Morgunblaðið - 03.02.2003, Blaðsíða 5
ÍÞRÓTTIR
MORGUNBLAÐIÐ MÁNUDAGUR 3. FEBRÚAR 2003 B 5
SVETLANA Feofanova frá Rúss-
landi setti í gær heimsmet í stang-
arstökki kvenna á alþjóðlegu frjáls-
íþróttamóti í Glasgow. Hún stökk
4,76 m og bætti eigið met um 1 cm.
DAGNÝ Linda Kristjánsdóttir er
komin til St. Moritz í Sviss og keppir
þar í risasvigi á heimsmeistara-
mótinu í alpagreinum í dag. Björg-
vin Björgvinsson keppir síðar á
mótinu og heldur utan í vikunni.
HELGI Valur Daníelsson lék allan
leikinn með Peterborough sem
gerði jafntefli, 1:1, við Luton í ensku
2. deildinni á laugardaginn.
ÍVAR Ingimarsson var ekki í leik-
mannahópi Wolves sem vann Shef-
field Wed., 4:0, á útivelli í 1. deild. Ív-
ar fer sem lánsmaður til Brighton í
sömu deild eftir næstu helgi.
TRYGGVI Guðmundsson skoraði
tvö mörk fyrir Stabæk sem vann
Lyn, 4:1, í æfingaleik norsku úrvals-
deildarliðanna í knattspyrnuhöllinni
Valhöll á föstudaginn.
FABIAN Barthez, markvörður
Manchester United, fór af velli eftir
37 mínútur í leik liðsins gegn South-
ampton á laugardaginn. Hann fékk
högg á lærið og ólíklegt er að hann
spili gegn Birmingham annað kvöld.
Roy Carroll leysti hann af hólmi og
gerir það væntanlega áfram.
ANTTI Niemi, markvörður
Southampton, var líka borinn af
velli, eftir árekstur við Ruud van
Nistelrooy. Hann meiddist á hné, þó
ekki alvarlega, að því talið var. Vara-
markvörðurinn, Paul Jones, lék síð-
ustu mínúturnar og því tóku fjórir
markverðir þátt í leiknum.
ALEX Ferguson, knattspyrnu-
stjóri Man. United, hefur hvatt fyr-
irliða liðsins, Roy Keane, til að hætta
alfarið með írska landsliðinu. Fergu-
son sagðist í samtali við Sunday
People ætla að benda Keane á for-
dæmi Alans Shearers, sem hefði
blómstrað eftir að hafa gefið enska
landsliðið upp á bátinn um þrítugt.
CHRISTOPHE Dugarry, franski
sóknarmaðurinn hjá Birmingham,
fór meiddur af velli gegn Bolton á
laugardag. Ólíklegt er að hann geti
leikið gegn Manchester United ann-
að kvöld.
SAM Allardyce, knattspyrnustjóri
Bolton, krækti í tvo franska leik-
menn að láni á síðustu stundu áður
en leikmannamarkaðnum var lokað.
Það eru sóknarmaðurinn Pierre-
Yves Andre frá Nantes og varnar-
maðurinn Florent Laville frá Lyon.
GORDON Strachan, stjóri South-
ampton, styrkti enn frekar hóp sinn
á föstudag með því að fá til sín
Danny Higginbotham, varnarmann
frá Derby County.
ROBBIE Fowler lék sinn fyrsta
leik með Manchester City á laugar-
dag, þegar liðið tók á móti WBA.
Hann var keyptur frá Leeds fyrir
helgina og fór beint í byrjunarliðið.
Byrjunin var ekki góð, óvæntur ósig-
ur á heimavelli, 1:2.
ANTHONY Gardner, varnarmað-
ur Tottenham, reif vöðva í fæti í leik
liðsins gegn Chelsea á laugardag og
verður frá keppni í 6–8 vikur.
RADOMIR Antic, sem tók við
þjálfarastöðunni hjá Barcelona á
föstudag, fékk sannkallaða eldskírn
sólarhring síðar. Barcelona steinlá
þá fyrir Atletico í Madríd, 3:0, í
spænsku 1. deildinni og stórveldið
frá Katalóníu er þar með komið í al-
varlega fallhættu.
REAL Madríd var líka í hremm-
ingum lengi vel gegn hinu Barce-
lona-liðinu, Espanyol, í gærkvöld og
lenti 2:0 undir. Stjörnurnar Roberto
Carlos og Luis Figo náðu að svara og
tryggja Real eitt stig.
