Alþýðublaðið - 11.04.1991, Page 4

4
Fimmtudagur 11. apríl 1991
MNguMfm
HVERFISGÖTU 8-1 0 - REYKJAVÍK - SÍMI 625566
Útgefandi: Blaö hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setning og umbrot: Leturval sf.
Prentun: Oddi hf.
SÍMI 625566
Eftir lokun skiptiborös:
Ritstjórn: 625538
Dreifing: 625539
Tæknideild: 620055
Fax: 627019
DAVÍÐ HLEYPUR FRÁ GOLÍAT
Jón Baldvin Hannibalsson formaöur Alþýöuflokks-
ins hefur sent Davíð Oddssyni formanni Sjálfstæðis-
flokksins bréf þar sem hann býöur formanni Davíð aö
mæta sér á opnum fundi: Reykjavík til aö ræöa stefnu
þessara tveggja flokka í veigamiklum málaflokkum.
Formaöur Alþýðuflokksins nefnir í bréfi sínu sérstak-
lega sjávarútvegsmál, landbúnaöarmál, neytenda-
mál, skatta- og ríkisfjármál og húsnæðismál. Formað-
ur Alþýðuflokksins hefur einnig undirstrikaö þessa
áskorun til formanns Sjálfstæðisflokksins í auglýsing-
um sem birtust í Alþýðublaðinu og Morgunblaðinu í
gær.
I auglýsingunni eru tíunduð eftirfarandi orð úr
Reykjavíkurbréfi Morgunblaðsins síðastliðinn sunnu-
dag: „Það er óviðeigandi með öllu að frambjóðendur
skjóti sér undan þeirri skyldu að reifa stærstu mál
þjóðarinnar fyrir kosningar, af ótta við kjósendur." For-
maður Alþýðuflokksins segir að það beri að taka
Morgunblaðið á orðinu og ræða þessi mál á opn’um
fundi.
Þetta eru heiðarleg og opin vinnubrögð hjá formanni
Alþýðuflokksins. Sjálfstæðisflokkurinn hefur sýnt
mikið ábyrgðarleysi sem stærsti stjórnmálaflokkur
þjóðarinnar, að skila auðu í stefnumálum fyrir kosn-
ingar. Það hefur verið sagt hér áður í leiðara Alþýðu-
blaðsins, að stefnulaus flokkur sé móðgun við kjós-
endur. Höfundur Reykjavíkurbréfs Morgunblaðsins
er sömu skoðunar. Hafi Sjálfstæðisflokkurinn stefnu
í veigamestu málum þjóðarinnar ber honum að koma
henni til skila til kjósenda fyrir kosningar, svo kjósend-
ur fái skýra valkosti og viti hvað kosið er um.
ess vegna er áskorun Jóns Baldvins Hannibalsson-
ar besta tilboð sem Davíð Oddsson hefur fengið í
þessari kosningabaráttu til að útskýra stefnumál
Sjálfstæðisflokksins. Það er að sjálfsögðu borðleggj-
andi að slíkur fundur myndi auðvelda kjósendum að
gera upp hug sinn gagnvart þessum tveimur flokkum
og gefa þeim skýr svör hvaða stefnu flokkarnir boða
í helstu málaflokkum.
Eins og fram kemur í frétt í Alþýðublaðinu í dag hef-
ur Davíð ekki þor til að taka þessari áskorun. Formað-
ur Sjálfstæðisflokksins hefur kosið að svara heiðar-
legri áskorun formanns Alþýðuflokksins um málefna-
legan fund um helstu stefnumál flokkanna með því
að benda henni frá sér með hótfyndni. En undir skel
hótfyndninnar slær pólitískt merarhjarta: Formaður
Sjálfstæðisflokksins skynjar að hann hefur ekki stöðu
til að fara í málefnalegan samanburð við Alþýðuflokk-
inn. Synjun Davíðs afhjúpar enn málefnalega fátækt
Sjálfstæðisflokksins. Um leið og synjunin veikir Sjálf-
stæðisflokkinn veikir hún jafnframt nýkjörinn for-
mann flokksins sem hefur hingað til haft orð á sér
sem pólitískur ofurhugi.
I
Brotthlaup Davíðs af hólmgönguvellinum sýnir og
sannar, aðformaðurSjálfstæðisflokksins þorirekki að
reifa hugsanlegt stefnuleysi flokksins af ótta við kjós-
endur. Hann og ráðgjafar hans meta greinilega stöð-
una þannig, að hagstæðar skoðanakannanir tryggi
góðan byr í höfn. Þess vegna sé allt í lagi að hafa enga
stefnu og leggja niður skottið í stað þess að mæta
andstæðingum á málefnalegum grundvelli. Þannig
hyggst formaður Sjálfstæðisflokksins hlaupa í mark,
hulinn af þokubökkum skoðanakannana fjölmiðl-
anna. Það er hins vegar ekki víst að kjósendur kunni
að meta slíka herkænsku. Staða Sjálfstæðisflokksins
í dag er einfaldlega þessi: Flokkurinn er án stefnu og
leiðtoginn treystir sér ekki til að missa enn meira fylgi
með því að gera tilraun til að útskýra stefnuleysið fyrir
kjósendum. I þetta skipti hljóp Davíð frá Golíat.
mmm umræda íhhhhhhhbhii^hhbhhhbhhhhbhhhhi
rrNú er hún gamla grýla
dauð/' eoa hvað?
