Morgunblaðið - 30.07.2003, Blaðsíða 7

MORGUNBLAÐIÐ MIÐVIKUDAGUR 30. JÚLÍ 2003 B 7
bílar
Á HLAÐINU hjá Sverri Ólafssyni,
myndlistar- og bílaáhugamanni, við
Esjuberg á Kjalarnesi stendur mik-
ilúðlegur trukkur sem fátt virðist
geta stöðvað. Þarna er um að ræða
Mercedes-Benz Unimog U1300L
Turbo, sem upphaflega var sér-
smíðaður fyrir París/Dakar akst-
urskeppnina, en Sverrir festi kaup á
bílnum þegar áhöfnin hætti við
þátttöku í keppninni vegna mikils
kostnaðar. Árgerð bílsins er 1980
en hann lítur nánast út eins og nýr
eftir að hafa verið gerður upp fyrir
keppnina. Sverrir segist hafa átt
fjölda Unimog-bíla en þetta sé topp-
urinn af þeim öllum.
„Ég hef alltaf átt skemmtilega
fólksbíla en fór fljótlega út í þessa
trukka og er búinn að eiga fjöldann
allan af Unimog-trukkum. Elsti bíll-
inn sem ég hef átt af þeirri tegund
er ’62-módelið, en þessi bíll er alveg
toppurinn. Þetta er rosaleg græja.
Hann nær um 120 km hraða en er
með alveg gríðarlegan togkraft.
Þessi bíll þolir síðan akstur á allt
að 3ja metra dýpi í vatni og ég get
því leikið mér að því að keyra upp
og niður Krossána þó hún sé í góð-
um vexti.“
Að sögn Sverris er bíllinn með 8
gíra kassa, 352 rúmþumlunga dísil-
mótor, 6 strokka með túrbínu sem
gefur honum 200 hestöfl til að knýja
áfram þau 5 tonn sem bíllinn vegur.
Hann stendur á 52" Michelin-dekkj-
um sem eru á 20" sérsmíðuðum felg-
um til þess að miðjan á dekkinu sé
nákvæmlega yfir hjólalegunum. Í
bílnum er öflugt bremskukerfi með
diskabremsum á öllum hjólum, tvö-
földu demparakerfi með bæði gas-
og vökvadempurum og þá stendur
hann á tvöföldum gormum allan
hringinn. Allt vökva- og loftkerfi er
tvöfalt og er bíllinn útbúinn öflugri
loftpressu með slöngu og því auð-
velt að blása í dekkin þegar þörf
krefur. Sverrir segist aka um á göt-
unum með 42 punda þrýstingi en
nóg sé að vera með 3ja punda þrýst-
ing í akstri á snjó.
„Þessir 52" hjólbarðar eru ný teg-
und frá Michelin. Þeir eru búnir að
laga hliðarnar í þeim þannig að
dekkin þola mjög vel lágan þrýsting
án þess að hliðarnar fari að springa.
Hann flýtur því mjög vel á snjó,“
segir Sverrir.
Til sölu á fjórar og hálfa milljón
Hann segist hafa komið á réttum
tímapunkti inn í kaupin á bílnum til
þess að fá hann settan upp fyrir ís-
lenskar aðstæður, fá réttu hæðina
og stífari fjöðrun en gerist og geng-
ur í þessum bílum, þó ekki séu allir
sammála því að hafa mjög stífa
fjöðrun í torfæru.
„Upprunalega er hann mjög
mjúkur, enda eru þessir bílar mjög
þægilegir og í langkeyrslu eru þetta
bestu bílar sem ég hef nokkru sinni
keyrt. En ég vildi fá þennan í meira
keppnisformi, sem gerir m.a. að
verkum að hann liggur alveg eins og
skata á veginum. Í klungrinu á há-
lendinu vilja menn aftur hafa langa
fjöðrun, en þá eru bara engin
vandamál hjá mér því bíllinn er svo
rosalega hár að ég er ekkert að
klungrast.“
Bíllinn er útbúinn keppnissætum
með fjögurra punkta beltum, þann-
ig að ökumaður og farþegi sitja vel
skorðaðir. Þá bætti Sverrir við öfl-
ugu Werner-spili á bílinn. „Mér
áskotnaðist notað spil og lét taka
það allt í gegn, en þetta eru öfl-
ugustu spil sem Bens notar og kosta
um eina milljón króna. Það togar á
meðan vírinn heldur.“
Nýr Unimog svipaðrar gerðar og
þessi bíll kostar líklega á bilinu 15–
20 milljónir, að sögn Sverris, sem
hefur auglýst bílinn til sölu á fjóra
og hálfa milljón króna. Hann segist
mjög ánægður með það hvernig bíll-
inn var smíðaður hjá Hellgeth
Engineering í Þýskalandi. „Þetta
verkstæði er mjög skemmtilegt og
þar gera menn einfaldlega ná-
kvæmlega það sem þú biður um.
Það er t.d. einn bíll frá þeim hjá
björgunarsveitinni í Mosfellsbæ,“
segir Sverrir.
