Morgunblaðið - 31.01.2001, Side 14

AKUREYRI
14 MIÐVIKUDAGUR 31. JANÚAR 2001 MORGUNBLAÐIÐ
EIN athugasemd hafði borist um-
hverfisdeild Akureyrar vegna deili-
skipulags svifbrautar sem fyrirhugað
er að reisa í Hlíðarfjalli þegar frestur
rann út í vikunni. Athugasemdin var
frá Norðurorku sem gerði þær kröfur
að öll mannvirki og framkvæmdir á
skipulagssvæðinu verði háð þeim tak-
mörkunum sem gilda um fjarsvæði
vatnsverndarsvæða. Með athuga-
semdinni fylgir minnisblað sem Hall-
dór G. Pétursson á Náttúrufræði-
stofnun Íslands, Akureyrarsetri,
vann fyrir Norðurorku. Hugsanlegt
er að fleiri athugasemdir hafi verið
póstlagðar innan tilskilins frests.
Tvö vatnsverndarsvæði eru í hlíð-
um Hlíðarfjalls, Hesjuvallalindir og
Glerárdalsból. Verndun þeirra nær til
brunn-, grann- og fjarsvæða vatns-
bólanna og er hluti þeirra afgirtur.
Umferð gangandi fólks er heimil utan
girðinganna en umferð vélknúinna
ökutækja er bönnuð á verndarsvæð-
unum öllum.
Meginhluti væntanlegrar kláfferju
er í landi Akureyrar en endastöðin
uppi á Hlíðarfjalli er í landi Glæsibæj-
arhrepps. Deiliskipulagið var sam-
þykkt í umhverfisráði Akureyrarbæj-
ar í lok nóvember og bæjarstjórn
Akureyrar samþykkti það á fyrsta
fundi sínum í desember síðastliðnum.
Skipulagsnefnd og hreppsnefnd
Glæsibæjarhrepps samþykkti deili-
skipulagið á fundum síðla í nóvember.
Farið verður yfir athugasemd
Norðurorku og að því loknu verður
fjallað um málið í umhverfisráði og
skipulagsnefndum sveitarfélaganna
sem um ræðir og loks á fundum sveit-
arstjórnanna. Nýtt deiliskipulag tek-
ur svo endanlega gildi þegar sveitar-
stjórnir hafa auglýst endanlega
samþykkt þess í Stjórnartíðindum.
Tillaga um að byggja svifbraut upp
á topp Hlíðarfjalls kom fyrst fram á
ferðamálaráðstefnu á Akureyri árið
1970 en fyrir nokkrum árum endur-
vakti Sveinn Jónsson í Kálfsskinni
þessa hugmynd og hefur unnið ötul-
lega að framgangi hennar síðan. Fyr-
irhugað er að ferjan verði nýtt til út-
sýnisferða upp á fjallsbrún að
sumarlagi en hæðin er um 1.200 metr-
ar. Ferjan nýtist einnig þeim sem fara
vilja gangandi um fjöll og jökla vestur
af Hlíðarfjalli. Að vetrarlagi myndi
svifbrautin einnig nýtast skíðamönn-
um. Áætlað er að byggja upp aðstöðu
á brúninni þar sem ferðamenn geta
notið skjóls og veitinga.
Mikil undirbúnings-
vinna á síðustu árum
Margs konar undirbúningsvinna
hefur farið fram á síðustu árum, m.a.
gerðar veðurmælingar, staðsetning
kláfferjunnar valin og frumhönnun
liggur fyrir svo og frumkostnaðar-
áætlun. Þá hefur verið stofnað hluta-
félagið Hlíðarfjall ehf. sem nú leitar
eftir fjárfestum til þátttöku í verkefn-
inu. Loks má nefna að unnið hefur
verið bráðabirgðahættumat vegna
snjóflóðahættu á framkvæmdasvæði
kláfferjunnar. Niðurstöður þeirra eru
að ekki sé snjóflóðahætta á fyrirhug-
uðum endastöðum svifbrautarinnar
og að flest möstrin verði á nægilega
öruggum stöðum, ekki séu tæknileg
vandkvæði á að styrkja þau möstur
sem kunna að vera í snjóflóðahættu.
Deiliskipulag vegna lagningar svifbrautar í Hlíðarfjalli
Ein athugasemd hefur borist
STÁLTAK hefur skrifað undir samn-
ing við norska fyrirtækið Troms fiske-
batrederi um umfangsmiklar breyting-
ar á rækjutogaranum Longyear, sem
liggur við slippkantinn á Akureyri.
Togarinn hét áður Geiri Péturs ÞH en
norska fyrirtækið keypti hann fyrir
síðustu áramót og hyggst gera hann út
til veiða á Flæmingjagrunni.
Samningurinn hljóðar upp á tæpar
50 milljónir króna og mun þetta verk-
efni verða kjölfestan í starfseminni á
Akureyri næstu vikurnar. Stáltak hef-
ur auk þess önnur skipaverkefni, sem
og ýmis landverkefni og er verkefna-
staðan því mjög góð um þessar mundir,
að sögn Antons Benjamínssonar, verk-
efnisstjóra fyrirtækisins á Akureyri.
