Alþýðublaðið - 15.12.1993, Blaðsíða 6
10 ALÞÝÐUBLAÐIÐ
S K
G I N N
Miðvikudagur 15. desember 1993
AKURNESINGAR!
Glaður er sá sem
greiðir á gjalddaga.
Sýslumaðurinn á Akranesi.
JÓLATILBOÐ
20% staðgreiðsluafsláttur
dagana 17. og 18. desember
Axel Sveinbjörnsson hf.
AKURNESINGAR - AKURNESINGAR
Minnum á fjölbreytt og gott
vöruúrval í nýjum og
rúmgóðum húsakynnum.
Lága verðið léttir lífið.
Verslun Einars Ólafssonar.
GLEÐILEG JÓL!
Akraneskaupstaður og stofnanir hans senda
bæjarbúum bestu jóla- og nýársóskir með þökkum
fyrir samstarfið á árinu sem er að líða.
AKRANESKAUPSTAÐUR
Skóvinnustofa
Akraness
Skólabraut 14
Skóvinnustofan er eitt af mörgum
þjónustufyrirtækjum á Akranesi sem
hafa staðið sig mjög vel í því að veita
góða þjónustu. Eigandi Skóvinnustof-
unnar, Sigurður Sigurðsson, hefur þrátt
fyrir úrtöluraddir, brett upp ermamar
og boðið upp á fjölbreytta þjónustu
sjálfum sér og íbúuin Akraness til hags-
bóta.
Saga Skóvinnustofunnar er í stuttu
máli þessi: Sigurður Sigurðsson skó-
smiður fæddur í Reykjavík 1957, flutti
fyrst til Akraness með fjölskyldu sína
árið 1978 og hóf rekstur skóvinnustofu
í kjallara Vesturgötu 46, Auðnum. Ekki
gekk reksturinn nægjanlega vel í það
skiptið, því fluttu þau aftur til Reykja-
víkur eftir ársdvöl á Skaga. Næstu tvö
árin rak Sigurður Skóvinnustofu í
Hafnarfirði.
Eftir dvölina á Akranesi blundaði sá
draumur í brjósti Sigurðar og fjöl-
skyldu hans að flytja aftur hingað. Þess
vegna varð það að þau fluttu aftur upp á
Skaga tveimur árum síðar. Keyptu þau
húsið númer 33 við Skólabraut, Sunnu-
hvol. Sigurður setur upp vinnustofu í
því húsi, nánar til tekið í viðbyggingu
hússins. Samhliða skóviðgerðum
stundar Sigurður vinnu á Grundar-
tanga.
Vinsældir þjónustunnar vaxa úr
þessu hröðum skrefum og þess vegna
ráðast þau í að kaupa húsnæði að
Kirkjubraut 16, Akbraut. Sigurður hef-
ur nú aftur skóviðgerðir og ýmsa leður-
vinnu sem aðalstarf.
Margir félagar hans úr greininni
höfðu sagt honum að það væri alveg
vonlaust að lifa af skóviðgerðum á ekki
stærra markaðssvæði. Sigurður lét það
ekki á sig fá en var staðráðinn í því að
standa sig sem skósmiður á Akranesi.
Með fljótri og góðri þjónustu fyrir hóf-
legt verð hefur honum tekist að auka
vinsældir þjónustunnar svo að hann
hefur feikinóg að gera. Af og til hefur'
hann þurft að ráða til sín aðstoðarmenn
þegar mest hefur legið fyrir. Hluti skýr-
ingarinnar á vinsældum Skóvinnustof-
unnar er að hún býður upp á alhliða
viðgerðarþjónustu. Auk skóviðgerð-
anna gerir Sigurður við allan leðurfatn-
að og annað leðurkyns, svo sem
hnakka, beisli, töskur og fleira. Einnig
gerðir Sigurður við annan fatnað eins
og að setja nýja rennilása á úlpur og
buxur.
Fyrir um það bil einu og hálfu ári
flutti Skóvinnustofan að Skólabraut 14,
þar sem hún er nú. Ástæður þess að
Sigurður flytur nú er þær sömu og áður,
umsvifin aukast stöðugt og stofan þarf
meira rými.
Skaginn óskar Sigurði, fjölskyldu
hans og viðskiptavinum gleðilegra jóla
og farsældar á nýju ári.
- Ingvar.
„Skóvinnustofan cr eitt af mörgum þjónustufyrirtækjum á Akranesi sem hafa staðió sig mjög vel
í því að veita góða þjónustu. Eigandi skóvinnustofunnar, Sigurður Sigurðsson, hcfur þrátt fyrir
úrtöluraddir, brett upp ermarnar og boðið upp á fjölbrcytta þjónustu sjálfum sér og ílnuim
Akraness til hagsbóta.“
Alþýðublaðsmynd / Einar Ólason