Morgunblaðið - 16.10.2003, Blaðsíða 2
2 B FIMMTUDAGUR 16. OKTÓBER 2003 MORGUNBLAÐIÐ
NFRÉTTIR
!"
#
$ %
& &
'( )*
+ ,
-.(()/-0(12
3
"
4 !
5! !
6
-.(()/-0(12
77 -
&
-.(()/-0(12
*& %
%
+"
&
● AFSKIPTI bankanna af fyrirtækjum
verða til umræðu á hádegisverð-
arfundi Félags viðskipta- og hagfræð-
inga sem haldinn verður á Grand hót-
eli klukkan 12:00–13:30 í dag.
Á fundinum verður meðal annars
fjallað um hvort bankarnir séu komn-
ir út fyrir verksvið sitt, hvort aðskilja
þurfi viðskipta- og fjárfestingabanka-
starfsemi, hvort setja eigi lög um
eignarhald banka í fyrirtækjum, hvort
fyrirtæki muni treysta bönkunum fyrir
viðkvæmum upplýsingum og hvert
hlutabréfamarkaðurinn stefni.
Fyrirlesarar eru Erlendur Magnús-
son, framkvæmdastjóri alþjóðasviðs
Íslandsbanka, Vilhjálmur Bjarnason
rekstrarhagfræðingur og Jafet S.
Ólafsson, framkvæmdastjóri Verð-
bréfastofunnar.
Fundur um
afskipti bankanna
FORRÁÐAMENN fyrirtækja
telja aðaðstæður séu góðar í efna-
hagslífinu í dag og aðeins 4% telja
þær slæmar. Þetta er niðurstaða
könnunar sem IMG Gallup gerði
fyrir fjármálaráðuneytið og Seðla-
bankann um stöðu og framtíðar-
horfur 400 stærstu fyrirtækja
landsins og mat stjórnenda þeirra
á almennum efnahagshorfum.
Um 60% þeirra sem svöruðu
töldu aðstæður í efnahagslífinu
góðar og eru þetta mikil umskipti
frá síðustu könnun sem var fram-
kvæmd í febrúar en þá töldu um
38% forráðamanna fyrirtækja að
efnahagaðstæður væru góðar og
20% töldu þær slæmar.
Bjartara eftir 6 mánuði
Í vefriti fjármálaráðuneytisins
kemur fram að sé litið til sex mán-
aða fram í tímann gæti einnig auk-
innar bjartsýni frá fyrri könnunum
en aðeins 2,7% telja að aðstæður
verði verri eftir 6 mánuði en um
10% héldu því fram í febrúarkönn-
uninni.
„Hins vegar eru forráðamenn
fyrirtækjanna ekki eins bjartsýnir
á aðstæður í efnahagslífinu þegar
litið er eitt ár fram í tímann þar
sem tæplega 60% aðspurðra telja
að aðstæður í efnahagslífinu verði
betri eftir tólf mánuði samanborið
við 75% í síðustu könnun. Þessi
breyttu viðhorf má ef til vill rekja
til þess að þegar febrúarkönnunin
var framkvæmd virtust meiri líkur
á framkvæmd við stækkun Norð-
uráls. Nú virðist sem þær fram-
kvæmdir muni frestast um óákveð-
inn tíma. Svipaður fjöldi og áður
taldi að aðstæður eftir tólf mánuði
myndu versna eða 7% og voru það
helst sjávarútvegsfyrirtækin er
töldu að efnahagsaðstæður yrðu
nokkuð verri að ári liðnu,“ að því
er segir í vefriti fjármálaráðuneyt-
isins.
Góðar aðstæður
í efnahagslífinu
60% stjórnenda telja aðstæður góðar en 4%
slæmar, sem er mikill bati frá því í febrúar
● HLÝTT veður er meðal þeirra skýr-
inga sem framkvæmdastjóri Marks
& Spencer nefndi á því að sala á
fatnaði í sumar og byrjun hausts
hefði staðið í stað milli ára. Innri
vöxtur sölu var enginn hjá versl-
anakeðjunni á öðrum fjórðungi árs-
ins eftir ágætan vöxt á fyrsta árs-
fjórðungi. Framkvæmdastjórinn segir
niðurstöðuna viðunandi í ljósi auk-
innar samkeppni og að tekist hafi að
halda markaðshlutdeildinni.
Að sögn Financial Times er nið-
urstaðan við neðri mörk þess sem
greinendur á markaði höfðu spáð. Í
Lex-dálki blaðsins segir að nið-
urstaðan valdi vonbrigðum og að sá
bati sem verið hafi í rekstri fyrirtæk-
isins sé að engu orðinn.
Hlýtt veður
hamlar sölu● AFL fjárfestingarfélag hf. hefur
selt 33,6 milljónir króna að nafnverði
í Hraðfrystihúsinu Gunnvöru. Um er
að ræða tæp 5% af heildarhlutafé
fyrirtækisins. Eftir viðskiptin á Afl að-
eins 0,3% af heildarhlutafé Hrað-
frystihússins Gunnvarar.
Söluverðið var 6,40 á hverja krónu
nafnverðs og er söluverð því um 215
milljónir króna.
Eftir viðskiptin eiga aðilar tengdir
Þorsteini Vilhelmssyni, stjórnarfor-
manni Hraðfrystihússins Gunnvarar
og Afls fjárfestingarfélags, rúmar
67,5 milljónir króna að nafnverði í fé-
laginu sem er um 10% af heildar-
hlutafé fyrirtækisins. Þar er um að
ræða hluta Granda hf. í Hraðfrysti-
húsinu Gunnvöru en Þorsteinn Vil-
helmsson situr í stjórn Granda.
