Morgunblaðið - 09.02.2003, Blaðsíða 14
Veistu svarið?
– Hvað er jarðlitt, 10.000 kílómetra langt og 12
metrar á hæð?
Kínamúrinn. Ó, já!
Hú með frænda sínum Wang Chen í Kína. Hú er
í sumarskólabúningi.
Hú með mömmu sinni við ferskjutré, áður en
hann flutti til Íslands.
UM seinustu helgi fögnuðu Kínverj-
ar nýju ári, en þá hófst ár geit-
arinnar. Hu Guangze – eða bara Hú
einsog vinir hans kalla hann – er á
þrettánda ári. Hann er frá Kína, en
fluttist þaðan til Hveragerðis fyrir
þremur árum. Hann hélt upp á áramótin með
kínverskum vinum sínum, en hann er hestur
samkvæmt kínverskri stjörnuspeki (sjá grein
til hliðar).
Hú segir áramótin vera stærstu hátíðina fyr-
ir börn í Kína, en þar eru ekki haldin jól. „Þá er
margt skemmtilegt í sjónvarpinu. Við krakk-
arnir fáum líka helling af peningum. Við heim-
sækjum afa, ömmur, frænkur og frænda og hjá
öllum fáum við pening,“ segir Hú og brosir,
„svo spörum við peningana, en kaupum fyrst
nokkrar sprengjur til að sprengja.“
Alltaf að læra
Hú átti heima í borginn Tian Jin, þar sem 10
milljónir manna búa og er rétt hjá höfuðborg-
inni Beijing.
– Er gaman að búa á Íslandi?
„Já,“ segir hann án þess að hika. „Maður
leikur sér svo mikið. Krakkarnir eru skemmti-
legir, alla vega allir vinir mínir.“
– Saknarðu ekki vina þinna í Kína?
„Nja, ég hafði aldrei tíma til að leika við vini
mína. Skólinn var alltaf frá 8 til 5, þá fór ég
heim að borða og læra og síðan að sofa. Þannig
var það alltaf. Um helgar var líka mikill heima-
lærdómur. Og á sumrin fengum við heim með
okkur þykkar kennslubækur í kínversku og
stærðfræði sem við urðum að klára í sumarfrí-
inu,“ útskýrir Hú og segir lífið á Íslandi bæði
skemmtilegra og auðveldara. „Ég var alltaf að
læra!“
Bannað að hlaupa
Mikill hluti lærdómsins var að læra að skrifa
kínversk orð. Þar hefur hvert orð eitt tákn, en
er ekki myndað úr stöfum einsog hjá okkur. Hú
segir að það sé mjög erfitt að læra að skrifa á
kínversku og maður kunni það ekki almennileg
fyrr en maður sé orðinn svona 16 ára.
– Er skólinn öðruvísi en á Íslandi?
„Já, í Kína þurftum við sitja allan tímann
með spenntar greipar fyrir aftan bak, þegja og
hlusta. Á Íslandi sitja krakkar þess vegna með
fætur uppi á borði og eru oft að blaðra,“ segir
Hú brosandi og kann greinilega vel við það,
þótt honum hafi fundið það skrítið fyrst.
„Í hverjum bekk eru um 60 krakkar og hver
bekkur kýs sex bestu nemendurna til að sitja
yfir krökkunum þegar kennarinn er ekki við.
Ég var einn þeirra og þurfti m.a. að skrá niður í
frímínútum ef einhver var að hlaupa eða með
læti. Það má ekki. Við eigum bara að spjalla eða
sippa.“
Hafði aldrei borðað pitsu
– Eru íslenskir krakkar ólíkir kínverskum
krökkum?
„Nei, mér finnst krakkar alls staðar vera
eins, alla langar að leika sér.“
– En borða þeir meira nammi?
„Já og líka meiri pitsu. Ég hafði aldrei borðað
pitsu þegar ég flutti til Íslands, hún er mjög
góð.“
– Hvað finnst þér skemmtilegast að gera
með íslensku vinunum?
„Fara í fótbolta, tala saman og vera í tölv-
unni,“ segir Hú sem æfir bæði fótbolta og
körfubolta og segist góður í fótbolta, en aðeins
of lítill fyrir körfubolta.
– Langar þig að flytja til Kína, þegar þú verð-
ur stór?
„Ég veit það ekki. Kannski flyt ég til einhvers
annars lands,“ segir Hú sem ætlar verða læknir
einsog pabbi hans. Pabbi hans er nálastungu-
læknir, en Hú vill verða venjulegur læknir.“
– Ætlarðu að heimsækja Kína?
„Já, ég er að fara þangað í sumar í fyrsta
skipti síðan ég flutti til Íslands. Ég ætla að
heimsækja fjölskylduna og kaupa mér föt og
dót. Allt er miklu ódýrara í Kína,“ segir Hú
brosandi að lokum og segist hlakka mikið til
ferðarinnar.
Hú Guangze finnst gaman að búa á Íslandi
Morgunblaðið/Árni Sæberg
„Da dja dó há,“ segir Hú á kínversku sem þýðir:
„Allir eru skemmtilegir.“
Svona skrifar Hú Guangze nafnið sitt á kín-
versku. Ekki auðvelt!
Krakkar eru alls staðar einsÍ KÍNA eru tólf stjörnumerki, öll táknuð með sitt-
hvoru dýrinu. Hvert gildir í heilt ár, og í ár er ár
geitarinnar. Þannig eru heilu bekkirnir fæddir í
sama stjörnumerkinu, og eru sama dýr.
