Alþýðublaðið - 02.10.1998, Blaðsíða 5

Alþýðublaðið - 02.10.1998, Blaðsíða 5
ALÞYÐUBLAÐIÐ FÖSTUDAGUR 2. OKTÓBER 1998 - 5 Flokksþing Alþýðuflokksins fyrst til að heimsækja Háskóla íslands Meiri samskipti stjórnmálamanna og háskólamanna eru æskileg „Þetta mun vera í fyrsta sinn sem fulltrúar á flokksþingi stjórn- málaflokks sækja Háskóla íslands heim", sagði Páll Skúlason há- skólarektor sl. laugardag þegar flokksþingsfulltrúar fjölmenntu í Hátíðarsal HÍ. Þar flutti rektor stutt inngangs- erindi en síðan fóru fram pall- borðsumræður undir stjórn Ágúst- ar Einarssonar alþingismanns og prófessors. Yfirskrift þeirra var Háskólinn og þjóðlífið - gildi vís- inda og fyrir þróun þjóðfélaga. Þátttakendur voru auk Páls og Ágústar þau Ásdís Magnúsdóttir formaður Stúdentaráðs HÍ, Þórólfur Þórlindsson prófessor, Oddur Benediktsson prófessor og Margrét Oddsdóttir skurðlæknir og dósent í læknadeild. Flokks- þingsfulltrúar áttu þess einnig kost að beina spurningum til há- skólafólksins. Allar leiðir liggja í gegnum menntun I umræðunum kom skýrt fram að stjórnmálin geta ekki verið án háskólasamfélagsins fremur held- ur en atvinnulífið. Allar framþró- unarleiðir í atvinnumálum liggja nú í gegnum menntunina og þess- vegna hljóta stjórnmálamenn að ráðgast við háskólamenn um bestu leiðirnar í þessum efnum. Háskól- inn er nú rekinn nánast sem stór fyrirtækjasamsteypa með 6 þús- und nemendum og á annað þús- und starfsmönnum. Hann hefur þá skyldu sem er sprottin upp úr hlutverki hans í sjálfstæðisstjórn- málunum að veita skipulegri þekk- ingu inn í samfélagið fyrir utan það að vera lýðræðissamfélag fræðimanna sem leggja stund á vísindalega umræðu samkvæmt ákveðnum reglum. Háskólarektor sagði m.a. að nú væri brýnast að mw "<4Hw3 . Góður rómur var gerður að umræðum og svörum háskólamanna í heim- sókn flokksþingsins í Hátíðasal Háskólans, frá v. Ásdís Magnúsdóttir for- maður Stúdentaráðs, Þórólfur Þórlindsson prófessor. Ágúst Einarsson alþm., sem stjórnaði pallborðsumræðum, Páll Skúlason rektor, Oddur Benediktsson prófessor og Margrét Oddsdóttir skurðlæknir og dósent í læknadeild. Páll Skúlason háskólarektor ávarpar fulltrúa á flokksþingi Alþýðuflokks- ins sem heimsóttu HÍ sinna vanræktum sviðum eins og umhverfis- og skipulagsmálum og nýjum atvinnugreinum eins og hugbúnaðar- og upplýsingatækni og erfðafræðum. Eins væri brýn þörf á að efla almenn félagsmála- fræði og vinna skipulega að rann- sóknum og varðveislu á sviði menningar- og þjóðfélagsþróunar. Þá voru allir pallborðsmenn sam- mála um að fjarkennsla og við- leytni til þess að gera fjölbreyttari menntun sem aðgengilegasta fyrir alla allsstaðar á landinu væri verk- efni næstu missera fremur heldur en að byggja upp fleiri sjálfstæðar og veikburða menntastofnanir. Gjörbreyting á Háskólanum Minnt var á að HÍ hefði á 20 árum breyst úr embættismanna- skóla í menntastofnun þar sem fram færu vísinda- og fræðastörf á sem flestum sviðum. Minni mun- ur væri nú en áður á grunnrann- sóknum og hagnýtum rannsókn- um og þessvegna hefðu allir gagn af því að vera þátttakendur í há- skólasamfélaginu. Háskólamenn þyrftu einnig að koma fyrr inn í margvíslega þjóðfé- Iagsumræðu og ráðgjöf til þeirra sem taka ákvarðanir. Rætt var um það að gefa þyrfti hámenntuðu fólki jafnt sem fólki með reynslu í atvinnulífinu fleiri tækifæri til þátt- töku í háskólasamfélaginu m.a. með hlutastörfum og öðrum hætti. Sérstaka athygli vakti umræða um Finnland og írland en löndin bæði hafa unnið sig upp úr