Alþýðublaðið - 11.07.1995, Blaðsíða 7

ÞRIÐJUDAGUR 11. JÚLÍ1995
ALÞÝÐUBLAÐIÐ
7
m e n n i n c
■ Óháð listahátíð verður haldin í
Reykjavík 18. ágústtil 3. september.
Guðrún Vilmundardóttirkynnti sér málið...
og hún hefur
alltafverið"
- segir Halldór Auðarson, aðalskipuleggjandi
hátíðarinnar um sköpunarverk sitt.
Frá 18. ágúst til 3. september verður
Óháð listahátíð haldin í Reykjavík í
þriðja sinn. Listahátíðin hefur fengið
Iðnó til ráðstöfunar meðan á hátíðinni
stendur og hefjast endurbætur á hús-
inu í næstu viku. Alþýðublaðið ræddi
stuttlega í gær við Halldór Auðarson,
sem er aðalskipuleggjandi Óháðrar
listahátíðar og var reyndar upphafs-
maður hennar fyrir tveimur árum.
Verður Óháða listahátíðin með
sama sniði og tvö síðustu ár?
„Hún verður með svipuðu sniði og
tvö síðustu ár, kannski stærri og enn
metnaðarfyllri ef eitthvað er. Sex ís-
lensk tónverk verða frumflutt, meðal
annars eftir Leif Þórarinsson tón-
skáld sem verður heiðursgestur hátíð-
arinnar. Leifur varð sextugur á síðasta
ári, svo okkur fannst tilvalið að heiðra
hann á þessari hátíð.“
Hverjir taka þátt í að skipuleggja
hátíðina?
„Þar leggja margir hönd á plóg, svo
það er flókið að telja alla upp. Það
taka að minnsta kosti þrjátíu manns
þátt í að vinna í Iðnó, við byijum að
vinna að endurbótum þar í næstu viku,
enn er verið að reyna að ná inn íjár-
magni til að vinna verkið. Öll hjálp er
vel þegin. Við reynum að miklu leyti
að fjármagna viðgerðimar með sjálf-
boðavinnu, höfum fengið einhverja
styrki, en þeir duga skammt. Mynd-
listamenn sem fá inni í húsinu verða
að leggja fram vinnu á móti, og sem
betur fer er alltaf hópur af fólki sem er
tilbúinn að rétta hjálparhönd."
Fenguð þið afnot af Iðnó með því
skilyrði að gera endurbœtur á húsinu
áður en nokkrum verður boðið þang-
að inn?
„Já, við verðum að gera lágmarks
endurbætur. Það hefur enginn fengið
að fara inn í húsið í fjögur ár, að ég
best veit, svo þetta er í fyrsta sinn sem
Óháð listahátíð fær þar inni. Húsið er í
þokkalegu ástandi, en það er mjög
hrátt að innan, við verðum að klæða
veggina, sem eru mjög gisnir, það er
spuming um eldvamir. Allt rafkerfi er
handónýtt, það var einmitt ein aðal-
ástæðan fyrir því að húsinu var lokað
á sínum tíma. Við verðum að leggja
sjálf allt rafmagn sem við þurfum að
nota. Óháða listahátíðin varð til í þeim
anda að reyna að gera Iðnó að fjöl-
listahúsi, koma lífi í það aftur, svo við
vinnum þetta glöð í bragði."
Þið hljótið að vera lukkuleg með
að komast loksins inn ílðnó?
„Auðvitað, upphaflegt markmið
Óháðu listahátíðarinnar var að sýna
ffam á að hægt væri að nýta Iðnó allan
ársins hring. Það var áður en Reykja-
víkurborg ákvað að kaupa meirihluta í
húsinu, og sumir töluðu um að það
ætti að rífa það. Við vildum sýna fram
á að Iðnó þyrfti ekki að vera neitt
bákn, heldur væri hægt að reka það á
mjög einfaldan hátt. Það væri mögu-
leiki að hafa einn einasta starfsmann,
umsjónarmann, og síðan væri húsið
afhent þeim sem vildu nota það. Það
er mikið af listafólki og alls konar
fólki í Reykjavík, sem hefúr not fyrir
húsið. Það þarf hvorki að koma upp
einhverri þunglamalegri stofnun né
festa húsið ákveðnum hópum til þess
að nýta húsið. Við erum búin að ná
ákveðnum áfanga, nú verðum við að
sýna fram á að þetta gangi upp. Dag-
skráin verður mikið til inni í Iðnó, þar
verður hjarta hátíðarinnar."
