Morgunblaðið - 07.08.2003, Page 2
2 B FIMMTUDAGUR 7. ÁGÚST 2003 MORGUNBLAÐIÐ
NFRÉTTIR
!"
!"
!
"
# $
FRANSKA ríkisstjórnin ákvað í
gær að grípa til umfangsmikilla að-
gerða til að bjarga rekstri stórfyr-
irtækisins Alstom. Alstom er eitt
stærsta iðnfyrirtæki Evrópu og
framleiðir meðal annars TGV-há-
hraðalestirnar. Fyrirtækið hefur
átt í miklum rekstrarörðugleikum
að undanförnu vegna mikillar
skuldsetningar. Til stendur að
skuldbreyta 2,8 milljörðum evra,
eða sem nemur um 250 milljörðum
íslenskra króna, meðal annars með
því að safna nýju hlutafé upp á 600
milljónir evra. Hefur franska ríkið,
sem á 31,5% hlut í fyrirtækinu, nú
skuldbundið sig til að taka á sig
helming hlutafjáraukningarinnar.
Einkavæðingu frestað
Franska stjórnin hefur haft það að
markmiði að selja hlut sinn í
Alstom en þeim áformum hefur nú
verið slegið á frest þar til fyr-
irtækið hefur rétt úr kútnum.
Einnig ætla 30 alþjóðlegir bank-
ar að veita fyrirtækinu lán upp á
1,3 milljarða evra og farið verður í
skuldabréfaútboð upp á 900 millj-
ónir evra, sem kann að verða aukið
upp í milljarð evra. Tvær deildir
fyrirtækisins verða seldar kjarn-
orkufyrirtækinu Areva og er sölu-
verðmætið talið geta numið allt að
milljarði evra. Loks mun hópur
banka veita Alstom yfirdráttar-
heimild upp á allt að 3,5 milljarða
evra og mun franska ríkið leggja
fram tryggingar fyrir allt að 65%
af þeirri upphæð.
Erfiðleikar Alstom hófust er fyr-
irtækið keypti orkudeild sam-
keppnisaðilans ABB árið 1999 og
varð skaðabótaskylt er rafalar skil-
uðu ekki þeirri orku er kaupendum
hafði verið heitið. Þá varð gjald-
þrot skipafyrirtækisins Renaiss-
ance Cruises í kjölfar atburðanna
ellefta september árið 2001 fyr-
irtækinu þungt í skauti en Alstom
hafði byggt farþegaskip fyrir fyr-
irtækið og veitt því mikla lánafyr-
irgreiðslu.
Samdráttur í sölu til orkugeirans
hefur jafnframt
komið illa við
rekstur Alstom og
í síðasta mánuði
var greint frá því
að sala á öðrum
ársfjórðungi hefði
dregist saman um
18%.
Alls starfa um
110 þúsund manns
hjá Alstom í 70
ríkjum, þar af 75
þúsund í Evrópu.
Árlegar tekjur
fyrirtækisins hafa
numið 21 milljarði
evra.
Skuldir Alstom nema nú 4,9
milljörðum evra en heildarskuld-
bindingar gætu numið allt að níu
milljörðum evra ef lífeyrisskuld-
bindingar eru teknar með í reikn-
inginn.
Framkvæmdastjórn Evrópusam-
bandsins hefur lýst því yfir að hún
muni fara vandlega yfir tillögur
frönsku ríkisstjórnarinnar og
kanna hvort stuðningurinn sam-
ræmist reglum um ríkisstuðning.
Fjármálasérfræðingar sem
franska fréttastofan AFP ræddi
við sögðu að ákvörðun frönsku rík-
isstjórnarinnar um að auka hlut
sinn í Alstom væru til marks um
að rekstur fyrirtækisins stæði mun
verr en talið hefur verið til þessa.
Síðast þegar gripið hefði verið til
aðgerða af þessu tagi hefði verið er
stáliðnaður Frakklands hefði í
raun verið þjóðnýttur af ríkisstjórn
Raymonds Barres.
Alstom hét áður Gec-Alsthom og
var í ríkiseigu. Það var skráð á
hlutabréfamarkaði í London, París
og New York í júní árið 1998.
Haft er eftir ónafngreindum full-
trúa er tók þátt í viðræðunum fyrir
hönd ríkisstjórnarinnar að vegna
þess hve umsvif Alstom eru víð-
feðm gæti gjaldþrot fyrirtækisins
haft mjög slæm áhrif á þjóðarhag
Frakklands jafnt sem annarra
ríkja í Evrópusambandinu.
Rekstri Alstom bjargað
með stuðningi ríkisins
Umfangsmesti ríkisstuðningur við einkafyrirtæki í Frakklandi frá því á áttunda áratugnum
Reuters
Alstom lýkur á þessu ári við smíði Queen Mary 2, stærsta skemmtiferðaskips í heimi. Hér má sjá er skipið var sjó-
sett í skipasmíðastöð Alstom í St. Nazaire í Frakklandi í mars. Stefnt er að því að Queen Mary 2 haldi í sína fyrstu
siglingu í janúar á næsta ári.
Reuters
Patrick Kron, stjórnarformaður Alstom, greinir
blaðamönnum frá stöðu mála í París í gær.
