Alþýðublaðið - 12.04.1995, Blaðsíða 8

8
ALÞÝÐUBLAÐIÐ
MIÐVIKUDAGUR 12. APRÍL 1995
o r n
Norsk blaðagrein um Smugudeiluna ítilefni þingkosninganna
Jón Baldvin hefur beygt
bæði Norðmenn og Rússa
Utanríkisráðherra íslands, Jón
Baldvin Hannibalsson, veit
hvað hann gerir. Á meðan norsk-
ir utanríkisráðherrar hrylla sig í
hvert sinn sem þeir þurfa að taka
á fiski, fiskikvótum og æstum
sjómönnum er fiskurinn raison
d’étre (tilveruréttur) í augum
Jóns Baldvins Hannibalssonar.
Jón Baldvin stjómar Þorsteini
Pálssyni sjávarútvegsráðherra
og með harkalegri fiskveiði-
stefnu hefur hann beygt bæði
Norðmenn og Rússa. Nú er tími
fyrir samninga um auðæfi hafs-
ins.
Á þessa leið er upphaf greinar
eftir Svein Thompson í norska
blaðinu Dagens Nœringsliv sem
birtist þann 6. apríl síðast liðinn í
tilefni þingkosninganna á ís-
landi. Þar er tjallað um deilur Is-
lendinga, Norðmanna og Rússa
vegna veiða í Smugunni í Bar-
entshafi, á verndarsvæðinu við
Svalbarða og í síldarsmugunni
austur af íslandi. Greinarhöfund-
ur segir að þarna sé deilt um þrjá
mikilvæga fiskistofna, þorsk,
síld og loðnu, og eipkum deili
Norðmenn og Islendingar.
Smugan í Barentshafi og síldar-
smugan séu þó aðskildar frá
verndarsvæðinu við Svalbarða,
„Utanríkisráðherra íslands, Jón Baldvin Hannibalsson, veit hvað hann gerir. A meðan
norskir utanríkisráðherrar hrylla sig í hvert sinn sem þeir þurfa að taka á fiski, fiski-
kvótum og æstum sjómönnum er fiskurinn raison d'étre (tilveruréttur) í augum Jóns
Baldvins Hannibalssonar."
Endurgreiðsla
virðisaukaskatts vegna
fjárfestingar í hótel- og
gistirými á árinu 1993.
Samkvæmt heimild í ákvæði til bráðabirgða III í lögum
nr. 122/1993, um breytingar í skattamálum, sbr. 9. gr.
laga nr. 45/1995, um breyting á lögum nr. 50/1988, um
virðisaukaskatt, með síðari breytingum, hefur
fjármálaráðherra gefið út reglugerð nr. 199/1995, um
endurgreiðslu virðisaukaskatts vegna fjárfestingar í
hótel- og gistirými á árinu 1993.
Rétt til endurgreiðslu hafa skattskyldir aðilar, sem
stunda útleigu á hótel- og gistirými og annarri
gistiþjónustu eða leigja út slíkan rekstur, og fjárfestu
í þeirri starfsemi á árinu 1993.
Endurgreiðsla skal að hámarki nema 17% af eignfærðri
nýfjárfestingu, sem bar virðisaukaskatt á árinu 1993, í
fasteignum og búnaði í gistirými. Fjárhæð endur-
greiðslu er ákvörðuð þannig að reiknuð er út heildar-
fjárhæð virðisaukaskatts samþykktra endurgreiðslu-
beiðna, og ef heildarfjárhæð er hærri en 10 m.kr. lækkar
hlutfall endurgreiðslu samsvarandi þannig að heildar-
endurgreiðsla verði 10 m.kr. Endurgreiðslufjárhæð
hvers og eins aðila er deilt í tvær jafnar fjárhæðir sem
greiddar verða út 1. nóvember 1995 og 1. apríl 1996.
Endurgreiðsla er háð skilyrði um að aðilar hafi með
höndum rekstur gistiþjónustu öll uppgjörstímabil ársins
1994 og fyrstu tvö uppgjörstímabil ársins 1995 vegna
endurgreiðslu á árinu 1995 og öll uppgjörstímabil
ársins 1995 og fyrsta uppgjörstímabil ársins 1996 vegna
endurgreiðslu á árinu 1996.
Aðilar sem rétt eiga á endurgreiðslu skulu senda
virðisaukaskattsskrifstofu ríkisskattstjóra beiðni um
endurgreiðslu á sérstöku eyðublaði sem ríkisskattstjóri
gefur út, ásamt ársreikningi og afriti af leyfisbréfi til
gististaðarekstrar. Beiðni ásamt fylgigögnum skal
berast ríkisskattstjóra fyrir 1. maí 1995.
