Morgunblaðið - 31.01.2003, Blaðsíða 7
HM Í PORTÚGAL
MORGUNBLAÐIÐ FÖSTUDAGUR 31. JANÚAR 2003 7
NÆSTA heimsmeistarakeppni í handknattleik karla fer
fram í Túnis árið 2005 en Þjóðverjar sóttu einnig um að fá
að halda keppnina. Mikill munur er á aðstöðu þeirri sem
Þjóðverjar geta boðið uppá nú þegar en þeirri sem notuð
verður í Túnis, þar sem íþróttamannvirkin eru mun minni
en í Þýskalandi.
Stefan Kretzschmar hornamaður þýska landsliðsins og
Magdeburg er ekki sáttur við ákvörðun þings Alþjóða-
handknattleikssambandsins, IHF, og telur að keppnin í
Túnis verði handknattleiksíþróttinni ekki til framdráttar.
Kretzschmar skrifaði grein á heimasíðu sinni þar sem
hann hvatti landsliðsmenn annarra þjóða til að þrýsta á
IHF með því að mæta ekki til leiks á HM í Túnis. Skrif
landsliðsmannsins féllu í grýttan jarðveg hjá Túnisbúum
sem sendu Kretzschmar fjölmörg skeyti þar sem honum
var hótað öllu illu ef hann léti ekki af herferð sinni gegn
keppninni í Túnis. Kretzschmar var m.a. hótað lífláti.
PÓLSKIR fjölmiðlar veltu sér ekki mikið upp úr
ósigri sinna manna gegn Íslendingum á HM í
Portúgal í gær. Stærsta dagblað landsins, Gazeta
Wyborcza, sagði aðeins stuttlega frá gangi mála
í Caminha undir fyrirsögninni: „Íslendingar voru
of sterkir.“ Handboltinn er ekki hátt skrifaður í
Póllandi og lítið fjaðrafok hefur verið í þarlend-
um fjölmiðlum vegna heimsmeistarakeppninnar.
Íslendingar
of sterkir
Ég er hvorki svekktur né sár.Hvort sem ég fæ að spila eitt-
hvað eða ekki neitt þá kem ég heim
mjög sáttur. Ég
ákvað strax að að
vera ekkert að spá í
það af hverju ég fengi
ekkert að spila held-
ur að nýta mér þetta á jákvæðan hátt
sem ég hef gert. Ég tel mig hafa feng-
ið heilmikið út úr því að vera einn af
leikmönnum þó svo að ég hafi ekki
verið í leikmannahópnum. Ég vissi
það innst inni fyrir keppnina að ég
fengi lítið eða kannski ekkert að spila
enda er ég nýliði og ekki nema 21 árs
gamall. Þegar ég var valinn fyrst í
hópinn þá setti ég mér það markið að
komast í HM-hópinn. Ég náði því
markmiði og ákvað því í kjölfarið að
öðlast sem mesta reynslu. Ég hef
fengið mikið út úr því að vera einn af
hópnum og gaman að fá að kynnast
því að vera með liðinu á stórmóti eins
og heimsmeistarakeppni. Ef kallið
kemur frá Gumma þá verði ég pott-
þétt klár. Það er búið að vera draum-
ur hjá mér síðan ég var polli og var að
kveðja pabba þegar hann var með
landsliðinu að komast í landslið sem
leikur á HM og vonandi á ég eftir að
fara á fleiri slík mót. Fram undan eru
stórkeppnir á hverju ári og þá er ég
viss um að þessi keppni á eftir að
koma mér til góða,“ sagði Snorri
Steinn við Morgunblaðið fyrir leikinn
gegn Pólverjum á miðvikudagskvöld-
ið.
