Morgunblaðið - 29.10.2002, Síða 2

HANDKNATTLEIKUR
2 B ÞRIÐJUDAGUR 29. OKTÓBER 2002 MORGUNBLAÐIÐ
ÍSLENSKA landsliðið í handknatt-
leik hefur tvisvar áður tekið þátt í
heimsbikarkeppninni í Svíþjóð,
World Cup. Fyrst 1988 og var leikið
í riðli með heims- og ólympíu-
meisturum Júgóslavíu, A-Þýska-
landi og Danmörku.

Íslendingar töpuðu fyrsta leikn-
um – gegn A-Þýskalandi, 18:16,
lögðu síðan Júgóslava að velli,
23:20, og Dani 22:20.

Einar Þorvarðarson, fram-
kvæmdastjóri HSÍ og aðstoðar-
landsliðsþjálfari, átti stórleik í
markinu gegn Júgóslövum og
Guðmundur Þ. Guðmundsson
landsliðsþjálfari skoraði eitt
mark í leiknum. Guðmundur
Hrafnkelsson landsliðsmark-
vörður var varamarkvörður
Einars á mótinu.

Löglegt mark sem Júgóslavar
skoruðu gegn A-Þjóðverjum
undir lok leiksins var dæmt af
þeim og það varð til þess að Ís-
land lék ekki til úrslita gegn V-
Þýskalandi. Þrjú lið, A-Þýska-
land, Ísland og Júgóslavía, voru
jöfn með fjögur stig, en A-þjóð-
verjar komust í úrslitaleikinn á
fleiri skoruðum mörkum en Ís-
lendingar, þar sem báðar þjóð-
irnar voru með þrjú mörk í plús.

Ísland lék gegn Svíþjóð um
þriðja sætið og unnu Svíar,
23:20. V-Þýskaland vann A-
Þýskaland í úrslitaleik, 18:17.

Þorgils Óttar Mathiesen línu-
maður var valinn í úrvalslið
mótsins.

Aftur tók Ísland þátt í heimsbik-
arkeppninni 1998, sem fór fram í
Gautaborg og nágrenni. Ísland
tapaði þá fyrir Svíþjóð í fyrsta
leik, 29:26, síðan fyrir Frökkum,
28:18, en lagði Ungverja að velli,
29:22.

Íslenska liðið lék ekki um sæti,
þar sem aðeins var leikið um
fjögur efstu sætin í mótinu, sem
Svíar unnu.

