Morgunblaðið - 19.06.2003, Blaðsíða 2

2 B FIMMTUDAGUR 19. JÚNÍ 2003 MORGUNBLAÐIÐ














































































































NFRÉTTIR  
 

<% ;9 <% ;9
8>
8>
8>=
7><
 


  

 
%8:
 ?

 

<% :9 <% :9
%=
%=
8=
7=
=
=
  !

 

 


 
:>9
.
 ?

 
?
8

=
;
9
8
;% ;9
 

" BAUGUR seldi í síðustu viku af
hlut sínum í bresku barnafata-
verslanakeðjunni Mothercare
en Baugur átti sem kunnugt er
3,5% hlut í keðjunni sem félagið
keypti á síðasta ári.
Baugur á nú ekki lengur til-
kynningaskyldan hlut í fyrir-
tækinu, þ.e. minna en 3%, að
því er Baugur staðfesti í sam-
tali við Morgunblaðið. Baugur
segir að fjárfestingin í Moth-
ercare hafi komið ágætlega út
og félagið sé að hugsa um aðra
hluti þessa stundina.
Mothercare rekur verslanir
með barnaföt og fatnað fyrir
barnshafandi konur. Félagið
tapaði nær 25 milljónum punda
á sl. rekstrarári sem lauk 29.
mars sl. en ástæða taprekstrar
er meðal annars aukinn dreif-
ingarkostnaður.
Félagið rekur hátt í 250
verslanir á Bretlandseyjum
auk 166 sérleyfisverslana utan
Bretlands. Velta keðjunnar
nam rúmum 53 milljörðum
króna í fyrra og hjá félaginu
starfa liðlega þrjú þúsund
manns.
Baugur
selur í
Mothercare
HAMLEYS var upphaflega
stofnað árið 1760 af William Haml-
ey og hét fyrst Noah’s Ark, eða
Örkin hans Nóa. Verslunin flutti á
hina frægu verslunargötu Regent
Street í London árið 1906. Í þeirri
búð, sem er flaggskip fyrirtæk-
isins, er eitt mesta úrval leikfanga
á einum stað sem þekkist í heim-
inum, eða um 40.000 vörutegundir
á fimm hæðum. Slagorð verslunar-
innar er: „Besta leikfangabúð í
heimi“.
Hamleys rekur fimm verslanir
undir Hamleys-vörumerkinu, 31
verslun undir vörumerkinu Bear
Factory auk fjögurra annarra
verslana. Hamleys rekur jafnframt
verslanir á flugvöllum í London,
Amsterdam og Singapúr auk þess
að selja eigin leikföng til verslana
víða um heim.
Stofnað 1760
sem Örkin
hans Nóa
JOHN Watkinson, framkvæmda-
stjóri Hamleys, segir Baugsmenn
vera slynga fjárfesta. Hann segir í
samtali við Morgunblaðið að verðið
sem hann, Baugur og þrír aðrir
stjórnendur hjá Hamleys bjóði fyr-
ir félagið sé mjög sanngjarnt, en
kaupin muni með tímanum reynast
mjög góð fjárfesting, enda sé um
langtímafjárfestingu hjá tilboðs-
gjöfum að ræða.
Hann segir að tilboðið sé gott og
besta leiðin til að átta sig á gæðum
þess sé að bera það saman við verð-
ið á bréfum félagsins daginn áður
en tilkynnt var um að stjórn félags-
ins hefði gefið honum og öðrum
stjórnendum leyfi til að kanna
möguleg uppkaup félagsins, en þá
var verðið 62% lægra en það er í
dag, eða 126,5 pens á hlut.
Watkinson segir að upphaf alls
þessa hafi verið í janúar sl. þegar
stjórnin veitti stjórnendunum leyfi
til að kanna möguleg uppkaup á fé-
laginu og leitað hafi verið til nokk-
urra fjárfesta í kjölfarið. Hann
sagði að ráðvendni og styrkur
Baugs auk viðhorfs félagsins til
Hamleys og áhuga hafi ráðið úrslit-
um í því að ákveðið var að ganga til
samstarfs við þá. „Skilningur
þeirra á smásölu almennt og skiln-
ingur þeirra á möguleikum sem fel-
ast í vörumerkjum Hamleys áttu
stóran þátt í að við ákváðum að
vinna saman, en þess má líka geta
að við erum þegar að vinna saman í
Svíþjóð þar sem Baugur hefur opn-
að Bear Factory-búð með „franch-
ise“-fyrirkomulagi, eina sex slíkra
utan Bretlands,“ sagði Watkinson.
Watkinson segir jafnframt að
stjórnendur Baugs hafi sýnt mikla
trú á stjórnendateymi Hamleys
sem stendur að tilboðinu. Watk-
inson sagði að sér hugnuðust vel
vinnuaðferðir bæði Jóns Ásgeirs og
Jóns Schevings og þær hentuðu
stjórnendum Hamleys vel. „Þeir
eru afdráttarlausir í viðskiptum,
heiðarlegir og opnir og ég er mjög
sáttur við öll okkar samskipti.“
Um möguleg kaup annarra en
