Morgunblaðið - 28.04.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 28. APRÍL 2003 B 5
„EF ég á að vera hreinskilinn verð
ég að lýsa þessu þannig að boltinn
snerti kannski einn lokk af hári
mínu áður en hann hrökk af höfði
Martins Keowns og í markið hjá
Arsenal,“ sagði Guðni Bergsson,
fyrirliði Bolton, við Morgunblaðið
í gær, þegar hann var spurður um
jöfnunarmarkið sem Bolton gerði
gegn Arsenal í ensku úrvalsdeild-
inni, 2:2.
„Við stukkum nokkrir upp þeg-
ar boltinn kom fyrir markið og
mér tókst greinilega að trufla
Keown það mikið að hann stýrði
boltanum í markið. Það var súrt
fyrir hann en stigið getur orðið
okkur ákaflega dýrmætt. Við
leyfðum Arsenal að komast of létt
í 2:0 og eftir það leit út fyrir að
þetta yrði erfitt hjá okkur en
markið sem Djorkaeff skoraði
kveikti í okkur á ný og okkur
tókst að setja mikla pressu á leik-
menn Arsenal á lokakaflanum. En
við getum ekki slakað neitt á
ennþá en vonandi tekst okkur að
forða okkur úr fallhættu þegar við
mætum Southampton um næstu
helgi og þurfum ekki að ganga í
gegnum taugaspennu í síðustu
umferðinni,“ sagði Guðni.
„Boltinn snerti
kannski einn lokk
af hári mínu“
Guðni Bergsson átti þátt í jöfnunarmarki Bolton.
ZINEDINE Zidane, franski snillingurinn hjá Real
Madrid, segir að það verði erfitt fyrir David
Beckham að hafna því að gerast leikmaður með
spænska stórveldinu. Zidane sagði við breska
blaðið Sunday Mirror í gær að það hefði verið
nær útilokað fyrir sig að segja nei þegar Real
vildi fá hann frá Juventus sumarið 2001. „Beck-
ham verður í svipaðri stöðu. Þetta snerist ekki
um peninga, nema að því leyti að fyrst Real vildi
borga svona mikið var greinilegt að þeir vildu
endilega fá mig. Ég átti frábær fimm ár með Juv-
entus á Ítalíu en þegar stærsta félag heims vill fá
þig í sitt lið er það mesta viðurkenning sem hægt
er að fá í knattspyrnunni. Real tók neitun aldrei
til greina, það var mér mikill heiður að þeir
skyldu vilja fá mig í hina frægu hvítu treyju sína
– ég gat ekki hafnað því,“ sagði Zidane, sem af
mörgum er talinn besti knattspyrnumaður heims
um þessar mundir.
Erfitt fyrir Beck-
ham að hafna
DUNCAN Ferguson, leikmaður
Everton, á yfir höfði sér að vera
kallaður á teppið hjá aganefnd
enska knattspyrnusambandsins eft-
ir að hafa slegið Jóhannes Karl
Guðjónsson viljandi með olnbog-
anum í viðureign Everton og Aston
Villa á laugardaginn. Ferguson
kom inn á sem varamaður í leiknum
sem Everton vann, 2:1. Atvikið þeg-
ar hann sló Jóhannes fór framhjá
Graham Poll dómara, enda var
boltinn ekki í leik nærri þeim fé-
lögum þegar atvikið átti sér stað.
Forvígismenn Aston Villa sáu það
hins vegar og lögðu inn kvörtun
eftir að í ljós kom að upptaka frá
leiknum leiðir í ljós að Ferguson sló
Jóhannes Karl með olnboganum.
Upptakan hefur þegar verið send
aganefnd enska knattspyrnu-
sambandsins til rannsóknar sem
væntanlega tekur málið fyrir í vik-
unni.

