Morgunblaðið - 14.04.2003, Blaðsíða 8
HANDKNATTLEIKUR
8 B MÁNUDAGUR 14. APRÍL 2003 MORGUNBLAÐIÐ
EKKERT verður leikið í úrslitakeppni karla eða
kvenna á Íslandsmótinu í handknattleik næstu tíu
dagana. Karlarnir hefja undanúrslitin á sumardag-
inn fyrsta, 24. apríl, en þá leika Valur og ÍR að Hlíð-
arenda og Haukar mæta KA á Ásvöllum. Liðin mæt-
ast aftur 27. apríl og síðan 29. ef oddaleiki þarf.
Ástæðan fyrir þessu hléi er sú að 20-ára landslið
karla tekur þátt í undankeppni HM í Búlgaríu um
páskana og þar eru innanborðs lykilmenn úr lið-
unum, svo sem Einar Hólmgeirsson úr ÍR, Ásgeir Örn
Hallgrímsson úr Haukum og Arnór Atlason úr KA.
Hlé er á kvennakeppninni af sömu ástæðu en 20-
ára landslið kvenna spilar í undankeppni HM í Serb-
íu-Svartfjallalandi um páskana. Fyrsti úrslitaleikur
ÍBV og Hauka um titilinn verður í Eyjum laugardag-
inn 26. apríl.
Frí í handbolt-
anum til sumar-
dagsins fyrsta
Morgunblaðið/Þorkell
Ásgeir Örn Hallgrímsson
SAMNINGUR Heimis Rík-
harðssonar þjálfara Fram-
ara rann út eftir ósigurinn á
móti Haukum í gær en í
samtali við Morgunblaðið
sagði Heimir að hafnar
væru viðræður um nýjan
samning.
„Ég er tilbúinn til að
halda áfram og ef það verð-
ur raunin vona ég að við
höldum þeim mannskap sem
við erum með í dag en miss-
um ekki frá okkur menn
eins og undanfarin ár. Það
er erfitt að þurfa á hverju
ári að púsla saman nýju liði
og það háði okkur framan af
tímabilinu,“ sagði Heimir.
Heimir í viðræðum
við Framara
Morgunblaðið/Golli
Heimir Ríkharðs-
son, þjálfari Fram.
CIUDAD Real vann öruggan úti-
sigur á Valencia, 27:18, í spænsku 1.
deildinni í handknattleik á laugar-
daginn. Rúnar Sigtryggsson lék
með Ciudad en skoraði ekki. Urios
skoraði 7 mörk og Dusjebaev 6.
Ciudad er nú þremur stigum á eftir
toppliði Barcelona sem tapaði
óvænt fyrir Valladolid, 35:31.
EINAR Örn Jónsson skoraði tvö
mörk fyrir Wallau Massenheim tap-
aði, 25:20, fyrir Essen í undanúrslit-
um þýsku bikarkeppninnar í hand-
knattleik á laugardaginn. Guðjón
Valur Sigurðsson og Patrekur Jó-
hannsson skoruðu þrjú mörk hvor
fyrir Essen í leiknum.
HLYNUR Jóhannesson og félagar
í Stord steinlágu fyrir Sandefjord,
41:21, í síðari undanúrslitaleik lið-
anna í keppninni um norska meist-
aratitilinn í handknattleik í gær.
Fyrir leikinn var staða Stordmanna
nánast vonlaus því þeir töpuðu fyrri
leiknum á heimavelli, 20:33. En þeir
höfnuðu þó í 3.–4. sæti og tryggðu
sér þátttökurétt í Evrópukeppni.
ÞAÐ verður Stavanger sem mæt-
ir Sandefjord í úrslitunum um
norska meistaratitilinn. Stavanger
vann Runar öðru sinni í gær, 38:32 á
heimavelli, en hafði unnið útileikinn
35:28. Kjetil Strand skoraði 11 mörk
fyrir Stavanger en Frank Löke
gerði 10 mörk fyrir Runar.
MAGNUS Wislander og félagar í
Redbergslid völdu sér GUIF sem
mótherja í átta liða úrslitunum um
sænska meistaratitilinn í hand-
knattleik. Í Svíþjóð er sá háttur
hafður á að þrjú efstu liðin eftir síð-
ari forkeppnina velja sér andstæð-
ing. Val Redbergslid kom nokkuð á
óvart því flestir reiknuðu með því að
meistaraefnin vildu frekar spila
gegn Tumba.
SÄVEHOF, sem sló Gróttu/KR út
úr Evrópukeppninni í vetur, varð í
öðru sæti og valdi að mæta Tumba
og Drott valdi sér H 43 sem mót-
herja. Fjórða einvígið verður á milli
Ystad og Skövde.