Stendur öðrum
fjórhjólabílum langtum framar
Í gegnum tíðina hefur Sverrir átt
á annað hundrað bíla, tekið þátt í
aksturskeppni í Bandaríkjunum og
rallkeppnum hér á landi, enda hefur
bílaáhuginn alltaf verið til staðar
frá því að hann fékk bílprófið á sín-
um tíma. Þá eignaðist Sverrir fyrst
Willis-jeppa, árgerð 1942, en hvað
skyldi hafa heillað svona mikið við
Unimog-trukkana?
„Unimog-bíllinn er svo gríðarlega
sterkur, ég veit ekki til þess að
neinn hafi brotið drif eða öxla eða
neitt annað. Það er enginn milli-
kassi, bara gírkassi með extra lág-
um gírum, bíllinn er síðan átta gíra
en ég tek hann alltaf af stað í 5. gír
og fer síðan beint þaðan í 7. gír og
síðan í 8. Hann veit ekki af því.
Mér finnst þeir síðan bæði þægi-
legir og sjarmerandi og hreint íðil-
fagrir bílar, en auðvitað er það af-
stætt og fer eftir fegurðarsmekk
hvers og eins. En þetta eru mjög
snjallir bílar og ég hef ekki séð fjór-
hjóladrifsbíl í dag sem kemst með
tærnar þar sem múgginn hefur hæl-
ana, tæknilega séð, það er svo langt
frá. Hummer og slíkir bílar eru
bara dót við hliðina á þessum bíl-
um.“
Að sögn Sverris þarf aðeins að
passa sig á einu atriðið varðandi bíl-
inn. Hann segir bílinn einhvern
besta vatnabíl sem völ er á, drif-
kerfið sé allt lokað inni í rörum þar
sem drifsköft og hjöruliðir sulla í ol-
íu, en hins vegar sé niðurgírunin úr
öxlunum niður í hjólin eini veiki
hlekkurinn að því leyti að passa
verður að þar komist ekki vatn inn.
Bíllinn framlenging á kyngetuna
„Ég hef reyndar aldrei lent í því
og annað bilar bara ekki í þessu,
þetta gengur bara og gengur. Þar
að auki er bíllinn framlenging á
kyngetuna, það er ekki nokkur vafi
og ég tek fyllilega undir það. Það er
voðalega gott að hafa svona fram-
lengingu, maður er miklu stærri og
meiri maður þegar maður er kom-
inn um borð í svona og lítur yfir
völlinn og sér bara ofan á þökin á
hinum. Þannig að þetta er mikil
vítamínsprauta líka,“ segir Sverrir.
Hann segist í góðu sambandi við
Unimog-aðdáendur víða um heim
og að vaxandi áhugi sé á þessari
tegund trukka, m.a. í Bandaríkjun-
um, en hér á landi sé formleg stofn-
un aðdáendaklúbbs innan seilingar.
„Við erum tveir miklir áhugamenn
um þessa bíla, ég og Erlingur Ólafs-
son garðyrkjubóndi í Reykjadal, og
erum tveir í Múggavinafélaginu.
Það stendur til að stofna það form-
lega og í framhaldinu að halda
nokkurskonar Íslandskeppni í
kappakstri á Unimoggum, sem
kæmu þá jafnt frá Bandaríkjunum
og Evrópu. Þetta er orðin alger
della vestra og orðið erfitt að fá
góða múgga í Þýskalandi út af
bandaríska markaðnum,“ segir
Sverrir.
Keypti Mercedes-Benz Unimog sem var sérsmíðaður fyrir París/Dakar-aksturskeppnina
Eitt rosaleg-
asta torfæru-
tröll landsins
Það kemur sér vel að vera á stórum dekkjum og hafa hátt undir þegar ekið er yfir svona torfærur.
Sverrir Ólafsson, myndlistarmaður og bílaáhugamaður, hef-
ur átt fjölmarga Mercedes-Benz Unimog-trukka, sem hann
segir bæði ótrúlega sterka og íðilfagra ásýndum. Eiríkur P.
Jörundsson fræddist um nýja múggann sem Sverrir hefur
eignast og segir rosalegasta torfærutröll landsins.
Sverrir Ólafsson, myndlista- og bílaáhugamaður, styður hendi á 52" dekkin á
nýjasta Unimog-bílnum sem hann hefur eignast.
Sverrir Ólafsson glaðbeittur undir stýri á Unimog-torfærutröllinu.
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
Toyota Avensis Wagon Terra
árg. 2000, 5 gíra, ekinn 106 þús.
Verð 1.050 þús.
Suzuki Jimmy árg. 2000, 5 gíra,
ekinn aðeins 15 þús.
Verð 1.050 þús.
Toyota Yaris Sol árg. 1999,
5 gíra, ekinn 81 þús.
Verð 790 þús.
Toyota Land Cruiser 100 V8
árg. 2000, sjálfsk., ekinn 45 þús.
Verð 4.600 þús.
480 8000