Nánari upplýsingar veitir virðisaukaskattsskrifstofa
ríkisskattstjóra.
RSK
RÍKISSKATTSTJ ÓRI
alla vega í augum Norðmanna.
Þær smugur séu alþjóðahafsvæði
án nokkurrar fiskveiðistjórnunar
annarrar en þeirrar sem ríki sem
hagsmuna hafa að gæta komi sér
saman um. Þetta gildi í raun
hvarvetna utan 200 mílna marka
í heiminum.
Svein Thompson segir að yfir-
ráð Norðmanna á verndarsvæð-
inu umhverfis Svalbarða sé
ákveðið af þeim einum. Norð-
menn hafi túlkað þetta svo að
þeir hafi rétt á 200 mílna efna-
hagslögsögu við Svalbarða líkt
og efnahagslögsögu þeirra frá
ströndum Noregs. Aðeins Kan-
ada hafi stutt þetta sjónarmið.
Islendingar séu æfir vegna
yfirgangs Norðmanna á verndar-
svæðinu þar sem þeir hafi ekki
fengið þar úthlutað kvóta. Þetta
þyki þeim gjörsamlega óásættan-
legt en ný lagasetning í Noregi
og aðgerðir strandgæslunnar hafi
komið í veg fyrir frekari veiðar
íslendinga á verndarsvæðinu.
Greinarhöfundur segir að Jón
Baldvin Hannibalsson sé ekki
svo vitlaus að sækja að Norð-
mönnum á verndarsvæðinu og
verða þar með stimplaður sem
„spanjóli." Hins vegar styðji
hann fullum fetum ótakmarkaðar
veiðar í Smugunni í Bar-
entshafi því hann viti að
Norðmenn hafi engan
stuðning við að stöðva
veiðar Islendinga þar. I
fyrra hafi íslenskir togar-
ar veitt 56 þúsund tonn í
Smugunni. Þorsteinn
Pálsson sjávarútvegsráð-
herra hafi haft uppi efa-
semdir um þessar veiðar
af því hann óttist veiðar
utan íslensku 200 mílna
lögsögunnar. Hann hafi
hins vegar verið það klók-
ur að segja ekki neitt eftir
að hafa fengið skýr skila-
boð frá Jóni Baldvin. Þor-
steinn viti mætavel að
síldin fari í gegnum sfld-
arsmuguna á leið sinni til
íslands frá Noregi. Þar
gætu norsk veiðiskip
„hefnt“ sín á veiðum Is-
lendinga í Smugunni.
Því meira sem íslend-
ingar veiða í Smugunni
þeim mun betri spil hefur
Jón Baldvin Hannibals-
son á hendi þegar samið
verður um kvóta við
Norðmenn og Rússa. Sá
dagur þarf ekki að vera
langt undan. Síðast liðið
haust þinguðu embættis-
menn um málið en þá var
útilokað að semja. Norski
sjávarútvegsráðherrann,
Jan Henry „No-Fish“
Olsen, átti nóg með að
verja sjávarútvegssamn-
inginn við ESB fyrir
þjóðaratkvæðagreiðsluna
28. nóvember. Nú er það
íslenska ríkisstjómin sem
á erfitt með að koma sér
saman um lausn því Dav-
íð Oddsson og kó vilja
gjarnan sitja í stjóm fjög-
ur ár til viðbótar. Lausn
deilunriar hlýtur að
byggjast á málamiðlun
sem erfitt er að kynna
sem sigur rétt fyrir kosn-
ingar, segir í greininni.
Að lokum segir að síð-
ustu samningaviðræður
hafi farið fram í Moskvu í
byrjun mars. Vonir standi
til að skömmu eftir kosn-
ingamar á íslandi sé hægt
að koma á nýjum fundi og
leysa fiskveiðideiluna í
eitt skipti fyrir öll.
„Jón Baldvin stjórnar Þor-
steini Pálssyni sjávarútvegs-
ráðherra og með harka-
legri fiskveiðistefnu hefur
hann beygt bæði Norð-
menn og Rússa."
„Nú er það íslenska ríkis-
stjórnin sem á erfitt með
að koma sér saman um
lausn því Davíð Oddsson og
kó vilja gjarnan sitja í
stjórn fjögur ár til viðbót-
ar. Lausn deilunnar hlýtur
að byggjast á málamiðl-
un."
„Því meira sem Islending-
ar veiða í Smugunni þeim
mun betri spil hefur Jón
Baldvin Hannibalsson á
hendi þegar samið verður
um kvóta við Norðmenn
og Rússa...Norski sjávar-
útvegsráðherrann, Jan
Henry „No-Fish" Olsen, átti
nóg með að verja sjávarút-
vegssamninginn við ESB."