Hátíðin opnar á afmœlisdegi
Reykjavíkur. Verður mikið um að
vera afþví tilefni?
„Já, til stóð að halda sumarnám-
skeið fyrir unglinga til að undirbúa
stóra göngu, en við lentum í húsnæð-
ishrakningum, svo námskeiðið verður
að bíða næsta sumars. En hópur lista-
manna ætlar að undirbúa göngu, við
ætlum að gera líkneski af landvættun-
um og ganga fylktu liði niður Lauga-
veginn. Leikskólar Reykjavíkur taka
vonandi þátt, hljóðfæraleikarar úr
Spunasamtökunum ætla að sjá um
tónlistina, og auðvitað eru allir vel-
komnir.“
Hvað verður að gerast á Óháðri
listahátíð frá 18. ágúst til 3. septem-
ber?
„Það er margt í mótun enn þá. Leif-
ur Þórarinsson er í forsæti, eins og áð-
ur sagði. Snorri Sigfús Birgisson
heldur tónleika með verkum eftir sig
og Leif og fleiri, þar á meðal tríóverk,
þar sem Oskar Ingólfsson klarinett-
leikari og Þórhallur Birgisson fiðlu-
leikari verða með honum. Elísabet
Jökulsdóttir og Sindri Freysson
■ Sex fræðingar voru í náðinni við úthlutun
fræðimannsíbúðar í Kaupmannahöfn
Listfraeðingur, arkitekt, lög-
fræðingur, málfræðingur og
tveirsagnfræðingarfa inni
Úthlutunamefnd ffæðimannsíbúðar
samkvæmt reglum um Hús Jóns Sig-
urðssonar í Kaupmannahöfn hefur lok-
ið störfum og úthlutað íbúðinni ffá 1.
september 1995 til 31. ágúst 1996.
Fræðimannsíbúðin er skammt ffá Jóns-
húsi eða í húsi númer 70 við götu heil-
ags Páls. Fræðimaður hefur enn fremur
vinnustofu f Jónshúsi.
Alls bárust nefndinni 36 umsóknir
og hlutu sex ffæðimenn afhot af íbúð-
inni: Doktor Már Jónsson sagnfræð-
ingur til að kanna gögn um Árna
Magnússon, prófessor og handrita-
safhara (september til nóvember 1995);
Hrafnhildur Schram listfræðingur
vegna rannsóknar á skandinavískum
áhrifum á fyrstu kynslóð íslenskra lista-
manna (desember 1995); Páll Bjarna-
son arkitekt vegna rannsóknar á þróun
íslenskrar byggingalistar (janúar 1996);
Sigfiís Haukur Andrásson sagnfræð-
ingur til að rannsaka ffekar verslunar-
sögu íslands árin 1808 til 1855 - frí-
höndlunartímabilið - (febrúar til apríl
1996); Hjördís Hákonardóttir lög-
ffæðingur til samanburðarrannsókna á
ritstíl og orðafari danskra og íslenskra
lögffæðinga (maí til júní 1996); Jón G.
Friðjónsson málfræðingur til að afla
heimilda í orðasöfhum Amastofnunar
um íslensk orðatiltæki úr Biblíumáli
(júlí til ágúst 1996).
í úthlutunamefndinni eiga sæti þeir
Ólafur G. Einarsson, forseti Alþingis,
Ólafur Egilsson, sendiherra íslands í
Kaupmannahöfh og formaður stjómar
Jónshúss, og Jakob Ingvason prófess-
or sem tílnefndur var af rektor Háskóla
íslands.
