Morgunblaðið - 03.02.2003, Blaðsíða 4

KNATTSPYRNA
4 B MÁNUDAGUR 3. FEBRÚAR 2003 MORGUNBLAÐIÐ
Arsenal var með fimm stiga for-skot á Newcastle fyrir leikinn
en strákarnir hans Bobbys Robsons
léku ekki um helgina, leik þeirra í
Middlesbrough var frestað vegna
fannfergis í kringum leikvanginn
þar.
„Pires var frá keppni í hálft ár
vegna meiðsla og hann hungrar í að
skora mörk. Hann lagði mjög hart að
sér á meðan hann var meiddur og nú
er hann aftur kominn í sitt besta
form. Bæði mörkin hans voru mjög
góð. Sigurinn er okkur ákaflega mik-
ilvægur, eftir að hafa tapað tveimur
stigum á Anfield síðasta miðvikudag.
Það hefðu verið gífurleg vonbrigði að
missa aftur tvö stig í sömu vikunni,“
sagði Arsene Wenger, knattspyrnu-
stjóri Arsenal, sem jafnframt hrós-
aði Francis Jeffers mjög fyrir sitt
framlag í leiknum en hann lagði upp
sigurmarkið eftir að hafa komið inn á
sem varamaður.
Van Nistelrooy með 25. markið
Ruud van Nistelrooy skoraði sitt
25. mark fyrir Manchester United á
keppnistímabilinu þegar lið hans
vann góðan útisigur á Southampton,
2:0. Hann og Ryan Giggs skoruðu
mörkin, nokkuð gegn gangi leiksins,
á fyrstu 22 mínútum leiksins. South-
ampton, sem var ósigrað á heimavelli
fram í janúar, tapaði sínum öðrum
leik á St. Mary’s í röð. „Þetta er ekki
auðveldur völlur til að sækja á þrjú
stig en liðsheildin hjá okkur var góð.
Við vorum yfirvegaðir og það er
ánægjulegt að halda hreinu á úti-
velli. Það segir mest um frammi-
stöðu okkar í þessum leik,“ sgði Alex
Ferguson, knattspyrnustjóri Man-
chester United.
Everton komst upp að hlið
Chelsea, í fimmta sæti, með því að
sigra Leeds, 2:0. David Unsworth
skoraði úr vítaspyrnu og Kanada-
maðurinn Tomasz Radzinski innsigl-
aði sigurinn. Leeds.
Pires var
bjargvættur
Arsenal
ROBERT Pires sá til þess að Arsenal héldi sex stiga forskoti sínu á
Manchester United í fyrirsjáanlegu einvígi liðanna um enska meist-
aratitilinn í knattspyrnu. Flest benti til þess að munurinn væri dott-
inn niður í fjögur stig, Manchester United, sem að auki á leik til
góða, vann góðan útisigur í Southampton, 2:0, á laugardaginn en á
Highbury stefndi allt í jafntefli milli Arsenal og Fulham. En Pires,
sem einnig gerði fyrra mark Arsenal í leiknum, sem kom meist-
urunum til bjargar á örlagastundu og skoraði sigurmarkið, 2:1, rétt
áður en flautað var til leiksloka.
Reuters
Robert Pires og Giovanni Van Bronckhorst fagna sigurmarkinu
sem Pires gerði gegn Fulham, 2:1, á síðustu stundu.
Í seinni hálfleiknum var EiðurSmári Guðjohnsen, sem lék allan
leikinn með Chelsea, mjög ágengur
við mark Tottenham en náði ekki að
nýta ágæt marktækifæri sem hann
fékk. Honum tókst því ekki að skora
eins og í þremur leikjum Chelsea í
úrvalsdeildinni. Knattspyrnustjórar
liðanna báru mikið lof á hinn 36 ára
gamla Zola. „Hann er nákvæmur
eins og vélmenni. Markið hans var
ótrúlegt, boltinn fór hátt, skrúfaðist,
og féll síðan hratt. Þetta var stór-
kostlegt. Við töpuðum tveimur stig-
um en Carlo Cudicini varði tvisvar
glæsilega svo það má segja að hann
hafi líka fært okkur stig,“ sagði
Claudio Ranieri, knattspyrnustjóri
Chelsea. „Litli maðurinn er stór-
kostlegur leikmaður, frábær per-
sónuleiki og er enn á toppnum,“
sagði Glenn Hoddle, stjóri Totten-
ham. Lið hans hefur nú ekki náð að
sigra Chelsea í síðustu 26 deilda-
leikjum liðanna en fékk þó sitt fyrsta
stig á Stamford Bridge í átta ár.
Zola sem vélmenni
SNILLDARMARK frá Gianfranco Zola færði Chelsea jafntefli, 1:1, í
nágrannaslagnum gegn Tottenham á Stamford Bridge á laugardag-
inn. Teddy Sheringham kom Tottenham yfir en Zola jafnaði þegar
hann skoraði beint úr aukaspyrnu af 25 metra færi, rétt fyrir leikhlé.
