Morgunblaðið - 21.05.2003, Blaðsíða 3
MORGUNBLAÐIÐ MIÐVIKUDAGUR 21. MAÍ 2003 B 3
bílar
UNGUR maður, Björgvin Steinars-
son, hefur rekið eðalvagnaþjónustu
kennda við sig frá árinu 2000. „Það
er reytingur í þessu. Aðallega eru
það skólaböllin og á sumrin eru það
erlendu ferðamennirnir. Þetta er svo
þekkt erlendis. Þar nota efnaðir
menn eðalvagnaþjónustu eins og
leigubíla og svo þegar þeir koma
hingað vilja þeir sömu þjónustu. Oft-
ast er það þessi sami hringur sem
menn vilja fara, þ.e.a.s. Gullfoss og
Geysir og síðan rúntur um borgina,“
segir Björgvin.
Með Björgvini í rekstri fyrirtæk-
isins er fjölskylda hans. Þau eiga
einn eðalvagn en samtals eru tveir
langir bílar í rekstri og einn Merced-
es-Benz E og til stendur að bæta við
einum hópferðabíl í flotann.
„Á hvern bíl fyrir sig þarf svokall-
að eðalvagnaleyfi og hver og einn bíl-
stjóri verður að hafa leigubílapróf
sem er innifalið í meiraprófinu.“
Björgvin segir að samkeppnin sé
alltaf að aukast í þessari þjónustu og
nú séu rekin samtals fimm fyrirtæki
á þessu sviði.
„Það eru til mjög margar límúsín-
ur hér á Íslandi, en margar þeirra
standa óhreyfðar inni í bílskúrum.
Ég veit að það er til ein límúsína á
Flatey í Breiðafirði. Sá er með Lin-
coln sem var lengdur hérna upp úr
1980,“ segir Björgvin.
Sjálfur er hann á Cadillac DeVille
árgerð 1983. Hann var fluttur inn til
landsins 1990 og hafði verið í eigu
einkaaðila. „Við erum að vinna í því
að taka hann í gegn og betrumbæta
hann á allan hátt. Hann tekur fimm
manns aftur í og síðan megum við
taka einn í framsæti. Bíllinn er með
öllum þægindum eins og sjónvarpi
og myndbandstæki, hljómflutnings-
tækjum, bar, kæli og kampavíns-
stand,“ segir Björgvin.
Og hvað kostar svo þjónustan ef
menn vilja gera vel við sig í sam-
göngum? Akstur í eina klukkustund
kostar 6.500 krónur. Akstur út á
Keflavíkurflugvöll kostar 8.000
krónur.
Rekur eð-
alvagna-
þjónustu
Morgunblaðið/Arnaldur
Björgvin Steinarsson við Cadillac-eðalvagninn.
HÆSTIRÉTTUR hefur kveðið
upp þann dóm að Landssamband
íslenskra akstursíþróttafélaga,
LÍA, hafi verið óheimilt að banna
Gunnari Egilssyni keppni í tor-
færukeppnum á vegum sambands-
ins með yfirlýsingu 7. júlí 2000.
Hæstiréttur sýknaði LÍA af fjár-
kröfum Gunnars vegna tjóns sem
hann taldi sig hafa orðið vegna
keppnisbannsins. Í héraðsdómi
hafði LÍA verið dæmt til að greiða
Gunnari 950.000 kr. LÍA er hins
vegar dæmt til að greiða máls-
kostnað bæði fyrir héraðsdómi og
Hæstarétti, samtals 600.000 kr.
Gunnar, sem er eigandi sérsmíð-
aðrar torfærubifreiðar, stefndi
LÍA vegna keppnisbanns sem sam-
bandið setti hann í eftir að hann
hafði tekið þátt í torfærukeppni
sem var skipulögð af Torfærusam-
bandi Íslands. Torfærusambandið
er aðili að LÍA en síðarnefnda sam-
bandið taldi að keppnishald Tor-
færusambandsins væri ólögleg
samkvæmt reglum LÍA og alþjóða-
sambandsins FIA, sem sambandið
starfar eftir. Á þetta féllst Hæsti-
réttur ekki. Fram kemur í dómn-
um að einkaréttur LÍA á keppn-
ishaldi féll niður með reglugerð
sem var gefin út árið 2000, áður en
umrædd keppni á vegum Torfæru-
sambandsins fór fram.
LÍA óheimilt
að setja
Gunnar í
keppnisbann
KT Tölvur - Neðstutröð 8 - Kópavogi
S. 554 2187 - www.bilasport.com - kt@kt.is
Icon-TV - Margverðlaunuð
hljómtæki og skjáir frá USA
DVD spilari. Spilar DVD,
CD, CDR, MP3, VCD og SVCD
Fjarstýring fylgir.
Mjög nettur.
7“ rafdrifinn skjár.
Þráðlaus sendir. Spilar bæði NTSC og PAL.
Inniljós innbyggð í skjáfestingu.
Fjarstýring og þráðlaus heyrnartól fylgja.
Verð 35.699
Verð 89.900