KRISTJÁN Andrésson, sonur
Andrésar Kristjánssonar, fyrrum
landsliðsmanns úr Haukum, leikur
með GUIF. Hann skoraði 4 mörk á
laugardaginn þegar lið hans tapaði
24:19 í síðari leiknum við Hamm-
arby um sæti í átta liða úrslitunum.
GUIF var ekki í hættu því liðið hafði
unnið fyrri leikinn með 10 marka
mun.
ANJA Andersen, þekktasta hand-
knattleikskona heims, er komin með
lið sitt, Slagelse, í úrslit EHF-bik-
ars kvenna en hún tók við þjálfun
liðsins eftir að hún lagði skóna á hill-
una. Slagelse tapaði fyrir Motor
Zaporoshye, 28:23, í Úkraínu á
laugardaginn en það gerði lítið til
því danska liðið vann heimaleikinn
með yfirburðum, 35:14, um fyrri
helgi.
FÓLK
Haukarnir fóru hamförum í upp-hafi leiksins, skoruðu þá hvert
markið öðru glæsilegra og sókn
Stjörnunnar komst
hvorki lönd né strönd
gegn ógnvænlegri
varnarlínu Hafnfirð-
inga. Leiknum var
enda lokið eftir tæpar 10 mínútur
þegar Haukar höfðu sent boltann sex
sinnum í mark Stjörnunnar án þess
að heimamenn næðu að svara fyrir
sig. Snemmbúið leikhlé Matthíasar
Matthíassonar, þjálfara Stjörnunnar,
hafði ekkert að segja fyrir Stjörnulið-
ið og eftir 20 mínútna leik var staðan
2:11 og endanlega ljóst að þennan
mun myndu Stjörnustúlkur aldrei
vinna upp.
„Við ræddum saman í leikhléinu,
stöppuðum stálinu hver í aðra og
ákváðum að spila eins og lið en ekki
eins og einstaklingar, eins og við
gerðum í hálfleiknum. Við gerðum
okkur grein fyrir því að við ættum
ekki mikla möguleika á að sigra en við
ætluðum að ljúka þessu með sóma,“
sagði Jóna Margrét Ragnarsdóttir,
leikmaður Stjörnunnar, að leikslok-
um. Líklegt má telja að ræðuhöld
þjálfaranna í leikhléinu hafi verið af
sitthvorum toga enda skildu þá níu
mörk liðin að, 7:16. Stjörnustúlkur
komu með allt öðru hugarfari inná
völlinn, vörnin færði sig framar,
Brynja Steinsen, leikstjórnandi, var
klippt út úr sóknarleik Haukanna og
þær náðu að hægja verulega á hrað-
anum í leiknum. Þetta skilaði þeim
góðum árangri og þótt hann hafi ekki
dugað þeim til að ógna Haukunum að
neinu marki þá var mikið jafnræði
með liðunum og virðast Haukar mega
illa við að missa Brynju út úr sókn-
arleik sínum. Þegar síðari hálfleikur
var hálfnaður skiptu þjálfarar beggja
liða inn nokkrum leikmönnum sem
ekki hafa leikið mikið í vetur og skildu
liðin sátt þegar flautað var.
„Við komum inní þennan leik af
fullum krafti. Okkar mat var það að
við værum með sterkara lið og við
ætluðum ekki að hleypa þeim að okk-
ur,“ sagði Gústaf Adolf Björnsson,
þjálfari Hauka. „Ég lagði þetta upp
þannig að það væri í okkar höndum að
klára þetta núna og ekki eftir neinu
að bíða með það. Við byrjuðum þetta
af krafti og leyfðum þeim að finna það
að það væri við ofurefli að etja. Það
gekk eftir, við fengum fína vörn,
keyrðum hraðaupphlaup á þær og
bara stútuðum þeim í fyrri hálfleik.
Leikurinn var búinn í fyrri hálfleik af
því að við sýndum góð vinnubrögð.“
En seinni hálfleikurinn, þær breyta
vörninni og meira jafnvægi kemst á
leikinn?
„Það er oft kúnst að halda einbeit-
ingu, maður fær ekkert meira fyrir
leikinn þótt hann vinnist stærra. Við
leystum það ekki nógu vel þegar þær
tóku Brynju út.“
Hvernig leggst það í þig að mæta
ÍBV?
„Þá mætast liðin sem hafa staðið
sig best í vetur og það hlýtur að verða
handboltaveisla. Við leggjum upp
með það að vinna heimaleikina og svo
verðum við að taka einn leik úti í Eyj-
um, það er alveg ljóst,“ sagði Gústaf
Adolf Björnsson, þjálfari Hauka.
