Morgunblaðið - 30.07.2003, Blaðsíða 4
4 B MIÐVIKUDAGUR 30. JÚLÍ 2003 MORGUNBLAÐIÐ
bílar
KÓRESKI bílaframleiðandinn Hy-
undai kynnti á dögunum nýja út-
gáfu af Hyundai Elantra og er það
fjórða kynslóð þessa bíls í milli-
stærð. Bílablaðamenn frá nokkrum
löndum í Evrópu reyndu gripinn á
margs konar vegum í Ungverja-
landi og er hægt að gera sér
þokkalega góða hugmynd um eig-
inleika bílsins eftir aksturinn. Sé
það dregið saman er óhætt að
segja að Elantra er mjúkur bíll og
hljóðlátur, með snaggaralegri og
þokkalega öflugri tveggja lítra vél.
Það fer ágætlega um ökumann
undir stýri sem og farþega hvort
sem er í fram- eða aftursætum.
Elantra með nýju sniði er sæmi-
lega frísklegur í útliti. Þar hafa þó
engar byltingar átt sér stað, miklu
fremur er endurnýjunin núna eins
konar rökrétt framhald af fyrri
kynslóðum. Tóku forráðamenn
þannig til orða við kynninguna að
þeir sem þekktu Hyundai fyrir
sæju strax svipinn, nýja gerðin
kæmi ekki það mikið á óvart. Einn-
ig var nefnt á kynningarfundi að
Hyundai ætlaði sér mikið með
þessa nýju gerð, sækja nýja kaup-
endur og stækka hóp þeirra sem
líta á Hyundai sem valkost við bíla-
kaup.
Fyrsti Elantra bíllinn rann af
færibandi Hyundai í Ulsan í syðsta
hluta Suður-Kóreu haustið 1990. Í
mars 1995 og aftur í apríl árið 2000
var bíllinn tekinn í nokkra endur-
nýjun. Elantra er mest selda Hy-
undai gerðin utan heimalandsins
og hafa þrjár milljónir bíla verið
smíðaðar frá upphafi. Af þeim hafa
um 700 þúsund selst í Evrópu.
Mýkri útlínur
En aftur að útlitinu. Línurnar
hafa mýkst nokkuð og hefur náðst
að lækka vindstuðulinn nokkuð.
Framendinn, vatnskassahlífin,
luktir og stuðari eru verklegri að
sjá og gefa bílnum ákveðnari svip
en fyrri gerð. Séður á hlið sker
bíllinn sig ekki úr hópi margra
annarra bíla af svipaðri stærð og
að aftan er fátt sem kemur á óvart.
Innan stokks eru helstu breyt-
ingar í mælaborðinu, en sætin eru
einnig ný og ökumannssætið er bú-
ið nauðsynlegri hæðarstillingu sem
aldrei verður of oft minnt á að
verður að vera staðalbúnaður.
Ágætt pláss er bæði í fram- og aft-
ursætum og höfuðrými er líka
ágætt þrátt fyrir að bíllinn sem var
prófaður væri með sóllúgu. Oft
þrengja þær örlítið að en í þessu
tilviki ekki. Sóllúga verður hins
vegar væntanlega aukabúnaður í
bílunum sem koma á markað hér-
lendis. Ökumaður kann strax vel
við sig undir stýri. Mælar eru
skýrir og fyrirhafnarlaust er að ná
tökum á stjórntækjum.
Skemmtileg vinnsla
Trúlega er áhugaverðasta breyt-
ingin á Hyundai Elantra ný og
stærri vél. Hann er nú boðinn með
tveggja lítra og 143 hestafla vél
auk 1,6 lítra vélar sem er 104 hest-
öfl. Talsmenn umboðsins hér,
B&L, hyggjast leggja höfuð-
áherslu á bílinn með öflugri vélinni
og jafnvel bjóða hann eingöngu.
Með tveggja lítra vél er Elantra
skemmtilega snaggaralegur. Bæði
er viðbragðið viðunandi og vinnsl-
an er góð niður á lágan snúning ef
menn vilja temja sér vistakstur
eða sparakstur. Vélin er líka hljóð-
lát og þótt spanað sé á hraðbraut
(á að minnsta kosti 130 km há-
markshraða sem leyfður er í Ung-
verjalandi) finnst heldur ekki að
ráði fyrir hraða eða vindgnauði –
jafnvel þótt laumast sé yfir þau
hraðamörk. Uppgefinn hámarks-
hraði bílsins er 199 fyrir sjálfskipt-
an bíl og 208 km fyrir þann bein-
skipta.
Skiptingin er þægilega liðug og
stöngin fer lipurlega milli gíra og
allt er þetta fyrirhafnarlaust fyrir
ökumanninn. Hvernig ætti líka
annað að vera?
Góður aðbúnaður
Þá er fjöðrunin mjúk og þótt
ekki væri ekið alltof mikið á malar-
vegum fékkst ágæt mynd af fjöðr-
unareiginleikum á gömlum og
þreyttum malbiksvegum. Þeir voru
líka nógu krókóttir til að reyna að
bíllinn svínliggur og kemur öku-
manni á engan hátt á óvart í hegð-
un þótt nokkuð hranalega sé ekið.
Ítreka má að vel fer um farþega
í aftursæti þar sem nóg pláss er og
hægt að fá sér lúr á löngum leið-
um. Það gekk einnig þótt íslenskir
fulltrúar væru fluttir með hraði á
flugvöllinn við borgina til að ná í
vél áleiðis heim. Á þeirri leið voru
valdir krókóttari sveitavegir frem-
ur en umferðarmiklar hraðbrautir
og mátti vel festa blund í góðri
hvílu mjúkra sæta með hnakka-
púða.
Samkeppnisfær
Enn er verð á hinum nýja El-
antra óákveðið fyrir íslenskan
markað en vafalaust verður reynt
að miða það við helstu keppinauta.
Takist það verður Elantra þar með
sterka stöðu enda í heild vel
heppnaður bíll, byggður á tals-
verðri reynslu og með ýmsum um-
bótum. Og veðja ætti hiklaust á
þann með stærri vélinni.
Öflugur og mjúkur með nýju sniði
joto@mbl.is
Morgunblaðið/JT
Elantra verður í boði hérlendis öðru hvoru megin við næstu áramót.
Nokkuð góð tilfinning fékkst fyrir bílnum eftir nokkur hundruð km akstur.
Hyundai Elantra er laglegur bíll og
umhverfið í Ungverjalandi, þar sem
bíllinn var prófaður, var það líka.
Hyundai Elantra verður einnig boðinn í nokkrum nýjum litum.
Mælaborðið er smekklegt og hægt er að stilla sæti ökumanns á marga vegu.
REYNSLUAKSTUR
Hyundai Elantra
Jóhannes Tómasson
Vél: 1.975 rúmsenti-
metrar, fjórir strokkar.
Afl: 143 hestöfl við 6.000
snúninga á mínútu.
Tog: 186 Nm við 4.500
snúninga á mínútu.
Hámarkshraði:
208 km/klst.
Lengd: 4.525 mm.
Breidd: 1.725 mm.
Hæð: 1.425 mm.
Hjólhaf: 2.610 mm.
Þyngd: 1.278 kg.
Gírar: Fimm
gíra handskipting.
Hemlar: Diskar með hjálp-
arátaki, hemlalæsivörn.
Farangursrými: 367 lítrar.
Stærð bensíntanks:
55 lítrar.
Umboð: B&L.
Hyundai Elantra