alvar- legri efnahagslægð með því að eyða í menntun og rannsóknir, svo og aðstoð við þróunarstarf í smá- fyrirtækjum. Einnig var varað við því að íslendingum hætti til að vera nýjungagjarnir en einnig út- haldslitlir. Þessvegna gæti góð staða okkar t.d. í tölvueign, eins og hún var fyrir þremur til fjórum árum, verið að breytast nú þannig að í samanburði værum við að dragast aftur úr öðrum þjóðum. Hjá fulltrúa stúdenta í pall- borðsumræðunum kom fram sú afdráttarlausa skoðun að Lána- sjóður íslenskra námsmanna gegndi ekki því lögboðna hlutverki sínu að tryggja jafnrétti til náms á Islandi. Framsýn ályktun um mennta og menningarmál á flokksþinginu Samfélag um menntir „Alþýðuflokkurinn telur að menntun og menning séu ekki einungis forsendur fyrir betri lífskjörum framtíðarinnar held- ur séu þau lífsgæði í sjálfu sér, gefi Iífinu innihald, takmark og fullnægju." Þetta segir í upphafi samþykktar sem gerð var á 49. flokksþinginu um mennta- og menningarmál. Ályktunin var gerð í kjölfar heimsóknar flokksþingsfulltrúar í Háskóla íslands þar sem framtíðarþróun menntamála var til umræðu. Ágúst Einarsson alþingismaður hafði veg og vanda að undirbún- ingi samþykktarinnar og fylgdi henni úr hlaði á flokksþinginu. Fram kom mikil ánægja með þau viðhorf sem reifuð eru í ályktuninn. „Alþýðuflokkurinn lítur á það sem hlutverk sitt að móta stefnu á sviði menningar og menntunar sem svarar til breyttra aðstæðna í heiminum. Grunnatriði nútímalegrar jafn- aðarstefnu er að jafnræði skuli gilda og sanngirni og réttlæti móti samfélagið. Það er hlut- verk jafnaðarmannaflokks að leysa úr læðingi samheldni og samstöðu þar sem alltaf sé gætt að hagsmunum allra en ekki hagsmunum hinna fáu", segir einnig í samþykktinni. I kafla um endurmenntun koma fram athyglisverð sjónar- mið sem varpa ljósi á mikilvægi menntunarinnar: „Menntun lýkur aldrei. End- urmenntun og símenntun skifta miklu meira máli nú en fyrir nokkrum árum og eiga að vera hluti skólaskyldu. Helmingur tækniþekkingar úreldist á hverj- um tíu árum og helmingur tölvuþekkingar á hverjum tveimur árum. Sextíu af hun- draði tækniþekkingar ársins 2005 eru enn ófundin en átta- tíu af hundraði þeirra sem eiga að nýta þá tækni eru þegar á vinnumarkaði. Á starfsferli sér- hvers einstaklings eru fundin upp 80-90% af þeirri vísinda og tækniþekkingu sem hann notar. Þessar staðreyndir krefjast þess að samfélagið allt sé skipulagt sem ein menntastofnun." viðskiptatölvur iiiimioiiioioioioiooooooouioooioooiooooiiiióioVno'iuoooö.öVúiooo Dell OptiPlex™ GX1 lntel®Pentiume II 350/100 MHz örgjörvi 32MBminni«3,2GBdiskur« 15" VL skjár • 2xAGP 4MB skjákort • Hljóðkort 3Com FastEtherlinkXL 10/100 netkort Verð kr. 153.900 ,— stgr. m. vsk* Dell OptiPlex™ G1 Inte^PentiunV II350/100 MHz örgjörvi 32MBminni«2,1 GBdiskur* 15" VL skjár • AGP 2MB skjákort Verðkr. 142.900 - stgr. m. vsk * pentiurryjf Grensásvegur 10 OptiPlex™ með Intel® Pentium®ll örgjörvum Dell. Dell merkiö og OptiPlex™ eru skrásett vötumerki Dell Computer Corporation. Intel® inside merkió 09 Intel® Pentium® eru skrásett vörumerki 09 MMX er vörumerki Intel® Corporation. EJS Dell OptiPlex™ E1 lntel»Celeron«'333 MHz örgjörvi 128 KB skyndiminni • 32 MB minni • 2,1 GB diskur 15" VL skjár • AGP 2MB skjákort 3Com FastEtherlinkXL 10/100 netkort Verðkr. 115.900,-stgrmvsk* ^ *Verð fyrir aðila að rammasamningi Ríkiskaupa RK-302 • Sími 563 3050 • Bréfasími 568 7115 • http://www.ejs.is • sala@ejs.is

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.