Alþýðublaðið - 10.05.1996, Page 2

2
ALÞÝÐUBLAÐIÐ
FÖSTUDAGUR 10. MAÍ1996
s k o ð a n
fLÞVIIIIIíLfllIÐ
21109. tölublað
Hverfisgötu 8-10 Reykjavík Simi 562 5566
Útgefandi Alprent )
Ritstjóri Hrafn Jökulsson
Umbrot Gagarín hf.
Prentun Isafoldarprentsmiðjan hf.
Ritstjórn, auglýsingar og dreifing
Sími 562 5566
Fax 562 9244
Símboði auglýsinga 846 3332
Áskriftarverð kr. 1.500 m/vsk á mánuði.
Verð í lausasölu kr. 100 m/vsk
Týnd - fundin!
Það er vandlifað í Alþýðubandalaginu. Þegar Steingrímur J.
Sigfússon og Margrét Frímannsdóttir tókust á um embætti for-
manns á síðasta ári snerist kosningabaráttan að miklu leyti um
Alþýðublaðið. Seint og snemma hélt Steingrímur því fram að Al-
þýðublaðið blandaði sér með óviðeigandi hætti í formannsslag-
inn, og lét nánast að því liggja að um væri að ræða áróðursblað
keppinautar síns. Um skeið var Steingrímur svo illa haldinn af
þessari þráhyggju, að hann gat hvergi tekið til máls án þess að
ræða hans snerist ekki meira eða minna um Alþýðublaðið. Hinar
þrálátu auglýsingar Steingríms í þágu Alþýðublaðsins urðu áður
en yftr lauk ein helsta skemmtan manna af annars dauflegri kosn-
ingabaráttu. Vitaskuld tók Alþýðublaðið enga afstöðu til snerru
Steingríms og Margrétar, en fylgdist aðeins grannt með gangi
mála einsog vera ber. Þannig varð þetta blað aftur og aftur fyrst
til að segja fréttir af innanbúðarmálum í Alþýðubandalaginu. Um
framgöngu Steingríms verður það hinsvegar eitt sagt, að sjaldan
hefur nokkur rekið öflugri auglýsingaherferð í þágu Alþýðu-
blaðsins.
Margrét sigraði í formannskosningunum, einsog flestum er ef-
laust kunnugt, og hefur haft hálft ár til að sýna sig og sanna. í
nýju tölublaði Mannlífs er orðmargt viðtal við Margréti, en íyrir-
sögnin hlýtur að vekja mesta athygli: „Ekki týnd“. Það er vægast
sagt óvenjulegt að formaður stjómmálaflokks þurfi að auglýsa
tilveru sína með svo áberandi hætti, en það kemur reyndar ekki
til af góðu: Alþýðublaðið talar reglulega um hinn týnda formann,
segir Margrét, og er ekki skemmt. Sjálf er hún nefnilega þeirrar
skoðunar að hún sé alls ekki týnd. Hún hefur bara svo mikið að
gera við að skipuleggja flokksstarfið að hún má ekki vera að því
að taka þátt í „strákapólitík“ sem felst í þingstörfum, opinberri
umræðu og öðm þessháttar.
Semsagt: Alþýðublaðinu er ljúft að votta að Margrét Frímanns-
dóttir er ekld týnd. Hún er bara svo upptekin af öðm, að hún hef-
ur engan tíma til að tala við þjóðina. Enda er Svavar Gestsson
fínn í það.
„Þær eiga enn heima hér“
Um helgina fer fram íjársöfnun á vegum ljósvakafjölmiðlanna
til styrktar Sophiu Hansen. Þjóðin hefur fylgst með baráttu Sop-
hiu frammi fyrir tyrkneskum dómstólum í mörg ár, og flestir
hljóta að dást að þolgæði hennar og seiglu. Tæpast nokkur maður
skilur hinsvegar í flækjum réttarkerfisins í Tyrklandi, en mál
dætra Sophiu hefur gengið milli undirréttar og Hæstaréttar án
nokkurrar niðurstöðu. Málareksturinn og stríðið allt hefur kostað
óhemju fjármuni, og hafa íslendingar jafnan stutt við bakið á
Sophiu. Þannig verður það vonandi nú um helgina. Alþýðublaðið
hvetur þá lesendur sem aflögufærir em til að leggja sitt af mörk-
um. ■
y
Eg vill verða forseti!
(Alþýðublaðið hefur beðið fram-
bjóðendur til forsetakosninga að gera
grein fyrir framboði sínu. Fyrstur ríð-
ur á vaðið Guðmundur Hrafn Stoð-
dal.)
