Morgunblaðið - 07.08.2003, Blaðsíða 7

MORGUNBLAÐIÐ FIMMTUDAGUR 7. ÁGÚST 2003 B 7

















































































































NFÓLK
F
RANSKA stórfyrirtæk-
ið Vivendi hefur boðið
afþreyingarhluta fyrir-
tækisins, Vivendi Uni-
versal Entertainment
(VUE), til sölu. Meðal þeirra sem
hugðust bjóða í VUE er annað stór-
fyrirtæki í afþreyingarbransanum,
Metro-Goldwyn-Meyer (MGM).
Langstærsti hluthafi MGM, hinn 86
ára gamli Kirk Kerkorian, hefur
dregið tilboðið til baka fyrir hönd
MGM því honum þykir Vivendi
setja upp allt of hátt verð fyrir
VUE. Innan VUE einingarinnar
eru skemmtigarðar Vivendi, Uni-
versal kvikmyndaverin og fleiri
eignir tengdar afþreyingar- og
skemmtiiðnaði.
MGM bauð 11,5 milljarða Banda-
ríkjadala eða um 890 milljarðra ís-
lenskra króna í VUE en Vivendi er
sagt vilja fá hvorki meira né minna
en 14 milljarða dala fyrir eða sem
jafngildir tæpum 1.100 milljörðum
íslenskra króna, að því er fram
kemur í frétt Reuters.
Ekki eru allir sannfærðir um að
MGM sé með þessu hætt við að
kaupa VUE. Helstu markaðs-
spekúlantar vestra, sem Reuters og
Forbes vitna í, virðast halda að
Kerkorian sé að reyna að pressa
niður verðið með því að draga til-
boðið til baka. Hann muni leggja
fram nýtt tilboð í VUE um leið og
Vivendi hefur dregið úr kröfum sín-
um. Kerkorian er sagður hafa orð á
sér sem slyngur samningamaður
sem einskis svífst.
Byrjaði sem blaðasali
Þetta er ekki í fyrsta sinn sem
Kerkorian þessi kemst í fréttirnar.
Þessi hálfarmenski Kaliforníubúi
hefur verið áberandi í viðskiptalíf-
inu allt frá því hann stofnaði sitt
fyrsta fyrirtæki árið 1947, þá þrí-
tugur að aldri. Kerkorian var sonur
armenskra innflytjenda og lærði
ekki ensku fyrr en fjölskylda hans
fór á götuna í kjölfar kreppunnar
miklu á þriðja áratugnum. Frá níu
ára aldri þurfti hann að bera björg í
bú, byrjaði sem blaðasali en er nú
ríkasti maður í Los Angeles, númer
32 yfir ríkustu menn Bandaríkjanna
og á topp hundrað yfir ríkustu
menn heims, samkvæmt Forbes.
Kerkorian var snemma til vand-
ræða í skóla og var sendur í sér-
stakan heimavistarskóla fyrir vand-
ræðaunglinga á sínum tíma. Eftir
að skólaskyldunni sleppti vann
Kerkorian við ýmis störf en
dreymdi um að
gerast atvinnuboxari. Þrátt fyrir
að ná því takmarki aldrei var hann
þó talinn efnilegur og hlaut m.a. tit-
ilinn Kyrrahafsmeistari áhuga-
manna í hnefaleikum.
Flugfélag fjárhættuspilara
Eftir að hafa komið einu sinni í
flugvél með vinnuveitanda sínum
varð Kerkorian gagntekinn af flugi
og ákvað að gerast flugmaður. Eftir
að hafa lokið flugmannsprófi á met-
tíma varð Kerkorian sér úti um
starf hjá Royal Air Force í Kanada
og flaug í hálft þriðja ár á milli
Montreal í Kanada og Skotlands á
meðan á heimsstyrjöldinni síðari
stóð. Mikil áhætta fólst í að fljúga
þessa leið og starfið var vel launað.
Kerkorian er sagður hafa lagt
mestallt kaupið sitt til hliðar á
þessum tíma. Frá þessu segir í Las
Vegas Review Journal. Þar segir að
venjulega hafi þeir sem flugu á milli
Kanada og Skotlands farið flugleið-
ina: Montréal-Labrador-Grænland-
Ísland-Skotland. Þeir huguðustu,
líkt og Kerkorian, kusu hins vegar
að fljúga eftir ákveðinni leið yfir
Atlantshafið og nýta sér svokallaða
„Íslandsbylgju“ (e. Iceland Wave)
til að fleyta sér áfram.
