Morgunblaðið - 03.02.2003, Blaðsíða 12
ÓLAFUR Gottskálksson knatt-
spyrnumarkvörður er mættur í slag-
inn með Grindavík. Ólafur, sem
samdi við Grindvíkinga í nóvember
eftir að hann hætti hjá Brentford,
lék sinn fyrsta leik með liðinu þegar
það vann Breiðablik, 3:2, í leik um 3.
sætið á Opna Kópavogsmótinu í Fíf-
unni í gær. Á laugardag tapaði
Grindavík, 1:0, fyrir HK í undanúr-
slitum mótsins.
SKAGAMENN sigruðu HK í úr-
slitaleik mótsins í gær, 2:0, en þeir
unnu Breiðablik, 5:1, í undanúrslit-
um. Garðar Gunnlaugsson skoraði
fjögur af mörkum ÍA í mótinu.
HRAFNHILDUR Skúladóttir var
markahæst í liði Tvis/Holstebro
með 7 mörk þegar liðið tapaði, 30:21,
fyrir FCK Håndbold í dönsku úrvals-
deildinni i handknattleik á laugar-
daginn. Tvis/Holstebro er í næst-
neðsta sæti deildarinnar með 4 stig
þegar 15 leikir eru að baki.
REGINA Jacobs frá Bandaríkjun-
um setti á laugardaginn heimsmet í
1.500 m hlaupi kvenna innanhúss á
móti í Boston. Jacobs hljóp á 3.59,98
mínútum og varð þar með fyrst
kvenna til þess að hlaupa vegalengd-
ina innanhúss á skemmri tíma en
fjórar mínútur. Fyrra heimsmet átti
Doina Melinte frá Rúmeníu, 4.00,27.
Þrettán ár eru síðan það met var
sett.
STACY Dragila setti bandarískt
met í stangarstökki innanhúss á
sama móti þega hún lyfti sér yfir 4,71
metra.
FÓLK
ÍSLENSKA landsliðið í hand-
knattleik tekur þátt í Ólymp-
íuleikunum í Aþenu 2004 og
verður það í fjórða skipti sem
það tekur þátt í Ólympíu-
leikum.
Íslenska landsliðið var fyrst
með á Ólympíuleikunum í Los
Angeles 1984 – komst þangað
þar sem Sovétmenn, Tékkar,
Austur-Þjóðverjar, Pólverjar
og Ungverjar ákváðu að
senda ekki íþróttamenn til
Bandaríkjanna. Íslenska
landsliðið komst þá til Los
Angeles þar sem það hafnaði í
sjöunda sæti í B-keppninni í
Hollandi 1983, þar sem keppt
var um Ólympíusæti.
Þegar landsliðið hafnaði í
sjötta sæti á HM 1986 í Sviss
tryggði liðið sér rétt til að
leika á ÓL í Seoul 1988.
Ísland tók síðan sæti Júgó-
slavíu á Ólympíuleikunum í
Barcelona 1992, vegna sam-
skiptabanns öryggisráðs
Sameinuðu þjóðanna gegn
Serbíu og Svartfjallalandi.
Guðmundur Hrafnkelsson,
markvörður, hefur verið með
íslenska landsliðinu á áð-
urnefndum þrennum Ólymp-
íuleikum. Einar Þorvarð-
arson lék í markinu 1984 í Los
Angeles og 1988 í Seoul og
hann var aðstoðarþjálfari
Þorbergs Aðalsteinssonar á
ÓL í Barcelona 1992. Guð-
mundur Þórður Guðmunds-
son, landsliðsþjálfari, var
einnig leikmaður 1984 og
1988.
Gústaf Bjarnason, Sigurður
Bjarnason og Patrekur Jó-
hannesson, sem eru nú leik-
menn landsliðsins, tóku þátt í
ÓL í Barcelona.
Í fjórða skipti
á Ólympíu-
leika
Eftir gönguferð um Lissabonmeð þeim Ólafi Stefánssyni og
Sigfúsi Sigurðssyni ákvað Dagur
að kalla leikmenn
liðsins á fund. En
hvað sagði fyrirlið-
inn á þessum fundi?
„Við settumst bara
niður og fórum aðeins yfir málin.
Ég sagði bara mína skoðun og við
reyndum að brýna spjótin okkar
fyrir næsta leik sem var mikilvæg-
ur fyrir okkur,“ sagði Dagur og
vildi ekki meina að íslenska liðið
hefði ekki náð að stilla saman
strengi sína á HM. „Það þurfti að
kveikja ákveðinn neista í liðinu. Í
upphafi leiksins gegn Júgóslövum
vorum við eins og ljón sem höfðu
ekki fengið að éta í þrjár vikur.
