Alþýðublaðið - 07.09.1995, Qupperneq 3

FIMMTUDAGUR 7. SEPTEMBER 1995
ALÞÝÐUBLAÐIÐ
3
s k o ð a n i r
Ýmislegt er hægt, sumt er mögulegt
og útiloka má annad
„Hinir eldri SUSS-arar, nei fyrirgefið SUS-arar, höfðu nefnilega heyrt
Davíð þar tala um að ísland hefði ekkert að gera inn í slíkt bandalag,
því á íslandi byggi frjáls þjóð í frjálsu landi sem hefði ekki með neina
útlendinga og þess háttar fólk að gera ... Það var því eins gott að
reyndari SUS-ararnir SUSSuðu á hina óreyndari eftir að Davíð hafði
SUSSað á þá og nú segir allur Sjálfstæðisflokkurinn SUSS. Hjúkk."
Hægt er að útiloka aðild að
Evrópusambandinu, segja ungir Sjálf-
stæðismenn í nýlegri ályktun.
Þó ekki allir.
Jóhanna Vilhjálmsdóttir formaður
utanríkisnefndar Sambands ungra
sjálfstæðismanna segir þannig til
dæmis að SUS segi að ekki sé hægt
að útiloka aðild að Evrópusamband-
inu, en Kjartan Magnússon segir hins
vegar að flestir segi annað.
Þótt sumir segi sumt og aðrir segi
annað, en flestir ekki neitt er SUS
samt ábyrg samtök ungs fólks sem
taka skal alvarlega.
Þótt forysta Sjálfstæðisflokksins
segi SUSS á SUS þá verða menn að
skilja að SUS skilur SUSS enda er
það ekki ungu fólki holt að gaspra út í
loftið þegar þeir eldri og virtari vilja
fá frið.
Pallborðið
Eiríkur Bergmann
Einarsson
|/f '/1 skrifar
Já það er agi á Sjálfstæðisheimilinu
sem svo tilfinnanlega vantar annar-
staðar í hinu íslenska þjóðfélagi.
Ungt fólk á íslandi ætti því að taka
SUS sér til fyrirmyndar og þegja þeg-
ar SUSSað er á það, hvort sem það er
í SUS eða ekki.
A nýlegu þingi Sambands ungra
sjálfstæðismanna lögðu nokkrir
óreyndari liðsmenn SUS fram ályktun
þar sem segir að ekki sé hægt að úti-
loka aðild fslands að Evrópusam-
bandinu því innri markaður þess er sá
skilvirkasti í heimi.
Þeir héldu í einfeldni sinni að sam-
keppni á frjálsum markaði (sem þeir
höfðu svo oft heyrt Hannes Hólm-
stein lýsa sem því kerfi sem tryggði
best hamingju hins kapítalíska
manns) samræmdist stefnu Sjálfstæð-
isflokksins.
Svo reyndist þó ekki vera.
Þessir framtakssömu en þó óreyndu
liðsmenn höfðu sennilega ekki heyrt
þjóðhátíðaræðu Davíðs Oddssonar.
Hinir eldri SUSS-arar, nei fyrirgef-
ið SUS-arar, höfðu nefnilega heyrt
Davíð þar tala um að ísland hefði
ekkert að gera inn í slíkt bandalag,
því á íslandi byggi frjáls þjóð í fijálsu
landi sem hefði ekki með neina út-
lendinga og þess háttar fólk að gera.
SUS-aramir reyndari vissu því að
Davíð vildi ekki að SUS segði að
ekki væri hægt að útiloka aðild að
Evrópusambandinu og tóku því ekkið
út úr ályktuninni, sem sagði því ekki
neitt og málið svæft, SSSUSSS.
SUS-arar verða líka að átta sig á
því að þeir eru nú í ríkistjórn með
Framsókn sem vill ekki sjá neina út-
lendinga á okkar fagra sjálfstæða
landi.
Guðni Agústsson sagði þeim það
fyrir kosningar að ísland eigi að vera
fyrir Islendinga og Páll Pétursson vill
ekki sjá neina skipsfarma af útlend-
ingum koma hingað og hefur því
stoppað öll ný atvinnuleyfi til þeirra.
Það var því eins gott að reyndari
SUS-aramir SUSSuðu á hina óreynd-
ari eftir að Davíð hafði SUSSað á þá
og nú segir allur Sjálfstæðisflokkur-
inn SUSS.
