Alþýðublaðið - 04.06.1997, Blaðsíða 6

Alþýðublaðið - 04.06.1997, Blaðsíða 6
f 6 ALÞÝÐUBLAÐIÐ Úr alfaraleið Zambískar fegurð- ardísir voru svikn- ar um verðlaunin Umboðsmaður Miss Universe í Zambíu á yfir sér málshöfðun vegna ógoldinna fegurðarverðlauna. Eva Kazembe ásakar dísirnar um græðgi og segir að laun heimsins séu vanþakklæti. The Post, Zambia. Eva Kazembe, sem er umboðs- maður Ungfrú Alheimur í Zamb- íu, segist vera orðin þreytt á eilífu nöldri snoppufríðra stúlkna, sem hafi lítið tii brunns að bera nema stór brjóst og langa leggi, og sýni henni ekkert þakklæti fyrir að hafa komið sér á framfæri við módel- stofur og kvikmyndaframleiðend- ur í hinum stóra heimi. A blaða- mannafundi í síðustu viku tárfelldi hún yfir vanþakklæti heimsins, og kvaðst jafnvel íhuga að gefa um- boðsmennskuna frá sér. Tildrög deilunnar eru þær, að Tamara Kalube, íðilfögur dís sem vann titilinn Ungfrú Zambía í fyrra, segist ekki enn vera búin að fá verðlaunin, sem henni höfðu verið lofuð. Eva hafi þar að auki krafist þess, að hún væri til reiðu fyrir hverskonar viðskipti á henn- ar vegum, og þetta hafi leitt til þess að Tamara hafi hætt við að fara í háskólann, einsog pabbi hennar hafði þó heimtað. Allt hafi það þó verið forgefms. Hún hafi ekki einu sinni hitt Evu svo mán- uðum skipti. Þessvegna hafi hún nú brugðið á það ráð að fara með raunir sínar í fjölmiðla, og síðan hyggist hún höfða mál á hendur Ezu Kazembe og krefjast hárra skaðabóta. Pabbi Tamöru styður hana dyggilega í stríðinu við Evu, sem hann telur ekki sómakvendi. Auk Tamöru, þá kveðst einnig Kuso Kamwambi, sem er hand- hafi titilsins í ár, ekki heldur hafa fengið neitt greitt af þeim verð- launum, sem lofað var. „Eg lofaði aldrei neinum verðlaunum," segir hinsvegar hin tárvota Eva. „Ég lofaði aðeins því, að þær sem ynnu, fengju að taka þátt í Miss Universe keppninni í Las Vegas og því fylgdu 200 bandaríkjadalir í vasapeninga. Hversu margar stúlkur hefi ég ekki tekið upp á mína fátæku arma, þjálfað þær í framkomu, og komið á framfæri erlendis?" spurði að lokum angur- vær Eva, og segir að stúlkumar tvær séu gráðugar og vanþakklát- ar. Ekki em allar hinar fögm þokkadísir sammála Tamöm Kalube og Kuso Kamwambi. Dís- imar, sem ekki unnu titilinn í ár en vom þó með í keppninni, gáfu sameiginlega út yfirlýsingu um að þær eigi allan sinn frama Evu að þakka, og Kuso og Tamara ættu að sjá að sér, og vera heldur þakklát- ar. Þær hafa svarað því til, að „frami“ hinna sé nákvæmlega enginn, enda hafi þær ekki unnið neina keppni, og ástæðan fyrir því, að þær gefi út yfirlýsinguna sé aðeins að þær vilji vera í mjúk- num hjá Evu í þeirri von að fá að keppa um titil á hennar vegum á nýjan leik. The Post lofar lesend- um sínum að upplýsa þá um hvort Eva Kazembe borgar ógoldin feg- urðarverðlaun, eða hvort hún ger- ir alvöru úr hótun sinni um að hætta í bjútíbransanum... Leiðrétting í grein sem undirritaður birti í Al- þýðublaðinu sl. miðvikudag um at- vinnuleysi - þar sem spurt var í fyrir- sögn hvort allir væru að sofna - varð til meinleg prentvilla við frágang handrits og skrifast hún algerlega á greinarhöfund en ekki