Morgunblaðið - 28.02.2003, Blaðsíða 8
AUÐLESIÐ EFNI
8 FÖSTUDAGUR 28. FEBRÚAR 2003 MORGUNBLAÐIÐ
LANDSVIRKJUN telur að
það muni borga sig að
virkja við
Norðlingaöldu-veitu. Er
þetta niðurstaða
fyrirtækisins þrátt fyrir þau
skilyrði sem settur
umhverfis-ráðherra, Jón
Kristjánsson setti í
úrskurði sínum um veituna.
Landsvirkjun ætlar því að
hefja þegar í stað viðræður
við Norðurál um kaup á
rafmagninu sem virkjunin
mun framleiða.
Forstjóri Landsvirkjunar,
Friðrik Sophusson, segir að
hægt verði að byrja að selja
rafmagn úr virkjuninni árið
2005 ef allt gengur vel.
Árið 2006 verði framleiðsla
á rafmagni síðan komin á
fullan skrið. Landsvirkjun
segir mikilvægt að flýta
byggingu virkjunarinnar. Það
er gert svo framkvæmdum
verði lokið árin 2005 og
2006 þegar mikið verður að
gera við byggingu virkjunar
við Kárahnjúka á
Austur-landi.
Vilja virkja við Norðlingaöldu-veitu
Landsvirkjun vill selja Norðuráli rafmagnið sem virkjunin við Norðlinga-öldu-veitu framleiðir.
LEIK-hópurinn Perlan fagnar
um þessar mundir 20 ára
afmæli sínu.
Í tilefni þessa heldur
leik-hópurinn sýningu í Iðnó á
morgun, laugardaginn 1.
mars. Þar verður sýnt brot af
því besta úr sýningum
Perlunnar í gegnum árin.
Alls verða sýnd brot úr 6
dans- og leik-verkum. En
boðskapur sýningarinnar er
kær-leikur, friður og gáski. Þá
verður sýning á ljósmyndum,
vegg-spjöldum, búningum og
fleiru sem tengist sögu
hópsins.
20 ára
afmæli
Perlunnar
Netfang: auefni@mbl.is
SADDAM Hussein, forseti
Íraks, segist ekki ætla að
flýja land. Hann ætlar ekki
að fara í útlegð heldur
berjast fari svo að
Bandaríkjamenn fari í stríð
við Íraka.
Þetta kom fram í
sjónvarps-viðtali við Saddam
Hussein sem sýnt var á
miðvikudag. Viðtalið tók
þekktur bandarískur
sjónvarps-maður. Þetta er
fyrsta viðtalið sem Saddam
veitir fréttamanni frá
Vestur-löndum í meira en tíu
ár.
Í viðtalinu sagði forsetinn
að ekki kæmi til greina að
fara frá Írak. Þar ætlaði hann
að vera og deyja. Gerði hann
það ekki væri hann að svíkja
þjóðina. Hann myndi berjast
við Bandaríkjamenn.
Saddam sagði að Írakar
ætluðu ekki að kveikja í
olíu-lindum sínum réðust
Bandaríkjamenn á þá. Þeir
kveiktu í olíu-lindum þegar
Bandaríkjamenn hröktu þá
frá Kúveit árið 1991. Írakar
höfðu þá ráðist inn í landið.
Sameinuðu þjóðirnar stóðu
fyrir því að landið var frelsað.
Saddam neitaði því að
Írakar væru að vinna með
hryðjuverka-mönnum. Sagði
hann að Írakar hefðu aldrei
aðstoðað
hryðjuverka-foringjann
Osama bin Laden.
Bandaríkjamenn og fleiri
þjóðir segja að Írakar eigi
samskipti við
hryðjuverka-menn. Írakar eigi
líka gereyðingar-vopn. Þess
vegna þurfi að koma Saddam
Hussein frá völdum í Írak.
Reuters
Saddam Hussein ásamt bandaríska sjónvarps-manninum.
Saddam ætlar ekki að yfirgefa Írak heldur vera kyrr og berjast.
Saddam segist
fara hvergi
HLJÓMSVEITIN Írafár var
sigurvegari
Hlustenda-verðlauna
útvarps-stöðvarinnar
FM957 sem fram fóru í
Borgar-leikhúsinu á
fimmtudags-kvöld. Írafár
vann öll helstu verðlaun
kvöldsins; fyrir bestu plötu
ársins 2002, besta lagið,
var valin besta hljómveitin
og Birgitta Haukdal
útnefnd besta söngkonan.
Alls hlaut hljómsveitin Írafár
sjö verðlaun af þeim tólf
sem veitt voru.
Jónsi úr Í svörtum fötum
var valinn besti söngvarinn.
Og hlustendum FM957
þykir Í svörtum fötum líka
bestir á balli. Quarashi
unnu í flokknum hipp-hipp
ársins. Síðast en ekki síst
veitti Davíð Oddsson Bubba
Morthens sérstök
heiðurs-verðlaun FM957.
Hlustendur FM957, sem
fylltu Borgarleikhúsið, urðu
aldeilis hlessa þegar fyrstu
tónar í loka-atriði kvöldsins
tóku að hljóma. En þeir
komu frá hljómsveitinni
Skítamóral, sem hefur legið
í dvala síðan árið 2000.
Skítamórall ætlar aftur að
fara að leika saman í vor og
í sumar. Seinna á árinu
stendur til að gefa út
safn-plötu með bestu lögum
sveitarinnar.
Írafár
vann
stórt
Morgunblaðið/Árni Torfason
Birgitta og Írafár voru með annan fótinn uppi á sviði
Borgar-leikhússins allt kvöldið.
Hlustendaverð-
laun FM957
HAUKAR og HK fögnuðu
bikarmeistara-titlunum í hand-knattleik í
Laugardalshöll um síðustu helgi. Haukar
höfðu betur á móti ÍBV í kvenna-flokki,
23:22, og HK sigraði Aftur-eldingu í
karla-flokki, 24:21.
Leikur Hauka og ÍBV var jafn og
spennandi allan tímann. ÍBV hafði yfir í
hálfleik, 11:10. Í síðari hálfleik skiptust
liðin síðan á að hafa forystuna allt þar til
undir lokin að Haukar sigu fram úr. Harpa
Melsted var marka-hæst hjá Haukum með
5 mörk, en næstar komu Nína K.
Björnsdóttir og Inga Fríða Tryggvadóttir
sem báðar skoruðu 4 mörk. Hjá ÍBV voru
Sylvia Strass og Alla Gorkorian
marka-hæstar með 7 mörk hvor.
HK var allan tímann sterkara á móti
Aftur-eldingu í karla-flokki og vann
sannfærandi sigur. Þetta var um leið fyrsti
titill HK í 33 ára sögu félagsins í
meistara-flokki í hand-knattleik. Ólafur Víðir
Ólafsson fór á kostum í liði HK og skoraði
10 mörk. En hjá Aftur-eldingu var Bjarki
Sigurðsson marka-hæstur með 6 mörk.
Morgunblaðið/Árni Torfason
HK urðu bikar-meistarar í handknatt-leik.
HK og Haukar bikarmeistarar