Alþýðublaðið - 16.07.1997, Blaðsíða 1

Alþýðublaðið - 16.07.1997, Blaðsíða 1
MPTDUBJIMD Miðvikudagur 16. júlí 1997 Stofnað 1919 93. tölublað - 78. árgangur ¦ Samherji á Akureyri gerir út fimm loðnuskip. Fjögur er búin til veiða að hefð- bundnum hætti. En ekki það fimmta ¦ Bæjarstjórnin á ísafirði Klofinn meirihluti - í afstöðu til kaupa á frystihúsi sem á að breyta í skóla Sigurður Ólafsson, bæjarfull- trúi Alþýðuflokksins á ísafirði, sat hjá þegar bæjarráð greiddi at- kvæði um kaup á húsnæði fyrir grunnskóla. Málið á eftir að fara til bæjarstjórnar. Allt bendir til að Hraðfrystihús Norðurtangans verði keypt af Þróunarsjóði á 75 milljónir króna og að allt að 300 milljónir muni kosta að breyta frystihúsinu í skólahús. Þróunarsjóður leysti húsið til sín af Básafelli sem eighaðist það eftir sameiningu fyrirtækja á ísa- frrði. I meirihluta eiga sæti fimm fulltrúar Sjálfstæðisflokks og Sigurður Ólafsson fyrir hönd Al- þýðuflokks. „Eg er á móti þessum kaupum, en vildi ekki koma í veg fyrir að meirihluti bæjarráðs afgreiddi málið og sat því hjá," sagði Sig- urður Ólafsson. „Það er öllum frjálst að hafa sína skoðun. Þessi afstaða Sig- urðar mun ekki skaða meirihluta- samstarfið, enda tók hann það fram," sagði Magnea Guðmunds- dóttir, forsetí bæjarstjórnar, í samtali við Alþýðublaðið. Þegar Magnea var spurð hvort hún treysti því að endurbætur á húsinu komi ekki til með að kosta meira en 300 milljónir króna, sagðist hún ekki treysta sér til að meta það, en bætti við að per- sónulega sé hún viss um að ekk- ert sé að óttast. Meðal margra íbúa er þessi ákvörðun umdeild, bæði hvað varðar staðsetningu væntanlegs skóla og ekki síður þar sem óttast er að lagfæringar muni kosta mun meira en talað er um, þar sem húsið er gamalt og byggt í mórg- um áföngum, þar sem það hefur verið stækkað margoft á undán- förnum áratugum. Loðnuskip án veiðarfæra áhafnir annarra skipa hafa fyrirmæli um að fiska fyrir það fimmta Samherji á Akureyri gerir út fimm skip á loðnu. Fjögur þeirra, Þor- steinn, Oddeyrin, Jón Sigurðsson og Háberg eru eins búin og öll önnur skip á miðunum. Það fimmta, Sæljón, er frábrugðið öllum öðrum loðnuskipum, þar sem ekkert veiðar- færi er um borð. Á Sæljóninu eru að- eins fimm menn í áhöfn, skipstjóri, stýnmaður, tveir vélstjórar og kokk- ur. Sæljónið er að auki kvótalaust. Því er ekki ætlað að afla loðnu, held- ur aðeins þiggja af honum skipunum sem Samherji og dótturfyrirtæki gera út. Samherji fyrirskipaði, við upphaf loðnuvertíðarinnar, áhöfnum hinna bátanna fjögurra að þeim bæri að fylla Sæljónið áður en þeir dældu loðnu í eigin skip. Uppgjör aflahlutar er með þeim hætti að áhafnir veiði- skipanna fá helming þess aflaverð- mætis sem þeir setja í Sæljónið, en áhöfn Sæljónsins helming á móti. En veiðiskipið leggur til allan kvótann. Mjög nýlega gaf sjávarútvegsráðu- neytið út breytta reglugerð. Þar er kveðið á um að óheimilt sé að dæla afla milli skipa, nema það skip sem gefur eða lætur frá sér afla hafi þeg- ar fyllt sig, sem sagt einungis er heimilt að gefa umfram afla. Þetta gerir sjómönnum Samherja erfiðara fyrir þar sem mun vandasamara er að eiga við að dæla á milli þegar veiði- skipið er fulllestað. Sjómenn hjá Samherja eru tregir til að tala um þessa hluti, þó óánægja þeirra sé mikil. Ástæðan er sú að þeir þora ekki að tjá sig í ótta um að missa plássin. Alþýðublaðið hafði tali af sjómanni, sem hafði átt samræður við sjómann hjá Samherja. Hann sagði ljóst að sjómennirnir væru barðir, það væri búið að taka af þeim öll mannréttindi og þrátt fyrir óá- nægju og gremju þyrðu þeir ekki að tala. Með því að fá aðeins helming upp- gjörs af þeim afla sem áhafnir skip- anna fjógurra dæla í Sæljónið missa þeir talsverða tekjumöguleika, þar sem veiðiskipin fjögur, Oddeyrin, Þorsteinn, Háberg og Jón Sigurðsson leggja til allan kvóta. Ekki er hægt að fá loðnukvóta keyptan, þar sem framboðið er ekkert og er þá nánast sama hvaða verð boðið er. Sæljónið ber tæplega fimm hundruð tonn í hverri ferð. Þennan hvalreka bar fyrir augu blaðamanns þegar hún átti leið um Bjarnarfjörð á Ströndum í síðasta mánuði. Áður fyrr þótti slíkur reki mikill fengur fyrir fátæka alþýðu en að sögn Bjarna ferðabónda á Bæ á Selströnd sem er