Sú spurning hefur vaknað meðal
margra hvers vegna ég ákvað að til-
kynna ákvörðun mína um að bjóða
mig fram til forseta fslands. Ástæðan
er einföld. Hún var einfaldlega sú að
djúpt innra með mér fann ég skýra
löngun sem var svo sterk að um lík-
amann léku sindrandi vellíðunar-
straumar í hvert skipti sem mér varð
hugsað til hennar. Dag einn í byrjun
janúar var ég til dæmis á ferð í bíl
mínum - ég var á leið útaf efra bfla-
stæðinu við Kringluna - þegar ég fékk
það sem hugleiðslumenn kalla
„straumroð". Það hófst með þéttri
gæsahúð og svo flæðir svo mikið en-
dormín útí æðakerfið að líkaminn
hitnar í kjölfarið og gæsahúðin verður
að laxaroði og svo sprettur sviti fram.
Ég þurfti ekki að setja miðstöðina í
gang þann daginn!
Vikupiltar |
Hallgrímur
Helgason
skrifar
Ég sá að við svo búið gat ég ekki
setið og lagðist því fyrir þegar heim
kom, eftir snögga sturtu. Það var í
þann mund þegar ég hafði lokið við
að þurrka af mér og var að fara í
sloppinn að ég tók þessa miklu
ákvörðun. Ég leit í spegilinn og sá það
einnig skýrt að embættið myndi fara
mér vel. Nú, síðan lagðist ég fyrir eins
og áður sagði, en þetta geri ég oft þeg-
ar miklar ákvarðanir eru í húfi, og hef
lært það af jógameisturum mínum og
líkamsræktunarmönnum. Svona stórar
ákvarðanir tekur enginn fyrir mann.
Maður verður að hlusta á sína innri
rödd og fá samþykki hennar. Þetta er
reyndar keimlfkt því þegar menn segj-
ast ætla að leggjast undir feld og ég
held reyndar nákvæmlega að þau orð
hafi verið höfð eftir séra Pálma Matt-
híassyni fyrr í vetur. Að minnsta kosti
hefur mér ekki tekist að ná í hann
lengi.
• Eftir að ég hafði legið í rúma
klukkustund og hlustað vel eftir öllum
hugsanlegum mótbárum í líkama mín-
um, fann ég loks að ekki var um neina
fyrirstöðu að ræða. Vellíðunartilfinn-
ingin náði nú aftur fullum styrk sínum
og ég lá í svokallaðri „sjálfsróun",
sem er æðsta stig sálræns unaðar sam-
kvæmt búddistum, í um það bil 45
mínútur. Eftir að hafa farið aftur í
snögga sturtu - að þessu sinni kalda -
settist ég því niður og ritaði fréttatil-
kynningu þess efnis að ég hygðist
bjóða mig fram til forseta fslands. Tal-
verður raki var enn í höndum mínum
og ég ritaði hana því upp aftur.
Ég ákvað hinsvegar að bíða ögn
með að senda hana út til fjölmiðla,
svona rétt til öryggis. Bæði var að
þetta var á föstudagseftirmiðdegi og
einnig ákvað ég að athuga hvort ég
fengi ekki fleiri merki til staðfestingar
„Ég hef fundið fyrir þvf að nafn mitt er að komast inn
í umræðuna og ná eyrum fólks. í síðustu viku var ég til
að mynda að leggja bíl mínum inni á Hverfisgötu nærri
Regnboganum og var vart búinn að drepa á honum
þegar tvær ungar stúlkur komu auga á mig og
brostu til mín og veifuðu."
á ákvörðun minni. Þau létu ekki á sér
standa. Á laugardagskvöldið fór ég á
ellefu-sýningu í Bíóhöllinni á vinsælli
stórmynd. Bæði hafði ég verið seinn
fyrir og þá var aðsókn mikil þetta
kvöld. Mér var úthlutað miða á
fremsta bekk, og sat þar einn. Sann-
kallaður for-seti! Og ekki nóg með
það. Á sunnudagskvöldið fór ég síðan
að venju heim í mat til mömmu og þar
var þá af einskærri tilviljun staddur
góðkunningi fjölskyldunnar, roskinn
maður sem ég hef ekki hitt lengi. Þeg-
ar talið barst að væntanlegum forseta-
kosningum yfir ísnum, sló maðurinn
því fram hvort ég ætlaði ekki í fram-
boð?! Á mánudeginum rakst ég síðan
á gamlan kunningja sem sagði mér
það í óspurðum fréttum að annar
kunningi hefði nefnt það við sig að ég
ætti að fara ffarn, en sá var stoðtækja-
smiður sem ég hafði útskrifað úr skóla
mínum fyrir 5 árum.
Nú þurfti ekki lengur vitnanna við.
Á þriðjudeginum sendi ég út fréttatil-
kynninguna og þar með varð ákvörð-
un mín loks heyrinkunnug meðal
þjóðarinnar.