REAL Sociedad tapaði í gærkvöld
fyrsta leik sínum á tímabilinu í
spænsku 1. deildinni og steinlá þá í
baskauppgjörinu við Athletic
Bilbao, 3:0. Joseba Etxeberria skor-
aði tvö markanna. Real Sociedad
hefur þó fjögurra stiga forskot á
Real Madrid.
FÓLK
Með þessum samanburði viðbrasilísku knattspyrnugoð-
sögnina var McKenzie að vitna til
orða annarrar gamallar knatt-
spyrnukempu, Mike Summerbee,
sem lék með Pele í fótboltakvik-
myndinni „Escape to Victory“ á sín-
um tíma en þar skoraði Pele sigur-
mark með hjólhestaspyrnu.
„Summerbee sagði mér að Pele hefði
þurft meira en 25 tilraunir til að
skora þetta sigurmark í myndinni,
og það segir okkur að allir eru mann-
legir,“ sagði McKenzie.
Spyrna Eiðs jafnast á við þær
bestu sem ég hef séð
Hann sagði að spyrnan hjá Eiði
Smára jafnaðist á við þær bestu sem
hann hefði nokkurn tíma séð. „Ég
ólst upp við að fylgjast með Pele og
Rivelino, en þeir gerðu ekki svona
vel. Markið hjá Steve Watson var
ekki slæmt heldur. Ef þessir tveir
væru brasilískir, hefði enn meira
verið gert úr hæfileikum þeirra,“
sagði McKenzie, en Watson, leik-
maður Everton, skoraði líka úr hjól-
hestaspyrnu fyrir Everton í vikunni.
„Að skora úr hjólhestaspyrnu er
stórbrotnasta leiðin til að gera mark,
og um leið er það verulega erfitt. Þið
verðið að athuga að slík mörk verða
aðeins til eftir lélegar fyrirgjafir!
Þess vegna dáist ég að strákunum
tveimur sem slógu svona skemmti-
lega í gegn með þessum mörkum í
vikunni,“ sagði McKenzie.
Reuters
Eiður Smári Guðjohnsen, knattspyrnumaður hjá Chelsea,
fagnar marki. Hann hefur skorað 50 deildarmörk í Englandi.
.
Pele þurfti
25 tilraunir,
Eiður eina
„PELE þurfti 25 tilraunir til að framkvæma það sem Guðjohnsen
gerði í fyrstu,“ sagði í fyrirsögn á grein í enska blaðinu Independent
á laugardag. Þar var rætt við Duncan McKenzie, fyrrum markaskor-
ara hjá Chelsea, Everton og fleiri liðum, sem á sínum tíma var sér-
fræðingur í að skora með hjólhestaspyrnum – rétt eins og Eiður
Smári Guðjohnsen gerði fyrir Chelsea gegn Leeds síðasta þriðju-
dag.
Jóhannes Karl fór af velli mínútufyrir leikslok undir dynjandi
lófataki áhorfenda á Villa Park.
Hann fékk nokkurt hrós fyrir leik
sinn og var í enskum fjölmiðlum
sagður hafa haft betur í baráttu við
leikmenn Blackburn um yfirráðin á
miðjunni. Villa hefur heldur betur
komist á sigurbraut eftir að Skaga-
maðurinn kom til liðs við félagið og
unnið tvo þriggja marka sigra með
hann innanborðs.
„Við erum loksins farnir að nýta
marktækifærin sem liðið hefur ávallt
skapað sér. Síðustu tveir leikirnir
hafa sýnt okkur að það býr meira í
liðinu en það hefur sýnt til þessa í
vetur,“ sagði Graham Taylor, knatt-
spyrnustjóri Aston Villa.
Liverpool vann auðveldan útisigur
á West Ham, 3:0, í hinum leik deild-
arinnar í gær. Mörk frá Milan Baros
og Steven Gerrard á fyrstu níu mín-
útunum komu Liverpool í þægilega
stöðu og Emile Heskey innsiglaði
sigurinn.