Níu af landsliðsmönnunum, sem
nú taka þátt í heimsbikarmótinu,
léku með 1998 – Guðmundur
Hrafnkelsson, Birkir Ívar Guð-
mundsson, Dagur Sigurðsson,
Ólafur Stefánsson, Aron Krist-
jánsson, Róbert Sighvatsson,
Rúnar Sigtryggsson og Sigurður
Bjarnason.
Í fjórða
sæti
1988
GUÐMUNDUR segist ekki halda
þrumandi ræður yfir leikmönnum í
búningsklefanum fyrir hvern leik.
Hann segir það liðna tíð og leggur
meiri ábyrgð á hvern og einn leik-
mann en áður var gert.
„Við höfum rætt þetta fram og
til baka og niðurstaðan er að leik-
menn bera ábyrgð á eigin hugar-
fari. Þetta hefur breyst mikið og
það eru margir sem halda að ef
mér tekst ekki að halda rosa flotta
ræðu í búningsklefanum fyrir leik-
inn þá séu strákarnir ekki klárir.
Þetta er breytt. Hver leikmaður
ber ábyrgð á sínu hugarfari enda
getur þjálfarinn ekki gengið á milli
allra og tékkað hvort hver og einn
sé klár. Menn nota mismunandi
aðferðir til að koma sér í rétt skap
fyrir leik og mér er nokk sama
hvort þeir eru í playstation á milli
leikja eða nota einhverja aðra að-
ferð, ég skipti mér ekki af því.“
Þú ert búinn að leggja línurnar
fyrir leik og strákarnir eiga að
kunna öll leikkerfin og allt er í fínu
lagi, en samt er mikill hamagangur
í þér á hliðarlínunni. Hvers vegna?
„Hef ég ekki verið að róast?! Það
hefur hver sinn djöful að draga, er
það ekki. Ég held ég geti bara ekki
svarað þessari spurningu. Ég lifi
mig mjög inn í leikinn og hef alltaf
gert og þegar ég var leikmaður var
ég mjög einbeittur á það verkefni
sem við vorum í hverju sinni. Ég
hef verið að klippa leiki frá EM og
þá sé ég að ég er að skjóta og allt á
hliðarlínunni. Ég held að ástæðan
sé bara að ég er mikill keppnis-
maður. Ég hef reyndar verið að
róa mig í þessu enda þegar maður
þjálfar í Þýskalandi verður maður
að hafa betri stjórn á sér, annars
væri maður kominn undir græna
torfu. Maður sjóast vel þar enda
mjög margir og erfiðir leikir.“
Ein spurning í lokin sem marga
hefur langað að fá svar við. Af
hverju ertu í gallabuxum í leikj-
um?
„Já, já, ég hef heyrt af þessu og
að sumum finnist ekki við hæfi að
þjálfari sé í gallabuxum. Mér líður
vel í gallabuxum og er þannig
klæddur í vinnunni. Ég held það
standi alls ekki til að breyta til í
þessum efnum. Þetta er ekki
hjátrú hjá mér – held ég. Ég var
með alls konar serímóníur fyrir
leiki þegar ég var leikmaður en ég
er ekki viss um að ég hafi tekið
neitt af því með mér yfir í þjálf-
unina.
Ég held þetta sé frekar ákveðið
mynstur. Maður hagar sér ef til vill
ekkert ósvipað á milli daga. Ef vel
gengur fer maður kannski sömu
leiðina í labbitúrnum og daginn áð-
ur enda leið manni vel á þeirri leið.
Hvort þetta fer síðan yfir í fötin
eða jafnvel mataræðið fyrir leiki
veit ég ekki. Þetta er allt hluti af
undirbúningnum og ef það virkar
er maður ekkert að storka örlög-
unum með því að gera breytingar
þar á,“ segir landsliðsþjálfarinn.
Leikmenn bera ábyrgð
á eigin hugarfari
LANDSLIÐSHÓPUR Íslands, sem
tekur þátt í heimsbikarkeppninni,
World Cup, í Svíþjóð er þannig skip-
aður:
Markverðir:
Guðmundur Hrafnkelss., Convers.
Birkir Í.Guðmundsson, Haukum
Hlynur Jóhannesson, Stord
Aðrir leikmenn:
Guðjón V. Sigurðsson, Essen
Gústaf Bjarnason, Minden
Einar Ö. Jónsson, Massenheim
Sigfús Sigurðsson, Magdeburg
Róbert Sighvatsson, Wetzlar
Gunnar B. Viktorsson, Paris SG
Rúnar Sigtryggsson, Ciudad Real
Heiðmar Felixson, Bidasoa
Snorri S. Guðjónsson, Val
Aron Kristjánsson, Haukum
Sigurður Bjarnason, Wetzlar
Patrekur Jóhannesson, Essen
Ólafur Stefánsson, Magdeburg
Dagur Sigurðsson, Wakunaka

