Alþýðublaðið - 07.03.1991, Page 5

Fimmtudagur 7. mars 1991
5
í siðustu viku var ffjáHiagsússtlun Reykjavikur-
borgar endanlega afgreidd með atkvœðagreiðsiu i
borgarstjóm. Efftir maraþonumreeður sem stóðu i 14
tima samfleytt þann 21. febrúar var atkvmða-
greiðslu ffrestað til þriðjudagsins 26. febrúar. Tóku
þá við handauppréttingar sem stáðu i ffjára tima.
RÁÐHÚSIÐ — mun vera komiö 100% fram úr upphaflegum éætlunum um kostnaö.
KÚLUHÚSIÐ — kostar þegar á annan milljarö, en meira þarf til.
BÍLASTÆÐAHÚS VIÐ HVERFISGÖTU — stórt lán þarf til aö fjármagna bílastæði sem engin sýnileg
þörf er fyrir.
Að þessu sinni lágu fyrir 60
breytingatillögur við frumvarp
sjálfstæðismeirihlutans að fjár-
hagsáætlun, enda náði stjórnar-
andstæðan í borgarstjórn ekki að
sameinast um eina fjárhagsáætlun
að þessu sinni, eftir að Framsókn-
arflokkurinn klauf sig út úr sam-
starfinu skömmu fyrir fjárhagsum-
ræðuna. Borgarfulltrúar Nýs vett-
vangs voru slíku samstarfi þó
mjög fylgjandi — og spáðu því þá
þegar, að tillöguflutningur stjórn-
arandstöðunnar myndi ekki bera
vott um afgerandi sérstöðu nokk-
urs minnihlutaflokks, hvað sem
liði pappírsflóðinu. Sú var enda
raunin. Þær sextíu breytingartil-
lögur sem tók svo langan tíma að
afgreiða voru nánast samhljóða
tillögur um eitt og annað sem bet-
ur hefði mátt fara í fjárhagsáætl-
un. Samhljómurinn var þessi:
Hægið á gæluverkefnunum og
farið að sinna lögbundnum verk-
efnum svo vel sé!
Stórtækar,__________________
litt adkallqndi_____________
ffraiwkvæmdir_______________
I bókun sem borgarfulltrúar Nýs
vettvangs lögðu fram við upphaf
fundarins kemur fram að borgar-
sjóður hefur á þessu ári úr 12 millj-
örðum króna að spila í rekstur og
framkvæmdir. Til viðbótar við
tæplega 4 milljarða króna til
eignabreytinga hefur borgin ríf-
lega 2 milljarða handbæra í gatna-
og holræsaframkvæmdir. Borgar-
fulltrúar Nýs vettvangs telja að við
ráðstöfun þessa fjár gjaldi sjálf-
sagðir þjónustuliðir og velferðar-
mál dýru verði fyrir þá áherslu
sem lögð er á stórtækar, en lítt að-
kallandi framkvæmdir.
Þar sem þjónustuskortur er til-
finnanlegastur gagnvart börnum
og öldruðum Reykvíkingum var
lagt til að hægt yrði á ýmsum
framkvæmdum sem nýtast fáum
og geta því beðið uns bætt hefur
verið úr aðkallandi verkefnum til
hagsbóta fyrir almenning. Við telj-
um t.a.m. fásinnu að ætla að verja
822 milljónum króna til fram-
kvæmda við ráðhúsið og umhverfi
þess á meðan þúsundir Reykvík-
inga bíða brýnnar þjónustu.
Þjónusta ffærd i____________
nútimalegra horff___________
Með tilfærslu fjármuna telja
borgarfulltrúar Nýs vettvangs
unnt að verja rúmlega einum
milljarði króna til þess að færa
þjónustu borgarinnar til nútíma-
legra horfs en verið hefur. Á það
einkum við um öldrunarþjónustu,
dagvistir, skóla, húsnæðismál,
umferðaröryggi og umhverfismál.
í breytingartillögum Nýs vett-
vangs var lögð áhersla á umferð-
aröryggi við ráðstöfun á gatna- og
holræsafé. Til mótvægis töldum
við rétt að draga úr nokkrum
gatnaframkvæmdum og að fjár-
magni sem þannig sparaðist verði
varið í umferðarmál. Að sama
skapi lögðum við áherslu á um-
hverifsbætur og töldum að hraða
bæri hreinsun strandlengjunnar.
Við lögðum einnig til að bíla-
stæðasjóður félli frá lántöku til
þess að fjármagna framkvæmdir
við stórt bílageymsluhús við
Hverfisgötu (202 m.kr.) á meðan
nýting annarra bílageymsluhúsa í
miðbænum er jafnlítil og raun ber
vitni. Hins vegar töldum við eðli-
legt að Hitaveita Reykjavíkur tæki
lán til þess að ráðast í nauðsynleg-
ar framkvæmdir vegna vand-
kvæða veitunnar, tengdum Nesja-
vallavirkjun. Þar er þörf fyrir við-
bótarfjármagn vegna brýnna
framkvæmda.
ðllum tillögum visað ffrá
Það er skemmst frá því að segja
að meirihluti sjálfstæðismanna
vísaði tillögum þessum öllum frá
og hafði yfir þær eitt samheiti, „til-
lagan er óraunhæf og því óþörf“.
En fjarstæðukenndar áætlanir
sjálfstæðismeirihlutans um svo-
kallaðar „foreldragreiðslur" (50
milljónir króna út í bláinn), bygg-
ingarkostnað ráðhúss (sem nú ku
vera komin 100% fram úr upphaf-
legum áætlunum), Öskjuhlíðar
(sem nú kostar á annan milljarð
króna) o.fl. töldu sjálfstæðismenn
„raunhæfa" stjórnun.
Og ekki skal staðar numið í
bruðlinu. Á sama tíma og Hitaveit-
an stendur frammi fyrir stærsta
vandamáli í 60 ára sögu sinni,
sækir hún um leyfi til þess að
byggja 96 bílastæði í Öskjuhlíð.
Kostnaðaráætlanir hef ég ekki sé
ennþá, en hitt veit ég að á þessu
ári eiga að fara 230 m.kr. til þess
að fuilgera snúningshúsið, og 30—
50 m.kr. fara í byggingu jarðhýsis.
Á sama tíma er varið 175 m.kr. til
uppbyggingar dagvistarheimila
og einungis 19 m.kr. í aukið um-
ferðaröryggi þ.e. eyðingu svart-
bletta, umferðarfræðslu, gatna-
upphitun o.fl.
Gœluverkefnin æða
ffram úr áaHunum______________
Samtímis því sem gæluverkefn-
in æða fram úr áætlunum, er hver
einasta króna í almenna, sjálf-
sagða þjónustu skorin við nögl. Nú
bíða 700 einstaklingar á listum Fé-
lagsmálastofnunar eftir öldrunar-
úrræðum. Biðtími aldraðs manns
eftir hjúkrunarvist er þrjú ár og
tvö þúsund börn bíða dagvistunar.
Þessar staðreyndir snerta ekki
hinn sigursæla borgarstjóra, sem í
dag gengur á landsfund Sjálfstæð-
isflokksins til átaka um formanns-
sætið. Er því viðbúið að borgar-
stjórnarfundurinn sem er á dag-
skrá í dag taki innan við 10 mínút-
ur — sjálfstæðismenn eru nefni-
lega að fara að kjósa sér formann.
Ólina Þorvardardóttir
borgarfulltrúi skrifar