Menn voru á tánum að ná hverjum
einasta bolta sem var rúllandi á
gólfinu. Júgóslavar voru hinsvegar
ekki tilbúnir í þennan slag við okk-
ur að þessu sinni. Þeir gáfust
hreinlega upp í upphafi síðari hálf-
leiks á meðan við höfðum viljann til
þess að tryggja okkur markmiðið
sem við höfðum sett okkur fyrir
keppnina,“ sagði Dagur og vildi
meina að sjöunda sæti á slíku móti
væri meira en viðunandi.
„Ég held að margir þurfi að ná
sér niður á jörðina ef ætlast er til
þess að við séum ósáttir við sjö-
unda sætið. Þetta er góður árangur
að mínu mati, nei annars, þetta er
frábær árangur. Það eru um 15
þjóðir sem hafa getu til þess að
vera í hópi sjö bestu þjóða heims.
Við erum þar í dag og það er ekki
svo slæmt skal ég segja þér. Við
hefðum líka getað unnið Spán,
Þjóðverja, Rússa og þess vegna
Króatíu ef því hefði verið að skipta
í undanúrslitum. Við lékum gegn
Spánverjum nánast á „heimavelli“
þeirra við landamæri Spánar og
Portúgals. Við lékum ágætlega
gegn Rússum á köflum en þessir
leikir töpuðust og við náðum að rífa
„fallhlífina“ af okkur fyrir leikinn
gegn Júgóslövum. Það var það sem
skipti öllu máli að þessu sinni og ég
viðurkenni það vel að við áttum í
erfiðleikum sem lið eftir að hafa
tapað fyrir Rússum í gær. Sjálfs-
traustið var ekki mikið í okkar liði
eftir leikinn. Við höfðum ákveðna
reynslu með okkur þar sem við
höfðum upplifað að tapa leikjum á
þessu stigi í svona keppni. Hins-
vegar er sjálfstraustið mjög fljótt
að renna af liði sem tapar og missir
af þeim tækifærum sem voru í boði
fyrir leikinn. Það kostar mikla
vinnu að ná til baka sjálfstraustinu
og við náðum því til baka fyrir
lokaslaginn á þessu móti.“ Spurður
um stöðu hans sem leikmanns hjá
Wagunaga í japönsku deildinni
sagði Dagur að hann væri sáttur
við lífið og tilveruna þar sem hann
væri. „Ég lít á það þannig að jap-
anska deildin sé fínn staður fyrir
mig. Þetta snýst ekki um annað en
að láta sér líða vel og spila hand-
bolta. Ég veit hinsvegar að það
hafa einhver lið sett sig í samband
við umboðsmann minn en ég hef
ýtt öllu slíku tali frá mér meðan á
þessari keppni hefur staðið. Ég á
samt von á því að leika í japönsku
deildinni í a.m.k. eitt ár til við-
bótar.“
Hefur þú leitt hugann að því að
gefa ekki kost á þér í landsliðið?
„Nei, ég er ekki nema 29 ára
gamall og framundan eru tvö stór-
mót sem allir handknattleiksmenn
vilja vera með á. Ef ég verð valinn
mun ég ekki skorast undan því. Ég
er ekki að fara hætta að spila
handbolta á næstunni. Hinsvegar
væri gott að setjast núna niður
með liðinu og tala um eitthvað ann-
að en handbolta,“ sagði Dagur Sig-
urðsson fyrirliði.
Morgunblaðið/RAX
Dagur Sigurðsson, Róbert Sighvatsson og Sigurður Bjarnason fagna á lokakaflanum í leiknum gegn Júgóslavíu.
„Þurfti að kveikja
neista í liðinu“
DAGUR Sigurðsson, fyrirliði íslenska landsliðsins, tók af skarið inni
á vellinum sem aðalvopn íslenska liðsins gegn Pólverjum í milliriðl-
inum í Caminha og skoraði þar tíu mörk. Í öðrum leikjum liðsins var
Dagur lítt áberandi í sóknarleiknum en hann tók af skarið á öðrum
vettvangi eftir 30:27 tap liðsins í leiknum á laugardaginn gegn
Rússum. Þá var aðeins eitt tækifæri enn eftir á HM til þess að
tryggja íslenska liðinu farseðil á næstu Ólympíuleika.
Eftir
Sigurð Elvar
Þórólfsson
í Lissabon
Dagur Sigurðsson fyrirliði kallaði félaga sína á fund eftir leikinn við Rússa