Morgunblaðið - 25.09.2003, Blaðsíða 3

NFRÉTTIR













































































































MORGUNBLAÐIÐ FIMMTUDAGUR 25. SEPTEMBER 2003 B 3
VILHJÁLMUR Bjarnason, hlut-
hafi í Hf. Eimskipafélaginu, fer
fram á það í bréfi til stjórnar Fjár-
málaeftirlitsins (FME) að forstjóri
þess, Páll Gunnar Pálsson, verði
lýstur vanhæfur til að taka þátt í
rannsókn á viðskiptum með bréf
Eimskipafélagsins.
Í bréfi Vilhjálms segir orðrétt:
„Þess er farið á leit við stjórn Fjár-
málaeftirlitsins, að Páll Gunnar
Pálsson, fostrjóri Fjármálaeftirlits-
ins, verði leystur undan störfum
varðandi alla þætti rannsóknar á
máli varðandi samninga um við-
skipti með hlutabréf í Hf. Eim-
skipafélagi Íslands dags. 18. sept.
2003 sbr. frétt á upplýsingavef
Kauphallar Íslands hf. þann 22.
sept. Ástæða þessarar beiðni er
meint vanhæfi Páls Gunnars, sem
hluthafa í Hf. Eimskipafélagi Ís-
lands. Eignarhutur Páls Gunnars er
að markaðsvirði amk. 15 milljónir
kr. Að auki er Hákon Ólafsson,
skoðunarmaður reikninga Hf. Eim-
skipafélags Íslands, móðurbróðir
Páls Gunnars. Beiðni þessi er
grundvölluð á vanhæfisreglum
stjórnsýslulaga.“
Í frétt sem FME sendi frá sér í
kjölfar kröfu Vilhjálms um vanhæfi
Páls Gunnars segir orðrétt: „Vegna
frétta í fjölmiðlum um hugsanlegt
vanhæfi Páls Gunnars Pálssonar,
forstjóra Fjármálaeftirlitsins, til
meðferðar mála er varða viðskipti
með hlutabréf í Eimskipafélagi Ís-
lands hf. að undanförnu vill Fjár-
málaeftirlitið taka fram eftirfarandi:
Samkvæmt hæfisreglum sem
gilda fyrir starfsmenn og stjórn-
endur Fjármálaeftirlitsins taka þeir
ekki þátt í meðferð máls er snerta
verðbréf sem þeir eiga ef ætla má
að niðurstaða málsins hafi veruleg
áhrif á fjárhagslega eða persónu-
lega hagsmuni viðkomandi eða
draga megi óhlutdrægni þeirra í efa
með réttu. Jafnframt gilda vanhæf-
isreglur stjórnsýslulaga um starf-
semi Fjármálaeftirlitsins.
Fjármálaeftirlitið hefur viðvar-
andi eftirlit með starfsemi við-
skiptabanka og þeirra eigenda sem
fara með virkan eignarhlut í þeim.
Jafnframt hefur Fjármálaeftirlitið
afmörkuðum eftirlitsskyldum að
gegna er varða önnur félög skráð í
kauphöll. Forstjóri Fjármálaeftir-
litsins mun lýsa sig vanhæfan til
ákvörðunartöku um eftirlit og til
meðferðar mála eigi framangreind-
ar vanhæfisástæður við. Jafnframt
mun stjórn Fjármálaeftirlitsins
fjalla um hugsanlegar vanhæfis-
ástæður.
Komi til þess að forstjóri Fjár-
málaeftirlitsins teljist vanhæfur til
meðferðar máls mun Stefán Svav-
arsson, stjórnarformaður, taka sæti
forstjóra í viðkomandi máli.“
Farið fram á vanhæfi
PÁLL GUNNAR Pálsson, forstjóri
Fjármálaeftirlitsins, telur ekki tíma-
bært að taka afstöðu til þess í
hvaða tilfellum
hann kynni að
teljast vanhæfur
í málum sem
þessu tengjast,
enda snúi að-
koma Fjármála-
eftirlitsins að
reglubundnu
eftirliti með eft-
irlitsskyldum
aðilum og eig-
endum þeirra. „Vanhæfisástæður
kynnu að eiga við í tilteknum málum
er varða þessa aðila en öðrum
ekki.“
Að sögn Páls Gunnars verður tím-
inn að leiða í ljós hvort hann telst
vanhæfur í einhverju þeirra mála
sem eru til umræðu. „Við höfum tek-
ið það mjög alvarlega að meðferð á
málum sem þessum sé í sem bestu
lagi. Menn þurfa þess vegna ekki að
hafa áhyggjur af því að Fjármálaeft-
irlitið fylgi ekki eðlilegum sjón-
armiðum. Stjórnin hefur það hlut-
verk að fylgjast með starfsemi
eftirlitsins og mun ræða þetta reglu-
lega og á þeim tíma sem þykir
ástæða til,“ segir Páll Gunnar.
Inntur eftir því hvort hann telji
ekki óeðlilegt að forstjóri eftirlits-
stofnunar eigi hlut í félagi eins og
Eimskipafélaginu segist hann ekki
telja svo vera. „Nei, það er ekki
óeðlilegt svo fremi sem reglum er
fylgt. Það eru mjög fastar reglur um
viðskipti þeirra sem hér starfa. Í
fyrsta lagi eru takmarkanir á því í
hvaða félögum starfsmenn geta átt
hlut. Í öðru lagi eru strangar reglur
um hvernig viðskipti starfsmanna
með verðbréf eiga að fara fram,
meðal annars til þess að tryggja að
viðkomandi starfsmaður búi ekki yfir
trúnaðarupplýsingum þegar hann á
viðskipti. Í þriðja lagi eru fastmót-
aðar vanhæfisreglur í þeim tilvikum
þegar viðkomandi hefur einhverra
hagsmuna að gæta. Hvort ég telst
vanhæfur í þessu máli eða ekki mun
koma til skoðunar. Stjórn Fjármála-
eftirlitsins tekur á hugsanlegum
vanhæfisástæðum eftir fyrirfram
ákveðnu ferli,“ segir Páll Gunnar.
Ekki tímabært að taka afstöðu
Páll Gunnar Pálsson