Morgunblaðið - 05.10.2003, Blaðsíða 12
12 D SUNNUDAGUR 5. OKTÓBER 2003 MORGUNBLAÐIÐ
Í SUÐUR-AFRÍKU er maðurað nafni Dr. Bill Gallaghermatreiðslumeistari, sem hefurhaft það göfuga markmið í líf-inu að fæða hungruð og mun-
aðarlaus börn í Suður-Afríku. Það
hefur hann gert með umfangsmikilli
fjársöfnun og hefur hann fengið til
liðs við sig matreiðslumeistara víðs
vegar að úr heiminum. Samskonar
herferð var haldin síðast árið 1993 en
þá tóku fjórir íslenskir matreiðslu-
meistarar þátt í þeirri söfnun.
Dagana 16. til 24. ágúst sl. lögðu
sex matreiðslumeistarar á vegum
Klúbbs Matreiðslumeistara (KM)
land undir fót og fóru alla leið til Suð-
ur-Afríku til að taka þátt í alþjóðlegri
fjáröflunarherferð matreiðslumeist-
ara gegn hungri. Matreiðslu-
meistararnir voru þeir Gissur Guð-
mundsson forseti KM og NKF,
Brynjar Eimundsson, Bjarni Þór
Ólafsson, Jakob H. Magnússon, Geir
Þorsteinsson og Hörður Héðinsson
og lögðu þeir mikla vinnu í elda-
mennsku og kynningar á íslenskum
matarhefðum og matreiðsluaðferð-
um.
Það er ekkert smámál að fæða
milljónir hungraðra barna sem mörg
hver eru munaðarlaus að auki. En til
þess var blásið til orustu og reynt að
skera upp herör gegn hungrinu.
Þessa síðsumardaga lögðu hundrað
og sextíu matreiðslumenn frá þrjátíu
og þremur löndum hönd á plóginn
með öflun fjár til að styðja og styrkja
fjáröflunarherferðina. Það gerðu þeir
með ýmsu móti, svo sem að halda
uppi sýnikennslu í matargerð á
klukkutíma fresti á mörgum stöðum í
einu. Einnig má nefna þátttöku í há-
tíðarkvöldverði þar sem yfir þrettán
hundruð gestir komu saman og þar
fór fram uppboð á ýmsum hlutum
sem matreiðslumeistararnir fluttu
með sér; kokkajökkum, sem m.a.
voru gefnir af fjölda íslenskra kokka,
og pönnum , auk ferða sem gefnar
voru af ferðaskrifstofum í Jóhannes-
arborg, en með þessu móti söfnuðust
um sjöhundruð þúsund rand, eða um
9,8 milljónir íslenskra króna. Loks
voru ýmsir hlutir og minjagripir til
sölu, t.d. kokkajakkar víðs vegar að
úr heiminum og hunangsskeiðar sem
hannaðar voru sérstaklega fyrir
þetta tilefni. Fjáröflunin teygði anga
sína víðar en til Jóhannesarborgar og
fóru til að mynda fjórir af íslensku
kokkunum sex til borgarinnar Durb-
an sem liggur við Indlandshaf, en þar
fór fram Íslandskynning á Holiday
Inn hótelinu sem stóð yfir í fjóra daga
og vakti gríðarlega mikla athygli
gesta. Einnig tóku þeir þátt í ýmis
konar kynningarstörfum, elda-
mennsku og öðrum uppákomum sem
tengdust verkefninu. Heildarsöfnun-
in þessa viku nam nærri 1,5 milljón-
um rand, eða um 21 milljón íslenskra
króna. Og áður en heim var haldið í
lok vikunar afhenti Dr. Bill tveimur
líknarfélögum sína hálfa milljón rand
hvoru eða um 7 milljónir íslenskra
króna.
Mikil örbirgð
Á sama tíma og fjáröflunin fór
fram kom alheimsstjórn matreiðslu-
manna saman í Jóhannesarborg til að
funda um verkefni samtakanna og
framtíðarsýn og má þess geta að for-
seti KM, sem einnig er forseti Norð-
urlandasamtakanna, tók þátt í þess-
um fundi. Þátttaka hans í fundinum
og framganga íslensku kokkanna í
verkefninu jók mjög hróður íslenskra
matreiðslumanna.
Í Jóhannesarborg búa um tólf
milljónir manna. Þar af eru nálega
fimm milljónir í Soweto sem er stytt-
ing á „South west township“, sem
gæti útlagst „Suð-vesturbærinn“ á ís-
lensku. Þar tóku matreiðslumenn til
hendinni og aðstoðuðu við að útdeila
mat til barna og áttu góðar stundir
með þeim. Einnig áttu kokkarnir
ánægjulega stund með 1.500 börnum
í dýragarði Jóhannesarborgar, þar
sem boðið var upp á pylsur, því næst
var haft ofan fyrir börnunum með
leik, söng og skemmtunum af ýmsum
toga. Áður en haldið var heim á leið
fengu börnin hádegisverðarbakka og
nestispoka með sér. Þessi börn höfðu
fæst fengið tækifæri áður til að fara í
dýragarð og var þeim ekið frá fátækt-
arhverfum í nágrenni borgarinnar til
þessa fagnaðar, enda mátti sjá
ánægjuna skína úr andlitum þeirra.
