Morgunblaðið - 14.07.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 14. JÚLÍ 2003 B 3
KR-INGAR hefja þátttöku í undan-
keppni Meistaradeildar Evrópu í
knattspyrnu á miðvikudag er liðið
mætir Mka Pyunik frá Armeníu á
útivelli í 1. umferð forkeppni Meist-
aradeildar Evrópu. Vesturbæing-
arnir héldu út í morgun án margra
lykilmanna. Tvíburarnir, Arnar og
Bjarki Gunnlaugssynir fóru ekki,
þeir eru meiddir, og sömu sögu er
að segja um Sigþór Júlíusson, Sig-
urvin Ólafsson, Kjartan Finn-
bogason og Davíð Inga Daníelsson.
Þá er Þórhallur Hinriksson veikur.
Áætlað er að KR-ingar verði á 19
klukkutíma ferðalagi í dag. Fyrst
fljúga þeir frá Keflavík til Parísar
og þaðan til Jerevan, höfuðborgar
Armeníu. Willum Þór Þórsson,
þjálfari KR, var brattur í samtali
við Morgunblaðið í gær og sagði að
sitt lið ætlaði sér sigur úr viður-
eignum sínum við Mka Pyunik og
að tryggja sér farseðilinn í aðra
umferð undankeppninnar.
KR-ingar héldu til
Jerevan í morgun
Willum Þór Þórsson,
þjálfari KR.
ÞAÐ er ekki á hverjum degi sem ís-
lenskir kylfingar leika á mörgum
höggum undir pari á íslenskum golf-
völlum en á Akranesi á laugardag á
sumarmóti Bylgjunnar léku margir af
bestu kylfingum landsins ótrúlegt
golf. Leikið var með „texas-
scramble“-fyrirkomulagi þar sem
tveir leika saman í liði og geta valið
„betri“ boltann eftir hvert högg og
leika síðan báðir á ný frá þeim stað.
Slíkt fyrirkomulag gefur kylfingum
að taka mikla áhættu í leik sínum og á
Garðavelli léku þeir Birgir Leifur
Hafþórsson og Willy Blumestein sam-
an í liði og léku þeir á 62 höggum eða
10 undir pari vallar. Þeir félagar
fengu 9 fugla (-1), einn örn (-2) og einn
skolla (+1) og sjö pör.
Í öðru sæti urðu þeir Heiðar Davíð
Bragason og Ingi Rúnar Gíslason á
níu höggum undir pari, 63 höggum og
í þriðja sæti á 64 höggum voru þeir
Stefán Orri Ólafsson og Hróðmar
Halldórsson.
Birgir Leifur og Willy léku
sér að Garðavelli
Birgir Leifur Hafþórsson
ÞRÍR nýir leikmenn hafa
gengið til liðs við kvennalið
Víkings í handbolta. Natasa
Lovic frá Serbíu mun verja
mark Víkings í vetur. Hún er
reyndur markvörður og er
fyrrum markmaður í landsliði
Júgóslavíu. Natasa lék með
Víkingi hluta úr tímabilinu
2001–2002.
Auk hennar hafa þær Katr-
ín Tómasdóttir og Guðrún
Þóra Hálfdánardóttir skipt yf-
ir í Víking úr Fram. Katrín er
rétthent skytta en Guðrún
Þóra er örvhentur hornamað-
ur.
Lovic kemur í stað Helgu
Torfadóttur sem leikur með
danska liðinu Tvis/Holstebro
á næsta vetri.
Liðstyrkur
til Víkinga
SKÓRINN sem sir Alex Ferguson,
knattspyrnustjóri Manchester Unit-
ed, sparkaði í og hafnaði í andliti
David Beckhams var í eigu Ola
Gunnars Solskjær. Solskjær sagði
frá þessu í knattspyrnuskóla sem
hann rekur í heimabæ sínum, Krist-
jánssundi í Noregi.
TIM Howard, markvörður New
York MetroStars gengur til liðs við
Englandsmeistara Manchester Unit-
ed í dag því um helgina fékk mark-
vörðurinn atvinnuleyfi á Bretlandi.
PETER Kenyon stjórnarformaður
Manchester United er staddur í Sev-
illa á Spáni og greina spænskir fjöl-
miðlar frá því í gær að þar sé hann í
þeim erindagjörðum að kaupa
spænska landsliðsmanninn Joaquin
sem leikur með Real Betis. Rætt er
um að United þurfi að greiða 12 millj-
ónir punda fyrir leikmanninn en þá
er einnig talað um að Úrugvæinn
Diego Forlan verði látinn fara til
Real Betis sem hluti af kaupverðinu.
PIERRE van Hooijdonk er geng-
inn til liðs við tyrkneska liðið Fenerb-
ahce. Leikmaðurinn gerði tveggja
ára samning við liðið. Van Hooijdonk
lék með Feyenoord í Hollandi síðust
tvær leiktíðir og gerði 52 mörk í 61
deildaleik.
PAUL Ince, leikmaður Wolves,
ætlar að snúa sér að þjálfun að lok-
inni næstu sparktíð. „Ég hef leikið
undir stjórn sir Alex Ferguson, Kev-
in Keegan, Glenn Hoddle og Roy
Hodgson og lært mikið af þeim. Ég
tel mig hafa mikið fram að færa í
þjálfun.“
LIVERPOOL mun ekki kaupa
fleiri leikmenn í sumar. Gerard
Houllier, knattspyrnustjóri liðsins,
greindi frá þessu á vefsíðu félagsins á
laugardag. Í sumar hefur liði keypt
þá Harry Kewell, Steve Finnan,
Florent-Sinama Pongolle og Anth-
ony Le Tallec.
