Morgunblaðið - 30.03.2003, Blaðsíða 6

Þeir sem ætla til Írlands á
næstunni hafa eflaust gaman
af að skoða slóðina
www.trueireland.com
Þeir sem hafa áhuga eða eru stadd-
ir í Danmörku 8. júní nk. geta tekið
þátt í árlegu hlaupi yfir Eyrarsunds-
brúna. Hlaupið yfir þessa frægu
brú, sem er 21.097,50 metrar að
lengd, svarar til hálfs mararþons.
Hlaupið hefst í Peberholmen.
Segir í frétt í netútgáfu Politiken
um hlaupið, að á meðan á því
stendur geti hlaupararnir notið
dásamlegs útsýnis yfir sundið.
Hlaupaleiðin liggur um miðborg
Malmø. Búist er við að margmenni
fylgist þar með hlaupinu og hvetji
þátttakendur. Því lýkur á fótbolta-
velli Málmeyjar, Malmø Stadion.
Segir ennfremur í fréttinni að
hlaupið yfir Eyrarsundsbrúna sé
ágæt upphitun fyrir maraþon-
hlaupið í Stokkhólmi 14. júní nk. Í
það hlaup hafa þegar boðað þátt-
töku sína skokkarar frá 40 þjóð-
löndum.
Hlaupið yfir
Eyrarsunds-
brúna
Scanpix Nordfoto
www.broloppet.com
www.marathon.se
FERÐASKRIFSTOFA Vestfjarða-
leiðar býður flugferðir til Sviss í
sumar. Líkt og áður er flogið einu
sinni í viku til Genfar og í sumar
verður bætt við flugi til Zürich tvisv-
ar í viku. Flugtími er um 4 klst. á
hvorn stað og flogið er með 156 far-
þega MD-83 flugvélum.
Fyrsta flug 14. júní
Í fréttatilkynningu frá ferðaskrif-
stofunni kemur fram að staðsetning
Genfar henti vel til hvers kyns ferða-
laga um Evrópulönd. Flogið er til
Genfar aðfaranótt laugardags frá 14.
júní til 16. ágúst.
Zürich er stærsta borg Sviss og
ekki síður en Genf vel staðsett í
hjarta Evrópu. Flogið er til Zürich
aðfaranótt laugardags frá 21. júní til
16. ágúst og í júlí bætist við flug á
miðvikudögum með fyrsta flugi 2.
júlí en því síðasta hinn 6. ágúst.
Ferðaskrifstofa Vestfjarðaleiðar
Bjóða ferðir til Genfar
og Zürich í sumar

Nánari upplýs-
ingar og bókanir í
flugið til Sviss eru
hjá Ferðaskrif-
stofu Vestfjarða-
leiðar, Hesthálsi
10, Reykjavík
Sími: 5629950
Fax. 567 4969.
Upplýsingar um
áætlun og verð er
einnig að finna á
heimasíðunni:
www.vesttravel.is
Hótel Vík í Síðumúla í Reykja-
vík hefur tekið í notkun búnað
með þráðlausri nettengingu.
Á hótelinu eru 23 herbergi en
tengingin stendur til boða í 12
herbergjum hótelsins. Til
stendur að nettenging verði
komin í öll herbergi fyrir sum-
arið.
Ólafur Stefánsson hótelstjóri
segir að töluvert sé spurt um
þráðlausu nettenginguna og
margir gestir sem eru með far-
tölvur kunni vel að meta þessa
nýjung hjá hótelinu. Ólafur seg-
ir að Hótel Vík sé enn sem kom-
ið er eina hótel landsins sem
býður þráðlausa nettengingu.
Morgunblaðið/Jim Smart
Þráðlaus
nettenging

Hótel Vík Síðumúla 19
Reykjavík Sími: 5885588
Tölvupóstfang: lobby-
@hotelvik.is Heimasíða:
www.hotelvik.is
- 2 5 Á R A O G T R AU S T S I N S V E R Ð