blaðið. Þess er hins vegar óskað að Alþýðublaðið birti eftirfarandi hluta greinarinnar eins og hann er réttur: Til skamms tíma var gefið út tíma- ritið Gegn atvinnuleysi. Þetta var gott og fróðlegt tímarit. En mikilvægast var þó að þama var á ferðinni nánast eina lífsmarkið í landinu um að menn sættu sig ekki við atvinnuleysi. í blað- inu var haldið uppi stöðugum áróðri gegn þessu þjóðfélagsmeini og sú krafa reist að atvinnuleysisvofunni yrði vísað á dyr í íslensku samfélagi. Blaðinu var haldið úti af miklum dugnaði og eljusemi en svo fór að lokum að útgáfunni var hætt. An efa hefur peningaskortur og sofandleg viðbrögð valdið mestu um enda ekki hægt að ætlast til þess að menn reki atvinnustarfsemi í hugsjón- inni einni. En þetta segir okkur tals- vert um afstöðu manna til atvinnu- leysis.“ Ögmundur Jónasson, formaður BSRB. Lagabreytingar - Aukaflokksþing - Akranes Laganefnd Alþýðuflokksins - Jafnaðarmannaflokks ís- lands hefur lokið störfum. Tillögur nefndarinnar hafa verið sendar formönnum allra aðildarfélaga. Hægt er að vitja þeirra þar eða á skrifstofu flokksins. Einnig má nálgast breytingarnar á heimasíðu flokksins, Stjórnmálavefnum (httþ:/www.solver.is./democrat/.) Aðrar einstakar tillögur til lagabreytinga, sem áður höfðu verið lagðar fram, verða lagðar fram á aukaþingi óbreytt- ar. f r q t t i MIÐVIKUDAGUR 4. JÚNÍ 1997 r ■ Ræða Jónasar Garðssonar, formanns Sjómannafélags Reykja- víkur, við hátíðarhöld sjómannadagsins í Reykjavík, vakti athygli Skaut föstum skotum á útgerðarmenn og ríkið Jónas Garðarsson, formaður Sjó- mannafélags Reykjavíkur, talaði fyrir hönd sjómanna við hátíðarhöldin vegna sjómannadagsins í Reykjavík. Jónas var gagnrýnin í ræðu sinni og hefur hún vakið athygli. Hér á eftir er meginhluti af ræðu Jónasar. “Það em ekki ný sannindi þegar sagt er að Island er eyríki og að aðal- atvinnuvegur Islendinga er sjávarút- vegur. Þjóð sem þannig hagar til hjá hlýtur að vera mikilsvert að eiga góða sjómenn. Því er óásættanlegt að sjó- menn þurfi að standa í endalausum átökum til að verja hlut sinn. Það er ekki viðunandi að trygginga- og at- vinnumál farmanna séu í óvissu og það er heldur ekki þolandi að fiski- menn okkar skuli vera neyddir til að leggja æ stærri hlut launa sinna til þess eins að halda rétti til vinnunnar. Verja tekjur sem engar eru Við emm eyþjóð og því háð ömgg- um samgöngum til og frá landinu. Það er því ótrúlegt að aðeins skuli tvö skip, sem stunda siglingar til og frá landinu, skráð hér á landi. Öll önnur skip eiga lögheimili hér og þar um heiminn. Það er kannski ekki furða, þar sem hér á landi em skráningar- gjöld skipa með því hæsta sem þekk- ist. Stjómvöld hafa ekki viljað taka á þessu máli og lækka skráningargjöld- in vemlega eða afnema þau með öllu. Það einkennilega er að stjómvöld telja sig vera að missa af tekjum, en þar sem eigendur skipanna kjósa að skrá þau í öðmm ríkjum, til að forðast há skráningargjöld, gjöld sem þar með skila ekki tekjum hvort eð er. Hafa borgað sama og aðrir Afleiðing þessa er meðal annars sú bitra staðreynd að ekkjur sjómanna standa í baráttu við stjómvöld til að fá bætur eftir menn