Morgunblaðið - 27.09.2003, Blaðsíða 5

DAGLEGT LÍF
MORGUNBLAÐIÐ LAUGARDAGUR 27. SEPTEMBER 2003 B 5
góðu samfélagi með Guði og gegn-
umgangandi í hans tónlist er vissa
hans um að Guð og ástin séu eitt og
hið sama.“
Ekki fullkominn
Þó Kjartan gæti haldið endalaust
áfram að dásama Prince, þá er ekki
þar með sagt að hann gleypi gagn-
rýnislaust við öllu sem frá honum
kemur. „Hann er auðvitað mistækur
eins og aðrir og til dæmis finnst mér
platan hans Chaos and disorder ein
sú lélegasta sem hann hefur sent frá
sér. Hún er sundurleit og að flestu
leyti frekar vond. Reyndar má leita
skýringa á þessum döpru gæðum í
þeirri staðreynd að Prince gaf hana
út af illri nauðsyn, hann þurfti að
uppfylla samning hjá Warner Brot-
hers og hann virðist hafa tínt eitt-
hvað til af handahófi og mokað inn á
þessa plötu fyrir skyldusakir.“
Prinsinn hefur
losað sig við hroka
Eins og áður segir hefur Kjartan
ósjaldan farið á tónleika til að sjá og
heyra Prince flytja tónlist sína og
hann segir það alltaf vera mikla upp-
lifun. „Á tónleikum er líka svo gaman
að sjá hversu aðdáendur hans eru
breiður hópur fólks. Þar er fólk á öll-
um aldri og af öllum stéttum þjóð-
félagsins.“ Kjartan hefur líka farið í
nokkur „eftirpartý“ þar sem kóng-
urinn sjálfur blandar geði við gesti
og spilar fyrir aðdáendur sína ef svo
ber undir.
„Þetta eru meiriháttar samkomur
og Prince hefur breyst svo mikið í
seinni tíð gagnvart aðdáendum sín-
um. Áður fyrr vildi hann ekkert af
þeim vita, var hrokafullur og ósnert-
anlegur uppi á frægðarstallinum og
bullaði einhverja vitleysu í viðtölum.
En nú hefur hann fært sig nær fólk-
inu og er orðin manneskjulegri.“
Spjölluðu kumpánlega saman
Kjartan varð þeirrar ánægju að-
njótandi fyrir tæpu ári að lenda á
persónulegu spjalli við Prince á tón-
leikum. „Við Þorsteinn Bender vinur
minn fórum saman á tónleika hjá
honum í október 2002 í London og
sátum á fremsta bekk því við erum í
aðdáendaklúbbnum sem fær aðgang
að þeim sætum. Áður en tónleikarnir
hófust gerði Prince sér lítið fyrir og
kom niður af sviðinu og tyllti sér við
hliðina á mér. Hann var að leggja sitt
af mörkum við að leysa úr einhverju
vandamáli sem hafði komið upp
vegna sætaskipunar og svo fórum
við bara að spjalla um daginn og veg-
inn,“ segir Kjartan sem gerðist ekki
svo kræfur að nota tækifærið og orða
það við Prince hvort hann vildi koma
til Íslands og halda tónleika, en á ár-
um áður hafði hann gert tilraun til
þess að fá goðið hingað til lands. „Þá
var hann með svo rosalega fjölmennt
lið með sér við tónleikahald að kostn-
aðurinn var meiri en svo að við réð-
um við það. En núna er allt smærra í
sniðum hjá honum og ég hef heyrt að
hann sækist einmitt eftir því að spila
á „öðruvísi“ og minni stöðum, svo nú
er kannski lag að fá hann til landsins.
En það kostar auðvitað mikla vinnu
og peninga og því miður hef ég ekki
tök á því að ganga í slíkar reddingar
en ég yrði mjög glaður ef einhver
tæki það sér. Það væri óneitanlega
skondið ef ég færi frá Bretlandi til að
sjá Prince á Íslandi því iðulega hefur
því verið öfugt farið,“ segir Kjartan
að lokum sem nú er búsettur í Lond-
an um stundar sakir.