Listfengu bræðurnir Halldór og Jón Sæmundur Auðarsynir voru í góðri sveiflu i rigningunni í gær. „Óháða lista-
hátíðin verður jafn stjórnlaus og hún hefur alltaf verið. Auðvitað reynum við aðeins að halda í taumana, en það
er ekkert gaman að hafa allt niður njörvað," segir Halldór (til vinstri á myndinni) sem er aðalskipuleggjandi
Óháðrar listahátíðar og nýtur þar meðal annars aðstoðar bróður síns sem hannaði kynningarplakat hátíðarinnar.
skipuleggja sitt hvort bókmennta-
kvöldið, svo verður húsið undirlagt af
samsýningu myndlistarmanna. Skúlp-
túrar, lágmyndir, málverk... það verð-
ur nóg að skoða. Við gefum fólki ffest
til 20. júlí, til að komast inn í dag-
skrána. Síðustu ár hafa málin þróast
þannig að fólk er að bætast inn fram á
síðasta dag, og það geta allir tekið
þátt, þó þeir séu ekki kynntir í dag-
skránni. Iðnó verður ekki eitt um hit-
una, það verða myndlistasýningar og
upplestrar á flestum kaffihúsum í
borginni. Óháða listahátíðin verður
jafh stjómlaus og hún hefur alltaf ver-
ið. Auðvitað reynum við aðeins að
halda í taumana, en það er ekkert
gaman að hafa allt niður njörvað."
■ Þ;jár nýjarferðabækurfrá Máli og menningu
„Aferð um landið" með Bimi Hróarssyni
Mál og menning hefur sent ffá sér
þrjár nýjar ferðabækur eftir Björn
Hróarsson í bókaflokknum Á ferð um
landið. Fjallar hver bók um sinn
landshlutann sem em Dalir og Barða-
strandarsýslur, Skaftafellssýslur og
Snæfellsnes. Bækurnar í þessum
flokki verða alls tólf og spanna þær
landið allt en áður hafa komið út bæk-
ur um Ámes- og Rangárvallasýslur,
Borgarfjörð og Mýrar og Þingeyjar-
sýslu. Ferðabækumar Á ferð um land-
ið em í handhægu broti og samdar
með það í huga að þær séu teknar með
i ferðalagið. í þeim er fjallað um
helstu aksturs- og gönguleiðir í hvetju
héraði fyrir sig, taldir staðir þar sem
ferðafólk ættí að staldra við, landslagi
lýst og sögustöðum, bent er á fáfamar
slóðir, greint ffá vötnum og ám ásamt
veiði í þeim og vísað á útsýnisstaði.
Aftast í hverri bók er ítarlegt kort af
þeim landshluta sem lýst er í bókinni.
Bækurnar eru prýddar fjölda ljós-
mynda.
Bjöm Hróarsson er jarðfræðingur
að mennt. Hann hefur einkum fengist
við ritstörf og ljósmyndun af ferða-
slóðum um íslenska náttúm.
Á ferð um landið er 73 blaðsíður,
unnar í Odda hf. Kápur hannaði
Margrét E. Laxness og verðið er
1490 krónur.
■ Mál og menning ^
Periurí náfttúru Islands
- eftir Guðmund Pál Ólafsson kemur út á ensku.
Mál og menning hefur sent ffá sér
enska þýðingu bókarinnar Perlur í
náttúru íslands eftir Guðmund Pál
Ólafsson: Iceland the Enchanted. í
bókinni er íslensku Iandslagi lýst á eft-
irminnilegan hátt í máli og myndum.
Hún skiptíst í tvo hluta, fyrri hlutinn er
yfirlit yfir jarðsöguna og kenningar
um hvemig ísland reis úr sæ, hvemig
landslag verður til, mótast og eyðist. I
síðari hlutanum er lýst um 70 stöðum
á landinu, ffá fjöru tíl fjalla. Um stað-
ina er ekki einungis fjallað ffá sjónar-
horni náttúrufræði, heldur líka í
tengslum við sögu þjóðarinnar.
Skýringamyndir, kort og glæsilegar
ljósmyndir koma töffum landsins til
skila í þessari bók sem er einstök gjöf
til vina og viðskiptamanna erlendis.
Guðmundur Páll Ólafsson er mennt-
aður í Bandaríkjunum og Svíþjóð í
náttúruffæði, ljósmyndun, myndlist og
köfún. Hann hefúr víða farið og unnið
mörg störf til sjós og lands á íslandi
og er óbilandi hugsjóna- og baráttu-
maður fyrir skynsamlegri nýtingu á
auðlindum landsins. Bókina þýddi
Bernard Scudder. Hún er 419 blað-
síður, prentuð í Odda og kostar 14.850
krónur.