Alþýðublaðið - 02.04.1993, Blaðsíða 5

Föstuudagur 2. apríl 1993
Öldrunarsamtökin Höfn í Hafnarfirði
40 íbúðir afhentar á
sumardaginn fyrsta
Eg trúi því, að hér sé verið að vinna gott verk, sem eigi eftir að koma mörgum öldruðum Hafnfirðingum til góða.
Það mun stuðla að vellíðan þeirra og gleði, heilbrigði og hamingjusömu lífi á ókomnum dögum, segir Hörður
Zóphaníassonformaður Öldrunarsamtakanna Hafnar
Þeir sem aka Reykjanesbrautina, þar
sem hún liggur í gegn um Hafnarfjörð
taka eftir stóru, hvítu og myndarlegu
húsi, sem er að rísa í nánd við Sólvang og
er sýnilega á lokastigi. Það eru féla-
gasamtökin Höfn, sem þarna eru að byg-
gja íbúðir fyrir aldraða. Alþýðublaðið
brá sér á vettvang til að kynna sér betur
hvað þarna væri að gerasi. Þar hitti það
að máli formann Hafnar, Hörð
Zóphaníasson fyrrverandi skólastjóra
og bæjarfulltrúa og leitaði upplýsinga
um hvað þarna væri að gerast.
Hvað getur þú sagt mér um þetta hús
Hörður ?
Hér er verið að byggja 40 íbúðir fyrir
aldraða. Þetta verða þægilegar íbúðir, hent-
ugar og fallegar. Útsýni úr þeim er glæsi-
legt, þótt nokkur sé þar munur á milli ibúða
eftir því hvar þær eru í húsinu. En flestir
sem komið hafa í íbúðirnar hafa haft
sérstaklega á orði hvað útsýnið sé fallegt.
Nú tala margir um að þjónustUíbúðir
fyrir aldraða séu á upþsprengdu verði.
Hvað segirþú um það ?
Ég ber engan kinnroða vegna verðsins á
íbúðunum í þessu húsi. Það hefur verið lagt
kapp á, að hér verði notalegar, vandaðar
íbúðir á góðu og viðráðanlegu verði.
Meðalverð á íbúðarrétti á stofuibúð sem er
49,6 fermetrar nettó er 5,4 miljónir króna, á
tveggja herbergja íbúð sem er 61,2 fermetr-
ar er meðalverðið 6,5 milljónir, en á þriggja
herbergja íbúð sem er 80,9 fermetrar nettó
er meðalverðið á íbúðarréttinum 8,6 millj-
ónir. Ég held, að þetta hljóti að teljast góð
kaup, þegar um cr að ræða nýjar og vand-
aðar ibúðir. Og ég vil geta þess sérstaklega,
að miklar og góðar geymslur eru í húsinu,
en þær hafa stundum verið af skomum
skammti í fjölbýlishúsum fyrir aldraða.
Þú talar um íbúðarrétt, hvað meinarðu
með því ?
Eignarfyrirkomulag í þessu húsi er það
sama og í Sunnuhlfðarhúsunum í Kópa-
vogi. Menn kaupa sér rétt til að búa í
viðkomandi íbúð eins lengi og þeir sjálfir
kjósa. Fyrir það greiða þeir Höfn andvirði
íbúðarinnar. En Höfn er hinn þinglýsti
eigandi. Ef einhver vill fara úr húsinu ein-
hverra hluta vegna, þá skuldbindur Höfn
sig til að greiða honum matsverð íbúðar-
innnar á einu og hálfu ári. Ef íbúðarrét-
turinn selst fyrr, þá fær viðkomandi
greiðslur fyrir íbúðarréttinn, þegar sú sala
hefur verið gerð. Sparisjóður Hafnarfjarðar
ábyrgist greiðslur fyrir allt að 15 íbúðum á
sama tíma samkvæmt sérstökum samningi
við Höfn. Þeir sem þama búa eiga því alltaf
sölu vísa, ef þeir vilja flytja úr húsinu. Það
er ekki lítið öryggi í því.
Hvernig hefur gengið að selja íbúðirnar,
það er að segja íbúðarréttinn í þeim ?
