Alþýðublaðið - 02.10.1998, Blaðsíða 4

4- FÖSTUDAGVR 2. OKTÓBER 1998
ALÞÝÐUBIAÐIÐ
Pallborðsumræðunar á flokksþinginu
Vilja opið
prófkjör
í fjörugum umræðum kom fram eindreginn
vilji fyrir opnu prófkjöri.
Hugmynd um algert jafnræði kynjanna á
framboðslistum sameiningarinnar
Allir talsmenn þeirra stjórnmála-
afla sem mynda sameiginlega hreyf-
ingu jafnaðarmanna vilja að valið
verði á framboðslista í opnu próf-
kjöri, - nema fulltrúi Kvennalistans.
í pallborðsumræðunum kom fram
sú hugmynd að eina viðmiðið ætti að
verða að konur og karlar skipuðu
annað hvert sæti á framboðslistum
sameiningarinnar.
Svanur Kristjánsson prófessor sem
stendur utan flokka lagði einmitt til al-
gert jafnræði kynjanna yrði viðmið á
framboðslistunum, en að öðru leyti
ættu þessi stjórnmálaöfl að treysta
fólkinu fyrir vali frambjóðenda á lis-
tana. Svanur kvaðst ætlast til þess af
Alþýðuflokknum að hann yrði uppruna
sínum trúr og vitnaði í því sambandi til
stofnskrár flokksins, þar sem kom fram
að þá þegar aðhylltist Alþýðuflokkur-
inn fijálslyndi samfara sígildri jafnað-
arstefnu. Hann kvað verkefni dagsins
vera að mynda lýðræðishreyfingu sem
mótaði þjóðfélag framtíðarinnar og
leysti það lénsherrakerfi af hólmi sem
verið hefði við lýði á íslandi undanfar-
in ár með tilheyrandi misskiptingu og
Einróma síuöningur
Forystan endurkjörin
Allir forystumenn flokksins sem kost gáfu á sér voru
endurkjörnir með glæsibrag. Sighvatur Björgvinsson formaður,
Asta B. Þorsteinsdóttir varaformaður, Valgerður Guðmundsdóttir
ritari og Reynir Olafsson var kosihn gjaldkeri, en Sigrún
Benediktsdóttir sem gegnt hefur þeim starfa gaf ekki kost á sér,
þar sem hún er erlendis við framhaldsnám. Magnús Norðdahl
var svo endurkjörinn formaður framkvæmdastjórnar.
Arni Gunnarsson forseti þingsins ásamt einum hinna erlendu gesta, Benediktu Thorsteinsson frá Grænlandi. Á
borðum voru „fljótandi rósir“ og í bakgrunni er hluti skreytinga salarins.
lénsveldi á eignum þjóðarinnar í sjón-
um og á hálendinu.
Bryndís Hlöðversdóttir þingmaður
Alþýðubandalags kvaðst ætlast til þess
af flokkunum að þeir mynduðu fram-
sækna stjómmálahreyfingu og Alþýðu-
flokkurinn og aðrir flokkar þyrðu „að
sleppa takinu" og treysta samfylking-
unni fyrir þróunarstarfinu. Þá þyrfti og
að búa svo um hnútana að fólkið fengi
að velja á framboðslistana.
Þráinn Hallgrímsson fram-
kvæmdastjóri Dagsbrúnar-Framsóknar
lýsti yfir ánægju sinni með hve Al-
þýðuflokkurinn hefði verið örlátur og
reiðubúinn til að vinna af heilindum í
sameiningarferlinu. Það mætti ekki
loka málin inni í herbergjum forystu-
fólksins, það þyrfti að færa sameining-
arferlið enn meira til fólksins, og það
ætti jafnt við um málefni sem val á
framboðslista.
Hulda Ólafsdóttir sjúkraþjálfari og
talsmaður Kvennalistans í umræðunum
kvaðst ánægð með málefnaskrána og
afstöðu hinna sameinuðu í jafnréttis-
málunum. Hins vegar legði Kvenna-
listinn áherslu á að samkomulagt næð-
ist um verklag og val á lista og þátttaka
Kvennalistans í sameiginlegu framboði
yrði borin upp á landssfundi áður en til
endalegrar uppröðunar kæmi. Hún
kvaðst ætlast til þess sérstaklega að Al-
þýðuflokkurinn stæði sig betur í jafn-
réttismálum en hingað til.
Jóhanna Sigurðardóttir formaður
Þjóðvaka kvaðst á hinn bóginn hlynnt
opnu prófkjöri, það væri það vinnulag
sem væri forsenda nauðsynlegs trúnað-
ar milli stuðningsmanna og fram-
boðsaflsins. Hún þakkaði Alþýðu-
flokknum og Sighvati Björgvinssyni
formanni sérstaklega trausta mála-
fylgju í sameiningarferlinu og kvaðst
ætlast til þess af flokknum að hann lyki
verkinu.
Þátttakendumir kváðust flestir reik-
na með því að uppúr þessu samstarfi
yrði stofnaður flokkur, það gæti orðið
eftir nokkur ár, flest nefndu árið 2003 í
þessu sambandi en Þráinn kvaðst hafa
vonast að það gæti orðið að þeirri
flokksstonfun fyrr. Svanur vakti at-
hygli á því að sameiningin hefði þegar
orðið, fólkið hefði sameinast svo sem
síðustu sveitastjórnarkosningar vitn-
uðu um. Fólkið hefur svarað fyrir sig
og lýst sínum vilja heima í héraði og
nú væri komið að flokkunum á lands-
vísu að svara kallinu.
Össur Skarphéðinsson ritstjóri og
alþingismaður Alþýðuflokks stjómaði
umræðunum snöfurmannlega. Áheyr-
endur höfðu á orði að í þessum urnræð-
um hefði margt skýrst og komið vel
fram, -atriði sem áður vom á huldu.
Þannig virðist t.d. að draga megi þá
ályktun af umræðunum að ekki verði
hjá því komist að efna til opins próf-
kjörs um skipan framboðslista amk í
Reykjavík - með því skilyrði að jafn-
ræði verði meðal kynja, þannig að
fyrsta sæti skipi sú kona eða sá karl
sem flest atkvæði hlýtur í prófkjöri,
næsta sæti sá frambjóðandi af gagn-
stæðu kyni sem næst flest atkvæði
hlaut og svo koll af kolli, kona og karl
til skiptis.
SET vatnsrör úr PE og PP
efni eru framleidd í öllum
víddum frá 16 til 500 mm að
þvermáli. Rörin henta vel í
vatnsveitur, hitaveitur, snjó-
bræðslu, ræsi o.fl.
Röraverksmiðja SET á
Selfossi hefur yfir að ráða
fullkomnustu tækni sem
völ er á við framleiðslu á
plaströrum og leggur
áherslu á vöruvöndun og
góða þjónustu við íslenska
lagnamarkaðinn.
SET ehf. Eyravegur 41-45, 800 Selfoss