Eftir að hann hætti hjá Royal Air
Force, stofnaði Kerkorian allsér-
stætt flugfélag, Los Angeles Air
Service, sem flaug með fjárhættu-
spilara milli Los Angeles og Las
Vegas. Þetta var árið 1947, en á
þeim tíma var Kerkorian þekktur í
spilavítum Las Vegas. Hann efn-
aðist vel á flugþjónustunni, hverrar
nafni hann breytti raunar í Trans
International Airlines, en seldi fé-
lagið 1965. Kerkorian hætti öllu
fjárhættuspili uppúr 1950, þótt
hann eigi stærstu spilavíti Las
Vegas-borgar í dag.
Stærsta hótel í heimi
Flestir töldu Kerkorian óðan þegar
hann opnaði risahótelið Inter-
national í Las Vegas árið 1967.
Hótelið var það langstærsta í heimi
á þeim tíma, 30 hæða með yfir
1.500 herbergi. Gestirnir þurftu
ekki að láta sér leiðast því Kerkor-
ian réði kónginn sjálfan, Elvis
Presley, til að hafa ofan af fyrir
þeim. Þá voru Barbra Streisand og
hjónin Ike og Tina Turner meðal
skemmtikrafta á hótelinu. Engum
hafði áður dottið í hug að leggja svo
mikið undir í byggingu og umgjörð
hótels. Ekki brást Kerkorian boga-
listin þarna því fjórum árum síðar
seldi hann sinn hlut í hótelinu til
Hilton-keðjunnar fyrir tæpar 600
milljónir Bandaríkjadala. Bölsýnis-
menn höfðu hins vegar spáð því að
hótelið myndi ekki geta staðið und-
ir sér, til þess væri það of stórt og
of langt fyrir utan miðbæinn.
Við upphaf áttunda áratugarins
var Kerkorian farinn að sýna kvik-
mynda- og skemmtibransanum auk-
inn áhuga. Fjárfestingarfélag í hans
eigu, Tracinda Corp., keypti Metro-
Goldwyn-Meyer fyrst árið 1970 en
þá hafði félagið átt í basli árum
saman. Kerkorian, eða Tracinda,
hefur samtals keypt MGM þrisvar
sinnum. Nú síðast eignaðist hann
félagið árið 1996. Kerkorian er
þekktur fyrir að sjá fjárfestingar-
tækifæri á undan öðrum. Aðferðin
sem hann notar er einföld. Hann
kaupir fyrirtæki, hreinsar til í
rekstrinum og eykur með því verð-
mæti fyrirtækisins áður en hann
selur aftur. Síðast keypti hann
MGM árið 1996 og er nú stærsti
hluthafinn með 67% hlut. Stuttu
eftir að Kerkorian tilkynnti að hann
hygðist hætta við tilboðið í VUE
bauðst hann til að kaupa 6% hlut til
viðbótar í MGM á 16 dali hvern
hlut sem er 25% yfirverð miðað við
lokagengi degi fyrir tilkynninguna,
29.júlí síðastliðinn. Kerkorian sjálf-
ur auk fjárfestingarfélagsins Trac-
inda eiga því 179 milljónir hluta í
MGM eða 73% hlutafjárins. Miðað
við gengið 16 dalir á hlut sem
Kerkorian greiðir fyrir þessa 15
milljón hluti má ætla að virði heild-
arhlutar hans í MGM nemi um 2,9
milljörðum dala eða ríflega 220
milljörðum íslenskra króna.
Skildu 28 dögum síðar
Fjárfestingarfélagið Tracinda er
nefnt eftir dætrum Kerkorians frá
öðru hjónabandi hans, Tracy og
Lindu. Hinn 86 ára gamli Kerkor-
ian er þrígiftur en hann skildi við
fyrrum atvinnutennisspilarann Lisu
Bonder, 37 ára, í fyrra. Lisa eign-
aðist dótturina Kiru meðan þau
voru gift en Kerkorian segist ekki
vera faðir Kiru. Bonder og Kerkor-
ian hafa þekkst frá árinu 1986 en
það var ekki fyrr en árið 1997, eftir
að Kerkorian komst að því að kona
hans var barnshafandi, sem hann
ákvað að biðja hennar. Hjónabandið
entist þó ekki lengi, aðeins í 28
daga.
Skilnaður þeirra Bonder og
Kerkorian gekk í gegn á síðasta ári
eftir langt þref. Bonder krafði
Kerkorian um meðlagsgreiðslur
sem jafnvel í Los Angeles eru tald-
ar allt of háar. Taldi Bonder ekki
duga minna en sem nemur 25 millj-
ónum króna á mánuði til að fram-
fleyta dóttur sinni. Í rökstuðningi
fyrrum eiginkonu Kerkorians fyrir
upphæðinni segir að um 460 þúsund
íslenskar eigi að fara í blóma-
skreytingar, 11,5 milljónir króna
þurfi í einkaþotur undir barnið á
mánuði, um ein milljón króna í mat
handa Kiru litlur og sama upphæð í
fatnað. Dómari var þó sammála
Kirk um að þetta væri ríflega áætl-
að fyrir fjögurra ára barn og
dæmdi hann til að greiða um einn
sjötta þeirrar upphæðar sem fyrr-
um eiginkonan bað um, alls um 50
þúsund dali eða tæpar fjórar millj-
ónir á mánuði í greiðslur með
barninu á mánuði. Lisa Bonder hef-
ur áfrýjað dómnum.