GUÐMUNDUR Þór Guðmunds-
son var eitt sinn í hópi heitra aðdá-
enda Prince og fékk sér á þeim
tíma húðflúr með hinu fræga „Love
sign“. Þetta tákn er eitt aðal-
einkenni tónlistarmannsins og hann
notaði það reyndar um tíma í stað
nafnsins Prince. „Ég brá mér á húð-
flúrstofu hjá Jóni Páli og lét gera
þetta tákn á hendina á mér, enda
hlustaði ég nánast ekki á neina
aðra tónlist en þá sem Prince gerði
á þeim árum og ég keypti allt efni
frá honum sem ég komst yfir. Ég
var aldrei skráður meðlimur í
Prince-klúbbunum en kíkti stund-
um á samkomur hjá þeim með vini
mínum og það var mjög gaman. En
aðdáun mín hefur dalað undanfarið
og sú tónlist sem Prince hefur verið
að gera undanfarið höfðar ekki til
mín. En ég verð merktur honum til
eilífðar og er alveg sáttur við það.“
Morgunblaðið/Jim Smart
ÞEIR félagar Sig-urður Sveinsson,Þorsteinn FreyrBender og Helgi
Már Bjarnason hafa allir vel-
þóknun á Prince þó í mismikl-
um mæli sé. Þeir standa með
honum gegnum þykkt og
þunnt en aðdáunarákafinn
hefur eitthvað dofnað með ár-
unum. „Við erum ekki lengur
sjóðheitir eins og Kjartan og nennum
ekki að eltast við allar sjóræningjaút-
gáfurnar eins og áður fyrr,“ segja
þessir gömlu Prince-hundar og rifja
upp fyrstu kynni sín af fönk-kóngin-
um.
„Þegar ég bjó í Bandaríkjunum ár-
ið 1985 náði Prince fyrst eyrum mín-
um en þá var hann nýútsprungin stór-
stjarna og varpaði meira að segja
skugga á Bruce Springsteen,“ segir
Þorsteinn en Sigurður sá Prince aftur
á móti fyrst í myndbandi í tónlistar-
þættinum Skonroki árið 1983. „Ég
heyrði strax og sá að þessi maður var
að gera eitthvað virkilega öðruvísi og
flott. Þegar ég sá síðan myndina hans
Purple Rain í bíó hér í Reykjavík þá
var það meiri háttar upplifun, fólkið í
salnum stóð upp og dansaði. Þá fyrst
varð ég alvöru aðdáandi.“ Helgi segir
stóru systur sína hafa séð um að
kynna hann fyrir undrabarninu
Prince eins og hann orðar það sjálfur.
„Þetta var um 1988 og þá hlustaði ég
mikið á gömlu diskó Prince-plöturn-
ar.“
Uppi á lofti á Hard-Rock
Á rishæstu árum Prince í lok ní-
unda áratugarins komst Sigurður að
því að til var alþjóðlegur aðdáenda-
klúbbur sem bar heitið Controversy
eftir fjórðu plötu Prince. Sigurður
hafði samband við breska konu sem
stóð að baki þessu fyrirtæki og í fram-
haldi af því stofnaði hann útibú
klúbbsins hérlendis.
„Við sem vorum í klúbbnum feng-
um Controversy-tímaritið sent frá
Bretlandi en það kom út einu sinni í
mánuði og í því var hægt að lesa um
hvaðeina sem tengdist Prince. Við
stóðum fyrir Prince-kvöldi í Fjöl-
brautaskólanum í Breiðholti og við
héldum líka nokkrar samkomur á efri
hæðinni á Hard-Rock. Þar kynntum
við væntanlega tónlist og komum
saman til að skiptast á efni með
Prince, aðallega því sem ekki var
hægt að kaupa úti í búð og þetta voru
mest kassettur og myndbandsspólur.