Stjörnustúlkur eru sjálfsagt ekki
sáttar við frammistöðu sína í þessum
tveimur leikjum gegn Haukum.
Amela Hegic spilar stóra rullu í liðinu
ásamt Jelenu Jovanovic markverði en
fleiri leikmenn verða að vera tilbúnir
og fá tækifæri til, að axla ábyrgð á
leik liðsins.
Miðað við frammistöðu Hauka í
þessum tveimur leikjum gegn Stjörn-
unni er ljóst að leikmenn liðsins
stefna ekki á neitt annað en Íslands-
meistaratitilinn. Nína K. Björnsdóttir
fór illa með sína gömlu félaga í
Stjörnunni og leikur sinn besta leik í
langan tíma um þessar mundir,
Hanna G. Stefánsdóttir með sinn óg-
urlega hraða er sömuleiðis að leika
frábærlega og varnarlega er erfitt að
finna lið sem stenst Haukunum snún-
ing. Þessar tvær, ásamt Lukresju
Bokan, markverði léku best í liði
Hauka.
Haukar gerðu út um leikinn á tíu mínútum
Skoruðu fyrstu
sex mörkin
HAUKASTÚLKUR sendu Stjörnuna í snemmbúið sumarfrí í öðrum
leik liðanna í undanúrslitum 1. deildar kvenna í handknattleik á
laugardag, þegar liðin mættust í Ásgarði í Garðabæ. Líkt og í fyrri
leik liðanna þurftu Haukar ekki að hafa mikið fyrir sigrinum, mót-
staða Stjörnunnar var mjög takmörkuð og eftir aðeins 10 mínútna
leik var spurningin aðeins hve stór sigur Haukanna yrði. Átta mörk
skildu liðin að þegar upp var staðið, Haukar skoruðu 24 mörk gegn
16 mörkum Stjörnunnar.
Morgunblaðið/Kristinn
Erna Halldórsdóttir, Nína Björnsdóttir, Harpa Melsted og Inga F. Tryggvadóttir, leikmenn Hauka.
Ingibjörg
Hinriksdóttir
skrifar
Stúlkurnar úr ÍBV þurftu ekki aðspila nema á hálfum hraða þegar
þær sóttu Valsstúlkur heim á Hlíð-
arenda á laugardag.
Leikurinn virtist að-
eins formsatriði hjá
deildarmeisturnum
sem unnu fyrri leikinn með tíu mörk-
um. Sigurinn var aldrei í hættu og
lokastaðan varð 27:22 – einvígið fór
því 2:0. Fyrstu mínúturnar voru hæg-
ar og lítið var skorað. Eftir tíu mín-
útur var staðan aðeins 2:2 og mikið
hafði verið um mistök. Heimasæturn-
ar í Val náðu aðeins að halda í pilsfald
gestanna í um stundarfjórðung en þá
komst Ingibjörg Jónsdóttir, fyrirliði
Eyjaliðsins, í gang og skoraði hún
grimmt ásamt því að reka leikmenn
sína áfram. Hægt og bítandi jókst því
forystan og þegar tíu mínútur voru
eftir af fyrri hálfleik höfðu Eyjastúlk-
ur náð fjögurra marka forskoti – í lok
hálfleiks var svo munurinn kominn í
sjö mörk, 8:15.
Síðari hálfleikurinn var talsvert
skemmtilegri en sá fyrri – allavega
framan af. Meiri kraftur var í Vals-
stúlkum og greinilegt að þær ætluðu
ekki að gefa Eyjaliðinu sigurinn. En
þrátt fyrir aukna baráttu heimaliðs-
ins réðu þær ekkert við skyttur Eyja-
liðsins. Úrslitin voru ráðin um miðjan
hálfleikinn en þá höfðu gestirnir tíu
marka forskot. Eftir það hægðist á
leik ÍBV og fengu heimasæturnar
tækifæri til að grynnka aðeins á mun-
inum. Áður en flautað var til leiksloka
höfðu þær náð forskoti gestanna nið-
ur í fimm mörk, 22:27.
„Þetta var alveg öruggur sigur og
við gerðum út um leikinn strax í fyrri
hálfleik. Vörnin hjá okkur var sterk
og Vigdís stóð sig vel í markinu þann-
ig að ég er virkilega ánægð með
stelpurnar,“ sagði Unnur Sigmars-
dóttir, þjálfari ÍBV.
Áreynslu-
laust
Andri Karl
skrifar