JENS Jeremies frá Bayern Münc-
hen og Dietmar Hamann frá Liver-
pool drógu sig í gær út úr þýska
landsliðshópnum fyrir vináttuleik
gegn Serbíu-Svartfjallalandi á mið-
vikudag. Þeir eru báðir meiddir á
ökkla. Þá er ólíklegt að Oliver Neu-
ville frá Leverkusen verði með
vegna tognunar.

NEWCASTLE er sagt hafa mik-
inn áhuga á að fá hið 13 ára gamla
undrabarn frá Bandaríkjunum,
Freddy Adu, í sínar raðir. Adu, sem
er frá Ghana en varð bandarískur
ríkisborgari snemma á þessu ári,
vakti gífurlega athygli í forkeppni
HM drengjalandsliða en þar var
hann hættulegasti sóknarmaður og
helsti markaskorari bandaríska liðs-
ins.

GEORGE Burley, knattspyrnu-
stjóri Derby, segir að ítalski „silf-
urrefurinn,“ Fabrizio Ravanelli,
hafi skorað eitt fallegasta mark
allra tíma þegar lið þeirra tapaði,
3:2, fyrir Walsall í ensku 1. deildinni
á laugardaginn. Ravanelli skoraði
markið beint úr aukaspyrnu. „Eng-
inn markvörður í heiminum hefði
varið þetta skot,“ sagði Burley, sem
stýrir liði Derby út tímabilið og tek-
ur væntanlega alfarið við því innan
skamms.

RAVANELLI hefur boðist til að
leika launalaust með Derby næsta
vetur en félagið hefur átt í gífurleg-
um fjárhagserfiðleikum eftir að það
féll úr úrvalsdeildinni í fyrra og hef-
ur losað sig við flesta sína sterkustu
leikmenn.

HENRIK Larsson ætlar að hætta
að leika knattspyrnu þegar samn-
ingur hans við Celtic rennur út eftir
rúmt ár. Brian Quinn, stjórnarfor-
maður Celtic, segir það ekki koma
til greina að „leyfa“ Larsson að
hætta, allt verði lagt í sölurnar til að
Larsson endurskoði ákvörðun sína.

PORTSMOUTH tryggði sér í gær
meistaratitilinn í ensku 1. deildinni
með því að vinna Rotherham, 3:2.
Svetoslav Todorov skoraði tvö
markanna og Paul Merson eitt.

FÆREYINGAR sigruðu Kas-
akhstan, 3:2, í vináttulandsleik í
knattspyrnu sem fram fór í Fær-
eyjum í gær. Jákup á Borg, John
Petersen, fyrrum Leiftursmaður,
og Heðin á Lakjuni komu færeyska
liðinu í 3:0 en Evghéniy Lunöv og
Daniyár Mukánov minnkuðu mun-
inn fyrir Kasakhstan, fyrrum lýð-
veldi Sovétríkjanna, sem fluttist yf-
ir til Evrópu frá asíska
knattspyrnusambandinu á síðasta
ári.