● FRANSKI bankinn Société Génér-
ale skilaði nærri tvöfalt meiri hagn-
aði fyrir skatta á öðrum ársfjórðungi
en á sama tímabili í fyrra. Ástæður
aukningarinnar eru fyrst og fremst
að tekjur tímabilsins eru þær mestu í
sögu bankans og harðar aðgerðir til
lækkunar á kostnaði hafa skilað sér.
Þá nam hagnaður af sölu eign-
arhlutar í keppinautnum Credit
Lyonnais 193 milljónum evra (18
milljörðum króna).
Hagnaður fyrir skatta nam 695
milljónum evra (um 87 milljörðum ís-
lenskra króna) á öðrum ársfjórðungi
en var 376 milljónir evra (47 millj-
arðar króna) á sama tíma í fyrra. Var
þessi niðurstaða nokkuð í takt við
spár markaðarins.
SocGen nær
tvöfaldar hagnað
● HAGNAÐUR Walt Disney jókst frá
fyrra ári um 10% á síðasta ársfjórð-
ungi vegna mikillar aðsóknar á kvik-
myndir félagsins í bíóhúsum, auk-
innar myndbandasölu og hærri
auglýsingartekna ABC-sjónvarps-
stöðva félagsins.
Gestum í skemmtigörðum Disney
hefur hins vegar fækkað m.a. vegna
ótta meðal almennings við hryðju-
verk og líklegt þykir að þeim muni
enn fækka.
Hagnaður fyrirtækisins fyrir skatta
nam 400 milljónum dollara (rúmum
31 milljarði króna) á síðasta ársfjórð-
ungi en var 364 milljónir dollara
(rúmir 28 milljarðar króna) á sama
tímabili í fyrra. Þessar niðurstöður
eru nokkuð umfram væntingar mark-
aðarins.
Tekjur félagsins jukust um 6% á
millli ára og áætlanir Disney gera ráð
fyrir að þær muni hækka meira á
þessu ári en aukast svo enn meira á
árinu 2004.
Teiknimyndin „Finding Nemo“ er ein þeirra
Disney-mynda sem fékk mikla aðsókn.
Minni aðsókn að
skemmtigörðum Disney
BANDARÍSK stjórnvöld hafa útilokað fjar-
skiptafyrirtækið Worldcom, sem nú kallast
MCI, frá þátttöku í útboðum á vegum hins op-
inbera en fyrirtækið viðurkenndi á síðasta ári
um 850 milljarða króna bókhaldssvik.
Ástæðan er sögð vera sú að hinn flekkaða
fjarskiptarisa skorti fullnægjandi siðferðilega
stjórnun.
Þeim opinberu samningum sem þegar hafa
verið gerðir við fyrirtækið verður ekki rift en
þeir eru metnir á um 1 milljarð dollara eða sem
svarar til um 78 milljarða íslenskra króna á ári.
Ákvörðunin er mikið áfall fyrir MCI þar sem
verið er að reyna að endurreisa fyrirtækið úr
rústum bókhaldshneykslisins í fyrra. Fyr-
irtækið sagðist þó sættast á ákvörðun stjórn-
valda.
MCI hefur sætt mikilli gagnrýni, ekki aðeins
vegna bókhaldsbrellnanna, heldur einnig vegna
ásakana um siðlausa viðskiptahætti. Fyrirtækið
vísar því á bug og segir keppinauta þess vilja
tryggja að MCI nái sér ekki aftur á strik.
WorldCom
fær ekki opin-
bera samninga
Fjarskiptafyrirtækið WorldCom heitir nú MCI.
STAÐA á þýskum vinnumarkaði
hefur versnað að undanförnu. Einn
af hverjum tíu eru í atvinnuleit sam-
kvæmt frétt BBC. Atvinnuleysi í
Þýskalandi í júnímánuði var 10,2%
en óx milli mánaða og var 10,4% í júlí
síðastliðnum. Samkvæmt tölum frá
atvinnumálastofnun landsins voru
4,35 milljónir manna án atvinnu í
júlímánuði, eða um 94.500 fleiri en í
júní.
Loforð ríkisstjórnarinnar um að
lækka hlutfall atvinnulausra í land-
inu hefur brugðist og segir í fréttinni
að stöðnun í hagkerfinu sé um að
kenna. Kanslari Þýskalands, Ger-
hard Schröder er sagður hvetja til
frekari umbóta á vinnumarkaði til að
bæta ástandið.
Meðal hugmynda kanslarans er að
hraða skattalækkunum til að blása
lífi í hagkerfið. Talið er að skatta-
lækkanirnar nemi um 15,5 milljörð-
um evra eða sem jafngildir ríflega
1.330 milljörðum íslenskra króna.
Haft er eftir yfirmanni atvinnu-
málastofnunar að veikt hagkerfi
muni halda áfram að hafa slæm áhrif
á vinnumarkaðinn. Segir hann að
lausn vandans sé enn ekki í sjónmáli
þótt endurbætur sem þegar hafa
verið gerðar hjálpi vissulega til.
Atvinnuástand
versnar í
Þýskalandi
Gerhard Schröder kanslari vill flýta skattalækkunum