sína. Islenskir sjó- menn sem em á hentifánaskipum, hafa borgað sömu álögur til þjóðfélagsins og aðrir þegnar þess. Því er einkenni- legt að opinberar ekna- og bamabætur skuli ekki vera greiddar, fyrir það eitt að skipin sem þeir vinna á em skráð annarsstaðar í veröldinni. Skipin bera íslensk nöfn, þau eru rekin af íslensk- um fyrirtækjum og sjómennimir því í þeirri trú að sömu lög gildi um þá og alla aðra. Það er krafa sjómanna að stjómvöld búi svo um hnútana að fysi- legt sé að skrá skip hér á landi og þar með megi eyða óvissu sjómanna, maka þeirra og bama. Ákall til heiðarlegra útgerðarmanna Eitt af lánum þjóðarinnar eru heið- arlegir og framsæknir útgerðarmenn. Það er því miður ekki hægt að segja um þá alla. Meðal útgerðarmanna er að finna menn sem gera allt sem þeir geta til að hafa fé af sjómönnum. Það sem er enn verra er að félagskapur þeirra, það er LIU, hvetur þá til að hafa rangt við. Það hafa fallið dómar og úrskurðir þar sem ótvírætt hefur komið fram að kvótabraskið stenst ekki lög, ekki samninga og alls ekki siðferði sem er nauðsynlegt milli manna. Samt em til menn, og það undir forystu hálnauðra starfsmanna heildarsamtaka útgerðarmanna, sem gefa sig hvergi og með valdi arðræna sjómennina. Það er von mín að þeir útgerðarmenn sem hafa skammir á þeim félögum sínum gangi í lið með okkur sjómönnum í þeirri baráttu sem við eigum í. I áratugi hafa kjör fiski- manna byggst upp á hlutaskiptakerfi, það er í stórhættu með þessu fram- ferði. Það er ekki hægt að segja í dag, á sjómannadag, að við eigum bestu sjómenn í heimi, og halda áfram á morgun að stela af þeim laununum. Störfin í hættu Ágætu áheyrendur. Ég vil að lokum benda ráðamönnum þjóðarinnar á, að ef ekki verður veruleg breyting á hög- um sjómanna, þá kemur að því að ungt fólk fæst ekki til að starfa til sjós. Það á bæði við farmenn og fiskimenn. Það er staðreynd að það kostar til dæmis tíu sinnum meira að mennta hvem leikara en hvem stýrimann. Er þetta hægt? Sumarþing AljDýöuflokksins - Jafnaðarmannaflokks Islands á Akranesi, dagana 7.-8. júnf Lagabreytingar (sjá gögn frá síðasta þingi, auk viðbótar frá nefnd) Sjávarútvegur (Hvað er það sem hoppar og skoppar yfir heljarbrú...?) Sameiningarmál (Hvað er að gerast, og hvert stefnir) Tölvukennsla - Tölvupóstur/lnternet (Kennsla í notkun tölvupósts og grunnatriðum internetsins) Ævintýraferð út í óvissuna (Fyrir þá allra hugrökkustu) Dansæfing á laugardagskvöldinu (Hátíðarkvöldverður með dansleik) Golfmót jafnaðarmanna (Enginn vinnur) (Nánari upplýsingar veitir Tryggvi Harðarson, Hafnarfirði) Flokksþingsfulltrúar eru vinsamlegast beðnir um að láta skrifstofu flokksins vita eins fljótt og auðið er hvort þeir ætla að mæta eður ei, svo hægt verði að kalla inn varamenn í þeirra stað. Skrifstofa flokksins veitir allar nánari uþþlýsingar um ferðir, gistingar og annað er viðkem- ur sumarþinginu. Auk þess má finna uþþlýsingar á Stjórnmálavefnum, heimasíðu Alþýðu- flokksins - Jafnaðarmannaflokks íslands. (http:/www.solver.is/democrat/). Sími á skrifstofu Alþýðuflokksins er 552-9244 og fax 562-9155. 4

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.