Morgunblaðið - 31.01.2003, Blaðsíða 5
HM Í PORTÚGAL
MORGUNBLAÐIÐ FÖSTUDAGUR 31. JANÚAR 2003 5
AX
En þrátt fyrir að við lékjum ekkivel vorum við lengi vel inni í
leiknum og skorti í raun bara herslu-
muninn og meiri ein-
beitingu til að við
næðum yfirhendinni
í leiknum. Við feng-
um trekk í trekk
tækifæri til að komast yfir og ef við
hefðum náð því er ég viss um að
Spánverjarnir hefðu brotnað. Við
fórum afar illa að ráði okkar þegar
við vorum manni fleiri og í raun
gerðist það sama og í leiknum við
Þjóðverja. Ég get ekki skellt skuld-
inni á einhverja einstaklinga í liðinu
heldur erum við í þessu saman og
stöndum saman allir sem einn. Við
megum alls ekki svekkja okkur um
of á þessu heldur er mikilvægt að
safna liði og koma ferskir til leiks á
laugardaginn. Við getum enn skilið
við keppnina með miklum sóma og
nú reynir bara á liðið að hrista þenn-
an leik af sér. Við erum ekki fyrsta
stórliðið í heiminum sem tapar leik,“
sagði Sigurður.
Ætlum okkur fimmta sætið
Morgunblaðið náði tali af Einari
Erni Jónssyni þar sem hann gekk
niðurlútur af velli skömmu eftir að
leiknum við Spánverja lauk í Cam-
inha í gærkvöldi.
„Fljótt á litið má kannski helst
kenna því um tapið að við gerðum
allt of mörg tæknimistök í seinni
hálfleik auk þess sem vörnin var
hræðilega léleg í fyrri hálfleik. Við
hentum boltanum trekk í trekk í
hendurnar á Spánverjunum og náð-
um ekki skotum á markið. Við vorum
búnir að vinna okkur í tví- eða þrí-
gang inn í leikinn en misstum þá
jafnharðan fram úr með óyfirveguð-
um og óöguðum leik. Og það er
kannski sárast eftir leikinn að hugsa
til þess að við klikkuðum á þeim hlut-
um sem maður lærir fyrst í hand-
bolta.“ Einar Örn átti góðan leik-
kafla í síðari hálfleik og hann gaf
íslenska liðinu von þegar hann jafn-
aði metin með tveimur mörkum úr
mjög erfiðum færum. ,,Það vantaði
herslumuninn á að við kæmumst yfir
og ég er viss um að við hefðum yf-
irbugað Spánverjana ef okkur hefði
tekist að komast yfir í seinni hálfleik.
En svona fór þetta og við verðum
bara að taka þessu af karlmennsku.
Á móti liði eins og Spáni, þegar sæti í
undanúrslitum er í húfi á heims-
meistaramóti, er dýrt að gera eins
mörg mistök og við gerðum okkur
seka um. Það er þó enginn heims-
endir hjá okkur og úr því sem komið
er tökum við stefnuna á fimmta sæt-
ið og það sæti ætlum við okkur.“ Að-
spurður um atvikið undir lok fyrri
hálfleiks þegar honum brást boga-
listin og skaut framhjá spænska
markinu, sem var galopið, sagði Ein-
ar: ,,Ég hélt, eins og allir sem á leik-
inn horfðu, að ég myndi skora. Ég
var alveg að detta og kastaði mér
fram og henti boltanum en náði ekki
að sjá markið. Jafnvægið var farið og
þetta var einn af þeim feilum sem við
gerðum í leiknum. Það var dýrt að
skora ekki því það hefði verið gott að
fara inn í leikhléið marki yfir,“ sagði
Einar Örn.
Allt of mörg
tæknileg mistök
„ÞAÐ var gríðarlega svekkjandi að ná ekki að komast í undan-
úrslitin en það fór of mikið úrskeiðis í okkar leik til að það gæti orð-
ið. Við unnum ekki vinnuna nægilega vel í vörninni og skyttur Spán-
verjanna fengu að skjóta nánast óáreittar á markið. Við þurftum að
gera breytingar á vörninni, sem er ekki okkur í hag. Þá gerðum við
okkur seka um allt of mörg tæknileg mistök og það má einfaldlega
ekki gegn jafnsterkum mótherjum og Spánverjar eru,“ sagði Sig-
urður Bjarnason við Morgunblaðið en hann var, eins og allir leik-
menn íslenska liðsins, niðurbrotinn í leikslok.
Guðmundur
Hilmarsson
skrifar frá
Caminha
KRÓATAR unnu öruggan sigur á
Dönum, 33:27, og sendu þar með
danska liðið tómhent heim því
það hafnaði í þriðja sæti í þriðja
milliriðli og leikur hvorki um
verðlaunasæti né þátttökurétt á
næstu Ólympíuleikum. Staðan í
hálfleik var 19:11, Króötum í vil.
Danir þurftu að vinna a.m.k.
fimm marka sigur til þess að eiga
möguleika á að komast í keppn-
ina um 5.–8. sætið. Króatar voru
aldrei á því að hleypa danska lið-
inu upp á dekk og segja má að
þeir hafi gert út um leikinn strax
í fyrri hálfleik þar sem þeir léku
við hvern sinn fingur. Danska
vörnin var ráðþrota og mark-
verðirnir, Kasper Hvidt og Peter
Nörklitt, náðu sér aldrei á strik. Í
þriðja sinn á mótinu fékk danska
liðið á sig 19 mörk í fyrri hálfleik
og eins og fyrri daginn var það
of stór biti að kyngja. Snemma í
síðari hálfleik náðu Króatar tíu
marka forskoti og þar með voru
úrslitin ráðin og þeir gátu leyft
sér þann munað að slaka örlítið á
klónni á lokasprettinum.
