Morgunblaðið - 02.04.2003, Blaðsíða 2

2 B MIÐVIKUDAGUR 2. APRÍL 2003 MORGUNBLAÐIÐ
bílar
Partur - Spyrnan - Lyftarar
Eldshöfða 10 - 110 Reykjavík - Símar 585 2500 og 567 8757
KENNAMETAL
DAEWOO lyftarar
fleygar - krabbar -
klippur o.fl.
borbúnaður
blöð og fræsitennur
Notaðir lyftarar á lager - Viðgerðarþjónusta
Varahlutir í flestar gerðir lyftara
Fjaðrir og loftpúðar í vörubíla,
sendibíla og jeppa
„ÉG KEYPTI fyrsta Volvo-bílinn,
Volvo Amazon, árið 1965 og átti
hann nú ekki lengi. Ég var 29 ára
og hafði átt nokkra bíla áður. Ég
vann þá hjá Samvinnutryggingum.
Ári seinna flutti Sambandið inn
nokkra Chevrolet Acadian, sem var
kanadísk útfærsla á Chevrolet
Chevy 2. Þetta var ’65-árgerðin og
höfðu bílarnir verið framleiddir árið
áður en þeir voru fluttir inn og voru
þeir á mjög góðu verði. Það fengu
þá víst færri en vildu, en Hjalti heit-
inn Pálsson, framkvæmdastjóri
Véladeildar SÍS á þeim tíma, lét mig
hafa bílinn. Ég átti þennan bíl í
fimm ár og líkaði ágætlega við hann
nema hvað það var endalaust tíst
og skrölt í bílnum. Þetta fór mjög í
taugarnar á mér. Í Amazon-bílnum
hafði aldrei heyrst neitt. Svo ég
keypti Volvo 144 árið 1971 og síðan
er ég búinn að vera á Volvo.“
Hvers vegna alltaf Volvo?
„Ástæðan er einfaldlega sú að
þetta eru mjög góðir bílar. Ég alltaf
látið þá í eftirlit sem verksmiðjan
mælir með. Það er margt sem
vinnst við þetta; það eru mun minni
líkur á því að það komi upp óvæntar
bilanir, í öðru lagi, eftir að ábyrgðin
rennur út, sem er þrjú ár núna, er
áfram ábyrgð á vissum hlutum í
bílnum. Ef til dæmis ákveðinn hlut-
ur í bílnum hefur 100.000 km líf-
tíma en eyðileggst eftir 50.000
km, borga ég 50% af kostnaðinum
en verksmiðjurnar afganginn. Það
hefur þó ekki reynt á þetta hjá mér.
Í þriðja lagi er mun betri endursala í
bílum, sem hafa hlotið reglubundna
þjónustu, sem aftur þýðir fljótari
endursölu og hærra verð. Endur-
söluverð á öllum mínum Volvo bíl-
um hefur alltaf verið mjög gott.
Þjónustuskoðanir eru ekki gefnar og
kosta sitt en mér hefur fundist
borga sig að notfæra mér þær. Ég
hef yfirleitt átt mína bíla í þrjú ár.
Tvo átti ég þó í fimm ár og tvo í tvö
og hálft ár. Ég er ekki alveg laus við
bíladelluna enn, þótt kominn sé af
léttasta skeiði og í seinni tíð, þegar
það koma nýjar gerðir, er freistandi
að endurnýja,“ segir Bjarni.
Hann segir að það hafi verið mjög
góð reynsla af Volvo-bílunum sínum
og bilanatíðnin hafi verið í lágmarki.
Einungis smávægilegar bilanir hafi
komið upp, en þó aðallega eitthvað
tengt eðlilegri endurnýjun.
„Ég skipti fyrst við Velti 1965 en
síðan eignaðist Brimborg umboðið
1988. Ég hef alltaf átt góð viðskipti
við Jóhann Jóhannsson forstjóra
og Ólaf Friðsteinsson sölumann en
þessa ágætu menn hef ég þekkt
lengi, Ólaf í 35 ár og Jóhann síðan
árið 1979. Síðast en ekki síst er
þjónustan á verkstæðinu alveg frá-
bær. Þar er í forsvari Hjörtur Haf-
liðason. Ég býst við að einhverjir
komist jafnfætis þeim í þeim efnum
en afar ótrúlegt finnst mér að nokk-
ur muni gera eða geta gert betur.“
Þú munt þá líklega ekki skipta
um bíltegund á næstunni?„Nei, ég
hef engar fyrirætlanir um það.
Volvo er mitt merki af gefnu tilefni.
Ég veit ekki hvort eigi að kalla þetta
vörumerkjatryggð. Málið er einfald-
lega það að þetta eru góðir bílar
sem er gott að aka, bilanatíðnin er
lág og þjónustan er góð. Það hefur
aldrei hvarflað að mér að skipta um
bíltegund síðan árið 1971 og mun ég
ekki gera það hér eftir, nema þá að
ég verði galinn eða þá Jóhann for-
stjóri.“
Volvo-floti Bjarna í gegnum tíðina
er eftirfarandi: Volvo Amazon, tveir
Volvo 144, fjórir Volvo 244, Volvo
740, Volvo 760, tveir Volvo 850,
tveir Volvo XC70 og núna er hann
að fá XC90. Seinni Volvo 850 sér-
pantaði hann og alla bílana sem
hann hefur átt síðan.
