Morgunblaðið - 07.08.2003, Blaðsíða 3
MORGUNBLAÐIÐ FIMMTUDAGUR 7. ÁGÚST 2003 B 3
NFRÉTTIR #$
#$
&
'
'(
'
&
'
)*! )*+ ,*
)*! )*+ ,*
KAUPÞING-Búnaðarbanki, Burð-
arás og Sjóvá-Almennar tryggingar
hafa tekið höndum saman um að gera
öðrum hluthöfum í Skeljungi yfir-
tökutilboð og taka félagið af hluta-
bréfaskrá Kauphallar Íslands.
Félögin þrjú hafa selt eignarhluti
sína í Skeljungi eignarhaldsfélaginu
Steinhólum, sem er að hálfu í eigu
Kaupþings-Búnaðarbanka en Sjóvá-
Almennar og Burðarás eiga sinn
fjórðunginn hvort. Félögin munu
standa saman að rekstri Skeljungs á
næstunni og áforma að selja eignir
fyrirtækisins sem ekki tengjast
kjarnastarfsemi þess.
Söluverð bréfanna í Skeljungi var
15,9 krónur á hlut. Kaupþing-Búnað-
arbanki seldi félaginu ríflega 299
milljónir hluta, eða 39,62%, fyrir tæpa
4,8 milljarða króna. Sjóvá-Almennar
seldu 189 milljónir hluta, eða 25,02%,
fyrir 3 milljarða króna og Burðarás
seldi rúmlega 176 milljónir hluta, eða
23,35%, á 2,8 milljarða króna.
Fjárfesting Steinhóla í hlutum fé-
laganna þriggja nemur því 10,6 millj-
örðum króna. Að auki hafa félaginu
verið tryggðar tæplega 9 milljónir
hluta fyrir rúmar 136 milljónir króna.
Heildarfjárfesting Steinhóla í 90,7%
eignarhlut sínum í Skeljungi nemur
því 10,7 milljörðum króna.
Þar af á Kaupþing-Búnaðarbanki
helming, sem fyrr segir, en hinir
fjórðung hvor.
Félögin þrjú hafa gagnkvæman
kauprétt hvert í hlutum annars í
Steinhólum en Burðarás og Sjóvá Al-
mennar eiga jafnframt sölurétt á
hlutum sínum gagnvart Kaupþingi-
Búnaðarbanka. Það þýðir að Kaup-
þing-Búnaðarbanki þarf að kaupa
hluti hinna á genginu 15,9 kjósi þeir
að selja.
Vilja eiga valkosti
Einar Sveinsson, forstjóri Sjóvár-Al-
mennra, segir að Sjóvá og Burðarás
hafi tryggt sér bæði kaup- og sölurétt
í Steinhólum til þess eins að hafa val-
kostina enda sé staða félaganna
sterkari fyrir vikið.
„Við höfum ýmsa möguleika í stöð-
unni þegar fram í sækir. Menn geta
kosið að eiga hlutina áfram, nýtt sér
kauprétt eða við nýtt okkur sölurétt-
inn. Það er öllum leiðum haldið opn-
um.“
Hann neitar því að félögin vilji með
þessu eiga kost á að velja endanlegan
kaupanda að Skeljungi. Hann neitar
einnig að beðið sé eftir niðurstöðum
úr athugunum Samkeppnisstofnunar
á olíufélögunum. Áhrif þeirra verði
engin á þessi viðskipti með Skeljung
enda ekki útlit fyrir að niðurstöðu sé
að vænta í bráð.
Spurður um ásókn Kaupþings-
Búnaðarbanka í Skeljungsbréfin á
síðustu mánuðum og árum segist
Einar bara ánægður með hana enda
hafi sú eftirspurn hækkað verðið á
Skeljungi og þar með aukið söluhagn-
að Sjóvár-Almennra.
Ekkert gerist næstu mánuði
Sigurður Einarsson, stjórnarformað-
ur Kaupþings-Búnaðarbanka, segir
bankann jafnsettan hvort sem með-
eigendurnir í Steinhólum nýta sér
kauprétt sinn eða sölurétt.
„Ef þeir nýta sér kaupréttinn þá
eignast þeir félagið. Ef þeir nýta sér
söluréttinn þá verðum við að finna
kaupendur að félaginu,“ segir hann
en aftekur að bankinn hafi nú þegar
kaupendur að félaginu.