orð- inn áttræður, man hann ekki til þess að hvalreki hafi verið nýttur í hans tíð. „Ég man hinsvegar eftir því að hafa heyrt þegar ég var lítill að það hafi rekið hval að Drangsnesi og þar hafði fólk skorið sér bita," segir Bjarni. Sorgleg niðurstaða - segir Jón Magnússon hæstaréttarlögmaður. Hæstiréttur hefur kveðið upp úrskurð í beiðni Sævars Marinós Ciesielski um endurupptöku Guð- mundar- og Geirfinnsmálanna. Hæstíréttur telur að ekki séu for- sendur til að taka málin upp. „Mín viðbrögð eru engin. Ég bjóst við þessu," sagði Hiynur Þór Magnússon, fyrrverandi fanga- vörður. - En miðað við það sem Hlynur Þórþekkir til, vonaðist hann til að Hœstiréttur myndi heimila endur- upptöku? , Já, í raun gerði ég það." „Þetta þýðir að það verður eng- in sátt milli þjóðarinnar og dóms- kerfisins. Það hefur verið það sterk krafa að málið verði tekið upp og rannsakað á ný. Það er sorglegt að Hæstiréttur hafi kom- ist að þessari niðurstöðu," sagði Jón Magnússon hæstaréttarlög- maður. ¦ Ungt fólk með hlutverk segir Þjóðkirkjuna of frjálslynda og ekki sé lengur starfandi innan hennar Hópúrsagnir úr Þjóðkirkjunni - meira að segja skilnaðir meðal presta eru algengir og þeir gifta sig aftur með pompi og pragt í höfuðkirkjum landsins, seg- ir talsmaður Ungs fólks með hlutverk. Samtökin deila á fleira og segja krikjuna eiga að styðja samkynhneigða til hreinlífis „Okkur finnst Þjóðkirkjan vera svo frjálslynd, með tilliti til siðferðis, að okkur finnst við ekki geta lengur átt samstarf við hana. Við getum átt samstarf við hana á persónulegum grundvelli, það er ef prestar eru sömu skoðunar og við. Frjálsyndið er því miður orðið það mikið að okkur þyk- ir ekki verjandi að eyða kröftum eða fjármunum í samstarf þar sem er undir hælinn lagt hvort einhver ár- angur verður eða ekki," sagði Friðrik Schram, hjá Ungu fólki með hlut- verk, en félagar í samtöknum eru að undirbúa stofnun eigin safnaðar. Gert er ráð fyrir að í upphafi segi um eitt hundrað manns sig úr Þjóðkirkjunni og gangi til liðs við nýjan söfnuð Ungs fólks með hlutverk. „Þetta er róttækt og það eru marg- ir að skoða sinn hug og það kæmi mér ekki á óvart þó fleiri bætist í þennan hóp, sérstaklega þegar fólk sér að okkur er alvara." Það er ýmislegt sem félagarnir gagnryna innan Þjóðkirkjunnar. „Prestar eru farnir að haga sér í takt við tíðarandann, eitthvað sem fólk leyfði sér ekki áður fyrr. Við erum þeirra skoðunar að siðferðileg ábyrgð kennimanna sé það mikil að það verði að gera aðra kröfur til þeirra en til almennings. Prestar verða að sýna fyrirmynd. Það er mik- ill afsláttur gagnvart grundvallar sið- ferðilegum hlutum, sem okkur lýst ekki á og getum ekki tekið þátt í lengur. Skilnaðir meðal presta virð- ast vera orðnir algengír og þeir gifta sig aftur með pompi og pragt og það í höfuðkirkjum landsins. Þetta er meðal annars ástæða þess að við get- um ekki starfað lengur innan kirkj- unnar. Á síðustu tíu árum hefur orð- ið, það sem ég vil kalía hnignun, inn- an Þjóðkirkjunnar. Það hafa orðið fráhvörf frá því sem áður var haft í heiðri. Ef á að skipuelggja starfið í takt við tíðarandann eru menn komn- ir langt frá því sem Meistarinn frá Nasaret kenndi." - Hafa biskupsmálin haft úrslitaá- hrif? „Nei, alls ekki, en þau draga ekki úr okkur. Ég vil frekar nefna sam- kynhneigð, en við höfum átt sam- ræður við forystumenn innan kirkj- unnar um þau mál. Það eru jafnvel biskupskandídatar sem hafa sýnt miklu linku í þessu sambandi. I sögu kristinnar kirkju, og það frá upphafi, hefur samkynhneigð ekki verið talin eðlileg. Kirkjan á frekar að aðstoða fólk til að lifa hreinlífi, en ekki stuðla að því að karlmenn búi saman og að konur búi saman. Samtökin 78 hafa fengið afnot af Hallgrímskirkju, þetta hefur prófasturinn fyrrverandi, Ragnar Fjalar Lárusson og biskups- kandídatinn Karl Sigurbjörnsson leyft. Við höfum rætt þetta við þá, en viðbrógð þeirra eru nánast engin." - Er Þjóðkirkjan þá offrjálsynd að ykkar mati? „Já, hún er þróast meira og meira í frjálslyndisátt, hún telur sig ekki lengur vera bundna af orðum Guðs. Til dæmis virðast boðorðin tíu ekki vera bindandi, heldur einungis við- miðun," sagði Friðrik Schram.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.