KNATTSPYRNUMAÐURINN
Ahmed Mido Hossam eða Mido frá
Egyptalandi hefur gengið til liðs við
Marseille í Frakklandi frá Ajax í
Hollandi. Mido var í láni frá Ajax síð-
ari hluta síðasta leiktímabils hjá
Celta Vigo.
CHELSEA er komið með enn einn
leikmanninn á óskalista sinn og nú er
það Argentínumaðurinn Juan Seb-
astian Veron sem Lundúnaliðið vill
fá í sínar raðir. Veron er á mála hjá
Manchester United og undanfarnar
vikur hafa komið fregnir um að fram-
tíð hans hjá meisturunum sé óljós.
Breska blaðið Observer greindi frá
því að í gær að United myndi selja
Veron til Chelsea fyrir 14 milljónir
punda um leið og samingurinn við
Ronaldinho yrði í höfn en United
keypti Veron á 7 milljónir punda frá
Lazio fyrir tveimur árum.
FÓLK
Jón keppti á þessu sama móti ífyrra og varð þriðji með 8.390
stig sem var besti árangur hans í
þraut í fjögur ár en
Íslandsmet hans í
greininni er 8.573
stig sem hann setti
árið 1998.
Jón Arnar stóð lengi vel í Sebrle
en varð að gefa eftir í lokin enda
Jón þá orðinn slappur vegna flens-
unnar. Sebrle sigraði örugglega,
hlaut eins og áður segir 8.606 stig
en heimsmet hans í greininni er
9.026 stig. Aðeins sex tugþrautar-
menn náðu að ljúka keppni en fimm
heltust úr lestinni og fyrir mótið
varð Tékkinn Tomás Dvorák að
draga sig út úr mótinu vegna kvefs
og hálsbólgu.
Drulluslappur og kraftlaus
„Það var hálf ömurlegt að þurfa
að keppa við þessar aðstæður enda
var var ég drulluslappur alla
helgina og kraftlaus. Ég var með
hita og höfuðverk og eins og gefur
að skilja var árangurinn eftir því.
Ég var nánast hálfur maður en það
jákvæðasta við þetta allt saman var
að ég náði að ljúka keppni. Ég var
orðinn mjög slæptur undir lok
þrautarinnar og eins og sést á tím-
anum í 1.500 metrunum þá var
þetta hálfgerð ganga hjá mér. Mig
var farið að sundla en ég var stað-
ráðinn í að ljúka hlaupinu,“ sagði
Jón Arnar við Morgunblaðið í gær-
kvöldi.
Þrátt fyrir slappleika Jóns þá var
hann nálægt sínum besta árangri í
þremur greinum. Hann stökk
2,03metra í hástökki en á best 2,07
m, stökk 4,90 m í stangarstökki en á
best 5,20 m og kastaði spjótinu
62,51 metra en besti árangur hans í
greininni er 64,20 metrar.
„Fyrri dagurinn var þokkalegur
hjá mér og þrátt fyrir heilsuleysið
voru sumar greinar sem voru allt í
lagi hjá mér. Spjótkastið er síga inn
aftur og hástökkið og stangarstökk-
ið gekk þokkalega fyrir sig. Mér
hefur tekist að ná betri tökum
tæknilega í stangarstökkinu og það
munaði ekki miklu að ég færi vel yf-
ir 5 metrana,“ sagði Jón Arnar.
Árangurs Jóns Arnars í ein-
stökum greinum varð þessi:
100 metra hlaup – 10,93 sek.
langstökk – 7,45 m
kúluvarp – 15,24 m
hástökk – 2,03 m
400 m hlaup – 49,27
110 m grindahlaup – 14,64 sek.
kringlukast – 42,56 m
stangarstökk – 4,90 m
spjótkast – 62,51 m
1.500 m hlaup – 5.15,47 mín.
Jón Arnar segir að nú taki við
stífar og strangar æfingar fyrir
heimsmeistaramótið sem fram fer í
París í næsta mánuði en þar verður
Jón á meðal keppenda.
Áður en að heimsmeistaramótinu
kemur keppir Jón tvisvar sinnum
hér heima með félögum sínum í
Breiðabliki, á Meistaramóti Íslands
og í Bikarkeppni Frjálsíþróttasam-
bandsins. Jón reiknar ekki með að
keppa aftur í tugþraut fyrr en á
heimsmeistaramótinu. Síðasta þraut
sumarsins verður síðan í Talence í
Frakklandi í lok september.
Flensan
gerði
Jóni
grikk
Morgunblaðið/Ásdís
Flensa setti strik í reikning Jóns Arnars Magnússonar tug-
þrautarmanns á móti í Þýskalandi um helgina. Meðal annars
var hann hálfan annan metra frá sínu besta í kúluvarpi.
JÓN Arnar Magnússon varð annar á tugþrautarmótinu sem lauk í
Ratingen í Þýskalandi í gær. Jón Arnar hlaut samtals 8.023 stig,
sem er talsvert frá hans besta, enda setti flensa, sem hann nældi
sér í fyrir mótið, strik í reikninginn og hafði mikil áhrif á frammi-
stöðu hans. Tékkneski heimsmethafinn Roman Sebrle sigraði á
mótinu en hann fékk 8.606 stig og Þjóðverjinn Seabastian Knabe
varð þriðji með 7.600 stig.
Guðmundur
Hilmarsson
skrifar
Jón Arnar annar á tugþrautarmótinu í Ratingen í Þýskalandi í gær og í fyrradag