjáðra meðbræðra okkar.
VERÐSTRÍÐ Á JÓLATRJÁAMARKAÐI: Fríkirkju-
söfnuðurinn í Reykjavík segist bjóða ódýrasta Norðmanns-
þininn á jólatrjáamarkaðnum í ár. Tökum sem dæmi tré
sem er 1,75 til 2 metrar á hæð. Það kostar.3200 krónur hjá
Fríkirkjufólki, sem selur trén við kirkju sína. Magnús Guð-
mundsson, sem segist selja tré til að fjármagna hina
frægu kvikmynd sína og Eddu Sverrisdóttur kvik-
myndagerðarmanns, selur þininn á 3.450 krónur, Alaska
á 4.100, Blómaval á 4.245, og Landgræðslusjóður á
4.300 krónur, eða 850 krónum dýrara.
UNGLINGAR í EYJUM REKA JÓLAÚTVARP:
Fjórða árið í röð reka Eyjapeyjar og Eyja,,gellur“ eigin út-
varpsstöð fyrir jól. Þetta er gert á ábyrgð bæjaryfirvalda,
þ.e. Tómstunda- og íþróttafulltrúa bæjarins. Byrjað verður
að senda út í dag og stendur útvarp síðan til ársloka. Eyja-
bylgja þessi hefur náð ótrúlega miklum vinsældum og yfir-
skyggt aðrar útvarpssendingar. Tugir ungra karla og
kvenna í Eyjum munu koma fram í útsendingunum, en í
þeim er þó lögð áhersla á tónlist.
SMIRNOFFSNÝRHEIM: Júlíus P. Guðjónsson, um-
boðsmaður Smirnoff-vodka á íslandi segir að nú hafi
bandarískir framleiðendur drykkjarins gert samninga við
yfirvöld í Leningrad um að hafin verði að nýju framleiðsla
á Smirnoff í sínu upprunalandi eftir 73 ára hlé. Frægasta
vodka Rússlands hefur ekki fengist þar í landi eftir bylting-
una. Júlíus segir ástandið í Sovétríkjunum svo slæmt að
nánast allt þurfi að flytja inn til framleiðslunnar, jafnvel
sandinn sem notaður er í flöskugerðinni.
SAMBAND ÍSLANDS 0G NAMIBÍU: Fastafulltrúar
íslands og Namibíu hjá Sameinuðu þjóðunum undirrituðu
fyrr í vikunni yfirlýsingu þess efnis að stofnað hafi verið til
formlegs stjórnmálasambands milli ríkjanna. Namibía er í
suðvestur Afríku og endurheimti svo sem kunnugt er sjálf-
stæði sitt fyrr á þessu ári.
LÍTIL VIÐSKIPTI VIÐ FRAKKA: Franski sendiherr-
ann hér á landi, Jacques Mer, telur að viðskipti Frakka og
íslendinga séu of lítil. Þó hefði útflutningur íslendinga tvö-
faldast á síðustu árum. Sendiherrann sagði landa sína upp-
tekna af markaðsöflun í Austur-Evrópu um þessar mundir,
en það væri tímabundið ástand. Sagði hann það litla afsök-
un að vanrækja íslenska markaðinn vegna smæðar hans,
— Bretar og Japanir til dæmis létu þetta ekki á sig fá, en
gerðu hér góð viðskipti.
UMFERÐARLJÓSIÐ: Verðlaun Umferðarráðs fyrir
góð störf að umferðaröryggismálum féllu Slysavarnafé-
lagi íslands í skaut. Verðlaunin hafa fengið það stórgóða
nafn Umferðarljósið, og voru þau afhent nú nýlega í
fyrsta skipti. A myndinni eru talið frá vinstri: Oli H. Þórðar-
son, frkv.stjóri Umferðarráðs, Helga Jóhannsdóttir, fulltrúi
Samb. ísl. sveitarfélaga í Umferðarráði, Haraldur Henrýs-
son og Gunnar Friðriksson, fyrrverandi forsetar Slysa-
varnafélagsins, Örlygur Hálfdanarson, núverandi forseti
Slysavarnafélagsins og Guðmundur Ágústsson, formaður
Umferðarráðs.
INNLENDAR FRETTIR
Atlantsflug í loftið innan skamms:
FÁ 10 ÞÚSUND
FARÞEGA FRÁ
MEGINLANDINU
Nýtt flugfélag, Atlants-
flug, ætlar að hefja reglu-
bundið leiguflug frá þrem
borgum í Þýskalandi til Is-
lands í vor. Einnig er lík-
legt að félagið muni að ein-
hverju leyti annast leigu-
flug fyrir íslenskar ferða-
skrifstofur í sumar. Atl-
antsflug hefur opnað
skrifstofur í Reykjavík,
Hamborg og London.