Torben Winther, landsliðsþjálf-
ari Dana, var vonsvikinn í leiks-
lok en hvatti menn til að leggja
ekki árar í bát. „Við náðum ekki
markmiðum okkar í þessari
keppni en kannski voru þau of
háleit og væntingarnar of miklar
sem gerðar voru,“ sagði Winther.
„Það er eigi að síður mín skoðun
að menn eigi að setja sér háleit
markmið, annars taka þeir eng-
um framförum. En um leið og
menn setja sér háleit markmið
verða vonbrigðin mikil þegar
ekki tekst að ná þeim. Ég er jafn-
viss um það nú og fyrir keppnina
að við erum með góðan leik-
mannahóp í höndunum sem hefur
alla burði til þess að ná mjög
langt. Það er hins vegar talsverð
vinna fyrir höndum,“ sagði
Winther.
Króatar sendu Danina
tómhenta heim
Leikurinn var rosalega hraður ogég er hreinlega alveg útkeyrð-
ur. Við héldum nokkrum sinnum að
við værum búnir að hrista íslenska
liðið af okkur en það sýndi mikla
seiglu og baráttan í þeirra liði var
aðdáunarverð. Við vorum búnir að
kynna okkur vel leikstíl Íslending-
anna og því kom ekkert í leik þeirra
á óvart. Við áttum í talsverðu basli
með Stefánsson (Ólaf), í fyrri hálf-
leik en í þeim síðari fengum við þau
skilaboð frá þjálfaranum að ganga
betur út í hann og reyna að brjóta
sem oftast á honum og við það gekk
okkur betur í vörninni. Sigurinn hér
í kvöld færir okkur mikið sjálfs-
traust upp á framhaldið. Við
stefnum auðvitað á gullið eins og
fleiri. Okkar lið hefur þroskast mikið
og er til að mynda mun sterkara en á
Evrópumótinu í Svíþjóð í fyrra.“
Spurður um möguleika Íslendinga
sagði Masip; ,,Það er lítill munur á
milli þeirra átta þjóða sem eru
komnar áfram en ég held að Íslend-
ingar eigi vel að hafa lið sem getur
endað í 5.–6. sæti. Það eru margir
góðir leikmenn í íslenska liðinu en
bestur af þeim öllum er Stefánsson.
Hann er frábær spilari og ákaflega
mikilvægur hlekkur í liðinu. Við viss-
um að ef okkur tækist að halda hon-
um sæmilega niðri þá yrði auðveld-
ara að leggja Íslendingana að velli.“
Kappið bar okkur ofurliði
„Kappið bar okkur ofurliði að
þessu sinni,“ sagði Sigfús Sigurðs-
son línumaður eftir leikinn gegn
Spánverjum. Hann taldi liðið hafa
verið í „góðum gír“ í undirbúningi
sínum fyrir leikinn en flýtt sér of
mikið á köflum í leiknum. „Við ætl-
uðum okkur mikið. Viljinn var til
staðar en þetta gekk ekki upp hjá
okkur sem liði,“ sagði Sigfús en hann
var í mestu vandræðum með skap
sitt á varamannbekk íslenska liðsins
í fyrri hluta síðari hálfleiks er hann
var rekinn af velli rétt eftir að Aron
Kristjánsson hafði fengið rautt
spjald frá þýska dómaraparinu. „Ég
var of æstur á þeim tíma og missti
mig aðeins á „flug“. Menn ræddu
síðan málin og við náðum okkur á
strik í kjölfarið. Í svona leik er mikill
hiti í öllum sem koma að liðinu og því
ekkert skrítið að mikið gangi á inni á
vellinum sem og á varamannabekkn-
um. Ég var ekki yfirspenntur og tel
að svo hafi ekki verið um liðið en við
náðum okkur aldrei á flug í varn-
arleiknum í fyrri hálfleik sem gerði
okkur erfitt fyrir,“ sagði Sigfús og
bætti því við að leikmenn á borð við
Talant Dujshebaev gætu átt svona
daga af og til. „Það virðist einfalt að
stöðva svona lágvaxinn leikmann
eins og hann er. Það er það hins veg-
ar ekki og í dag fór allt inn hjá hon-
um. Í tveimur leikjum þar á undan
gerði Dujshebaev ekki neitt af viti
en núna fór hann í gang og hitti á
rétta daginn til þess. Við munum
fara til Lissabon til þess að ná
fimmta sætinu á þessu móti. Við höf-
um ekki látið margt fara í taugarnar
á okkur hér í Portúgal en ég mun
örugglega ekki sofna vel í kvöld,
frekar en aðrir leikmenn liðsins,“
sagði Sigfús.
Hvað sögðu fyrirliði Spánverja og Sigfús Sigurðsson?
Aðdáunarverð
barátta Íslands
,,ÞETTA var hörkuleikur eins og við vorum búnir að búa okkur undir.
Íslenska liðið er gott og við þurftum að taka á okkar öllu til að leggja
það að velli,“ sagði Enric Masip, fyrirliði Spánverja og leikmaður
Barcelona, við Morgunblaðið eftir sigurinn á Íslendingum.
Morgunblaðið/RAX
Einar Þorvarðarson, Guðmundur Guðmundsson og Róbert Sig-
hvatsson spá í spilin í leikslok í Caminha í gærkvöldi.