Rótað í ruslatunnu Bings
Kerkorian hefur ávallt neitað að
eiga barnið á þeim grundvelli að
hann sé ófrjór, þótt hann kveðist
fús til að greiða meðlagsgreiðslur.
Eftir að upp komst að móðirin
„svindlaði“ á DNA-prófi með því að
nota lífssýni úr dóttur Kerkorians
frá fyrra hjónabandi komust sögu-
sagnir á kreik um að Hollywood-
framleiðandinn Stephen Bing,
barnsfaðir Elizabeth Hurley, væri
hinn raunverulegi faðir Kiru.
Kerkorian varð æfur í kjölfarið
og samkvæmt fréttum BBC frá því
í júlí í fyrra þegar málið komst í há-
mæli gekk hann svo langt að senda
menn að húsi Bings til að róta í
ruslatunnu hans í þeirri von að
finna tannþráð eða annað sem gæti
útvegað lífssýni úr Bing. Vildi
Kerkorian fá úr því skorið hvort
Bing væri faðirinn. Bing stefndi
Kerkorian og krafði hann um einn
milljarð dala eða nærri 80 milljarða
króna fyrir að ryðjast inn í hans
einkalíf með þessum hætti. Niður-
staðan varð þó sú að Bing lét málið
niður falla og náði sáttum við
Kerkorian, án þess að málið færi
nokkurn tímann fyrir dómstóla.
350 milljarða króna virði
Eignir Kerkorians eru metnar á 4,5
milljarða dala eða sem nemur tæp-
um 350 milljörðum íslenskra króna.
Ásamt því að eiga tvo þriðju hluta í
MGM á Kerkorian 4% hlut í Daiml-
erChrysler-bílaframleiðandanum
auk þess sem hann situr í stjórn
fyrirtækisins. Hann er þó ekki sér-
lega duglegur við að mæta á stjórn-
arfundi, en Kerkorian er sagður lít-
ið fyrir að hafa sig í frammi. MGM
Grand hótel í Las Vegas er stærsta
hótel heims en það er að mestu
leyti í eigu Kerkorians. Sjálfur býr
Kerkorian í Las Vegas og nýtur
lífsins í ljósaborginni, þótt hann
segist ekki mikið fyrir að kynnast
nýju fólki. Hann kýs heldur kvöld-
verð með góðum vinum en skemmt-
anir með þotuliðinu.
Kerkorian er sagður rólegur
keppnismaður. Hann er sagður
þögull og algjört „póker feis“, en
fáir standi honum framar í samn-
ingum. Þar gefi hann ekkert eftir.
Nokkur fyrirtæki hafa sýnt Vivendi
Universal Entertainment áhuga en
Kerkorian er talinn ætla að sitja
hjá í fyrstu umferð og bíða átekta
áður en hann ákveður hvort hann
lætur til skarar skríða. Líklega er
það þessi aðferðafræði þessa arm-
enska milljarðamærings og fyrrum
blaðasala, sem hefur skilað honum
fúlgum fjár ásamt nafngiftinni
Þögla ljónið sem virðist hafa fest
við hann í gegnum árin.
Þögla ljónið í Las Vegas
Reuters, BBC, Forbes.
Milljarðamæringurinn Kirk Kerkorian er
merkilegur gaur, byrjaði sem blaðasali í Los
Angeles en á nú stærsta hótel í Las Vegas auk
kvikmyndafyrirtækisins Metro-Goldwyn-
Meyer. Eyrún Magnúsdóttir kynnti sér feril
þessa 86 ára gamla manns sem í fyrra deildi við
Steve Bing um faðerni dótturinnar Kiru.
Kirk Kerkorian greiðir 50 þúsund dali, eða tæpar fjórar milljónir króna, á mánuði í
meðlag með fjögurra ára gamalli dóttur sinni, sem hann segir þó vera rangfeðraða.
Móðirin stefndi Kerkorian í fyrra og krafðist 25 milljóna króna í meðlag.
eyrun@mbl.is
Það voru engir aukvisar sem léku listir
sínar fyrir gesti International-hótelsins í
Las Vegas á sjöunda áratugnum. Kirk
Kerkorian og Elvis Presley rita undir
samning sumarið 1969.
Reuters
Steve Bing á barn með Elizabeth Hurley sem og fyrrverandi konu Kerkorians, Lisu
Bonder. Bing hætti við að kæra Kerkorian fyrir innrás í einkalíf hans á síðasta ári.
UX-P400