Sigurður segir það engu skipta
þótt svo fari að bankinn eignist olíu-
dreifingarfélag enda verði það selt
aftur. „Við höfum oft áður átt fyrir-
tæki um skamma hríð.“
Hann segir þó ljóst að næstu 3–6
mánuði muni ekkert gerast þar sem
yfirtakan og afskráning félagsins taki
sinn tíma.
Ábyrgð gagnvart hluthöfum
Ingimundur Sigurpálsson, forstjóri
Eimskipafélags Íslands, segir að
Burðarás, Sjóvá-Almennar og Kaup-
þing-Búnaðarbanki, hafi sem þrír
stærstu hluthafar Skeljungs gert
með sér samkomulag um að standa
saman að rekstri Skeljungs og gefa
öðrum hluthöfum kost á að selja sinn
eignarhlut á genginu 15,9.
„Eftir þau miklu viðskipti, sem ver-
ið hafa með hlutabréf í Skeljungi á
undanförnum misserum, hefur legið
fyrir, að afskrá þyrfti hlutabréf Skelj-
ungs úr Kauphöll Íslands. Í mínum
huga er það ábyrgðarhluti gagnvart
smærri hluthöfum ef stærri eignarað-
ilar hefðu ekki náð samkomulagi um
framtíðarskipan fyrirtækisins. Þetta
er að mínu viti afar góður samningur
fyrir hluthafa Skeljungs, stærri sem
smærri. Hann styrkir tvímælalaust
stöðu Eimskipafélagsins og vonandi
Skeljungs einnig, því rekstri Skelj-
ungs er ætlunin að haga þannig, að
fyrirtækið einskorði sig við olíuversl-
un fyrst og fremst, en selji eignir, sem
ekki tengjast kjarnastarfsemi þess.“
Ingimundur segir þetta vera meg-
inefni samkomulags félaganna
þriggja. „Um frekari framvindu
málsins liggur ekkert fyrir á þessari
stundu og því er það góður kostur
fyrir Burðarás að eiga hvort heldur
sem er forkaupsrétt eða sölurétt á
hlutabréfum í Skeljungi – allt eftir því
hvernig mál kunna að þróast.“
Hann segir að Eimskipafélagið hafi
lengst af átt um 10% hlut í Skeljungi,
þannig að þar hafi ekki verið um mjög
stóran eignarhlut að ræða.
„Þegar Shell Petroleum sýndi því
áhuga að selja sinn eignarhlut fyrir
skömmu, var ákveðið að Burðarás
keypti aukinn hlut og fór þá eignar-
hlutur Burðaráss í 23,3%.“
Kaupþing eykur hlut sinn
Kaupþing-Búnaðarbanki hefur í
gegnum Steinhóla aukið hlut sinn í
Skeljungi úr tæpum 40% í rúmlega
45%. Hlutur Sjóvár-Almennra og
Burðaráss hefur minnkað lítillega í
gegnum Steinhóla, eða í tæplega 23%
hjá hvoru félagi.
Félögin lögðu til hlutabréf sín í
Skeljungi inn í Steinhóla, sem greiddi
fyrir þau í formi hlutafjár í sjálfum
sér og hlutabréfum úr eignasafni
Skeljungs. Þannig seldi Eimskip fé-
laginu Skeljungsbréf fyrir 2,8 millj-
arða en fékk greitt með 1.900 millj-
ónum í hlutabréfum í Eimskip og 900
milljónum í hlutafé í Steinhólum. Að
sama skapi seldi Sjóvá-Almennar
Skeljungsbréf fyrir rúma 3 milljarða
og fékk greitt með hlutabréfum í
Flugleiðum fyrir 500 milljónir og
hlutabréfum í sjálfu sér fyrir 1.650
milljónir auk 900 milljóna í hlutafé í
Steinhólum.
Kaupþing-Búnaðarbanki hefur
væntanlega fengið 1.800 milljóna
króna hlut í Steinhólum fyrir sinn
hlut en eftir standa þá 3 milljarðar af
kaupverði Skeljungsbréfanna þeirra
og ekki er augljóst hvernig Steinhólar
greiða fyrir það.
Söluhagnaður 900 milljónir
Rekstur Sjóvár-Almennra verður
fyrir miklum áhrifum af sölu Skelj-
ungsbréfanna til Steinhóla. Sam-
kvæmt afkomuviðvörun Sjóvár-Al-
mennra sem birt var í Kauphöllinni í
gær nemur söluhagnaður félagsins af
bréfunum rúmum 900 milljónum
króna.
„Staða okkar í Skeljungi hefur ver-
ið að byggjast upp á þremur árum og
þetta er afskaplega góð arðsemi á
þeim tíma,“ segir Einar Sveinsson
um söluhagnað félagsins af bréfun-
um.