Stefán til
Bradford
STEFÁN Logi Magn-
ússon, fyrrverandi ung-
lingalandsliðsmarkvörð-
ur í knattspyrnu, er
kominn til enska 1. deild-
ar félagsins Bradford
City og verður þar sem
lánsmaður út tímabilið.
Stefán Logi, sem er 22
ára, hefur verið í her-
búðum Farum í Dan-
mörku undanfarin ár en
hann fór þaðan til 1.
deildar liðsins B1909 í
Óðinsvéum í síðasta mán-
uði. Áður lék hann með
Öster í Svíþjóð og var á
sínum tíma í unglingaliði
Bayern München í Þýska-
landi.
Bradford er í vandræð-
um með markverði og
vantaði mann til að vera
aðalmarkverðinum Aitor
Davidson til halds og
trausts út tímabilið. Stef-
án Logi var fenginn til fé-
lagsins fyrir helgina og
hann var varamaður á
laugardaginn þegar
Bradford vann Hermann
Hreiðarsson og félaga í
Ipswich, 2:0.
HERMANN Hreiðarsson var rekinn af leikvelli þegar
Ipswich beið lægri hlut fyrir Bradford, 2:0, í 1. deild
ensku knattspyrnunnar á laugardaginn. Hermann lék
sinn 100. deildaleik fyrir Ipswich og hefði eflaust viljað
halda upp á áfangann á skemmtilegri hátt. Hann fékk
rauða spjaldið fyrir meint olnbogaskot á 50. mínútu
leiksins. Bradford nýtti sér liðsmuninn og skoraði tví-
vegis á síðasta hálftímanum.
„Dómarinn var viss um að Hermann hefði slegið
Francis. Hermann er jafnviss um að svo hafi ekki verið.
Ég talaði við Wilkes dómara sem er góður og heið-
arlegur maður. Hann mun skoða myndbandið af leiknum
og vonandi leiðir það sannleikann í ljós. Það er þó of
seint, leikurinn er tapaður,“ sagði Joe Royle, knatt-
spyrnustjóri Ipswich.
Heiðar Helguson lék allan leikinn með Watford sem
vann góðan útisigur á Coventry, 1:0. Heiðar var hárs-
breidd frá því að skora með skalla, mínútu áður en Micah
Hyde gerði sigurmark Watford, snemma í síðari hálfleik.
Hermann fékk
rautt í 100. leik
Hermann Hreiðarsson
GUÐNI Bergsson og félagar í
Bolton nældu sér í dýrmæt stig
í fallbaráttu ensku úrvalsdeild-
arinnar á laugardaginn þegar
þeir sigruðu Birmingham, 4:2,
og skoruðu fjögur mörk í
þriðja skiptið í vetur. Þeir
Youri Djorkaeff og Delroy Fac-
ey tryggðu sigurinn með mörk-
um undir lok leiksins eftir að
Birmingham hafði jafnað í tví-
gang.
„Leikmennirnir sem fyrir
voru, sýndu hvað í þeim býr og
þeir Djorkaeff og Jay Jay
Okocha voru frábærir,“ sagði
Sam Allardyce, knatt-
spyrnustjóri Bolton, sem keypti
þrjá nýja leikmenn á föstudag
en þeir voru ekki orðnir lögleg-
ir.
Guðni lék allan leikinn í vörn
Bolton.
WBA bætti líka stöðu sína við
botninn með því að vinna Man-
chester City óvænt, 2:1, á úti-
velli. Lárus Orri Sigurðsson lék
síðustu fimm mínúturnar í vörn
WBA en honum var skipt inn á
eftir að félaga hans, Jason Ro-
berts, var vísað af leikvelli.
„Við þurftum á svona sigri
að halda til að auka sjálfs-
traustið í félaginu. Nú vita allir
að þetta er hægt, það er ekki
óumflýjanlegt að liðið falli,“
sagði Gary Megson, knatt-
spyrnustjóri WBA.
Dýrmæt stig til
Bolton og WBA
Tvö sjálfsmörk á
þremur mínútum
MARK Proctor, leikmaður Sunderland, varð fyrir því óláni að skora tvö sjálfs-
mörk með þriggja mínútna millibili þegar lið hans tapaði, 1:3, fyrir Charlton á
heimavelli á laugardaginn. Með ósigrinum er Sunderland komið í botnsæti
ensku úrvalsdeildarinnar og útlitið er svart hjá félaginu. Fjórum mínútum áður
en að þætti Proctors kom, skoraði Mark Fish fyrir Charlton og þar breyttu
varnarmenn Sunderland líka stefnu boltans á leiðinni í netmöskvana. Staðan
var orðin 3:0 eftir hálftíma og hundruð stuðningsmanna Sunderland risu úr
sætum sínum og skunduðu á brott. Þeir urðu þó að bíða þess að flautað yrði til
hálfleiks til að komast af svæðinu því hlið leikvangsins voru ekki opnuð fyrr.