Þegar ekið er um götur miðborg-
arinnar er ekki sama hvar maður
ferðast né heldur á hvaða tíma sólar-
hringsins eins og eftirfarandi saga
sýnir. Tvo af kokkunum frá Malasíu
langaði mikið til að sjá meira af borg-
inni en hið indæla og verndaða svæði
þar sem við bjuggum og samkoman
var haldin á. Þeir lögðu því upp í ferð
til miðborgar Jóhannesarborgar.
Þrátt fyrir viðvörun gestgjafa lögðu
þeir leið sína í mjög varasamt hverfi,
hið svokallaða Kínahverfi, og það
hefðu þeir betur látið ógert. Úr reis-
unni komu þeir rúnir fé og á nærföt-
unum einum saman … en fengu þó að
halda vegabréfum sínum og lífi fyrir
mikla mildi. En svona er nú þessi in-
dæla borg, í raun ein mesta glæpa-
borg veraldar að því að er tölur sýna.
Við félagarnir fengum einkabíl-
stjórann okkar til að aka með okkur
um stórborgina að degi til, meðal
annars um eitt af hættulegustu svæð-
unum í miðborginni. Þar sá maður ör-
birgðina og hve mikið af fólki er nán-
ast eða alfarið á götunni. Ekkert mál
er að koma sér fyrir í allskyns köss-
um og hjöllum eða yfirgefnum bygg-
ingum sem víða eru. Eitt af því sem
sló mann fyrst við komuna til Jóhann-
esarborgar er að alls staðar eru víg-
girðingar í kringum lóðir, allir
gluggar sem eru á fyrstu hæð eru
með rimla til að varna innkomu óboð-
inna gesta. Heimili Nelsons Mandela
sem við ókum framhjá er búið nýj-
ustu og fullkomnustu eftirlitsmynda-
vélum og öryggisgæslu.
Borg andstæðna
Stórar verslunarmiðstöðvar voru
víðs vegar þarna í kring, flestar á
stærð við fimm Smáralindir og þá eru
ekki talin með öll glæsihótelin og ráð-
stefnusalirnir sem þeim tengjast, þar
á meðal ein sú stærsta sunnan Alpa-
fjalla.
Þar sem hátíðarkvöldverðurinn
mikli var haldinn var ráðstefnuhöllin
upp á einar fimm hæðir og hver hæð
á við eina knattspyrnuhöll, eins og til
dæmis Fífuna ef við höldum áfram
samlíkingum við Kópavog. Á þessu
svæði, sem heitir Sandton, eru flest
mikilvægustu banka- og viðskiptafyr-
irtæki borgarinnar til húsa, en þar
fer enginn inn án þess að ganga í
gegnum fullkomið öryggiseftirlit og
vopnaleit. Peter Gruber, kokkur í
einum af stærstu bönkum borgarinn-
ar, tjáði mér að vopnaeign lands-
manna væri mjög mikil og flestir
ættu að minnsta kosti eitt vopn; riffil
eða skammbyssu. Þrátt fyrir alla
eymdina og hörmungarnar sem
þarna er að finna og alla glæpina sem
eiga sér stað er þetta hin snyrtileg-
asta borg og heimamenn vingjarnleg-
ir, samstarfsfúsir og greiðviknir. Í
ferðalok stendur upp úr hvað allt
gekk vel og mikið safnaðist til mál-
efnis sem allir ættu að láta sig varða.
Í heildina var þetta ógleymanleg ferð
sem suður-afrískir matreiðslumenn
höfðu skipulagt af fádæma dugnaði
og með góðri samvinnu. Undrun
sætti hjá okkur Íslendingum hve
glaðværðin og þakklætið skein úr
hverju andliti þrátt fyrir augljósa
misskiptingu lífsgæða í þessu landi.
Meistarataktar íslenskra kokka í eld-
húsinu fyrir matarkynningu á Fount-
ain Square í Sandton City.
Lokahóf og kveðjusamsæti. Systir Rejoice Nkutha, Matargjöf afrískra barna, dr.
Bill Gallagher og Sydney Mabuza, „Heartbeat“-samtökum munaðarlausra. Fyr-
ir aftan: Heinz Brunner, forseti KM í S-Afríku, og Martin Kobald varaforseti.
Þegar hungrið sverfur að
Sveltandi börn eru málefni sem allir ættu að láta
sig varða. Kokkar gegn hungri, eða World’s Cooks
Tour For Hunger er fjársöfnun sem haldin var ný-
lega til hjálpar hungruðum og munaðarlausum
börnum í Suður-Afríku. Meðal þátttakenda voru
kokkar á vegum Klúbbs matreiðslumeistara. Jón
Svavarsson slóst í för með íslensku kokkunum.
Kokkarnir áttu ánægjulegar stundir við að útdeila mat til barna.
Höfundur er ljósmyndari.
S M Á A U G L Ý S I N G A RI
DULSPEKI
Teiknimiðillinn
vinsæli Ragnheiður
Ólafsdóttir verður
með einkatíma í
versluninni Betra Lífi
í Kringlunni, 8. og
9. október nk.
