Morgunblaðið - 06.06.2003, Blaðsíða 8

AUÐLESIÐ EFNI
8 FÖSTUDAGUR 6. JÚNÍ 2003 MORGUNBLAÐIÐ
ÖLLUM starfsmönnum
Jökuls ehf. á Raufarhöfn var
sagt upp störfum fyrir viku.
Samtals eru þetta 50
manns, en ráða á aftur 20
manns í störf hjá fyrirtækinu.
Ástæðan fyrir
uppsögnunum er sú að
endur-skipuleggja á
starfsemina. Fyrirtækið
hefur verið rekið með halla
að undanförnu. Framvegis
verður megin-áhersla lögð á
að framleiða létt-saltaðar
þorsk-afurðir.
Íbúar á Raufarhöfn sem
Morgunblaðið ræddi við í
vikunni voru margir mjög
svartsýnir á ástandið. Töldu
sumir jafnvel að byggðin
myndi leggjast af. Pálína
Auðbjörg Valsdóttir,
formaður Verkalýðs-félags
Raufarhafnar, sagði að
fólks-fækkun á Raufarhöfn
væri komin „niður að
sársauka-mörkum“.
Skipaður hefur verið
starfs-hópur til að fjalla um
atvinnu-vandann á
Raufarhöfn. Þá hafa fulltrúar
Byggða-stofnunar m.a. gert
sér ferð og skoðað
aðstæður á Raufarhöfn.
Valgerður Sverrisdóttir,
ráðherra byggða-mála og
þingmaður í
Norðaustur-kjördæmi, segir
að engin einföld lausn sé til
á þeim atvinnu-vandamálum
sem blasi við íbúum
Raufarhafnar. Sveitarstjóri
Raufarhafnar hefur sagt að
varanlegur kvóti sé
hugsanlega það eina sem
geti bjargað byggðarlaginu
en einnig hefur komið fram
að kvóti Raufarhafnar-báta
er að miklu leyti leigður
annað.
Uppsagnir á Raufarhöfn
Starfshópur skipaður til
að fjalla um vandann
Morgunblaðið/Skapti Hallgrímsson
Raufarhöfn hefur verið í fréttum undanfarið vegna erfiðs atvinnu-ástands.
LEIÐTOGAR
Palestínu-manna og Ísraela
hétu á miðvikudag að vinna
að friði í Mið-Austurlöndum.
Þetta sögðu þeir Ariel
Sharon, forsætis-ráðherra
Ísraels, og Mahmun Abbas,
forsætis-ráðherra
Palestínu-manna, eftir að
hafa rætt við George Bush
Bandaríkja-forseta.
Fundurinn fór fram í
Jórdaníu sem liggur að
Ísrael og Palestínu.
Bush forseti sagðist vera
bjartsýnn. Hann vonaðist til
þess að Ísraelar og
Palestínu-menn gætu samið
um frið. Semja þyrfti um að
Palestínu-menn fengju að
stofna eigið ríki. Ísraelar
yrðu að hætta að taka land
af Palestínu-mönnum. En
Palestínu-menn þyrftu að
hætta árásum á Ísraela.
Margir Ísraelar sögðust
mjög óánægðir með loforð
Sharons. Hópar
Palestínu-manna sem ráðist
hafa á Ísraela sögðu þá að
árásum yrði ekki hætt.
Vonir hafa engu að síður
vaknað um að takast muni
að koma á friði. En Ísraelar
og Palestínu-menn hafa
lengi barist um land í
Mið-Austurlöndum og hefur
fjöldi fólks týnt lífi.
Vonir vakna um frið
Reuters
George W. Bush Bandaríkja-forseti, fyrir miðju, ásamt Ariel
Sharon, forsætis-ráðherra Ísraels, til hægri, og Mahmoud
Abbas, forsætis-ráðherra Palestínu.
AMELIA Vega frá
Dóminíska lýðveldinu er
ungfrú alheimur árið 2003.
Keppnin fór fram í Panama í
vikunni. Vega er 18 ára og
var ánægð með sigurinn.
Hún hefur stundað
söngnám og hefur áhuga á
að gefa út geisladisk.Ungfrú
Serbía og Svartfjalla-land,
Sanja Papic, og ungfrú
Japan, Miyako Miyazaki,
komust einnig í úrslit.
Fulltrúar frá 71 landi tóku
þátt í keppninni, sem fram
fór í nýrri ráðstefnu-miðstöð
í Amador, fyrrum
bandarískri herstöð
Kyrrahafs-megin við
Panamaskurðinn.
Enginn keppandi var á
staðnum fyrir Íslands hönd
því Manuela Ósk
Harðardóttir veiktist og gat
ekki tekið þátt í keppninni.
Hún hneig niður á sviðinu
skömmu eftir að for-keppnin
hófst og lá á sjúkrahúsi í
þrjá daga. Þetta voru
vonbrigði fyrir Manuelu. Hún
hafði búið sig lengi undir
keppnina og verið í Panama
við æfingar í tvær vikur.
Reuters
Hin dóminíska Amelia Vega,
nýkrýnd ungfrú alheimur árið
2003.
Ungfrú al-
heimur valin
ÍSLENSKIR sundmenn hafa
verið sigursælir á
Smáþjóða-leikum
Evrópu-ríkja, sem nú standa
yfir á Möltu.
Yngsta sund-konan sem
hefur tryggt sér gull-pening er
Erla Haraldsdóttir, 15 ára,
grunnskóla-stúlka úr
Njarðvík. Erla æfir sund og
stundar lyftingar að meðaltali
þrettán sinnum í viku.
Grunnskóla-nám, tíu æfingar
í sundlauginni og þrjár
lyftinga-æfingar að auki á
viku. Allar þessar æfingar
hafa skilað sínu því Erla vann
til gull-verðlauna í 200 m
fjórsundi. En hún hefur aldrei
tekið þátt í Smáþjóðaleikum
áður.
„Þetta var alveg frábært,“
sagði Erla um árangur sinn.
„Ég fer á Evrópu-meistaramót
unglinga seinna í sumar og
hef lagt áherslu á að ná
toppnum á því móti þannig
að þessi árangur kom mér
verulega á óvart.“
Erla bætti tímann sinn í
greininni um tæpar þrjár
sekúndur frá því í janúar á
þessu ári en hún tekur þátt í
fjórum greinum að þessu
sinni.
Það vekur athygli að Erla
hefur aðeins æft sund undir
stjórn landsliðs-þjálfarans
Steindórs Gunnarssonar frá
því að hún var ellefu ára
gömul, eða í rúm fjögur ár.
Áður stundaði hún fimleika í
heimabæ sínum.
Erla fékk ekki aðeins fyrstu
gull-verðlaun sín á
Smáþjóða-leikunum í gær,
heldur fékk hún einnig að vita
að meðal-einkunn hennar á
vorprófunum í skólanum
hefði skilað henni 9,1 í
meðal-einkunn. „Ég hef yfir
engu að kvarta, hér er gaman
að vera, sundlaugin hentar
mér vel og ég hlakka mikið til
næstu daga,“ sagði Erla.
Morgunblaðið/Brynjar Gauti
Erla Haraldsdóttir á verðlauna-pallinum.
15 ára Njarðvíkurmær
með gull á Möltu
Netfang: auefni@mbl.is