Þetta snerist fyrst og fremst um að
hlusta og njóta, frekar en að dá hann
sem einhverja stjörnu. Í þessum
klúbbi voru nokkrir tugir manns þeg-
ar best lét og af báðum kynjum. Fólk
kom ofan af Skaga og Suðurnesjum til
að að vera með á uppákomum og
þetta var mjög gaman,“ segir Sigurð-
ur og tekur fram að fjölmargir hafi
aðstoðað hann við kynningu og starf-
semi klúbbsins. Hann var í bréfasam-
bandi við Prince aðdáendur frá öllum
heimshornum og hann á í fórum sín-
um hátt á annað hundrað gamlar vín-
ylplötur með Prince.
Þorsteinn var í Head-klúbbnum
fyrir Prince-fíklana ásamt Kjartani
og þeir voru með fjögurra tíma út-
varpsþátt um Prince á Ex-inu einu
sinni í viku í tvo vetur og urðu aldrei
uppiskroppa með efni.
Ögrandi og virkur í grasrótinni
Mikið vatn er runnið til sjávar síðan
þetta var og klúbbarnir góðu fyrir
löngu lagðir af hérlendis. Sigurður
segir að sér hafi hlýnaði um hjarta-
rætur þegar hann nýlega rakst á
gömul upprúlluð plaköt með myndum
af Prince sem forðum þöktu veggi hý-
býla hans. En þremenningarnir fylgj-
ast enn þokkalega vel með því hvað
Prince er að gera og hafa að sjálf-
sögðu allir séð drenginn á sviði og
ætla sér að gera það oftar í framtíð-
inni. Tónlist hans heillar mest en þeir
hafa líka gaman að því hvað hann er
mikill grasrótargaur og ögrandi. „Það
verður lengi í minnum haft þegar
hann spilaði fyrst á tónleikum í Bret-
landi 1980 og kom fram á aðskornum
nærbuxum einum klæða neðan mitt-
is.“
Að lokum segist Þorsteinn nokkuð
viss um að Prince hlusti á íslenska
tónlist því hann hafi heyrt sjóræn-
ingjadisk þar sem Prince spilaði brot
úr laginu Garden party með hinni ís-
lensku hljómsveit Mezzoforte. Helgi
grípur þetta á lofti og segist ætla að
ganga í það að fá Prince til að halda
tónleika á Íslandi. „Tilvalið að vígja
nýtt tónlistarhús með Prinsinum.“
Morgunblaðið/Þorkell
Sigurður, Helgi Már og Þorsteinn rifja upp gömul kynni.
Hann er þekktur fyrir að vinna sín-
ar plötur sjálfur að öllu leyti, hann
semur, útsetur, stýrir upptökum og flyt-
ur. Auk þess hefur hann gert þrjár
kvikmyndir og hann hefur samið heil-
mikið af tónlist fyrir aðra og má
þar nefna Celine Dion, Sheenu
Easton, Kenny Rogers, Joe
Cocker o.fl.
fylgir ákveðinn hópur
hverfa um leið og frægð-
ært, aðrir halda
istinsdóttir gróf upp
aðdáendur.
sinni
sari
Prinsari
khk@mbl.is
Þ r e m e n n i n g a r n i r t r ú i r , e n v e l þ ó k n u n i n m i s m i k i l
Gegnum þykkt
og þunnt
Prince lætur sig
ekki muna um
að hafa bleikan
kádilják með
sér á sviði ef
honum hentar.
hreinsiklútar
fjarlægja andlits- og augnfarða á augabragði
Í hreinsiklútunum er andlitsvatn og kamilla, sem hefur róandi
og nærandi áhrif á húðina og viðheldur réttu rakastigi hennar.
Fást í apótekum og stórmörkuðum.
Dr. Fisher hreinsiklútarnir
eru ofnæmisprófaðir
og henta öllum húðgerðum.
Hvítlaukur
Extra sterkur
FRÁ
Nr. 1
í Ameríku