Pantanir í síma 581 1380.
TILKYNNINGAR
Heilsudagar á Hótel Geysi:
Vertu velkomin/n í heilsudvöl á
Hótel Geysi dagana 3.—5. nóv-
ember eða 14.—16. nóvember.
Heilsudvölin innifelur í greiningu
á ástandi líkama með lithimnu-
lestri, bak- og svæðanudd,
heilsufæði, fræðslu um varnir
gegn ýmsum sjúkdómum, mikil-
vægi góðrar meltingar ásamt
fræðslu um mannleg samskipti
og vellíðan. Gist er í vel búnum
herbergjum, og eru kvöldvökur á
kvöldin ásamt fullu heilsufæði.
Nánari upplýsingar og bókanir í
síma 486 8915.
Leiðbeinandi Heiðar Ragnarsson.
Verð kr. 25.000 fyrir manninn
(5.000 kr. aukagjald fyrir eins
manns herbergi)
Sálarrannsóknarfélag
Reykjavíkur,
Síðumúla 31,
s. 588 6060.
Miðlarnir, spámiðlarnir og hug-
læknarnir Þórhallur Guð-
mundsson, Ólafur Hraundal
Thorarensen, Ingibjörg Þeng-
ilsdóttir, Erla Alexanders-
dóttir, Katrín Sveinbjörns-
dóttir, Matthildur Sveins-
dóttir, tarrot-lesari og Garðar
Björgvinsson, michael-miðill,
starfa hjá félaginu og bjóða
félagsmönnum og öðrum upp á
einkatíma.
Upplýsingar um félagið, starf-
semi þess, einkatíma og tíma-
pantanir eru alla virka daga árs-
ins frá kl. 13—18. Utan þess
tíma er einnig hægt að skilja ef-
tir skilaboð á símsvara félagsins.
Sálarrannsóknarfélag Reykjavíkur
starfar í nánum tengslum við Sál-
arrannsóknarskólann á sama stað.
SRFR.
Sálarrannsóknarfélag
Íslands,
stofnað 1918,
sími 551 8130,
Garðastræti 8, Reykjavík
Huglæknarnir Hafsteinn Guð-
björnsson, Ólafur Ólafsson, Krist-
ín Karlsdóttir, miðlarnir Birgitta
Hreiðarsdóttir, Guðrún Hjörleifs-
dóttir, Laufey Héðinsdóttir, María
Sigurðardóttir, Oddbjörg Sigfús-
dóttir, Rósa Ólafsdóttir, Skúli Lór-
enzson og Þórunn Maggý Guð-
mundsdóttir starfa hjá félaginu
og bjóða upp á einkatíma.
Upplýsingar og bókanir eru í
síma 551 8130. Opið mánudaga,
þriðjudaga, miðvikudaga og
fimmtudaga frá kl. 10—14.30,
föstudaga frá kl. 10—14.
Ath! breyttan opnunartíma.
Heimasíða:
www.salarrannsoknarfelagid.is .
Netfang:
srfi@salarrannsoknarfelagid.is .
SRFÍ.
FÉLAGSLÍF
I.O.O.F. 3 1841068
Hörgshlíð 12.
Boðun fagnaðarerindisins.
Bænastund í dag kl. 14.00.
Samkomur kl. 11.00 og 20.00
falla niður vegna árlegs móts
kirkjunnar í Vatnaskógi.
Brauðsbrotning kl. 11:00.
Ræðum. Vörður L. Traustason.
Almenn samkoma kl. 16:30.
Ræðum. Mike Fitzgerald.
Gospelkór Fíladelfíu sér um lof-
gjörðina.
Allir hjartanlega velkomnir.
filadelfia@gospel.is
www.gospel.is
Smiðjuvegi 5, Kópavogi.
Fjölskyldusamkoma kl. 11.00
trúðar, brúður og fjör, allir sam-
an og létt máltíð á vægu verði á
eftir samkomunni.
Bænastund kl. 19:30.
Samkoma kl. 20:00, Michael og
Gloria Cotten þjóna, lofgjörð,
fyrirbænir og samfélag.
Allir hjartanlega velkomnir.
www.vegurinn.is
Dagur heimilasambandsins:
Kl. 17.00 Samkoma fyrir heim-
ilasambandssystur í Garðastræti
38.
Kl. 19.30 Bænastund.
Kl. 20.00 Hjálpræðissamkoma í
Herkastalanum. Pálína Imsland
stjórnar. Herskólanemi Marit
Velve Byre talar.
Mánudag 6. okt. kl. 15.00
Heimilasamband. Eirný Ásgeirs-
dóttir talar. Allar konur hjartan-
lega velkomnar.
Samkoma í dag kl. 16.30. Curtis
Silcox predikar.
Þriðjud. Samkoma kl. 20.00.
Miðvikud. Bænastund kl. 20.00.
Fimmtud. Unglingarnir kl. 20.00.
Laugard. Samkoma kl. 20.30.
www.krossinn.is
ATVINNUAUGLÝSINGAR
sendist á augl@mbl.is