Guðmundur verður aðeins með
liðinu í leikjunum þremur í riðla-
keppninni og Dagur í tveimur fyrstu
leikjunum.
Landsliðs-
hópurinn
Þetta er gríðarlega sterkt mótenda eru þarna átta bestu
handknattleiksþjóðir í heimi. Fjög-
ur efstu liðin úr síðustu heimsmeist-
arakeppni eru þarna, og þess vegna
eru Egyptar og Júgóslavar með.
Heimsmeistarar Frakka, Svíar,
Rússar, Þjóðverjar og Spánverjar
áttu að vera með en afboðuðu sig og
við komum inn sem fyrsti kostur
fyrir þá. Það er því alveg ljóst að
þetta verður erfitt en um leið
skemmtilegt og vonandi lærdóms-
ríkt því við eigum að geta séð hvar
við stöndum gagnvart þeim bestu í
heimi,“ sagði Guðmundur.
Nú rekur hver stórleikurinn ann-
an á þessu móti. Rússar eru fyrstu
mótherjarnir, hvernig leggst sá
leikur í þig?
„Bara vel. Þar lendum við vænt-
anlega á móti varnaraðferð sem við
höfum ekki spilað mikið á móti, en
Rússar leika 5–1 vörn. Þeir hafa
leikið þannig vörn lengi en við höf-
um ekki lent í að spila á móti þannig
vörn síðan ég tók við landsliðinu.
Það sem ég hef séð til Rússa upp á
síðkastið sýnir að þeir eru með mjög
sterkt lið. Við höfum lítinn tíma,
bara eina snaggaralega æfingu og
því er ekki að leyna að það er nokk-
ur eftirvænting að sjá hvernig okk-
ur tekst að leysa þau vandamál sem
koma upp á móti svona vörn.“
Guðmundur notaði tímann fyrir
mótið vel, hann kortlagði leik mót-
herjanna, sérstaklega Rússa og
Þjóðverja, og þar sem mjög stuttur
tími var til undirbúnings ákvað
hann að leggja áherslu á nokkur at-
riði í leiknum á móti Rússum í kvöld
og sjá til hverju það skilaði.
„Rússar eru með hávaxið lið,
vörnin er öflug og þeir keyra mikið
á hraðaupphlaupum og eru síðan vel
skipulagðir í sókninni. Ég reikna
með að þeir séu með svipað lið og
undanfarið þó svo ég viti það í raun-
inni ekki. Það er valinn maður í
hverri einustu stöðu hjá Rússum.
Við spilum alveg hiklaust flata
vörn á móti þeim. Við höfum mest
leikið þannig vörn og þótt við séum
með ýmis önnur afbrigði þá er ekki
rétti tímapunkturinn núna til að
prófa aðra tegund varnar. Til þess
þarf meiri tíma.“
Hentar að spila flata vörn á móti
svona hávöxnu liði?
„Já, já. Við spilum vörnina nokk-
uð framarlega og erum ákveðnir í að
ganga út á móti mönnum þannig að
ég tel að það eigi alveg að geta
gengið upp.“
Alltaf gaman að spila
við Þjóðverja
Þjóðverjar verða mótherjar ykk-
ar á miðvikudaginn og þú þekkir vel
til á þeim bænum.
„Það er mjög spennandi viðureign
og það er alltaf gaman að spila við
Þjóðverja. Við spiluðum þrjá leiki
við þá í janúar og unnum þá alla og
svo hef ég myndband af leik þeirra
við Svía á dögunum, þar sem þjóð-
irnar gerðu jafntefli eftir að Þjóð-
verjar höfðu verið yfir lengst af. Það
verður mjög spennandi að sjá hvar
við stöndum gagnvart Þjóðverjum
núna því mér finnst þeir alltaf verða
betri og betri. Heiner Brand er bú-
inn að vera með liðið í ein fimm ár og
hefur stöðugt verið að byggja það
upp og mjög markvisst. Liðið leikur
ákveðin leikkerfi sem eru orðin ansi
vel smurð og ganga vel og svo er
annað sem skiptir gríðarlega miklu
máli fyrir þá en það er að kjarninn í
liðinu kemur úr Lemgo og þar leika
þeir svipaðar leikaðferðir og leik-
menn eru orðnir mun hraðari en áð-
ur og öruggari í því sem þeir eru að
gera. Það verður því stöðugt erfið-
ara að eiga við Þjóðverja, en við ger-
um okkar besta og þetta verður for-
vitnilegur leikur.“
Júgóslavar óútreiknanlegir
Svo eru það Júgóslavar á fimmtu-
daginn. Veistu eitthvað um lið
þeirra?
„Svona sitt lítið að hverju. Júgó-
slavar eru stemningslið sem er gjör-
samlega óútreiknanlegt. Þegar vel
gengur hjá þeim eru þeir illviðráð-
anlegir en svo geta þeir líka gefist
upp og þá tapa þeir fyrir öllum. Við
veltum okkur svo sem ekkert upp úr
því hvernig þeir eru stemmdir
hverju sinni heldur komum til leiks
eins og alltaf með þá hugsun að
vinna.
Júgóslavar eru með nýjan þjálf-
ara, sem ég veit ekki hver er. Það
var eitthvert vandamál hjá þeim og
þegar ég var að reyna að fá lands-
leiki við þá fyrir um tveimur mán-
uðum þá voru þeir ekki með neinn
þjálfara og allt í rugli. Þeir verða
búnir að leika tvo leiki áður en við
mætum þeim og þá getum við séð
hvernig þeir leika og skipulagt okk-
ur í samræmi við það.“
Hvert er markmiðið hjá ykkur
þegar farið er á svona gríðarlega
sterkt mót?
„Um leið og við komum upp á hót-
el held ég fund með leikmönnum og
á þeim fundi setjum við okkur
markmið og fyrr vil ég ekki gefa
neitt upp um það. Við getum hins
vegar alveg sagt að við förum í
svona mót til að standa okkur. Ég
nota svona mót ekki sem æfingamót
heldur fer ég í hvern leik til að
reyna að vinna. Þetta er samt nokk-
uð tvíbent því maður þarf að prófa
leikmenn en samt fer maður í leiki
til að vinna. Maður reynir að gera
Liðsheildin
skiptir máli
Morgunblaðið/Árni Sæberg
Guðmundur Þ. gefur sínum mönnum fyrirskipanir.
Íslenska karlalandsliðið í handknattleik
hefur í dag keppni á heimsbikarmótinu,
World Cup, í Svíþjóð. Mótið er gríðarlega
sterkt og eru Íslendingar í riðli með
Rússum, Þjóðverjum og Júgóslövum.
Í hinum riðlinum eru Svíar, Frakkar, Danir
og Egyptar. Guðmundur Guðmundsson
landsliðsþjálfari hélt utan í gær og hitti
landsliðspiltana í Stokkhólmi áður en farið
var til Borlänge þar sem íslenski riðillinn
er leikinn. Skúli Unnar Sveinsson ætlar
að fylgjast með mótinu og hann ræddi við
Guðmund um undirbúninginn, mótherjana
og væntingarnar.