Morgunblaðið - 26.02.2002, Síða 1
47. TBL. 90. ÁRG. ÞRIÐJUDAGUR 26. FEBRÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 26. FEBRÚAR 2002
PAKISTANSKUR lögreglumaður
fylgir íslamska öfgatrúarmann-
inum sheikh Omar í dómsal í borg-
inni Karachi í gær en sheikh Omar
er sakaður um að hafa staðið á bak
við ránið á bandaríska blaðamann-
inum Daniel Pearl, sem nú er stað-
fest að sé látinn. Gæsluvarðhald yf-
ir sheikh Omar var framlengt að
beiðni saksóknara en nú er leitað
að líki Pearls og sögðu talsmenn
lögreglunnar að þeir vildu einnig
finna morðvopnið áður en sheikh
Omar og tveir samstarfsmenn hans
yrðu formlega ákærðir.
Reuters
Leitað að
líki Pearls
LEIÐTOGI stjórnarandstöðunnar í
Zimbabwe, Morgan Tsvangirai,
verður ákærður fyrir landráð, að því
er lögfræðingur hans greindi frá í
gær. Verði hann fundinn sekur á
hann dauðarefsingu yfir höfði sér.
Tsvangirai var boðaður til yfir-
heyrslu hjá lögreglunni vegna ásak-
ana um að hann hefði lagt á ráðin um
að myrða Robert Mugabe, forseta
landsins. Tsvangirai, sem býður sig
fram gegn Mugabe í forsetakosning-
um er fram fara níunda og tíunda
mars, segir ekkert hæft í ásökunun-
um.
Stjórnvöld í Zimbabwe halda því
fram, að Tsvangirai hafi átt fund með
kanadísku ráðgjafarfyrirtæki í fyrra
til að skipuleggja „útrýmingu“ Mug-
abes. Fyrir tíu dögum birti ráðgjaf-
arfyrirtækið myndband, sem tekið
hafði verið á laun á fundinum með
Tsvangirai í Montreal fjórða desem-
ber, og segir fyrirtækið að myndirn-
ar sýni fram á sekt Tsvangirais.
Ríkisfjölmiðlar í Zimbabwe hafa
fjallað mikið um ásakanir yfirmanns
ráðgjafarfyrirtækisins, Aris Ben-
Menashes. Í frétt breska ríkisút-
varpsins, BBC, kemur fram, að Ben-
Menashe hefur áður unnið að kynn-
ingarstörfum fyrir Mugabe. Ben-
Menashe er fyrrverandi leyniþjón-
ustumaður frá Ísrael.
Tsvangirai segist hafa átt fundi
með ráðgjafarfyrirtækinu til að ræða
hugsanlega kynningu sem það gæti
séð um fyrir flokk sinn erlendis. Seg-
ir hann orð sín, sem heyrist á mynd-
bandinu, hafa verið tekin úr sam-
hengi. Á myndbandinu er klukka, og
sést þar að upphaflega myndbandið,
sem tekið var á laun, hefur verið
klippt mikið og jafnvel „endurunnið“,
að sögn óháðra samtaka sem sinna
fjölmiðlarannsóknum í Zimbabwe.
BBC greindi frá því, að Mugabe
hefði samþykkt að flýja land ef hann
tapaði í forsetakosningunum. Olus-
egun Obasanjo, forseti Nígeríu, hefði
rætt þetta við Tsvangirai á fundi í
síðasta mánuði. Breska blaðið The
Times sagði að Mugabe hefði beðið
Obasanjo um að ræða þetta við
Tsvangirai eftir að Mugabe hefði lát-
ið gera skoðanakönnun og komist að
því að hann myndi ef til vill tapa
kosningunum. Yfirmaður hersins í
Zimbabwe hefur lýst því yfir, að her-
inn myndi ekki viðurkenna Tsvang-
irai sem forseta landsins.
Leiðtogi stjórnarandstöðunnar í Zimbabwe yfirheyrður
Mun verða
ákærður
fyrir landráð
Harare. AP. Reuters
Morgan Tsvangirai, leiðtogi
stjórnarandstöðunnar í Zimb-
abwe (t.h.), ásamt lögfræðingi
sínum í gær.
MOSHE Katsav, forseti Ísraels, bauð
í gær Abdullah bin Abdul Aziz, krón-
prinsi í Sádi-Arabíu, til viðræðna í
Jerúsalem en krónprinsinn lagði ný-
verið fram hugmyndir sem hugsan-
legt er talið að geti leitt til friðar í
Miðausturlöndum. Sagðist hann jafn-
framt reiðubúinn til að ferðast til
Riyadh, höfuðborgar S-Arabíu, í
sömu erindagjörðum. Áður hafði
Shimon Peres, utanríkisráðherra Ísr-
aels, kallað hugmyndirnar „nýjar,
áhugaverðar og hrífandi“ og staðhæft
var að Ariel Sharon forsætisráðherra
hefði beðið Bandaríkjastjórn að hafa
milligöngu um viðræður við S-Araba.
Ísraelsmenn sökuðu þó Palestínu-
menn í gær um að hafa svikið loforð
um að efna til vopnahlés, með byssu-
árás sem gerð var í gær í Jerúsalem.
Var ekki ljóst hver áhrif það hefði á
afstöðu þeirra til hugmynda S-Araba.