Hjúkk. ■
Höfundur er stjórnmálafræðlngur og
jafnaðarmaður.
Hún Björk okkar Guð-
mundsdóttir hlýtur mikla
upphefð í nýjasta tölublaði
milljónatímaritsins Time. I
menningarumfjöllun blaðsins
að þessu sinni eru einungis
tveir einstaklingar sem njóta
þeirrar náðar að fá um sig
heilsíðuumfjöllun: Salman
Rushdie vegna nýjustu bókar
hans - og Björk í tilefni af út-
gáfu geislaplötunnar Post. í
greininni, sem tveir blaðamenn
sáu um að setja saman, er vita-
skuld farið feikn lofsam-
legum orðum um tónlist
Bjarkar og persónu
ásamt því sem uppruna
hennar er gerð góð skil. í
lokin segir að Björk virð-
ist grannvaxin og við-
kvæm, en hinsvegar
þurfi góðan slunk af ein-
beitni til þess að þora að
yfirgefa hljómsveit [Syk-
urmolanaj, heimaland,
maka sem heiti Þór
[Eldonj og verða alþjóð-
leg poppstjarna uppá
eigin spýtur. Af slíkri
hetju er náttúrlega óþarft
að hafa áhyggjur...
ú er Páll Magnús-
son kominn heim til
föðurhúsanna á Lyng-
hálsi. Að vísu ekki til að taka við
stjórn á íslensk- ameríska stór-
búinu Stöd 2 heldur á hann að
sitja hjáleiguna Sýn. Sú sjón-
varpsrás hefur legið í dvala en
ákveðið var að koma henni í
gagnið þegar Árni bíókóngur
Samúelsson og fleiri boðuðu
nýja sjónvarpsstöð. Páll hefur
boðað að útsendingar hefjist
innan skamms og aðeins verði
boðið upp á úrvalsefni, innlent
sem erlent. Þrátt fyrir þessar
yfirlýsingar Páls hefur enginn
annar starfsmaður verið ráðinn
að Sýn og sjálfur hefur hann
ekki einu sinni fengið eigið
skrifborð enn sem komið er...
Friðrik Sophusson fjármála-
ráðherra hefur nú ákveðið
að fram fari heildarendurskoð-
un á stefnu ríkisins í starfs-
mannamálum. Endurskoðun-
inni er ætlað að taka bæði til
gildandi laga og framkvæmdar
á starfsmannahaldi. Markmið
endurskoðunarinnar er að auka
hagkvæmni i ríkisrekstrinum,
stuðla að bættri þjónustu hins
opinbera og að gera starfs-
mannastefnu ríkisins skýrari en
nú er. Einhver húrrahróp munu
örugglega heyrastfrá almenn-
ingi ef það gengur eftir - sér-
staklega þetta með bættu þjón-
ustuna. Til þess að vinna að
þessu verkefni var vitaskuld
skipuð nefnd. í henni eiga sæti
Eiríkur Tómasson prófessor,
formaður, Inga Dóra Sigfús-
dóttir stjórnmálafræðingur og
Þórður S. Óskarsson vinnu-
sálfræðingur. Stefnt er að því
að nefndin skili lokaáliti um
áramótin 1996/1997. Skilafrest-
urinn hlýtur að vera eini ágall-
inn við þetta plan Friðriks; eitt
og hálft ár er óneitanlega
býsna langurtími í pólitík...
h i n u m e g i n
"FarSide" eftir Gary Larson
„Sko, sagði ég ekki! Þarna er hann Stefán Hrafn Hagaiín
búinn að gera sér hreidur og einsog venjulega er hann á
fullu vid að svindla og gera sér lífið þægilegra. Helvítis fíflið
hefur náð sér í fjaðradýnu úr Ikea..."
Guðrún Rósa Haraldsdótt-
ir, knattspyrnuáhugamað-
ur: Þetta verður hörkubarátta
milli Manchester United, Ever-
ton, Newcastle og Leeds.
Hjörleifur Finnsson, heim-
spekingur: Það verður Li-
verpool. Ég hélt nefnilega með
þeim þegar ég var fimm ára.
Heiðar Bjarnason, gler-
ísetningarmaður: Manc-
hester United. Þeir eru einfald-
lega bestir.