Það hefur gengið vel. íbúðarréttur allra
stofuíbúða hússins er þegar seldur og sama
er að segja unt tveggja herbergja íbúðimar.
Það em örfáar þriggja herbergja íbúðir eftir
óráðstafaðar, en það eru líka allnokkrir að
spá og eru mjög að hugsa til þess að festa
sér íbúðarrétt á þeim. Mér sýnist allt benda
til þess, að þess verði ekki langt að bíða að
öllum íbúðunum hafi verið ráðstafað.
Þú segir að Höfn eigi íbúðirnar. Geta þá
íbúarnir ekki veðsett þœr eða t. d. leyft bör-
num sínum að taka veð í þeim ?
Nei, íbúamir geta ekki veðsett íbúðimar
nema til komi sérstakt samþykki bæði
Sparisjóðs Hafnarfjarðar og stjómar Hafn-
ar. Sumum kann að þykja þetta harðir
kostir. En aldraðir íbúar í þessu húsi eru þá
heldur ekki í neinni hættu á með að missa
húsnæði sitt vegna hugsanlegra greiðslu-
erfíðleika bama sinna, sem eru að berjast
við koma þaki yftr höfuð sér. Það em alltof
mörg átakanleg dæmi um slíka hluti.
Hvað um öryggi vœntanlegra íbúa
hússins ?
Það verður gott öryggiskerfi í húsinu,
bæði hvað snertir eldhættu og slysahættu.
Það er sérstakur viðvörunarbúnaður víða
um húsið og í sérhverri íbúð. Með honum er
Hörður Zóphaníasson formaður stjórnar
Hafnar.
hægt að gera aðvart, hvort heldur er um eld
að ræða eða sjúkrakall. Þessi öryggisþjón-
usta verður til staðar allan sólarhringinn.
En félagsleg aðstaða og heilsurœkt ?
I kjallara hússins verður aðstaða til tóm-
stundastarfa, bæði hannyrða og trésmíða.
Þar verður líka komið fyrir vatnsnuddpotti
og annarri aðstöðu til heilsuræktar. Einnig
verða þar rúmgóðar geyntslur. A neðstu
hæð hússins er matsalur, þar sem þeir íbúar
sem þess óska geta matast í. Gerður hefur
verið samningur við Sólvang um að fá mat
úr eldhúsinu þar eftir því sem þarf til þess
að uppfylla óskir íbúanna í þeim efnum.. Á
efstu hæð hússins er lftil setustofa með ein-
stöku útsýni til allra átta. Þá em setkrókar á
göngum hinna hæðanna, sem áreiðanlega
eiga eftir að nýtast vel til félagslegra sam-
skipta íbúanna. Það verður lögð áhersla á að
reyna að gera húsið allt sem heimilislegast
og umhverfíð aðlaðandi og notalegt. Um
það verða væntanlegir íbúar að standa
saman.
Þú nefndir Sólvang í sambandi við
matinn. Verða einhver frekari tengsl við
starfsemina þar ?
Já, mikil ósköp. Við njótum góðra
granna, þar sem Sólvangur og heilsugæs-
lustöðin er. Báðir þessir aðilar eru næstu
grannar okkar og það felst ekki lítið öryggi
í nábýli þeirra. Höfn hefur líka gert
sérstakan samning við Sólvang um ýmsa
þjónustu og samvinnu. Ég hef þegar nefnt
matinn. Þar er talað um dagvistun, sjúkra-
þjálfun, iðjuþjálfun, handsnyrtingu og fót-
snyrtingu, hársnyrtingu, svo að eitthvað sé
nefnt. Til þess að geta sinnt þessum þáttum
Fyrsti íbúðarsamningurinn samþykktur við Vigfús Sigurösson hósasmið og fyrrum framkvæm-
dastjóra Skipasmíðastöðvarinnar Drafnar hinn 14. febrúar 1992. Á mvndinni eru auk Vigfúsar
Hörður Zóphaníasson og Kristján Guðmundsson
Það var Elísabet Erlendsdóttir, fyrrum
bæjarhjúkrunarkona í Hafnarfirði sem tók
fyrstu skóflustungnuna þann 23. nóvember
1991.
fyrir íbúana í húsi Hafnar svo og fyrir
Hafnfírðinga almennt er bráðnauðsynlegt
að sem fyrst verði hafíst handa um fyrir-
hugaðar lagfæringar og framkvæmdir á
Sólvangi. Á ég þar við lagfæringu á
húsnæði Sólvangs sem þegar er til staðar og
byggingu fyrirhugaðrar hjúkrunarálmu þar.
