Alþýðublaðið - 30.06.1993, Side 7

Miðvikudagur 30. júní 1993
MENNING
7
Ljósmyndir
Mary Ellen Mark á Kjarvalsstöðum
Einn þekktasti Ijósmyndari heims talar um verk sín
A mánudaginn verður forvitnileg-
ur fyrirlestur á Kjarvalsstöðum
sem áhugamenn um Ijósmyndir
ættu ekki að láta framhjá sér fara.
Bandaríski Ijósmyndarinn Mary
Ellen Mark mun ræða um myndir
sínar, en sýning á verkum hennar
hefur staðið yfir á Kjarvalsstöðum
síðan 22. maí.
Mary Ellen Mark er um þessar mundir
einn þekktasti heimildaljósmyndari heims
og spannar sýningin fyrstu 25 árin af ferli
hennar. Hún hfeur að geyma 125 myndir,
allt frá blindum bömum í Úkraínu til fjöl-
leikahúslistamanna á Indlandi.
Mary Ellen Mark útskrifaðist sem frétta-
ljósmyndari 1964 eftir nám í listasögu og
lismálun. Hún fékk strax Fullbright-styrk til
að ljósmynda í Tyrklandi þarsem hún
dvaldi um tíma en sneri heim til Bandaríkj-
anna eftir árs dvöl og hóf að skrásetja með
myndavél sinni hvaðeina sem vakti áhuga
hennar; mannlíf í Central Park, mótmæla-
fundi, kvennahreyfinguna og líkamsræktar-
menn.
Hún hlaut fljótlega alþjóðlega ffægð fyr-
ir ljósmyndir sínar og myndraðir en meðal
þeirra eru Eiturlyíjaneytendur í London,
Heimilislaus ljölskylda, Góðgerðarstofnan-
ir Móður Theresu og Indversk fjölleikahús.
Sýningin að Kjarvalsstöðum hefúr verið
fjölsótt og hlotið góða dóma. Vegna óvið-
ráðanlegra ástæðna lýkur henni fyrr en áður
var auglýst eða miðvikudaginn 7. júlí.
Aðgangur að fyrirlestrinum á mánudags-
kvöldið er ókeypis og hefst hann klukkan
20.30.
Stúlkubam með fullorðið andlit og dúkku. Úr myndröðinni Streetwise eftir Mary Ellen Mark.
Fjallkonan í Lundúnum
Fjölsóttur þjóðhátíðarfagnaður íslendinga í Lundúnum.
Skrúðganga um götur heimsborgarinnar vakti óskipta athygli
íslendingar í Lundúnum héldu veg-
legan þjóðhátíðarfagnað sunnudaginn
20. júní. Mikill fjöldi fólks safnaðist
saman við sendiráðið. Fyrsti hluti dag-
skrárinnar fór fram af svölum sendi-
ráðsins og lokaði lögreglan nærliggj-
andi götum á meðan.
íslenski kórinn í Lundúnum flutti Land
míns föður, verðlaunalag Þórarins Guð-
mundssonar frá 1944. Þá ávarpaði Helgi
Ágústsson sendiherra gesti, en síðan flutti
Sigríður Ella Magnúsdóttir ávarp fjall-
konunnar. Síðan hófst skrúðganga með
lúðrablæsti og bumbuslætti og var gengið
í hinn þekkta listigarð, Chelsea Physic
Garden þarsem boðið var uppá fjölbreytta
dagskrá og veitingar á borð við pylsur,
prinspóló, kók, kaffi og kökur.
Skrúðgangan vakti mikla athygli veg-
farenda í Lundúnum en hún var farin í
lögreglufylgd. Veltu Lundúnabúar því
fyrir sér hvaða baráttuhópur færi þar og
fýrir hverju væri barist - með ábúðarfull-
an fánabera og glæsilega fjallkonu í Fánaberinn og fjallkonan. Steindór Haraldsson og Sigríður EUa Magnúsdóttir í broddi Is-
bijósti fylkingar. lendingafylkingar.
INNLAUSNARVEF®
VAXTAMIÐA VERÐTRYGGÐRA
SPARISKÍRTEINA RÍKISSJÓÐS
í 1.FLB.1986
Hinn 10. júlí 1993 er fimmtándi fasti gjalddagi vaxtamiða verðtryggðra
spariskírteina ríkissjóðs með vaxtamiðum í 1. fl.B 1986.
Gegn framvísun vaxtamiða nr.15 verður frá og með 10. júlí n.k. greitt sem hér segir:
Vaxtamiði með 50.000,- kr. skírteini = kr. 4.812,30
Ofangreind fjárhæð er vextir af höfuðstól spariskírteinanna fyrir tímabilið
10. janúar 1993 til 10. júlí 1993 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu 1364 hinn 1. janúar 1986
til 3282 hinn 1. júlí 1993.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða nr.15 fer fram gegn framvísun þeirra í afgreiðslu Seðlabanka íslands,
Kalkofnsvegi 1, Reykjavík, og hefst hinn 12. júlí 1993.