BRAGI Bergmann dæmdi leikinn
í Þórshöfn í gær. Kristinn Jakobs-
son, sem var fjórði dómari leiksins,
dæmir síðari viðureign þjóðanna
sem fram fer annað kvöld.
FÓLK
Það var ekki fyrr en um miðjansíðari hálfleik sem Manchester
United náði að brjóta ísinn, þrátt
fyrir mörg ágæt færi fram að því. Þá
skoraði Paul Scholes gott skalla-
mark og á lokamínútunni innsiglaði
Ruud van Nistelrooy sigurinn. Þar
með hefur þessi magnaði Hollend-
ingur skorað í 10 leikjum í röð fyrir
Manchester United.
„Það er engin hætta á að við slök-
um á þótt forystan sé fimm stig í
augnablikinu. Við höfum alla trú á
sjálfa okkur en vitum að það er mikið
eftir enn. Aðalmálið er að fara ekki á
taugum, við höfum reynsluna og
þekkjum þennan heim. Reynslan
hefur gífurlega mikið að segja á
þessum tíma. Arsenal er topplið og
við verðum að halda fullri einbeit-
ingu,“ sagði Roy Keane, fyrirliði
Manchester United, eftir leikinn.
Arsenal missti tvö stig
úr höndum sér
Arsenal virtist með þrjú örugg
stig í höndunum eftir að Sylvain
Wiltord og Robert Pires skoruðu á
fyrstu 11 mínútum síðari hálfleiksins
á Reebok Stadium, 2:0. En stuðn-
ingsmenn liðsins fögnuðu of snemma
og Bolton sýndi hvað í liðið er spunn-
ið á lokakaflanum. Með hinn snjalla
Jay Jay Okocha í aðalhlutverki náði
Bolton að jafna metin og krækja sér í
dýrmætt stig í fallbaráttunni. Youri
Djorkaeff minnkaði muninn og jöfn-
unarmarkið kom eftir aukaspyrnu
hans, Guðni Bergsson stökk upp með
Martin Keown sem skallaði boltann í
eigið mark, 2:2. Guðni lék allan leik-
inn með Bolton og stóð vel fyrir sínu í
vörninni auk þess sem hann var jafn-
an ágengur upp við mark Arsenal í
hornspyrnum og aukaspyrnum.
Arsene Wenger, knattspyrnu-
stjóri Arsenal, var ævareiður í garð
sinna manna fyrir kraftleysið á loka-
kafla leiksins en sagði að þeir gætu
enn skákað Manchester United og
haldið meistaratitlinum í sínum her-
búðum.
„Við áttum ekki að fá þessi mörk á
okkur, úrslitin áttu að vera ráðin í
stöðunni 2:0. En við munum jafna
okkur á þessu, í fótboltanum breyt-
ast hlutirnir hratt. Stundum ríkir
svartnætti en daginn eftir birtir til.
Þetta er ekki lengur í okkar höndum
og við þurfum á hagstæðum úrslitum
að halda en við einbeitum okkur að
því að vinna okkar leiki,“ sagði Wen-
ger sem aldrei þessu vant mætti ekki
á fréttamannafund eftir leikinn –
hafði í nógu að snúast við að ræða
málin við sína menn.
Fallhætta Bolton jókst á ný
Þrátt fyrir góð úrslit gegn Arsenal
jókst fallhætta Bolton um helgina
þar sem West Ham náði að knýja
fram sigur gegn Manchester City á
Maine Road í gær, 1:0. Frederic Ka-
noute skoraði sigurmarkið tíu mín-
útum fyrir leikslok. West Ham er
áfram í fallsæti en er nú aðeins
tveimur stigum á eftir Bolton og það
þýðir að Leeds, Fulham og Aston
Villa eru öll ennþá í fallhættu.
West Ham fær Chelsea í heim-
sókn um næstu helgi og endar á úti-
leik gegn Birmingham en Bolton fer
til Southampton næsta laugardag og
endar á heimaleik gegn Middles-
brough.
Manchester United með pálmann í höndunum í Englandi
„Það er engin hætta
á að við slökum á“
Reuters
Paul Scholes hefur leikið þýðingarmikið hlutverk hjá Manchester United að undanförnu og skor-
að mikið af mörkum. Hér skorar hann mark sitt gegn Tottenham og það tuttugasta á leiktíðinni.
MANCHESTER United steig í
gær stórt skref í áttina að enska
meistaratitlinum með því að
sigra Tottenham, 2:0, á White
Hart Lane í London. Þar með
eru lærisveinar Alex Fergusons
með örlögin í eigin höndum því
þeir ná titlinum úr greipum Ars-
enal, takist þeim að vinna tvo
síðustu leiki sína, sem eru gegn
Charlton á heimavelli og Ever-
ton á útivelli. Arsenal, sem
gerði jafntefli við Bolton á laug-
ardaginn, 2:2, á hinsvegar þrjá
leiki eftir, gegn Leeds, South-
ampton og Sunderland, en er nú
fimm stigum á eftir og þarf að
treysta á að United misstígi sig.
Ferguson sló Jóhannes Karl