Afl selur í Gunnvöru
ÞRÍR hópar fjárfesta skoða nú fjölmiðlafyr-
irtækið Norðurljós með kaup í huga. Heimildir
Morgunblaðsins herma að um sé að ræða fjár-
sterka breska aðila í öllum tilfellum, þar á með-
al menn sem áður hafa komið nálægt fjölmiðla-
rekstri í Bretlandi.
Sá aðili sem kominn er næst því að gera til-
boð er maður að nafni Marcus Evans en sam-
kvæmt heimasíðu fyrirtækis hans sem ber
sama nafn og hann, www.marcusevans.com, sér
félagið um ráðstefnuhald fyrir fyrirtæki og
skipulagningu ýmissa viðburða á sviði við-
skipta.
Á heimasíðunni segir jafnframt að fyrirtækið
sé 20 ára gamalt og að starfsmenn séu 2000
talsins í 41 landi. Þá kemur einnig fram á síð-
unni að tekjur félagsins séu meira en 350 millj-
ónir Bandaríkjadala á ári eða ríflega 26,5 millj-
arðar íslenskra króna.
Fjárfestarnir þrír sem áhuga hafa á Norður-
ljósum hafa allir komið hingað til lands til að
skoða félagið. Heimildir Morgunblaðsins herma
að tveir þessara hópa fjárfesta hafi þegar lokið
gerð áreiðanleikakönnunar en þriðji aðilinn sé
skemur á veg kominn og óvíst hvort eða þá
hvenær hann muni taka frekari skref í átt að
kaupum á félaginu.
Marcus Evans hefur þegar ráðið sér lögfræð-
ing hér á landi, en það er Þórarinn V. Þór-
arinsson, fyrrverandi forstjóri Símans.
Þrír á eftir Norðurljósum
SAMSKIP munu annast alla vöru-
flutninga fyrir Fosskraft sf. vegna
byggingar stöðvarhúss Kárahnjúka-
virkjunar. Samningur milli fyrir-
tækjanna þar að lútandi var undirrit-
aður á dögunum.
Í tilkynningu frá Samskipum segir
að samningurinn feli í sér að Sam-
skip annist alla flutninga á þeim
vörum sem Fosskraft flytji til lands-
ins vegna þessa verkefnis, uppskip-
un á Reyðarfirði og tollafgreiðslu.
Einnig sé gert ráð fyrir að Samskip
sjái um stærstan hluta af akstri á
þessum varningi frá Reyðarfirði að
athafnasvæði Fosskrafts innst í
Fljótsdal, þar sem stöðvarhúsið
muni rísa.
Samningstíminn er til fjögurra
ára, eða til loka ársins 2007. Sam-
kvæmt tilkynningunni liggja ekki
fyrir nákvæmar upplýsingar um
heildarmagn flutninganna en áætl-
anir geri ráð fyrir að um a.m.k. 10
þúsund flutningseiningar verði að
ræða.
Fyrsta vörusendingin með Sam-
skipum fyrir Fosskraft kom til
landsins 3. október síðastliðinn, þeg-
ar leiguskipið Scharhörn losaði á
Reyðarfirði. Annað leiguskip, West-
erland, lestaði í Rotterdam í síðustu
viku og er væntanlegt á Reyðarfjörð
nú í vikunni.
Í þessum tveim fyrstu ferðum
koma ýmsar vélar og tæki s.s.
steypubílar, jarðýta, malarflutninga-
vagnar, kranar og borvagn.
Fosskraft sf. er í eigu fjögurra fyr-
irtækja: E. Phil & Sön í Danmörku,
Hochtief í Þýskalandi, Íslenskra að-
alverktaka hf. og Ístaks hf.
Samskip flytja allar
vörur fyrir Fosskraft
Flutningar vegna byggingar stöðvarhúss Kárahnjúkavirkjunar
GREININGARDEILD norræna
fjármálafyrirtækisins Nordea Sec-
urities telur að samningur sem
danska lyfjafyrirtækið Lundbeck
gerði við lyfjafyrirtækið Lagap/
Sandoz í Bretlandi sem dreifir
samheitalyfi þunglyndislyfsins
Cipramil þar í landi og sagt var
frá í Morgunblaðinu í gær, muni
kosta Lundbeck að minnsta kosti
200 milljónir danskra króna eða
um 2.400 milljónir íslenskra króna.
Frá þessu er sagt í danska blaðinu
Jyllands-Posten. Lundbeck fram-
leiðir frumgerð Cipramil en
Pharmaco framleiðir samheitalyfið
sem Lagap/Sandoz dreifir.
Segir blaðið að tekjumissir
Lundbeck muni einkum stafa af
því að Sandoz getur nú hafið dreif-
ingu á Cipramil samheitalyfinu í
Bretlandi, Þýskalandi, Noregi,
Sviss, Austurríki og í Benelux
löndunum. Allt eru þetta markaðir
sem aðrir samheitalyfjaframleið-
endur eru búnir að koma sér fyrir
á og veita þar Lundbeck harða
samkeppni.
Tekjutap Lundbeck svarar til
16% af hagnaði fyrirtækisins eftir
skatta á síðasta ári, samkvæmt
Jyllands-Posten.
Lundbeck
sagt stórtapa
á samningi
◆