Tillögur Abdullah krónprins, sem
sagður er stýra S-Arabíu í reynd sök-
um heilsuleysis Fahd konungs, fela í
sér að arabaríkin taki upp vinsam-
legri samskipti við Ísraelsríki gegn
því að Ísraelar dragi allt sitt herlið frá
þeim svæðum sem þeir hafa hernum-
ið frá 1967. Feli það í sér að Ísraels-
ríki hljóti fulla viðurkenningu araba-
ríkjanna.
Peres sagði að Ísraelsstjórn myndi
fagna beinum viðræðum við yfirvöld í
S-Arabíu. Talsmenn Bandaríkja-
stjórnar lýstu einnig ánægju með
frumkvæðið en vildu sjá tillögurnar
betur útfærðar áður en lengra yrði
haldið. Javier Solana, yfirmaður utan-
ríkismála Evrópusambandsins, tók í
sama streng í gær.
Landnemar lítt hrifnir
Yasser Arafat, leiðtogi Palestínu-
manna, hefur lýst stuðningi við tillög-
ur S-Araba og flest arabaríkin hafa
tekið vel í hugmyndirnar. Stuðningur
er jafnframt vaxandi í Ísrael, að því er
fullyrt er. Aðeins öfgaþjóðernissinnar
hafa hafnað hugmyndunum en Benny
Elon, sem er ráðherra ferðamála í
ríkisstjórn Sharons, sagðist enga
virðingu bera fyrir ráðandi öflum í
Sádi-Arabíu. Fulltrúar ísraelskra
landnema á Vesturbakkanum og á
Gaza-svæðinu lýstu einnig mótmæl-
um sínum.
Peres segir tillög-
urnar „hrífandi“
Jerúsalem. AFP.
ÍSRAELSKA lögreglan réð í gær
niðurlögum Palestínumanns eftir að
hann hafði hafið skothríð á stræt-
isvagnastöð í ísraelska hluta Jerú-
salem með þeim afleiðingum að sex
særðust. Þá féllu tveir Ísraelar þeg-
ar palestínskir byssumenn hófu
skothríð á bifreið þeirra nærri
Nokdim á Vesturbakkanum.
Áður höfðu ísraelskir hermenn
skotið til bana palestínskan mann á
Vesturbakkanum og sært konu
hans, Maysoun Hayek, sem var
ófrísk að barni þeirra. Voru hjónin á
leið á sjúkrahús enda Hayek með
hríðir. Hún (t.v.) ól síðar heilbrigt
stúlkubarn. Sagði Ísraelsher að
skotið hefði verið á bifreið þeirra
vegna þess að ekki hefði verið sinnt
bendingum um að stöðva bæri bílinn.
AP
Særðu konu í
barnsnauð
RÆNINGJAGENGI í Þýska-
landi komst í gær undan með
meira en tíu milljónir evra, tæp-
lega einn milljarð ísl. kr., en
þetta er talið stærsta peninga-
rán sem framið hefur verið í
Þýskalandi. Leitar þýska lög-
reglan nú ræningjanna dyrum
og dyngjum.
Ræningjarnir höfðu fengið í
lið með sér ökumann öryggisbif-
reiðar sem flytur peninga milli
bankaútibúa. Maðurinn, 23 ára
gamall Frakki, dró upp skamm-
byssu og handjárnaði sam-
starfsmann sinn áður en hann
ók bílnum í neðanjarðarbíla-
geymslu. Þar bættust í hópinn
a.m.k. tveir menn og flutti hóp-
urinn þar fjögur geymslubox,
sem voru full af seðlum, yfir í
aðra bifreið og ók síðan á brott.
Rændu ein-
um millj-
arði króna
Frankfurt. AFP.
Hugmyndum S-Araba um bætt samskipti Ísraela og arabaríkjanna vel tekið
PAAVO Lipponen, forsætisráðherra
Finnlands, sagði í gær að stóru ríkin
í Evrópusambandinu – Bretland,
Frakkland, Þýskaland og Ítalía –
hefðu of mikil völd innan þess.
Lipponen sagði í viðtali við finnska
dagblaðið Helsingin Sanomat að
aukið samstarf milli ríkisstjórna ein-
stakra aðildarríkja Evrópusam-
bandsins þjónaði ekki hagsmunum
Finna. „Verði Evrópusambandið
fært í átt að auknu samstarfi milli
ríkisstjórna þýðir það að ákvarðan-
irnar færast frá sameiginlegum vett-
vangi til bakherbergja,“ hafði blaðið
eftir forsætisráðherranum.
Að sögn Lipponens stefna nú stór-
þjóðirnar að því að minnka áhrif
framkvæmdastjórnar ESB og minni
ríkja og koma á fót nýrri „yfirfram-
kvæmdastjórn“ þar sem stóru ríkin
hafi bæði tögl og hagldir. Hann
kvaðst á hinn bóginn vera hlynntur
lýðræðislegu kerfi sem byggðist á
því að tillögur næðu aðeins fram að
ganga ef þær nytu stuðnings meiri-
hluta aðildarríkjanna og fulltrúa
meirihluta allra íbúa ESB-ríkjanna.
Lipponen gagnrýndi starf CFE,
Ráðstefnu um framtíð Evrópu, sem
á að semja um breytingar á innra
skipulagi ESB og fyrirkomulagi
ákvarðanatöku eftir að aðildarríkj-
unum fjölgar úr 15 í allt að 27. Lipp-
onen kvaðst óttast að stórþjóðirnar
hefðu þegar ákveðið niðurstöðu ráð-
stefnunnar. Enginn samningur yrði
hins vegar gerður án samþykkis
Finna.
Völd stórþjóða í ESB of mikil?
Helsinki. AFP.
Ákæru/19