Nú er það mat margra að ég eigi
litla sem enga möguleika á því að vera
kjörinn og vitna til að mynda til bágr-
ar útkomu í skoðunakönnunum. Svar
mitt er að Vigdís var nánast jafn
óþekkt og ég er nú á sínum tíma þegar
hún stýrði leikhúsinu í Iðnó sem taldi
þá um 30 leikara. Stoðtækjaskóli minn
telur nú um 26 nemendur (þar af eru 3
í heilsdagsnámi) og er því ekki minni
vinnustaður en Iðnó var þá! Samt sem
áður var hún kosin fram yfir rektor
Háskóla fslands (hátt yfir 2000 manns
síðast þegar ég vissi), alþingismann
(60) og sendiherra. Þeir síðustu verða
fyrstir, segir í heilagri ritningu, og
einn af nemendum mínum sneri því
reyndar þannig á þá sem eru nú hvað
heitastir í skoðanakönnunum og sagði:
Þeir þýðustu verða frystir!
Annars ber einnig að taka skoðana-
könnunum með varúð. Þar er einungis
hringt í um 700 manns sem ekki getur
sagt mikla sögu þegar kjósendur til
forsetakosninga eru hálf þjóðin!
Sjálfur hef ég einnig fundið fyrir
vaxandi stuðningi við framboð mitt,
bara núna á allra síðustu dögum. Ég
hef fundið fyrir því að nafn mitt er að
komast inn í umræðuna og ná eyrum
fólks. f síðustu viku var ég til að
mynda að leggja bíl mínum inni á
Hverfisgötu nærri Regnboganum og
var vart búinn að drepa á honum þegar
tvær ungar stúlkur komu auga á mig
og brostu til mín og veifuðu. Ég gat
ekki í fljótu bragði séð hvort þær væru
komnar á kosningaaldur, þar sem
rigning var og ég búinn að slökkva á
þurrkunum, en framboð mitt mun að
minnsta kosti verða ræt( á heimilum
þeirra! Síðan þegar inn í bíóið kom
mætti mér greinilegur hlýhugur meðal
áhorfenda. Ég var að venju seinn fyrir,
þar sem dagur í lífi forsetaframbjóð-
andans er hvort tveggja langur og
strangur, og þó ég fengi ekki sæti á
fremsta bekk í það skiptið var staðið
upp fyrir mér í heilli sætaröð þegar ég
gekk til sætis míns.
Það er því von fyrir ungan svein. ■
Atburðir dagsins
1933 Nasistar hefja bókabrenn-
ur á verkum höfunda sem eru
að þeirra mati „andþýskir".
1940 Bretar hernema ísland.
1940 Winston Churchill verður
forsætisráðherra Bretlands í
stað Chamberlains. 1941 Rud-
olph Hess, staðgengill Hitlers,
tekur upp hjá sjálfum sér að
fljúga til Bretlands í því skyni
að semja frið. Honum var
stungið inn. 1977 Bandaríska
kvikmyndastjaman Joan Craw-
ford deyr. 1981 Francois Mitt-
errand verður forseti Frakk-
lands í þriðju tilraun. 1990
Stúlkubam fæddist í Grímsey
en næstu sjö ár á undan höfðu
einungis fæðst drengir, fimm-
tán alls.
Afmælisbörn dagsins
John Wilkes Booth 1838,
morðingi Abrahams Lincoln
Bandaríkjaforseta. Fred Asta-
ire 1899, bandarískur leikari
og dansari. David O. Selznick
1902, bandarískur kvikmynda-
framleiðandi, kunnastur fyrir
Gone With the Wind.
Annáisbrot dagsins
Það mál kom til alþingis, að
maður nokkur braut handlegg á
föður sínum með heipt; honum
dæmt húðlát, sem borið gæti,
og afhöggnir tveir ftngur sinn á
hvorri hendi. Seiluannáll 1658.
List dagsins
Listin að lifa, hin erfiðasta,
nauðsynlegasta og æðsta list
allra lista, er ffamar öllu listin
að hugsa, að hugsa frjálslega,
af einlægni, djörfung og al-
vöru.
Siguröur Nordal; Lífog dauöi.
Málsháttur dagsins
Til þess er glópur að ginna.
Gildí dagsins
Vandamálin og leyndardóm-
amir gefa lífinu gildi en sann-
leikurinn og skýringamar gera
það snauðara.
Guðbergur Bergsson; Hjartaö býr
enn í helli sínum.
Orð dagsins
Ég er aðeins barnshöfuð
íforvitnisferð
um glœpi stundanna.
Þorsteinn frá Hamri; Undir kal-
stjörnu, brot.
Skák dagsins
Samisch hefur hvítt og á leik
gegn Ahues í skák dagsins.
Hvítur er í hörkusókn og við
fyrstu sýn virðist freistandi að
leika f6 og hóta þannig máti.
Því getur svartur hinsvegar
svarað með Dc5 og knúið fram
kaup á drottningum. Samisch
vann eigi að síður bráðsnotran
vinningsleik.
Hvítur leikur og vinnur.
1. He5!I Bxe5 2. f6 og nú getur
svartur ekki varist máti.