Halldór Sigurðsson, sem
lengi var einn af yfirmönnum
Arnarflugs, er forstjóri hins
nýja félags. Hann sagði í sam-
tali við Alþýðublaðið, að eftir
að samgönguráðherra hefði
gefið leiguflug frjálst yfir
sumartímann hefði Atlants-
flug þegar hafist handa um
að afla verkefna. Árangurinn
er þegar orðinn sá, að frá
byrjun apríl á næsta ári mun
félagið fljúga reglubundið
leiguflug frá Köln, Hamborg
og Múnchen til íslands og
mun því flugi haldið áfram
allt fram í september. Ein-
göngu er selt í þessar ferðir í
þýskumælandi svæðum Evr-
ópu og er sala hafin á megin-
landinu. Áætlanir gera ráð
fyrir að fjöldi farþega geti
orðið 8—10 þúsund næsta
sumar. Halldór sagði að við-
ræður við íslenskar ferða-
skrifstofur um leiguflug frá
landinu, svo sem sólarlanda-
ferðir, væru að hefjast.
Atlantsflug fékk flugrekstr-
arleyfi á síðasta ári og upp-
haflega var ætlunin að starfa
á erlendum vettvangi. Með
því frjálsræði sem samgöngu-
ráðherra kom á varðandi
leiguflug hérlendis breyttust
forsendur og var ákveðið að
sinna einnig íslenska mark-
aðnum. Félagið mun nota Bo-
eing 727—200 leiguþotu til
rekstursins með þriggja
manna áhöfn í stjórnklefa.
Vélin tekur 173 farþega og
hefur flugdrægni til að fljúga
í einum áfanga til hinna hefð-
bundnu sólarlanda. Þrjár
flugáhafnir verða ráðnar og
er þar um að ræða íslenska
flugmenn, flugvélstjóra og
flugfreyjur.
Það er hlutafélag sem
stendur að Atlantsflugi og er
Halldór Sigurðsson, forstjóri Atlantsflugs, er bjartsýnn á framtíð hins nýja flugfélags.
A-mynd: E. Ól.
Halldór Sigurðsson aðaleig-
andi.
Flugleiðir hafa sem kunn-
ugt er leyfi til áætlunar- og
leiguflugs til Frankfurt og
Hamborgar. Má því búast við
að samkeppni verði milli
þessara tveggja félaga um
farþega frá meginlandinu
næsta sumar auk samkeppni
um íslenska sólarlandafara á
vegum ferðaskrifstofanna
eða félagasamtaka.
Norrœn áœtlun um launajöfnun kynjanna:
Ráðið hefur verið í stöðu
verkefnastjóra varðandi
áætlun norrænu ráðherra-
nefndarinnar um jafnrétt-
ismál sem kveður á um
jöfn laun karla og kvenna
á Norðurlöndum.
Um er að ræða fimm ára
áætlun sem unnið er að á öll-
um Norðurlöndum. Verk-
efnastjóri á Islandi hefur ver-
ið ráðin Hildur Jónsdóttir,
markaðsstjóri hjá KOM, og
tekur hún við starfinu um
áramótin. Hún mun hafa að-
setur hjá jafnréttisráði en er
ætlað að hafa frumkvæði að
raunhæfum leiðum til að ná
því marki að jafna laun kynj-
anna.
Hildur Jónsdóttir á fyrir
höndum erfitt verkefni sem
er áætlun um launajöfnun
kynjanna.
A-mynd: E.ÓI.
Siglufjörður:
Rikið vill selja
Þerméð ramma
Samningaviðræður eru í
undirbúningi milli fjár-
málaráðuneytisins og að-
ila á Siglufirði um kaup á
fyrirtækinu Þormóði
ramma sem nú er svo til al-
farið í eigu ríkisins. Að
sögn Marðar Árnasonar,
upplýsingafulltrúa ráðu-
neytisins, er undirbúning-
ur langt kominn af hálfu
ráðuneytisins.
Ríkið eignaðist 98% hlut í
Þormóði ramma eftir að
rekstur fyrirtækisins var
kominn í þrot. Mörður sagði
það hins vegar aldrei hafa
verið ætlun ríkisins að stunda
útgerð og fiskvinnslu í sam-
keppni við önnur fyrirtæki í
sambærilegum rekstri.
Ákveðið var að bjóða hlut
ríkisins til sölu og miða við að
heimamenn keyptu fyrirtæk-
ið. Jafnframt yrði tryggt að
kvóti Þormóðs færi ekki úr
byggðarlaginu. Fjórar fyrir-
spurnir hafa borist og eitt
óformlegt kauptilboð. Ætlun-
in er að ríkið eigi áfram ein-
hvern hlut i Þormóði ramma.
Ekki vildi Mörður nefna nein-
ar tölur um verð á hlut ríkis-
ins, en sagði að ekki væri
raunhæft að miða við gamlar
tölur um nafnverð hlutabréfa
í Þormóði ramma, enda væri
það ekki ætlunin að græða á
þessari sölu, heldur að eign-
araðild og rekstur yrði í
höndum heimamanna.