Alþýðublaðið - 14.12.1990, Blaðsíða 5

Föstudagur 14. desember 1990
5
Engar sögur fara af því
að nokkur í íslensku
sendinefndinni í
Brussel í liðinni viku
hafi fellt tár yfir því að
fjögurra ára frí-
verslunarviðraeður milli
flestra þjóða heims fóru
út um þúfur, þegar
steytti á landbúnaðar-
skerinu, segir Birgir
Árnason. Myndin er af
nýjustu stórfjárfestingu
íslenskra bænda, rúllu-
baggatækninni, sem
ekki virðist stuðla að
lægra vöruverði, — það
hefði GATT-samningur
hins vegar gert.
EFTIR BIRGI ÁRNASON
Ekki er öll vitleysan
ems
Nú hefur íslenska Iandbúnaðar-
mafían fundið sér samherja í Evr-
ópubandalaginu. Ekki er öll vit-
leysan eins.
Sagt er að Steingrímur J. Sigfús-
son landbúnaðarráðherra og
Haukur Halldórsson, formaður
Stéttarsambands bænda, sem
staddir voru í Brussel í síðustu
viku, hafi tekið gleði sína aftur
þegar fulltrúar landbúnaðardeild-
ar Evrópubandalagsins höfnuðu
samkomulagi um aukna fríverslun
með landbúnaðarvörur í
GATT-viðræðunum síðastliðinn
föstudag.
Þar með var tryggt að íslensk
stjórnvöld þyrftu ekki að standa
við tillögu sína á þessum vett-
vangi, tillögugerð sem talin var
marka tímamót innan ríkisstjórn-
arinnar en gekk þó í raun svo
skammt að telja verður hallæris-
legt.
Engar sögur fara af því að nokk-
ur í íslensku sendinefndinni í
Brussel í liðinni viku hafi fellt tár
yfir því að fjögurra ára fríverslun-
arviðræður milli flestra þjóða
heims fóru út um þúfur þegar þær
steytti á landbúnaðarskerinu. Þó
fólst í þessum viðræðum von um
verðlækkun á vörum og þjónustu
neytendum um allan heim til
hagsbóta, og ekki síður um aukn-
ar útflutningstekjur þróunarríkja.
En hætt er við því að skjólið af
Evrópubandalaginu verði fram-
sóknarmönnum í öllum flokkum á
íslandi skammgóður vermir. Evr-
ópubandalaginu verður ekki stætt
á því að halda landbúnaðarstefnu
sinni til streitu öllu lengur. Því
ræður ekki umhyggja fyrir eigin
almenningi hvað þá fátækum
þjóðum í þriðja heiminum heldur
fyrst og fremst þróun mála í Aust-
ur-Evrópu og Sovétríkjunum.
Það er að verða deginum Ijósara
að ef koma á í veg fyrir langvar-
andi hörmungar í ríkjum Austur-
Evrópu — og meiri landflótta það-
an en Evrópa hefur áður kynnst
og kallar hún þó ekki allt ömmu
sína í þeim efnum — munu þau
þurfa á stórfelldum stuðningi Vest-
urlanda að halda. Fyrst í stað get-
ur verið um að ræða neyðaraðstoð
í formi matvæla og lyfja en til
lengri tíma litið verður stuðning-
urinn að felast í afskrift skulda, er-
lendri fjárfestingu og síðast en
ekki síst aðgangi að mörkuðum
fyrir þær vörur sem Austur-Evr-'
ópuríkin geta hægast framleitt.
Hvaða vörur eru það? Margvís-
legur iðnvarningur og — auðvitað
— landbúnaðarvörur.
Nú kann einhverjum að þykja
það skjóta skökku við að ríkin í
austri geti innan tíðar orðið útflytj-
endur landbúnaðarvara á sama
tíma og fyrir liggur að nokkur
þeirra þurfi á neyðarhjálp að
halda vegna matvælaskorts. Því
er til að svara að fátt undirstrikar
betur eymd kommúnismans en
getuleysi þessara ríkja til að gefa
þegnum sínum almennilega að
éta.
Landgæði í Austur-Evrópu eru
engu lakari en í álfunni vestan-
verðri og í Sovétríkjunum eru þau
sennilega víða betri en í Banda-
ríkjunum. Með skynsamlegri skip-
an landbúnaðarmála — og þá á ég
við markaðsbúskap — verður þess
ekki langt að bíða að yfrið nóg
verði af matvælum í Austur-Evr-
ópu.
Það er fallvalt að reiða sig á
bræðralagsþel þegar hagsmunir
rekast á en óhætt að treysta á eig-
ingjarnar hvatir. Evrópubandalag-
ið mun ekki eiga annarra kosta völ
í næstu framtíð en heimila inn-
flutning landbúnaðarvara frá
Austur-Evrópu til að koma í veg
fyrir holskefiu flóttamanna þaðan.
Þar með verður endi bundinn á
hina sameiginlegu landbúnaðar-
stefnu bandalagsins.
Ég get vel unnt landbúnaðarráð-
herra og formanni Stéttarsam-
bands bænda að gleðjast yfir ný-
fundnum vini því sá hlær best sem
síðast hlær.
EINDAGI
STAÐGREIÐSLUFJÁR
ER 75. HVERS MÁNAÐAR
Launagreiðendum ber að skila afdreginni staðgreiðslu af launum og
reiknuðu endurgjaldi í hverjum mánuði. Með gírókerfi staðgreiðslu er unnt
að greiða í öllum bönkum, sparisjóðum og pósthúsum.
Eindagi staðgreiðslufjár er 15. hvers mánaðar.
Munið að gera skil tímanlega!
RSK
RÍKISSKATTSTJÓRI
cfÁ^ÐS^