Reykjavík, 30. júní 1993.
í SEÐLABANKI ÍSLANDS
Grafið við fótskör Ingólfs
Ingólfur Amarson er stignn niður af stalli sfnum og stórvirkar vélar róta í hólnum
hans. En fomleifafræðingamir okkar nota auðvitað tækifærið líka til þess að lesa sig
í gegnum jarðlögin, og leita að skilaboðum sögunnar. Hér em þau Ragnar Eðvarðs-
son og Steinunn Kristjánsdóttir að rannsóknum: öndvegissúlumar frægu höfðu ekki
fundist þegar síðast fréttist.
Tónleikar Caput-hópsins
Hinn 4. júlí verða haldnir að Kjarvalsstöðum tónleikar með verkum Hauks Tómas-
sonar. Haukur er fæddur í Reykjavík 1960 og nam píanóleik við Tónlistarskólann í
Reykjavík 1976-1983 og nam einnig við tónífæðadeild Tónlistarskólans 1981-83.
Hann hélt síðan utan og stundaði nám í tónsmfðum og píanóieik við Musikhoch-
schule í Köln, Sweelinck Konservatorium í Amsterdam og framhaldsnám við Uni-
versity of Califomia í San Diego þaðan sem hann útskrifaðist með mastersgráðu
1990. Á tónleikunum verða flutt þrjú verk eftir Hauk; Eco del Passato, Spfrall og
Tríó, sem verður frumflutt og var sérstaklega samin fyrir þessa tónleika. Caput-hóp-
urinn mun fiytja öll verkin en í honum em um 20 ungir íslenskir einleikarar sem starfa
ýmist á íslandi eða erlendis. Caput-hópurinn hefur lagt sérstaka áherslu á að frum-
fiytja verk íslenskra tónskálda enda hafa niörg þeirra samið lyrir hópinn. Tónleikam-
ir á sunnudaginn hefjast klukkan 20.30. Aðgangseyrir er 300 krónur.
Elín Jakobsdóttir í Menningarstofnun
Bandaríkjanna
Á laugardaginn, klukkan 14, mun skosk-íslenska listakonan Elín Jakobsdóttir opna
sýningu á málverkum og teikningum í húsakynnum Menningarstofnunar Bandaríkj-
anna að Laugavegi 26 (bílastæði og inngangur einnig frá Grettisgötu). Elín er fædd á
íslandi árið 1968 en hefur verið búsett erlendis allt frá bamæsku. Hún stundaði nám
við Glasgow School of Art og lauk þaðan B.A. prófi með láði árið 1992. Elín hélt
einkasýningu á verkum sínum í Glasgow árið 1991 auk þess sem hún hefur tekið þátt
í námssýningum og hópsýningum skoskra listamanna í Glasgow og Lundúnum og
annast myndskreytingu bamabókar fyrir menntamálaráðuneytið í Chile. Þá sá hún
um uppsetningu og skipulag sýningar á vefnaöi og listmunum frá Andesfjöllum í
Perú, „Winds across the Andes“, sem haldin var í Glasgow fyrir tveimur ámm. Elín
hefur lagt leið sína til Perú og Bólivíu í náms- og kynnisferðir, og lagt stund á leikiist
og brúðugerð. Árið 1991 vom henni veitt hin svonefndu Christie-verðiaun en þau
falla í skaut efnilegasta nemandanum á þriðja ári við Glasgow School of Art. Þá hlaut
hún myndlistarverðlaun W.O. Hutchison árið 1992. Sýning Elínar verður opin a!|^
virka daga frá klukkan 8.30 til 17.45 og stendur til föstudagsins 30. júlí.
íslenskt kvöld í Norræna húsinu
Fimmtudagskvöldið 1. júlí mun Heimir Pálsson cand.mag. halda fyririestur á
sænsku um íslenska menningu og nefnist hann Jslandsk kultur genorn tidema'*.
Heimir mun rekja sögu íslenskrar menningar í stómm dráttum, og að fyrirlestrinum
loknum verður kvikmyndin „Utbrottet pa Hemön" sýnd. Kaffihlé verður efúr fyrir-
lesturinn og í kaffistofu er hægt að fá gómsætar veitingar; í fféttatilkynningu Norræna
hússins er þannig vakin sérstök athygli á rjómapönnukökunum. Fimmtudagskvöldið
8. júlí mun leikstjórinn Kari Halldór svo ræða á sænsku um íslenska leiklist í fyrir-
lestrinum „Islandsk teater idag“. Aðgangur er ókeypis að íslandskvöldi og em allir
velkomnir.