Þessar framkvæmdir báðar eru mjög að-
kallandi og þola enga bið. Hafnfirðingar,
allir sem einn, verða að leggja sig alla frarn
við að leggja þessu máli lið og koma því
heilu í höfn. Þetta er fjárhagslega mjög góð
framkvæmd og má minna á það í leiðinni,
að Sólvangur hefur vakið athygli ýmissa
fyrir hagkvæman rekstur og góða þjónustu.
Og þess á hann að njóta, þegar til hans er
horft. Þá hafa stjómir Sólvangs og Hafnar
lýst yfír jákvæðu viðhorfi til félagslegra
samskipta aldraðra á Sólvangssvæðinu í
fyrirhuguðum samkomusal á Sólvangi. og
að þar verði boðið upp á ýmis menningar-
leg og félagsleg samskipti, sem til þess eru
fallin að aldraðir hafí bæði gagn og gaman
af.
Hvenœr verða svo íhúðirnar tilhúnar ?
Það var alltaf gert ráð fyrir því að afhen-
da íbúðimar á sumardaginn fyrsta næstko-
mandi. Og sú áætlun mun standa. Við
Islendingar hlökkum alltaf til sumarsins og
sumardagsins fyrsta. Nú á þetta alveg
sérstaklega við okkur Hafnarmenn og væn-
tanlega íbúa í húsinu okkar hér á Sólvangs-
vegi 1. Það styttist óðunt í þennan dag,
þegar húsið verður afhent okkur. Sumar-
dagurinn fyrsti kernur að þessu sinni með
sérstaka sumargjöf til Öldmnarsamtakanna
Hafnar og til aldraðra Hafnfírðinga, sem
ætla að búa í húsinu á Sólvangsvegi 1. Þá
verður hátíð í bæ og garnan að lifa, væntan-
lega sannkölluð sumarstemming.
Hvað um lóðina? Það sýnist margt ógert
þar.
Já, lóðin fraus inni í haust, ef svo má
segja. Það verður ekki hægt að ganga frá
henni fyrir sumarmálin eins og til stóð. En
það verður lagt kapp á að ganga frá henni
strrax og aðstæður leyfa. Þáð er að þvf
stefnt að það verði ekki síðar en 12. júní, að
búið verði að ganga frá lóðunum bæði á
Sólvangsvegi 1 og Sólvangsvegi 3, gras-
flöturn, gangstéttum og bílastæðum.
Þú nefnir Sólvangsveg 3 ?
Já, þar mun annað fjölbýlishús fyrir
aldraða rísa á vegum Hafnar. 1 því verða 28
íbúðir. Það er búið að steypa gmnninn að
því húsi og það verður gengið frá lóðinni
þar núna í vor um leið og á Sólvangsvegi 1.
Þetta þýðir, að ekki þarf að vera þar með
frekara jarðrask vegna byggingafram-
kvæmdanna þar. En frekari byggingar-
framkvæmdir á Sólvangsvegi 3 bíða, þar til
markaðurinn kallar eftir fleiri íbúðum fyrir
aldraðra.
Er kannski eitthvað fleira á döfinni hjá
Höfn ?
Já, það má segja það. Sólvangssvæðið
hefur verið skipulagt með aldraða í huga.
Skipulagið gerir t. d. ráð fyrir því, að byggð
verði 16 sérbýli á sunnanverðu Sólvangs-
svæðinu. Þetta verða þriggja herbergja
raðhús með bflskúr. Höfn hefur verið falið
að hafa umsjón með öllu íbúðasvæðinu á
Sólvangi og annast framkvæmdir þar í
samráði við bæjarstjóm. Undanfarið hefur
Höfn verið að kanna áhuga fólks á þessum
íbúðum og hefur allmikill áhugi þegar
komið í ijós. Það er verið að kanna gmndöll
fyrir byggingu þessara íbúða, en enn er of
snemmt að segja nokkuð ákveðið unt það.