Baugs á félaginu segir Watkinson
að slíkt sé vissulega enn mögulegt,
en aðrir tilboðsgjafar hafi nokkuð
á brattann að sækja. Komið sé fram
gott tilboð eftir ítarlega áreið-
anleikakönnun, tilboðið sé stutt af
stjórninni og leitt af núverandi
stjórnendum. Vinnan við tilboðs-
gerðina hafi gengið mjög vel og
staðið hafi verið við öll tímamörk.
„Ef ég væri í stöðu annarra tilboðs-
gjafa myndi ég velta stöðunni vel
fyrir mér. Baugur er líka mjög
sannfærandi bakhjarl sem þekkir
breska markaðinn mjög vel.“
Spurður að því hvort að hann
hefði einhverjar áhyggjur af því
sem nokkuð hefur verið talað um í
bresku pressunni, að Baugur hafi
lent í lögreglurannsókn í fyrra og
hafi legið undir ámæli stjórnvalda
um að misnota markaðsráðandi
stöðu, sagði Watkinson það ekki
skipta hann máli. „Ég hef hitt og
talað við þá báða, Jón Ásgeir Jó-
hannesson og Jón Scheving Thor-
steinsson, og ég er fullviss um að
þeir eru heiðarlegir í alla staði.
Þeir eru góðir kaupmenn, með
þekkingu á markaðnum og er um-
hugað um starfsemi Hamleys.“
Um vaxtarmöguleika félagsins í
framtíðinni sagði Watkinson að
ásamt því að auka eigi enn veg og
vanda verslunarinnar á Regent
street, „bestu leikfangaverslun í
heimi“, sem sé Hamleys-vörumerk-
inu afar mikilvæg, verði vöxtur á
oddinum. „Við höfum sett á mark-
að leikföng með Hamleys-
vörumerkinu og seljum þau í öðr-
um verslunum en okkar. Það er
góð aðferð við að koma hágæða-
ímynd Hamleys til sem flestra.“
Watkinson segir að enn séu
möguleikar á að opna nokkrar
fleiri Bear Factory-verslanir í
Bretlandi, en mikil tækifæri séu í
opnun slíkra verslana erlendis,
enda séu sex slíkar nú þegar til
staðar og nokkrar til viðbótar í píp-
unum.
Mun reynast góð fjárfesting
Ljósmynd/Robin Mayes
John Watkinson, forstjóraefni tilboðs-
gjafa í Hamleys-leikfangafyrirtækið.
tilkynningu frá Baugi. Til gamans má
geta þess að meðalaldur stjórnend-
anna fjögurra er 42 ár og samanlögð
reynsla þeirra í smásölu er tæp 100
ár.
Í tilkynningunni kemur einnig
fram að svo gæti farið að stjórnend-
urnir fjórir geti eignast 15% til við-
bótar náist ákveðin markmið í rekstri
keðjunnar og verði því sameiginlega
eigendur að 25% hlut á móti 75% hlut
Baugs.
Stjórnendur styðja tilboðið
Í tilkynningunni kemur fram að til-
boðið er stutt af stjórn félagsins sem
hvetur hluthafa til að taka tilboðinu.
„Við erum afar ánægð með að stjórn
Hamleys skuli mæla með tilboði okk-
ar við hluthafa. Kaup á Hamleys, ef af
þeim verður, eru mikilvægt skref í
vexti Baugs á erlendri grund og við
hlökkum til að vinna með stjórnend-
um að uppbyggingu félagsins. Ham-
leys er einstakt félag sem ræður yfir
mjög sterku vörumerki og þetta er
mjög gott tækifæri til að styrkja
starfsemi okkar í Bretlandi,“ segir
Jón Ásgeir Jóhannesson, forstjóri
Baugs Group hf., í tilkynningunni.
Baugur hefur nú þegar skrifað
undir viljayfirlýsingu um kaup á
40,9% hlutabréfa Hamleys en þarf að
tryggja sér 90% til að klára kaupin.
Eftir að því er náð gerir félagið eft-
irstandandi hluthöfum tilboð sem þeir
geta ekki hafnað, eins og tíðkast al-
mennt í slíkum viðskiptum, enda
verða hluthafar í slíkum minnnihluta
áhrifalausir og munu þar að auki eiga
erfitt með að koma hlutum sínum í
verð, þar sem félagið verður tekið af
markaði í kjölfar yfirtökunnar.
Að sögn Jóns Schevings Thor-
steinssonar, framkvæmdastjóra
Baugs ID, fjárfestingararms Baugs
Group hf., eiga sex stærstu hluthaf-
BAUGUR Group hefur gert yfirtöku-
tilboð að upphæð 205 pens fyrir hvern
hinna 439.741 útistandandi hluta í
bresku leikfangakeðjunni Hamleys
plc í gegnum nýstofnað félag sitt
Soldier Limited, en það var stofnað
sérstaklega utan um þessi viðskipti.
Þetta er í annað skiptið sem Baug-
ur reynir að taka breskt verslunarfyr-
irtæki yfir, en eins og kunnugt er var
