Morgunblaðið - 20.08.2003, Blaðsíða 6

GLS-gerðin er leðurklædd og með leður- og viðarstýri.
FYRR á þessu ári var kynntur
Mitsubishi Pajero með dálítilli and-
litslyftingu. Þá prófuðum við bílinn
með 3,5 lítra, V6-bensínvélinni, en
nú er röðin komin að fjögurra
strokka dísilvélinni og farkosturinn
var GLS-gerðin sem er best búni
bíllinn.
Það er ekki nema þrjú ár síðan
Pajero kom gerbreyttur á markað.
Stóra breytingin, fyrir utan útlits-
breytinguna, var þá sú að hætt var
að smíða bílinn á sjálfstæða grind
og þess í stað farið að framleiða
hann með sjálfberandi yfirbygg-
ingu. Þetta þótti mörgum jeppa-
manninum ljóður á ráði Mitsubishi
en breytingin er í takt við það sem
flestir aðrir framleiðendur hafa
gert. Þeir vita að núorðið nota
margir jeppaeigendur bíla sína að
langmestu leyti á malbikuðum veg-
um og leggja því mikið upp úr
fólksbílalegum eiginleikum.
Andlitslyfting
Breytingin fól líka í sér að bíllinn
fékk sjálfstæða fjöðrun á hvert hjól.
Það var vonum fyrr að hann kæmi
með andlitslyftingu síðastliðið vor
en breytingin er þó ekki umtals-
verð. Hann fékk samt nýtt grill og
stuðara, nýjar framlugtir og tals-
verðar breytingar að innan. Komin
er lýsing í stigbrettin sem kvikna
þegar hurðir eru aflæstar með fjar-
stýringunni. Svo er hann líka kom-
inn á 16 tommu álfelgur en auka-
búnaður á prófunarbílnum voru 17
tommu álfelgur.
Pajero GLS í dísilgerðinni er
með 3,2 lítra, fjögurra strokka dís-
ilvél með forþjöppu og millikæli.
Bein innsprautun er á eldsneytinu
og vélin skilar að hámarki 160 hest-
afli og togar 373 Nm við 2.000
snúninga á mínútu. Þetta er sem
sagt aflmikil vél sem tengd er við
skynvædda, fimm þrepa sjálfskipt-
ingu, INVECS-II, með handskipti-
vali. En þetta er þung-
ur bíll og hann er
dálítið hægur upp.
Vinnslan er samt vel
viðunandi þegar þjóð-
vegahraða er náð enda
togar vélin mikið.
Skiptingin er gædd
þeim kostum að hún
skynjar aksturslagið og
breytir eftir því. Tölvu-
búnaður sér um að
skipta um gír á réttu
andartaki eftir aðstæð-
um hverju sinni og eftir
því hvernig tölvan hef-
ur forritað aksturslag
viðkomandi ökumanns.
Við hlið gírstangarinnar er svoköll-
uð aldrifsstöng sem veitir rafræna
skiptingu fyrir aldrifsbúnaðinn.
Háþróað drifkerfi
Þetta er háþróað drifkerfi sem
kallast Super Select 4WD. Alla
jafna er bíllinn með drifi á einum
öxli en með rafeindastýrðri skipt-
istöng er einfalt að skipta yfir fjór-
hjóladrif. Í fjórhjóladrifinu fer 67%
aflsins til afturhjólanna og 33% til
framhjólanna en um leið og skipt er
í 4HLc er mismunadrifinu læst
þannig að drifkrafturinn fer jafnt til
fram- og afturhjóla, sem gerir bíl-
inn afar stöðugan við erfiðar að-
stæður. Loks er hægt að velja um
lága drifið, 4LLc, og er þá mis-
munadrifinu líka læst og bíllinn
albúinn til að takast á við torfærur.