Er þú kannski á vegum Hafnaifjarðar-
bœjar í þessu verkefni ?
Nei, ég er hér á vegum Skátafélagsins
Hraunbúa. Það em ýtnis félagasamtök og
stofnanir hér í bænum sem standa að Höfn.
Þessi félög em Bandalag kvenna í Hafnar-
firði, Félag eldri borgara, Hafnarfjarðarbær,
Kiwanisklúbburinn Eldborg, Kiwanis-
klúbburinn Hraunborg, Lionsklúbburinn
Hafnarfirði, Lionsklúbburinn Ásbjöm,
Lionsklúbburinn Kaldá, Sjómannafélag
Hafnarfjarðar, Skátafélagið Hraunbúar,
Starfsmannafélag Hafnaríjarðar, Sólvang-
ur, Verkakvennafélagið Framtíðin og
Verkamannafélagið Hlíf. Hver þessara
aðila til nefnir einn mann í fulltrúaráð
Hafnar nema Hafnarfjarðarbær, sem til-
nefnir þrjá fulltrúa. Hver fulltrúi hefur fyrir
sig varamann. Fulltrúaráðið kýs stjóm
Hafnar til eins árs í senn og fer það með
stjóm samtakanna milli aðalfunda. Hins
vegar hefur bæjarstjóm Hafnarfjarðar stutt
framkvæmdir Hafnar með miklum ágætum
og við höfum alltaf átt hauk í homi, þar sem
bæjarstjómin er. Allir sem að Öldrunar-
samtökunum Höfn standa hafa staðið að
verkefnum félagsins af einlægni og áhuga.
Fyrir það er ég afskapléga þakklátur.
Hefur verið haft samráð og samband við
vamtanlega íbúðarhafa ?
Já, það hefur verið gert og mikill tími
farið í það. Við höfum verið svo heppnir að
fá Kristján Guðmundsson fyrrverandi
bæjarstjóra í Kopavogi til þess að starfa
fyrir okkur. Hann hefur að nn'nu mati unnið
einstaklega gott starf fyrir Höfn. Hann
hefur verið vakinn og sofínn við eftirlit með
framkvæmdum og annast alla samninga-
gerð við væntanlega fbúa og önnur sam-
skipti við þá með alúð og samviskusemi.
Þannig hefur ibúunum verið gert kleift að
fylgjast með framgangi verksins. Jafnframt
hefur verið tekið tillit til óska þeirra varð-
andi liti, ýmis efni og innréttingar eftir því
sem tök hafa verið á. Hefur samvinna um
þetta verið einstaklega góð og hefur byg-
gingarverktakinn, sem er Byggðarverk,
sýnt í verki mikinn samráðs- og sam-
starfsvilja. Ég vil nota þetta tækifæri til að
koma því á framfæri, að Byggðarverk hefur
reynst sérstaklega góður samstarfsaðili,
staðið vel við orð og áætlanir og sýnt með
augljósum hætti metnað til að skila góðu og
vönduðu verki. Ég tel okkur afar heppin
með byggingaraðilann.
Eitthvað sem þú vilt segja að lokum ?
Mér er efst í huga þökk til allra þeirra
sem ég hefi þurft að leita til vegna málefna
Hafnar. Samstarfið við Sólvang og Heilsu-
gæslustöðina hefur verið með miklum ágæ-
tum og sama er að segja um Sparisjóð
Hafnarfjarðar. Bæjarstjóm hefur sýnt ein-
beittan vilja til að aðstoða okkur í fram-
kvæmd þessa verkefnis og verið okkur stoð
og stytta á allan hátt. Ég trúi því, að hér sé
verið að vinna gott verk, sem eigi eftir að
koma mörgum öldruðum Hafnfírðingum til
góða.
Það mun stuðla að vellíðan þeirra og
gleði, heilbrigði og hamingjuömu lífi á
ókomnum dögum. Eg vona að íbúðimar á
Sólvangsvegi 1 eigi eftir að verða sumarau-
ki elliáranna um langa framtíð.