„Mér finnst bílarnir alltaf hafa
verið að batna, enda fleygir
tækninni fram. Cross Country-
bílarnir voru alveg frábærir, en nýi
XC90 er betri. Það kveikti í mér
þegar hann kom og ég lét verða af
því að skipta,“ segir Bjarni.
Morgunblaðið/Guðjón Guðmundsson
Bjarni Pétursson við XC90, fjórtánda Volvo-inn sem hann eignast.
Volvo er merkið mitt
14. Volvo-inn er XC90
Bjarni Pétursson, deild-
arstjóri hjá trygginga-
félaginu Sjóvá-Almennum,
hefur verið aðdáandi
Volvo-bifreiða allt frá því
snemma á sjöunda ára-
tugnum. Hann er núna að
fá í hendur sinn fjórtánda
Volvo, nýja sportjeppann
glæsilega XC90.
gugu@mbl.is
FRAMLEIÐSLA á Mazda RX-8-
sportbílnum er hafin í Ujina-verk-
smiðjunni í Hiroshima í Japan.
Fyrstu bílarnir fóru á markað í Jap-
an í byrjun þessa mánaðar og um
miðjan marsmánuð á markað í
Bandaríkjunum. Til Evrópu koma
fyrstu bílarnir um miðjan apríl og
standa vonir til að hægt verði að fá
bíla hingað til lands seint á árinu.
Bíllinn var fyrst kynntur sem hug-
myndabíll á bílasýningunni í Tókýó
fyrir tveimur árum. Þetta er fjög-
urra manna sportbíll með afar
óvenjulegri og glæsilegri hönnun.
Óvenjulegt er með sportbíla af
þessu tagi að þeir taki fjóra full-
orðna í sæti. Mazda lofar aksturseig-
inleikum sem eigi ekki sinn líka.
Leysir af hólmi RX-7
Mazda hefur lagt sig í líma und-
anfarið við að ná sömu stöðu og
merkið var áður í. Stórstígar fram-
farir urðu þegar Mazda 6 var kynnt-
ur til sögunnar og á þessu ári bætast
tveir nýir bílar í hópinn, þ.e. Mazda
2 og Mazda 3. Mest spennandi af
þessum bílum er þó óneitanlega
RX-8. Hann leysir af hólmi RX-7,
sem kom fyrst á markað 1978 og
verið framleiddur í fjórum kynslóð-
um.
Það sem gerði RX-7 frábrugðinn
öllum öðrum sportbílum var vélin.
Þetta var svokallaður Wankel-mót-
or, sem heitir í höfuðið á Þjóðverj-
anum Felix Wankel, sem þróaði
fyrstur manna vél af þessu tagi á
fjórða áratugnum. Vélin byggist á
allt annarri tækni en hefðbundin vél
með strokkum. Í stað stimplanna
sem hreyfast upp og niður í strokk-
unum er wankel-vélin með þrí-
hyrnda snældu inni í egglaga bruna-
rými. Snældan skiptir brunarýminu
upp í þrjú hólf og þar á sér stað
þjöppun, bruni og útsog. Kostir
Wankel-vélarinnar eru smæð henn-
ar og hún er líka léttari og afkasta-
meiri en hefðbundin stimpilvél. Auk
þess er titringur frá henni minni.
Mazda er eini bílframleiðandinn
sem í seinni tíð hefur þróað og notað
Wankel-vél í fjöldaframleiddan bíl. Í
RX-7 var vélin með tveimur for-
þjöppum og þótt slagrýmið væri ein-
ungis 1.308 rúmsentimetrar skilaði
vélin heilum 280 hestöflum. RX-8 er
með sömu stærð Wankel-vélar en án
forþjöppu. Vélin er mikið breytt og
er bæði eyðslugrennri og umhverf-
isvænni en fyrri vél og uppfyllir
Euro4 mengunarstaðalinn.
Þótt engin forþjappa sé í nýju vél-
inni framleiðir hún engu að síður 250
hestöfl við 8.500 snúninga á mínútu.
Hröðun bílsins er sögð 6,5 sekúndur
úr kyrrstöðu í 100 km og hámarks-
hraðinn 250 km/klst. Hámarkstog er
220 Nm við 7.500 snúninga á mínútu.
Enginn b-póstur
Bíllinn er með fjórum dyrum sem
er óvanalegt á sportbíl af þessu tagi.
Afturdyrnar eru litlar og opnast á
móti akstursstefnunni og enginn
b-póstur er milli fram- og aftur-
hurða sem gerir aðgengi að sætun-
um mun þægilegra en ella. Bíllinn er
á átján tommu hjólum sem eru höfð
á ystu brúnum og það er sportlegur
blær yfir tækinu.
Bíllinn verður boðinn með sex
gíra handskiptum kassa og fimm
þrepa sjálfskiptingu, með og án
handskiptivals. Í Bandaríkjunum
mun ódýrasta útgáfan kosta nálægt
25.000 dollurum, tæpar tvær millj-
ónir króna. Hér á landi verður verð-
ið þó öllu hærra. Hann fellur þó í
lægrivörugjaldsflokk, 30%, vegna
smæðar vélarinnar.
Mazda RX-8 til
Íslands á árinu
Einn af mest spennandi bílum frá Mazda er kominn á markað í
Japan og væntanlegur hingað seint á árinu. Þetta er RX-8,
óvenjulega hannaður og með Wankel-vél.
Wankel-vélin er 1.308 rúmsentimetr-
ar en skilar 250 hestöflum.
Bíll nr. 1 rann af færibandinu í síðasta mánuði í Japan.