Morgunblaðið - 12.01.2003, Qupperneq 12

Einn góður …
– Hvernig veistu að fíll hefur verið í ísskápnum?
– Það eru fótspor í smjörinu!
Kapphlaupið
Leikreglur
1) Takið einn tening og 2–4 tölur.
2) Grænir reitir þýða: dragðu spjald.
3) Ef einn maður er á reit og annar kemur á reitinn,
verður sá sem fyrir var að fara 5 reiti til baka.
4) Fyrstur í mark vinnur.
Búið til 10 lítil spjöld og skrifið eftirfarandi setn-
ingar á þau, eða klippið út úr blaðinu og límið á þau.
Þú sofnaðir og missir 1 kast.
Ef þú gerir ekki teygjuæfingar, færðu harðsperrur
og ferð 4 reiti aftur á bak.
Þú hefur svo mikla orku að þú sprettur 4 reiti fram
á við.
Þú mátt kasta aftur.
Þú hrasar 2 reiti til baka.
Kastaðu aftur. Ef þú færð 1, 2, 3 eða 4, ferðu það til
baka. En ef þú færð 5 eða 6 ferðu það áfram.
Ef þú syngur „Litlu andarungarnir“ rétt ferðu 2
reiti áfram. Ef vitlaust, þá 2 reiti aftur á bak.
Þú verður að hvíla þig og missir eitt kast.
Farðu til baka, það sem þú fékkst áðan.
Farðu 3 reiti áfram.
Einir Björn Ragnarsson, 12 ára, Laugalæk 12, Reykja-
vík, er sannkallaður listamaður. Hann hefur útbúið
spennandi spil fyrir lesendur barnablaðs Moggans.
Hvernig væri að bjóða besta vini sínum í kapp-
hlaup? Og muna að maður svindlar ekki á vini sínum.
Þá er að hefja kapphlaupið. Einn, tveir og þrír!
Og hversu vel þekkir
vinur þinn þig?
Það er sniðugt og
skemmtilegt að at-
huga það.
Þú og vinur þinn
setjist í sitthvert
hornið með blað og
penna. Á blaðið skrifið þið nokkrar spurningar um
sjálfa ykkur, einsog: Hver er uppáhaldsliturinn minn?
Hvað finnst mér best að borða? Finnst mér gaman
að horfa á sjónvarp? Hvað heitir mamma mín? Og
svona haldið þið áfram. Síðan skiptist þið á blöðum
og svarið spurningum um besta vin ykkar. Rétt svör
má jafnvel skrifa á annað blað sem maður afhendir
eftir að spurningunum er svarað, svo enginn fari að
skipta um skoðun. Þetta er sko gaman.
Hversu vel þekk-
ir þú vin þinn?
Blaðamaður barnablaðsins rakst nýlega á 9
ára stelpu sem sagðist heita Sigga og sat og
hámaði í sig nammi. Við fórum að spjalla sam-
an ég spurði hvort hún ætlaði kannski að
minnka við sig sælgætisátið á árinu.
– Nei, ekki þetta ár, segir Sigga og brosir
svo glottir silfraðar tannviðgerðirnar alls
staðar í munninum.
– Strengdirðu ekkert áramótaheit?
– Jú, ég ætla að verða betri vinkona, svarar
Sigga og en er samt eitthvað skömmustuleg á
svipinn.
– Hvað fékk þig til að ákveða það? spyr ég
og finnst áramótaheitið fínt.
– Æi, sko … ég kallaði Þuru bestu vinkonu
mína fitubollu …
– Ha? Hvernig datt þér það í hug?
– Hún kallaði mig fyrst horrenglu! svarar
Sigga fullum hálsi. En ég veit samt að það má
ekki ef maður ætlar að halda áfram að vera
vinkonur.
– Og hvað ætlaður að gera í því?
– Æj, ég veit það ekki, segir Sigga heldur
súr og bítur hausinn af súkkulaðifroski.
Hvernig á að vera góður vinur?
Ég stakk upp á að Sigga myndi skrifa niður
á blað tíu atriði um vináttu, hvernig eigi að
vera góður vinur. Og Sigga fékk Þuru líka til
að skrifa sams konar lista.
Sigga Lóa, 9 ára:
✗ Góður vinur uppnefnir ekki vin sinn.
✗ Maður á að gefa vinkonum sínum með sér ef
maður á nammi. Og hún má fá meira en
maður sjálfur.
✗ Ef vinkona mín meiðir sig, set ég á hana
plástur.
✗ Maður á að muna hvað besti vinur manns
vill í afmælisgöf, og kaupa það.
✗ Þegar maður er í langri biðröð, á maður að
geyma pláss handa vini sínum.
✗ Ef vinur manns segir sama brandarann
tvisvar, á maður að þykjast ekki muna
hann og hlæja aftur.
✗ Þegar vinkona mín týndi hárspennunni
sinni, hjálpaði ég henni að leita.
✗ Einu sinni var hellirigning, og þá leyfði
ég Þuru að vera undir regnhlífinni
minni.
✗ Ef maður fær að kjósa í lið, kýs maður
vinkonu sína þótt hún sé ekki fljótust að
hlaupa.
✗ Það er ljótt að segja: „Sá sem er sein-
astur er kúkur!“ ef maður er á undan
vini sínum að hlaupa að hurð.
Þura, 8 bráðum 9 ára:
✗ Ljótt er að kalla vini sína ljótum nöfnum.
✗ Ef maður kemur með nesti í skólann á
maður að gefa með sér.
✗ Það á ekki að monta sig ef maður á flott-
ustu gallbuxurnar.
✗ Maður á að passa vini sína fyrir hrekkju-
svínum.
✗ Það er bannað að kreista hamstur sem
vinkona manns á.
✗ Ekki hætta í spili ef þú ert að tapa, það
er svindl.
✗ Maður á ekki að herma allt eftir vinkonu
sinni.
✗ Leyfðu vinkonu þinni að fá naglalakk
hjá þér.
✗ Það er gaman að skiptast á húfum.
✗ Ekki hlæja að vinkonu þinni ef nýja klippingin
hennar er ekki mjög flott.
Hvernig sérð þú vinskap?
Hvað finnst þér um það sem Sigga og Þura
skrifa? Hvað finnst þér um vinskap? Er hægt að
keppa í vináttu? Ha?
Já sko, barnablaðið efnir til keppni þar sem
þú getur sent inn efni/verk um vináttu eða besta
vin þinn. Það má vera ljóð, saga, mynd, ljós-
mynd eða hvað sem þér dettur í hug.
Tíu flottustu verkin verða valin úr af dóm-
nefnd, og verðlaunin eru ekkert smá flott! Þú
færð 12 tommu pizzu og tvö gosglös á Pizza 67
handa þér og besta vini þínum! Þú færð líka sér-
staka viðurkenningu og verkið verður birt á síð-
um barnablaðsins.
Setjist niður og hugsið upp og skapið ógleym-
anlegt listaverk. Sendið það fyrir 21. janúar til:
Barnablað Moggans
– Vinátta –
Kringlunni 1
103 Reykjavík
PS! Munið að láta
fylgja með: nafn, aldur
og heimilisfang, jafn-
vel nafn og aldur besta
vinarins!
Átt þú skilið vina-verðlaunin?
Ertu góð-
ur vinur?
Á skautum
Ef vinur ykkar kann ekkert á skautum hjálpið honum
þá í stað þess að hlæja þegar hann dettur á rassinn.
Litið listavel