Um fátt er meira talað þessa dagana en stefnu-
málaskort Sjálfstœðisflokksins. Fólk, sem um lang-
an tima hefur kosið flokkinn og varið stefnu hans
með kfafti eg klóm, þegir nú þunnu hljóði og reynir
að láta litið ffyrir sér fara. Það óskar þess heitast að
kjördagur vœri runninn upp. Þá kœmist það i kjör-
klefana án frekari umræðu um þjóðmál.
Stjórnmálayifirlýsing landsfund-
ar Sjálfstæðisflokksins þótti með
eindæmum fátækleg. Hún var þó
hreinasta gullnáma miðað við
kynningarþátt flokksins í sjón-
varpinu. Píslarseta formannsins
með fréttamönnum RÚV sl.
sunnudag staðfesti svo endanlega
þann ásetning að ganga til kosn-
inga með aðeins eitt stefnumál; ad
hafa ekki stefnu. Þótt stjórn-
málaályktun landsfundarins sé
fyrst og fremst markverð fyrir það
sem þar er ekki að finna, þá er þar
að finna þrjár gagnmerkar yfiriýs-
ingar: Sjálfstæðisflokkurinn er
á móti kommúnisma, hann er á
móti sósíaiisma og hann ætlar
aö selja Rás 2.
Fram til fortiðar
Þarna er gamla góða komma-
grýlan komin ljóslifandi. Nú, þeg-
ar allir hugsandi menn viður-
kenna skipbrot kommúnismans,
þegar þjóðir sem búið hafa við al-
ræði af því tagi leita leiða til að
brjótast undan því, þegar umræð-
an snýst um það hvernig á að gera
það en ekki hvort á að gera það, þá
treystir Sjálfstæðisflokkurinn sér
ekki til að ganga til kosninga án
kommagrýlunnar. Eru sjálfstæðis-
menn virkilega haldnir slíku of-
sóknarbrjálæði, að þeim finnist
sér og þjóðinni ógnað af kommún-
isma? Er eðlilegt, að stærsti stjórn-
málaflokkur þjóðarinnar hefji
kosningastefnuskrá sína árið 1991
Frá Landsfundi sjálfstæðismanna kom einstaklega fátækleg stjórnmálayf-
irlýsing, þótt hún sé hrein gullnáma ef miðað er við kynningarþátt flokks-
ins i sjónvarpinu.
á jafn sjálfsögðum hlut, sem allir
eru sammála um? Hvers vegna
vitna þeir ekki til Gamla sáttmála
eða lýsa skoðun sinni á lýðveldis-
stofnuninni árið 1944? Eða ber
þetta vott um málefnafátækt, sem
fela á undir pilsfaldi kommagrýl-
unnar? Sem betur fer er komma-
umræðu af þessu tagi lokið, nema
á fræðilegum grundvelli. Það ber
fyrst og fremst að þakka jafnaðar-
mannaflokkum um allan heim,
því þeir hafa borið hitann og þung-
ann af baráttunni við kommún-
ismann. Á íslandi hefur Alþýðu-
flokkurinn verið fánaberi þeirrar
baráttu.
Til baka til framtiðar
Hitt er ekki síður merkilegt, að
Sjálfstæðisflokkurinn skuli lýsa yf-
ir andstöðu við sósíalisma. Það
vaknar sú spurning, hvort höfund:
ur textans viti hvað sósíalismi er. í
mínum huga er það eingöngu
hinn lýðræðislegi sósíalismi, sem
nútíma jafnaðarstefna byggir á,
sem vert er að fjalla um hér á landi
og í flestum nágrannalöndum
okkar. Það er sú jafnaðarstefna
sem að meiru eða minna leyti
mótar okkar þjóðfélagsskipun og
landanna í kringum okkur. Það er
stefna hins opna þjóðfélags, það er
stefnan sem byggir á þeirri megin-
hugmynd, að markaðsskipulag
taki fram áætlanabúskap ríkis-
valdsins. Stefna, sem grundvölluð
er á þeirri skoðun, að frjáls starf-
semi fyrirtækja i eigu einstaklinga
og félaga skjíi þjóðfélaginu best-
um kjörum. í þeirri stefnu er hlut-
verk ríkisvaldsins að setja almenn-
ar og sanngjarnar leikreglur, sem
skapa fyrirtækjunum athafnafrelsi
til að skila bæði einstaklingum og
þjóðfélaginu arði og velferð. Þetta
er undirstaða velferðarkerfisins,
lífskjaratryggingunni sem jafnað-
arstefnan stendur fyrir. Er það
þessi tegund af sósíalisma,
sem Sjálfstædisflokkurinn lýs-
ir andstödu sinni við?
Guðlaugur Gauti Jónsson.
’W'J «,
Guðlaugur Gauti Jónsson
skrifar