Jacques Martin, nemi:
Manchester United. Þeir eru
svo hrikalega góðir.
Símon Örn Birgisson,
nemi: Ég spái því að Liverpo-
ol verði meistarar í ár þrátt fyr-
ir slaka byrjun, en meistarar
byija ekki alltaf vel.
Blað þitt, Alþýðublaðið, er
um margt hnyttið og vel skrifað,
en er þó skrifað af meiri hörku
en gerist í pólitík í dag.
Guðni Ágústsson í opnu bréfi til ritstjóra
Alþýðublaðsins. Mogginn í gær.
Móðurmálskennarar hafa
áhyggjur af því að unglingar þekki
ekki algengar vísanir í Biblíuna:
Kalla Krist „manninn á plúsnum“.
Tíminn hafði af því þungar áhyggjur í gær
að unglingar skilji ekki lengur
einföldustu tákn Biblíunnar.
Ég hef tekið eftir því að þú ert með
unga menn í uppeldi sem beita
oddinum fast og feta þín hörðu
spor á ritvellinum og fara stundum
framúr læriföðurnum.
Meira af bréfi Guðna.
Playboy-telpur og leðrað sex
með bjöggvuðu undirspili.
Tímísk fyrirsögn á leiklistargagnrýni
Lóu Aldísardóttur í Tíma gærdagsins.
Hingað til hef ég Iátið mér fátt um
finnast um skrif Alþýðublaðsins,
enda hinar klúru greinar notaðar
til heimabrúks og sjálfsagt glatt á
hjalla á meðal ykkar félaga þegar
ykkur tekst best upp.
Guðni í lokin.
Sameiningarmál: Útspil Ólafs
Ragnars gæti markað tímamót -
Rífandi gangur. Formaður
Alþýðubandalagsins leggur fram
hugmyndir sem markað gætu
tímamót í sameiningarferlinu.
Aðeins ein leið eftir, - að flokkar
nái saman til að mynda mótvægi
við núverandi ríkisstjórnarstefnu.
Ólafur Ragnar Grímsson eignaðist loksins
málgagn í gær þegar Þjóðvaki sló honum
upp sem sjálfum Sameiningarmanninum
með stríðsletri á forsíðu.
Villtir á
Vefnum
■ Vegna fjölda áskorana skal það
hérmeð tilkynnt að netfang píanóieik-
arans, blaðamanns-
ins, tónlistarkennar-
ans, galdrakarlsins,
Alþýðublaðsskrí-
bentsins, sénísins
og ofurnethaussins
Jónasar Sen er
http://rvik.is
mennt.is/~jssen.
Jónas mikli hefur
þar af amtörískri
hugkvæmni komið sér upp einhverri
skuggalegustu og dularfyllstu heima-
síðu sem Villtir hafa rekist á - alla-
vega hér á klakanum - og vitaskuld
munum við segja við frá henni í ítar-
legra máli þegar betra tóm gefst...
■ Vegna umfjöllunar Villtra um tíma-
rit fyrir skemmstu sem tekið var fram
að væri sérstaklega skrifuð fyrir
Stefán Jón Hafstein, fjölmiðlarann
umdeilda, er rétt að upplýsa það, að
Stefán Jón er einn af ástkærum
tö I vu póstvi n u m
Villtra. Þið ykkar
sem hafið hug á því
að bögga manninn
að einhverju ráði
gerðuð best með
því að fara að ráði
Villtra og beina því
leiðindanöldri á net-
fangið stefanj
on@centrum.is -
það er altént skárra en að hringja á
ræfilsgreyið um nætur eða trufla
hann í þau örfáu skipti sem hann
hættir sér á Astró til Helga og
Halls staffan@centrum.is
veröld ísaks
Stefán Jón.
Læknar í Indlandi til foma þóttu
nokkuð slyngir í Iýtaskurðlækning-
um. Algeng aðgerð var til dæmis að
búa til ný nef á fólk sem hafði misst
það á einhvem hátt. (Þess ber að geta
að afskurður nefs var algeng refsing
fyrir hórdóm á þessum tímum.) Nefið
nýja var búið til með því að taka
þnhymingslagaða skinnpjötlu af
enninu, móta hana og sauma yfir
nefstæðið. Tveimur bambusprikum
var síðan stungið í gegn svo
sjúklingurinn fengi andað.
Byggt á Isaac Asimov's
Book of Facts.