Upplýsingar um söluhagnað Burð-
aráss og Kaupþings-Búnaðarbanka
lágu ekki fyrir í gær en ljóst er að
vegna ólíkra uppgjörsaðferða í bók-
haldi félaganna verður söluhagnaður
hinna félaganna ekki eins mikill á yf-
irstandandi ársfjórðungi heldur
dreifist á lengra tímabil.
Þau hlutabréf sem Sjóvá-Almenn-
ar keyptu út úr Skeljungi voru, sem
fyrr segir, eigin hlutabréf fyrir tæpa
1,7 milljarða króna og hlutabréf í
Flugleiðum fyrir rúman hálfan millj-
arð króna.
Flugleiðabréfin voru keypt á verð-
inu 4,15 (lokaverð á þriðjudag var 4,2)
en um var að ræða 5,31% eignarhlut
Skeljungs í Flugleiðum. Sjóvá-Al-
mennar áttu fyrir 6,22% í Flugleiðum
en eiga eftir þessi viðskipti 11,53%
eða nærri tvöfalt meira.
Hlutabréfin í Sjóvá-Almennum
voru keypt á 27,3 (lokaverð á þriðju-
dag var 27,0) og var þar um 10,36%
hlut Skeljungs að ræða. Fyrir áttu
Sjóvá-Almennar 1,75% eigin hluta-
fjár en eiga nú 12,11%.
Í tilkynningu frá félaginu segir að
þessi viðskipti með eigin bréf séu
gerð með fyrirvara um samþykki
hluthafafundar, sem boðað verði til
eins fljótt og unnt er. Jafnframt verð-
ur á þeim fundi lögð fram tillaga um
að lækka hlutafé félagsins um 60
milljónir króna, sem svarar nánast til
hins keypta hlutar. Með þessu verður
tryggt að félagið uppfylli skilyrði laga
um hlutafélög en þar er kveðið á um
að heimildir hlutafélaga til kaupa og
eignar á eigin bréfum takmarkist við
10% eignarhlut. Hlutafélagi er hins
vegar heimilt að eignast stærri hluti í
því skyni að lækka hlutafé félagsins,
eins og Sjóvá-Almennar leggja til að
verði gert.
Jafnframt segir í tilkynningu að
Fjármálaeftirlitinu hafi verið sent er-
indi vegna þessara viðskipta og eru
þau gerð með fyrirvara um heimild
Fjármálaeftirlitsins.
Hlutabréfin sem Eimskipafélagið
keypti í sjálfu sér voru keypt á geng-
inu 6,2 sem var lokaverð þriðjudags.
Fyrir átti félagið 0,57% í sjálfu sér en
á nú 6,65%.
Yfirtökutilboð á næstunni
Steinhólar munu á næstunni gera til-
boð í þau hlutabréf í Skeljungi sem
eftir standa á sama genginu 15,9.
Kaupverð Skeljungs í heild sinni
verður því 11,8 milljarðar króna.
Björgvin Ingi Ólafsson hjá grein-
ingardeild Íslandsbanka segist telja
verð hlutabréfa Skeljungs hátt. „Eins
og greiningardeild Íslandsbanka hef-
ur áður fjallað um er vandséð hvernig
núverandi rekstur á að skila því sjóð-
streymi sem þarf til að standa undir
kaupverði félagsins. Kaupverðið virð-
ist því annars vegar litast af vænt-
ingum kaupenda um dulin verðmæti í
eignasafni, fasteignum eða lóðum og
hins vegar væntingum um aukna arð-
semi í kjarnastarfsemi,“ segir Björg-
vin.
Hann telur að minni hluthafar í
Skeljungi geti unað sáttir við vænt-
anlegt yfirtökutilboð og ávöxtun síð-
ustu missera enda hafi gengi bréfa í
Skeljungi hækkað um liðlega 80% frá
upphafi síðasta árs.
Sameinast um rekstur Skeljungs
Sjóvá-Almennar og Burðarás vilja halda öllum leiðum opnum með kaup- og sölurétti
%
&
' (
!"
$%)* # #"
# $#%#& #"' ("#
)-./0+1!! 2 ,1$3 $+ 4$56,$!
%"() "*##&+
"# # $#%#& #"' ("#
$+ 4$56,$!
)-./0+1!!
$%)* ##"
+#,
- #
2 ,1$3 $+ 4$56,$!
,
)-./0+1!!
, 2 ,1$3