Anton sagði að eftir erfiða verkefna-
stöðu sl. haust og fram eftir vetri væri
verkefnastaðan með allra besta móti
næstu tvo mánuði í það minnsta. „Það
er a.m.k. mjög gott hljóð í okkur í
augnablikinu.“
Stáltak sagði upp 13 starfsmönnum
um áramótin vegna lélegrar verkefna-
stöðu en Anton sagði að með þessari
breytingu til batnaðar gerðu menn sér
vonir um að þær þyrftu ekki að koma
til framkvæmda. Að auki þyrfti Stáltak
að leita til undirverktaka á næstunni,
þannig að önnur fyrirtæki á svæðinu
ættu einnig eftir að njóta góðs af.
Anton sagði að fyrirtækið væri með
talsvert af svokölluðum landverkefn-
um á sinni könnu, m.a. við álverið á
Grundartanga og í tengslum við
stækkun Flugstöðvar Leifs Eiríks-
sonar á Keflavíkurflugvelli. Hjá Stál-
taki á Akureyri vinna um 120 manns.
Morgunblaðið/Kristján
Starfsmenn Stáltaks hafa í nógu að snúast næstu vikurnar eftir frekar
erfiða verkefnastöðu undanfarið.
Verkefnastaðan
með besta móti
Stáltak gerir samning um breytingar á norskum rækjutogara
Grýtubakkahreppi - Um liðna helgi héldu íbúar
Grýtubakkahrepps ásamt gestum sínum sitt ár-
lega þorrablót í íþróttahúsinu á Grenivík. Mikið
fjölmenni var á blótinu og skemmti fólk sér að
mestu við heimagert skemmtiefni og nutu veit-
inga frá Bautanum á Akureyri.
Myndast hefur sú hefð á þorrablótum að veitt
eru menningarverðlaun Lionsklúbbsins Þengils
og eru þau nefnd Þengillinn. Í reglugerð um
Þengilinn segir m.a. að hann sé heiðursvið-
urkenning sem veitt sé einu sinni á ári ein-
staklingi, hópi, félagi eða fyrirtæki í Grýtu-
bakkahreppi, sem á einhvern hátt hefur unnið
byggðarlagi sínu gagn með því að efla atvinnulíf
þess eða menningarlíf eða með því að vekja at-
hygli á því á jákvæðan hátt, t.d. með afrekum á
sviði íþrótta eða lista.
Í ár hlutu þau Stefán Kristjánsson og Juliane
B. Kauertz, sem reka ferðaþjónustuna Pól-
arhesta á Grýtubakka II, viðurkenninguna en
þjónusta þeirra felst að mestu í hestaferðum með
erlenda ferðamenn víða um Norðurland.
Menningarverðlaunin hlutu þau fyrir frum-
kvöðlastarf í ferðaþjónustu í Grýtubakkahreppi
og kynningu á sveitarfélaginu á erlendri grundu
eins og ritað var á innrammað skjal sem séra
Pétur Þórarinsson í Laufási afhenti Stefáni og
Juliane á samkomunni.
Fjölmenni á árlegu þorrablóti Grýtubakkahrepps
Eigendur Pólarhesta
hlutu Þengilinn
Morgunblaðið/Jónas Baldursson
Stefán Kristjánsson og Juliane B. Kauertz
hlutu Þengilinn að þessu sinni, en með þeim á
myndinni er sonur þeirra Simon Birgir.
ENDURHÆFINGARSTÖÐ
hjarta- og lungnasjúklinga á
Akureyri fagnaði tíu ára af-
mæli á dögunum með afmæl-
isfagnaði á Hótel KEA að við-
stöddu fjölmenni. Formaður
HL-stöðvarinnar, Þorsteinn
Þorsteinsson, ávarpaði gesti
og bauð þá velkomna og Jón
Þór Sverrisson yfirlæknir
flutti erindi um upphaf og
sögu stöðvarinnar.
Fjármagna
hjartagæslutæki
Þá fluttu ávörp þeir Gísli
Eyland, formaður Félags
hjartasjúklinga á Eyjafjarð-
arsvæðinu, Vilhjálmur B. Vil-
hjálmsson, formaður Lands-
samtaka hjartasjúklinga, og
Haukur Þórðarson, formaður
SÍBS, og færðu HL-stöðinni
peningagjafir til kaupa á
nýju hjartagæslutæki sem
notað er við 1. stigs þjálfun
hjartasjúklinga.
Í tilefni þessara tímamóta
var þeim Kristínu Sigfúsdótt-
ur, fyrsta formanni HL-
stöðvarinnar, og Jóni Þór
Sverrissyni yfirækni veitt
viðurkenningarskjal fyrir vel
unnin störf frá upphafi.
HL-stöðin
á Akureyri
tíu ára
ÞAÐ getur oft tekið nokkuð langan
tíma að koma sér heim eftir skóla
enda margt að skoða á leiðinni.
Þessar ungu dömur, sem voru á leið
heim úr Glerárskóla á Akureyri í
gær, eru þar engin undantekning.
Stelpurnar fóru sér frekar hægt og
voru einmitt að skoða holu sem þær
gengu fram á neðst í Höfðahlíðinni,
þegar ljósmyndari Morgunblaðsins
var þar á ferð.
Morgunblaðið/Kristján
Á leið
heim úr
skólanum