Baugur þátttakandi í upphaflegu til-
boði kaupsýslumannsins Philips
Greens í Arcadia í fyrra, en af þeim
kaupum varð ekki. Green keypti 20%
hlut Baugs í félaginu, ásamt öðrum
hlutum.
Alls er tilboð Baugs í Hamleys að
upphæð 5,8 milljarðar króna, eða 47,4
milljónir sterlingspunda. Það er um
5,7% hærra en lokaverð á bréfum
Hamleys daginn áður en tilboðið var
gert, þegar það var 194 pens á hlut, og
62,1% hærra en lokagengi bréfa fé-
lagsins 14. mars sl., daginn áður en
tilkynning um mögulega yfirtöku
stjórnenda félagsins var gefin út.
Verðið á félaginu hefur ekki verið
neitt í líkingu við tilboðsverðið síðan í
júlí árið 1998, en viðskipti með bréf fé-
lagsins hafa verið stopul síðustu miss-
eri og verðmyndun ekki nægilega
virk. Lokagengi bréfanna í Kauphöll-
inni í London í gær var 201,5 pens.
Hlutabréf Hamleys voru upphaf-
lega skráð í Kauphöllinni í London ár-
ið 1994.
Ef yfirtökutilboðið nær fram að
ganga mun Baugur Group eiga ráð-
andi hlut félaginu, eða 90%, en stjórn-
endur Hamleys, þau Ian Parker, fjár-
málastjóri, John Watkinsson,
framkvæmdastjóri, sem jafnframt
mun verða forstjóri félagins verði yf-
irtakan að veruleika, Adrian Wool-
ford, markaðsstjóri, og Kathy Os-
bourne, starfsmannastjóri, minni-
hluta eða 10%, að því er fram kemur í
arnir í Hamleys um 50% hlut sam-
anlagt en þeir hafa flestir gefið út
viljayfirlýsingu fyrir sölu sinna hluta.
Hinir hluthafarnir eru ýmsir sjóðir og
smærri hluthafar, t.d. gamlir stjórn-
armenn í félaginu, að sögn Jóns.
Tilboð Baugs til hluthafa stendur í
þrjár vikur frá útgáfu en eftir það get-
ur tilboðsgjafi framlengt tilboðið um
tvær vikur nokkrum sinnum ef þörf
er á.
Verðið sem boðið er í félagið, 205
pens á hlut, er ákveðið eftir ítarlega
kostgæfnisathugun að sögn Jóns
Schevings, en hún var framkvæmd af
KPMG Transactional Services í
Birmingham.
Um lánahlið tilboðsins sjá Íslands-
banki og Royal Bank of Scotland,
RBS, en fjármögnun tilboðsins hljóð-
ar upp á 26 milljóna punda langtíma-
lán frá RBS, 10 milljóna punda
skammtímalán frá sama banka, milli-
lagslán frá Íslandsbanka upp á 10
milljónir punda og eiginfjárframlag
frá Baugi upp á 25 milljónir punda. Að
lokum kemur til 97 þúsund punda eig-
infjárframlag frá stjórnendum félags-
ins.
Spurður af hverju Baugur hafi
áhuga á að kaupa breska leikfanga-
keðju segir Jón að Hamleys passi vel
inn í þá stefnu sem Baugur hefur ver-
ið að vinna eftir. Baugur sé annars
vegar í svokölluðum sjóðsfjárfesting-
um og hins vegar stefnumótandi fjár-
festingum, þar sem reynt er að hafa
áhrif á rekstur og stefnu félags. Þessi
fjárfesting er þeirrar gerðar, að sögn
Jóns.
Í breskum fjölmiðlum hefur verið
látið að því liggja að þetta sé, ef af
verður, aðeins fyrsta skrefið í röð
uppkaupa sem Baugur ætlar sér að
gera með sama hætti í Bretlandi, þ.e.
að kaupa félög í samstarfi við stjórn-
endur þeirra.
Jón Scheving gefur ekkert út á það
en segir að kaupmennska byggist að
langmestu leyti á fólkinu sem er við
stjórn og hjá Hamleys sé við að eiga
mjög færa og góða aðila.
„John Watkinsson er um fertugt,
tveggja barna faðir og frábær kaup-
maður,“ segir Jón.
Enginn arður til hluthafa
Á meðal annarra atriða sem sagt er
frá í tilboðinu er að verði yfirtakan
samþykkt skilyrðislaust verði enginn
arður fyrir 52 vikna tímabilið sem
lauk 29. mars sl. greiddur út til hlut-
hafa í Hamleys.
Þar kemur einnig fram að Simon
Burke, fráfarandi forstjóri, sem ekki
mun taka þátt í yfirtökunni, muni fá
rúmlega 1,2 milljónir punda í starfs-
lokagreiðslu, eða um 150 milljónir
króna, verði af yfirtökunni.
Baugur reynir yfir-
töku öðru sinni
Hamleys við Regent Street. „Besta dótabúð í heimi.“
Í Bear Factory-verslununum er hægt að
fylgjast með því hvernig leikfangabirnir
eru búnir til.