Nú er Jóhannes „Hamarinn“
hjá Aston Villa
Thomas Hitzlsperger, þýski
knattspyrnumaðurinn hjá Aston
Villa, hefur til þessa verið talinn
skotharðasti leikmaðurinn hjá félag-
inu. Nú hefur hann fengið mikla
samkeppni eftir að Jóhannes Karl
Guðjónsson gekk til liðs við Aston
Villa. Í staðarblaðinu Evening Mail í
Birmingham er sagt að Íslendingur-
inn hafi rænt viðurnefninu „Hamar-
inn“ af Þjóðverjanum í fyrsta leik
sínum, gegn Middlesbrough á
þriðjudagskvöldið.
Hitzlsperger staðfestir sjálfur við
blaðið að þetta sé helsta umræðuefn-
ið innan Aston Villa þessa dagana.
„Það er þegar farið að tala um að
koma á einhvers konar keppni þar
sem skorið verði úr um hvor okkar sé
skotharðari. Mér er alveg sama á
meðan við báðir skorum mörk.
„Joey“ átti frábæran leik. Hann er
mjög sterkur, með frábæran hægri
fót og er afar grimmur. Ég hef staðið
fyrir mínu en vil fyrst og fremst
halda sæti mínu í liðinu og skora
mörk,“ sagði Þjóðverjinn sem hefur
skorað með þrumufleygum í ensku
úrvalsdeildinni í vetur.
Jóhannes lagði upp
mark fyrir Dublin
JÓHANNES Karl Guðjónsson var aðeins 90 sekúndur að leggja upp
mark í fyrsta heimaleik sínum með Aston Villa í ensku úrvalsdeild-
inni í knattspyrnu. Villa vann Blackburn, 3:0, í gær og fékk óska-
byrjun þegar Dion Dublin skoraði með skalla eftir aukaspyrnu Jó-
hannesar Karls. Dublin bætti öðru marki við fyrir hlé og Gareth
Barry innsiglaði sigurinn skömmu fyrir leikslok.
Sverrir
framlengdi
við Molde
SVERRIR Garðarsson knatt-
spyrnumaður hefur fram-
lengt samning sinn við
norska úrvalsdeildarfélagið
Molde til ársloka 2005. Molde
hefur jafnframt lánað Sverri
til FH-inga fram á haustið og
hann spilar því með þeim í úr-
valsdeildinni í sumar. Hann
lék með yngri flokkum FH
áður en hann hélt til Noregs.
Sverrir, sem er miðjumað-
ur og verður 19 ára í haust,
hefur verið í röðum Molde frá
miðju sumri 2001 og samdi þá
við félagið út tímabilið 2004.
Hann byrjaði með unglinga-
liði félagsins en var fljótlega
færður upp í aðalliðshópinn
og hefur fyrst og fremst spil-
að með varaliði Molde í 2.
deildinni.
Sverrir er einn þriggja ís-
lenskra knattspyrnumanna
hjá Molde en hinir eru A-
landsliðsmennirnir Ólafur
Stígsson og Bjarni Þor-
steinsson.
STOKE City er komið úr
fallsæti í ensku 1. deildinni
í knattspyrnu í fyrsta
skipti síðan í nóvember
eftir jafntefli, 2:2, gegn
Norwich á útivelli. Brynj-
ar Björn Gunnarsson skor-
aði fyrra mark Stoke með
hörkuskalla eftir fyrirgjöf
frá Peter Hoekstra á 63.
mínútu og Lee Mills jafn-
aði metin með glæsilegu
skoti af 20 metra færi þeg-
ar tvær mínútur voru eft-
ir. Norwich var yfir í hálfleik, 2:0.
Stigið fleytti Stoke uppfyrir
Grimsby á markatölu og liðið hefur
nú tveggja stiga forystu á Sheffield
Wednesday og er fimm stigum á
undan botnliði Brighton,
en keppinautarnir þrír
töpuðu allir um helgina.
Brynjar Björn lék allan
leikinn en Pétur Mar-
teinsson kom inn á sem
varamaður eftir jöfn-
unarmarkið og Bjarni
Guðjónsson sat á vara-
mannabekknum allan tím-
ann.
„Ég er ánægður með
hvernig við unnum okkur
aftur inn í leikinn með
mikilli baráttu og nú förum við með
meira sjálfstraust í leikinn þýðing-
armikla í Grimsby í næstu viku,“
sagði Tony Pulis, knattspyrnustjóri
Stoke.
Brynjar skoraði og
Stoke úr fallsæti
Brynjar Björn
Gunnarsson