Hægt er að skipta á milli eindrifs
og aldrifs í hágír og læsa milli-
mismunadrifi á allt að 100 km
hraða. Þetta er eitt tæknilega full-
komnasta fjórhjóladrifskerfi sem
völ er á. Þá er bíllinn bæði með
spyrnustýringu og stöðugleikastýr-
ingu.
Aðalókosturinn við dísilvélina er
hve hávær hún er og grófgeng.
Þetta er ekki í takt við nýjustu
gerðir dísilvéla sem margar hverjar
eru orðnar hljóðlátar og þýðgengar
með tilkomu common-rail-inn-
sprautunarkerfis. Í lausagangi gef-
ur vélin frá sér gróft og hávært
hljóð sem eykst umtalsvert þegar
tekið er af stað. Það er þó minna
áberandi þegar þjóðvegahraða er
náð.
Vel búinn
Í GLS-gerðinni er bíllinn afar vel
útbúinn. Staðalbúnaður er m.a. leð-
ursæti, rafdrifin sóllúga, tölvustýrð
miðstöð með loftkælingu fyrir fram-
sæti, miðjusæti og þriðju sætaröð,
skriðstillir, sex diska
geislaspilari og myndar-
legur upplýsingaskjár í
lit sem gefur upplýsing-
ar um útihita, loftþrýst-
ing, hæð yfir sjávar-
máli, meðalhraða og
eyðslu og er auk þess
með áttavita og klukku
svo eitthvað sé nefnt.
Þriðji sætabekkurinn er
staðalbúnaður og er
honum þægilega komið
fyrir aftast í bílnum og
er hann felldur ofan í
gólfið þegar hann er
ekki í notkun og mynd-
ar þá slétt rými. Með
einfaldri aðgerð er hann reistur
upp og hnakkapúðar tengdir við
hann.
Dísilbíllinn í GLS-gerð kostar
5.250.000 krónur og fyrir það fæst
vel búinn jeppi og vandaður að allri
gerð. Dísilvélin er hins vegar, eins
og fyrr segir, grófgeng. Helsti
keppinauturinn er Toyota Land
Cruiser 90 VX, sem ennþá er
byggður á sjálfstæða grind fyrir þá
sem leggja mikið upp úr því. Verðið
á honum er 5.290.000 kr.
Mitsubishi Pajero með dísilvél
Afturhlerinn opnast í einu lagi til hliðar.
Þriðja sætaröðin fellur ofan í gólfið og þá myndast
slétt og mikið farangursrými.
Pajero er stæðilegur jeppi með háu og lágu drifi og með sjálfberandi yfirbyggingu.
gugu@mbl.is
REYNSLUAKSTUR
Mitsubishi Pajero
Guðjón Guðmundsson
Morgunblaðið/Þorkell
Þriðja sætaröðin kemur upp úr sléttu gólfinu og
dugar vel fyrir tvo.
6 B MIÐVIKUDAGUR 20. ÁGÚST 2003 MORGUNBLAÐIÐ
bílar
Vél: 3.200 rúmsentimetr-
ar, 4 strokkar, 16 ventlar.
Afl: 160 hestöfl við 3.800
snúninga á mínútu.
Tog: 373 Nm við 2.000
snúninga á mínútu.
Hámarkshraði: 170 km/
klst.
Hröðun: 12 sekúndur úr
kyrrstöðu í 100 km.
Eyðsla: 9,4 lítrar í blönd-
uðum akstri.
Sjálfskipting: INVECS II,
skynræn fimm þrepa sjálf-
skipting með handskipti-
vali.
Drifkerfi: Super Select
4WD, hátt og lágt drif.
Hemlar: Loftkældir diskar/
loftkældir skáladiskar.
Lengd: 4.830 mm.
Breidd: 1.895 mm.
Hæð: 1.855 mm.
Eigin þyngd: 2.170 kg.
Fjöðrun: Fjölliða fjöðrun
með gormum.
Farangursrými: 215/
1.700 lítrar.
Verð: 5.250.000 kr.
Umboð: Hekla hf.
Mitsubishi Pajero
3.2 dísil GLS