Í fótspor föðurins
Snorri Steinn er sonur Guðjóns
Guðmundssonar, íþróttafréttamanns
hjá Íslenska útvarpsfélaginu. Guðjón
var aðstoðarmaður pólska landsliðs-
þjálfarans Bogdans Kowalczyk hjá
Víkingi oog einnig hjá íslenska lands-
liðinu á árunum 1983 til 1990, þegar
„gullliðið“ undir hans stjórn ferðaðist
um allan heim og tók þátt í fjölmörg-
um mótum fyrir utan stóru mótin eins
og HM í Sviss 1986 og Tékkóslóvakíu
1990 og Ólympíuleikunum í Los Ang-
eles 1984 og Seoul 1988. Snorri Steinn
var því ungur þegar hann kynntist
handknattleik í hæsta gæðaflokki – er
hann var með pabba sínum á lands-
liðsæfingum. Þegar Guðjón starfaði
með landsliðinu voru Guðmundur Þ.
Guðmundsson landsliðsþjálfari og
Einar Þorvarðarson, aðstoðarmaður
hans, leikmenn landsliðsins.
Þetta var aðeins smá hliðarspor, en
höldum áfram að ræða við Snorra
Stein.
Með tilboð frá Grosswallstadt
Finnst þér liðinu hafa gengið eins
vel og þú reiknaðir með?
„Það er kannski svolítið erfitt að
leggja dóm á það núna. Við vorum í
frekar léttum riðli og leikurinn við
Portúgal var kannski sá eini sem hef-
ur reynt virkilega á liðið. Núna fara í
hönd leikir sem skipta öllu máli og þá
reynir fyrst á hvað í því býr. Mögu-
leikarnir eru fyrir hendi að ná góðum
árangri en við verðum að halda vel á
spilunum og taka gömlu klisjuna,
einn leikur í einu, og svo spyrjum við
að leikslokum.“
Snorri Steinn er með tilboð upp á
vasann frá þýska úrvalsdeildarliðinu
Grosswallstadt. „Ég er ennþá að
velta þessu fyrir mér. Það er auðvitað
stórt stökk að fara út í atvinnu-
mennsku og það er að mörgu að
hyggja.
Þetta hefur verið stærra í sniðum
heldur en ég reiknaði kannski með en
ég kem til með að taka ákvörðun
mjög fljótlega. Tilboðið er freistandi
og ég mundi segja að líkurnar á að ég
taki því séu meiri en hitt,“ sagði
Snorri Steinn Guðjónsson.
Snorri Steinn Guðjónsson á skólabekk á heimsmeistaramótinu í Portúgal
Morgunblaðið/RAX
Það væri gaman að vera inná … gæti Snorri
Steinn Guðjónsson verið að hugsa, fyrir leikinn
gegn Pólverjum í Caminha á miðvikudaginn.
HINN 21 árs gamli Snorri Steinn Guðjónsson, leikstjórnandi Valsliðs-
ins, hefur ekkert komið við sögu í leikjum íslenska liðsins á HM og
tók Guðmundur Þórður Guðmundsson, landsliðsþjálfari, þá ákvörð-
un í gær að tilkynna nafn Snorra í keppnina en eins og fram hefur
komið tilkynnti Guðmundur aðeins 15 nöfn og hélt einu lausu sæti.
Kretzsch-
mar fékk
morðhótanir
frá Túnis Það var engin lognmolla á bekknum þegarGuðjón Guðmundsson var á ferðinni. Hérmótmælir hann dómi í leik gegn Austur-
Þýskalandi á Ólympíuleikunum í Seoul.
Guðmundur
Hilmarsson
skrifar
frá Caminha
Hvorki
svekktur
né sár
Reykjavíkurmótið
í knattspyrnu
B - riðill
19:00 Fjölnir - ÍR
B - riðill
21:00 Fram - Víkingur R.
A - riðill
19:00 Þróttur R. - Valur
A - riðill
21:00 Léttir - Leiknir R.
Fös. 31. jan. Egilshöll
Sun. 02. feb. Egilshöll
Sá leikmaður sem sýnir bestu
tilþrifin fær verðlaun frá Pepsi
Aðgangseyrir 500 kr. fyrir 16 ára og eldri.