Hvaða dýr ert þú?
Finndu árið sem þú ert fædd/ur og hvaða dýr þú
ert. Í kínversku stjörnuspekinni segir að maður hafi
sömu persónueinkenni og dýrið sem ræður fæðing-
arárinu manns. Pældu aðeins í því hvernig þú ert og
hvort þú ert sammála því sem um þig stendur.
1988 Dreki
1989 Snákur
1990 Hestur
1991 Geit
1992 Api
1993 Hani
1994 Hundur
1995 Svín
1996 Rotta
1997 Naut
1998 Tígur
1999 Héri
DREKINN er hraustur og vinsæll.
Hann er góður við fólk, og finn-
ur til með því, en vill oft að
dunda sér einn... en stundum er
hann dóni og sjálfselskur!
SNÁKURINN er indæll, skemmti-
legur og finnst gaman að
skemmta sér. Hann er góður við
minni máttar... en á það til að
vera tapsár og dómharður.
HESTURINN er hæfileikaríkur og
gerir margt sniðugt. Hann gefur
með sér, er klár og fólk trúir
honum. En fer stundum í vont
skap og hlustar ekki.
GEITIN segir það sem henni býr í
hjarta og er mjög elskuleg, gjaf-
mild og góð við aðra. En stund-
um vorkennir hún sér voðalega
og lemur jafnvel frá sér.
APINN er fullur af góðum hug-
myndum og vill vinna með öðr-
um. Hann er klár og elskulegur.
En apalingur er einnig smá
sjálfselskur og pínku platari.
HANINN er hughrakkur og
stendur með vinum sínum.
Hann er ákafur og vill lenda í
ævintýrum. En hann er sjálfs-
ánægður og stundum skap-
styggur.
HUNDURINN er hjálpsamur og
vill vel. Hann er gáfaður og velt-
ur ótrúlegustu hlutum fyrir sér.
En stundum vill hann bara vera í
fýlu og rífast við alla.
SVÍNIÐ er yndislegt, gjafmilt,
skemmtilegt og vill kynnast
fólki. Það er hæfileikaríkt og
hreinskilið ... en stundum vill
það ráða öllu og stríðir öðrum.
ROTTAN er rosalega klár og
elskuleg. Full af krafti og hug-
myndum, og vinsæl.. En stund-
um á allt að snúast í kringum
hana eina og hún verður jafnvel
nísk.
NAUTIÐ er leikið á mörgum svið-
um, bæði í höndunum og hug-
anum. Það er rólegt og finnst
fólk skemmtilegt. En stundum
er nautið skrýtið og skapvont.
TÍGURINN er elskulegur, dugleg-
ur, sjálfstæður og kraftmikill. En
stundum líka óþekkur og ráðrík
lítil frekja.
HÉRINN hefur gaman af alls
konar listum. Hann er kurteis
og ótrúlega elskulegur. En svo
verður hann stundum montinn
og platar fólk.
Kínversk stjörnumerki
Hvaða dýr ert þú?
Fjör að föndra
HVORT sem þú ert snákur samkvæmt kín-
verska dýrahringnum eða ekki, getur verið
gaman að föndra þessa kínversku snáka og
skreyta með hjá sér. Bæði um kínversk
áramót og hversdags.
Það sem til þarf
Rautt filt og annan lit að vali
Reglustiku
Svartan merkipenna
Skæri
Gott lím
Tvö fönduraugu
Pípuhreinsara
Smjörpappír
10 klemmur
Glimmer, pallíettur og skraut
Það sem gera skal
1) Settu reglustikuna á filtið, strikaðu eftir henni og
klipptu út.
2) Klipptu tungu úr rauða filtinu, 3 mm x 2 cm, og V-laga
inn í annan endann.
3) Settu lím yfir filtið, settu pípuhreinsara langsum og
rúllaðu filtinu upp.
4) Klemmdu fyrir annan endann, settu tunguna inn um
hinn og klemmdu.
5) Vefðu filtrúllunni inn í smjörpappír og klemmdu saman
með 8 klemmum.
6) Láttu þorna, jafnvel yfir nótt.
7) Taktu klemmur og smjörpappír burt.
8) Límdu augun á og fallegt skraut.
9) Skreyttu með eða gefðu sem gjöf.
Kínverskir snákar
ÞETTA er hann Qi Liu.
Hann klæjar í nefið og ætlar að fá þig
til að hjálpa sér.
Byrjaðu við rauðu örina og reyndu að
komast hratt og örugglega inn að nef-
broddinum og klóraðu karlinum á nefinu.
Takk fyrir!
Qi Liu klæjar
Í ÞETTA sinn á að finna öll dýrin tólf í
kínversku stjörnuspekinni í orða- og
stafaruglinu, en þau má sjá vinstra
megin á síðunni. Munið að orðin geta
verið lóðrétt, lárétt, ská niður, upp og
afturábak. Góða skemmtun!
H R E R G N N
N Ú I K E R D
U T H A I A H
RÆ R O T T A
V R U S V Í N
T G K H É R I
S R Á U I E Y
E G N N N P D
HA S D A A A
T Í G U R V N
Á E V R P L T
Dýraheitarugl
Þeir krakkar á höfuðborgarsvæðinu
sem hafa áhuga á að læra kínverskt
kung-fu ættu að hringja í Heilsudrek-
ann Ármúla 17a, sími: 553-8282.